有得餃 (已搬遷) 新店位置

好耐無食過有得餃，依然係咁多人。一坐低，又係選擇困難症嘅時候，好多隻味嘅餃都想食呀～最後揀左萵笋餃同素餃。好肚餓好肚餓，先泥醉豬手，切好一片片食得好方便，有酒香少少凍入晒味，豬皮好爽又彈彈下，讚～餃子都好快灼好，食粒萵笋餃先，咬開見到唔多萵笋，但係食落又有好多爽脆嘅萵笋粒粒。至於素餃，揀左放湯嘅，胡椒味嘅清湯，咬開入面係粟米、雲耳、雪耳、紅蘿蔔，不過似乎唔夠豬肉餡塞得咁滿咁款。兩款餃子嘅皮都好有彈性，萵笋餃個皮比較薄，素餃個皮側煙韌有嚼頭，餃子餡就juicy，仲有啲汁喺入面～配埋撈麵感覺好完整，不過麵質較淋，覺得無之前食嘅咁好食，而醬汁同餃子果個應該係同一個汁泥，落多左蒜，濃濃嘅蒜香味，會留喺口腔久久不散，最好回家前食～芝士煙肉薄餐係完美嘅句號，大大塊嘅中式pizza，滿佈香葱煙肉，咁薄估唔到都做到外脆內軟，芝士喺表面煎到好香脆，帶少少咸香，芝士味約隱約現。總結呢間餃子小店，餃子同小食都唔錯，係舖仔比較細，食得無咁舒服，如果住得近，買番去慢慢嘆仲正～

吃過有得餃已好多次了, 突然發覺未有為它寫過食評, 就簡單寫一篇吧。每逢有餃子吃的地方, 也是我開飯之選, 可能會有人覺得, 經常吃餃子, 會不會太單調了, 我卻不覺, 每間餃子店都有不同的味道, 即使一樣材料, 成品也不盡相同, 而且我就是愛這小東西, 百吃不厭。 藥膳雞腳湯 $42材料有雞腳、紅棘、杞子、沙蔘等, 藥材味不會太濃, 不苦, 很容易入口, 甜中帶甘, 雞腳煮到漲卜卜, 非常之軟腍, 補充骨膠原, 湯很大碗, 份量十足, 細食的女生, 喝湯和吃湯渣可以當一餐了。女生間中喝藥膳雞腳湯, 對身體起到調理的作用, 所以我很喜歡來喝。 野生冬菇有機白菜豬肉餃 $37有些餃子店的餃子皮會較硬, 這裡的卻是十分軟身, 令餃子皮雖沒有很薄, 吃著也不討厭, 也覺得它較新鮮。至於餡料方面, 不算十分飽滿迫爆, 但卻鬆軟有緻, 不死實, 菜肉各佔一半, 調味很輕手, 這是較健康的, 調味主力在醬汁, 酸酸甜甜帶有微辣蒜茜味濃, 和餃子是完美配搭, 好惹味。店裡的老闆阿姨笑容可掬, 很親切的樣子, 令人覺得如回家吃東西一樣的舒服, 家庭式經營的小店, 載著真材實料和對食物的心思, 實屬

今日係全民運動日，屈小姐過黎陪賴生瘋狂打波4個鐘呀! 所以係打之前梗係要食好西補充下先啦!屈小姐話今日想食light d既野，賴生就建議左韓點個壽司卷同有得餃比佢! 帶埋屈小姐親身去韓點度望, 之後佢問多次賴生，你覺得食有得餃定韓國好呢? 賴生肥驅一震，望一望屈小姐個眼神，心諗: 你一定又已經揀定啦! 當然，我梗係知你想食咩啦! 賴生淡定回答 : 食有得餃啦! 屈小姐隨即露出得逞既招牌可愛又帶幾分古惑既笑容答: 好呀! 我諗左食咩嫁啦! 真係超可愛!由於係lunch時間，所以舖頭坐滿人，好彩我地2點幾到，唔駛等太耐!5分鐘就有位坐啦! 我地坐低之後就決定叫咩啦! 就叫左1) 蕃茄豬肉餃醬油撈麵 (4隻餃)2) 素餃 (8隻)3) 甘筍雲耳豬肉餃 (8隻) 咁樣，其實呢，呢間野食餃子係有特制醬汁點既，當個侍應問我地要個咩汁既時候呢，屈小姐答左小辣，賴生心諗 ! 下，你食到咁辣咩? 結果，最期待既事情出現了，賴生望住對面嘅屈小姐辣到個嘴紅卜卜又漲卜卜! (丫! 賴生又再次戀愛了…)今日第1位:素餃 : 超好味😄😄! 食落超甜! 所有既配料既甜味鮮味都出晒黎! 有甘筍，椰菜，粟米同木耳! 最

近來轉戰到元朗找尋隱世特色小店，最後鎖定了這間位於又新街的有得餃，有得餃外表不太顯眼，而食店環境小，我們來到時剛好可以坐在4人桌，正食店餐單簡單，卻有極多的餃子款式，有很多種類都是初次認識，鵝肝、芝士比薩炸餃等配搭新奇有趣。 豬骨湯麵配高纖甘筍溫室雲耳豬肉餃 HK$ 37手攪麵質地有點凹凸不平，一看便知是自家製，口感偏軟腍。餐牌寫著這裡的餃子是即包即煮，因此等了約三幾個字才送上，今次我揀選的高纖甘筍溫室雲耳豬肉餃外表很大粒，湯麵的中央還放了冬菇片，整體健康清新。如果再加啲菜就更好了餃一碗有成八粒，明眼一睇已經知道d餃子係自家包...好有HOME　MADE　FEEL呢～～入面果然材料豐富，又好夠味，落料無姑寒到WO　，簡單經典也很棒！另外在落單時還可以選辣度，不過怕太辣而選了微辣，另外一定要叫多蒜另外在落單時還可以選辣度，不過怕太辣而選了微辣，另外一定要叫多蒜另外在落單時還可以選辣度，不過怕太辣而選了微辣，另外一定要叫多蒜好食好多咖，所以要講3次飲品點了水餃必配的豆漿 $7。叫做平平地不過不失啦最後，我地見到有人，仲要打包生餃子返屋企，第二日再食過呢，我想如果辣汁都有得買就好了

近來轉戰到元朗找尋隱世特色小店，最後鎖定了這間位於又新街的有得餃，又新街雲集各方美食，有得餃外表不太顯眼，不過店名甚為趣怪，或者是另類使人留下印象之方法。食店環境極小，我們來到時剛好可以坐在門口附近的位置，頗有街坊風味。食店餐單簡單，卻有極多的餃子款式，有很多種類都是初次認識，金菇肥牛、芝士比薩炸餃等配搭新奇有趣。麵條和水餃，兩者皆想嚐，所以選了豬骨湯麵配高纖甘筍溫室雲耳豬肉餃 $37。手攪麵質地有點凹凸不平，一看便知是自家製，口感偏軟腍。餐牌寫著這裡的餃子是即包即煮，因此等了約10-15分鐘才送上，我揀選的高纖甘筍溫室雲耳豬肉餃外表有點像雲吞，可能因為內裡的甘筍從餃子皮滲出淡淡的橙色吧?～湯麵的中央還放了冬菇片，整體健康清新。脹卜卜的水餃果然足料，輕輕咬開，豐富的甘筍雲耳餡料一目了然，簡單經典也很棒！在落單時還可以選辣度，不過怕太辣而選了微辣，醬汁不是分開上，而是加了少量辣醬汁於湯底之中。他則選了金菇肥牛炸餃 $40 （半打）。炸餃份量巨型，餃子皮炸成奪目的金黃色，初次品嚐金菇肥牛與餃子的組合，想不到出來效果意外地好。炸餃新鮮炸開，吃時熱辣辣，金菇肥牛餡料超惹味，肉汁豐富，比水餃更出

今日覆完診,就已經手軟腳軟成個人漂下漂下,就漂左入去有得餃,入到去人唔太多,除左電視之外成間鋪都冇咩聲,好寧靜,之後望下個餐牌先本來想食韮菜豬肉餃,但冇食到因為之前食過韮菜味好勁好正,無柰一陣要入睡,怕訓起度都有味,所以就叫左清清地既蒜香萵笋豬肉餃配豬骨湯手攪麵,老闆娘媽媽會用好親切特語氣問你今日想食D咩,同個汁辣定唔辣,今日病就唔要汁la,要醋便可以。之前個過個汁偏向重口味既,自家制的味道唔錯架係等緊之際就周圍望la,發現每一個水餃都係每日手工制,確保新鮮蒜香萵笋豬肉餃配豬骨湯手攪麵來了,湯底係清清地有DD胡椒味,手攪麵既口感有D似上海粗麵,餃子入面係可食到一粒一粒既萵笋,同D豬肉係新鮮唔「梅」既,整體係好夠飽又唔會食都口淡淡,有85分!埋單時,老闆娘媽媽又問我係咪感冒牙,要多D休息牙,依間小店係有人情味同關心

黎到呢邊搵食…唔知大家有無發現…呢間好唔顯眼既小店…無花巧既門面…地方細細…只得十數個位…但出奇的幾乎滿座…餐牌只得廖廖可數既食物…主打係餃子…但款式卻相當之多…唔知呢度算唔算係上海野…黎得呢d地方…總係會有豆漿賣…豆漿好冰凍…依稀仲見到少少微粒冰浮面…豆味唔算好濃…少甜啱啱好…麵名<姨臣>好奇怪…唔知有無特別解釋…材料有粟米，雲耳，肉碎…再加左香口既芝麻芫荽…汁料方面…可以選豉油汁、粟米汁、咖哩汁…呢碗就似足豉油王炒麵…入味但帶少少油…落左粟米炒…感覺有d怪…聽聞粟米餃出名…所以就叫左碗試下…原來唔係湯餃黎…係要撈汁食…當然汁料係秘製…有少少花生碎…帶甜味…一碗有8隻…餃皮唔厚…豬肉唔會好肥…據稱粒粒都係新鮮豬肉製成…咬入口好有濕潤既感覺…夾雜住肉汁同撈汁之間…薄餅有成隻手掌咁大…微微燶…但超脆…卻無油淋淋既感覺…可能做得太脆既關係…芝士同煙肉並未突出…平實既餃子…無添加無味精…算係健康之選…

有得餃左攪攪, 右攪攪, 行到有得餃.比薩餃, 豬油麵, 小食多滋味.親切感, 熱誠感, 送上每一客.比薩餃-----餃皮均一, 有微酥的感覺; 餡料交足功課.               淡味芝士香並沒被那沉沉的蕃茄香奪取味道.               此味配上鮮肉碎, 真不錯的.豬油楂麵-----金黃的腩肉很出色, 色香味俱全. 它上層的肥與下層的肉 比例好,                  肥的部分入口不油膩, 肉的部分脆炸香入口焦而不亂.                  普通的麵條配上家鄉風味的湯底, 感到熟悉的味道.天旋地轉雞冀-----外皮鮮澤分明, 看出新鮮處理. 濃郁的酒滲入嫩滑的雞肉,                         肉味道沒有過咸, 味道確不同, 食完之後飛天遁地.就坐小店, 嗅到藥膳雞腳香, 真的想試一試, 但肚子要叫停, 唯有下之再光顧,再試其他. 店子的桌椅不多, 但餐牌沒有馬虎, 價錢合理.

我特別鐘情於餃子，今次想推介給大家的是位於元朗的街坊餃子店，以家庭式經營，充滿了小店的人情味。以前在元朗上班時就吃過好幾次，真心想推介給大家。店舖座位不多，我三點到達來過LATE LUNCH 不用等位，平時若是午膳晚膳時間是非常多人的。先看一下餐牌，選擇很多: 好幾款餃子我也嘗過，其中最得我歡心的就是粟米豬肉餃，加上自家制辣汁，33元一碗8 隻，而且每隻也非常飽滿。此店的特色炸餃子也值得一試，38 元就有6 隻，上次店舖客人不多，我問老闆可不可以雙併，結果是可以^^ 當然人太多的時候，就不要麻煩人家了。如果我餓的時候就會來一碗秘制醬汁撈面加餃子也只售35元。這些餃子是都即叫即包的，所以等的時間比較長，但再長也是值得的，肥肥的餃子加上醬汁，吃得令人不想停不下來。醬汁分兩款，辣跟不辣，若果不能吃辣的人最好選不辣，因為我是嚐辣的人也覺得有點辣呢，不過我仍是挑戰辣的醬汁。 當餃子端上來的時候，店員主動說有一隻破了，稍後會送上多隻給我，這就是小店的人情味。雖然沒有華麗的裝潢，卻有優質的服務、美味的食物、溫暖的感覺，種種因素加起來成了我最我的食堂。

晚上，同男友經過“有得餃”，見店鋪人流不絕，以人手新鮮包餃作賣點，牆上又貼上"金剛小儀"推介既報導，種種現象都令我對此街坊小店產生好感，既然係實力之店，當然要試下佢真功夫啦！兩人晚餐，點左：１）酒浸德國豬手+秘製辣汁：其實本身對佢興趣不大，但眼望四周，每枱客都食緊個豬手，心血來潮又想試下～ 等左一陣，店員拎住一大碟豬手送到面前，充滿酒香，食落爽口又入味！唔覺唔覺，一件又一件咁放入口～呢個小食超正！ ２）野生冬菇有機白菜豬肉餃+自製餃子汁：略嫌餃皮有點厚，雖然配上特製餃子汁，但無湯又乾爭爭咁食，始終覺得爭緊D～３）粟米豬肉餃(4隻)配秘制醬汁撈麵：普普通通既粟米豬肉餃，不過個麵都幾彈牙，配埋個秘制醬汁作撈麵都幾好食～ 如果下次有機會，都想試下呢個特色既芝士比薩炸餃，絕對支持有實力既小店既特別之作！ 

今晚，我地倆人難得放工悠悠閒閒咁，一於到元朗約食飯，行過又新街的附近，見到林林種種的食店。每間都細細間咁。記得屋企人講過，附近係有一間有得餃，又係媽媽水餃，專門食自家製的餃子喎！經過開呢頭，決定選擇食呢間。門面同舖內的裝修沒有什麼特別，但好普遍會有明星的合照貼上去，而且有d細間，我地坐的時候，覺得佢好逼添。都唔係等左好耐，大約六分鐘度，埋位有得坐啦！我地落左兩份大碗的水餃，一碗係蒜香蒿笋豬肉餃、一碗係粟米豬肉餃、加多份芝士薄餅、豆漿。豬肉餃熱騰騰送上，一碗有成八粒，明眼一睇已經知道d餃子係自家包既，又夠大粒，咬一口，好夠juicy，多汁雖然唔係皮薄，但勝在餡靚，顯然睇到豬肉餃裡面的材料充足，睇到入面果然材料豐富，又好夠味，裡面包緊係啖啖豬肉，紦無遜息包材料餡，大到要二啖先食到一粒，沒有加過湯，簡單用水滾過，食到lum lum脷；至於芝士薄餅，薄薄的一塊，滿是葱花搶鏡頭，都少少見到係火腿粒，它預先將它開過，試一塊八份一，滿口油膩，食落去芝士好搶味，煎得脆脆的，十分惹味，令我原先不太接受葱的人都愛上它，再配上冰凍涼快的豆漿，配搭十分好，可以溝淡油油的感覺，簡直是紦配。食緊的時候隱隱約約見

見好多好評又中意食餃子，於是尋日收工後走去試，因為好多人所以揀左外賣，我叫左三樣，芹菜豬肉餃，撈面，同埋一樣似係九菜蛋戈啲。 啲意見寫唒係相度，總括黎講，佢既汁，撈面撈餃都重蒜味，好濃郁，但陣蒜味就尋日食今日訓醒重有，所以我應該唔會再試，因為我個人唔喜太重蒜味既食物，佢整餃子外賣本身可以唔洗20分鐘，因為整錯左粟米餃子，搞到我要等到由無枱變有枱添。

星期天天氣酷熱，本應到泳池或海邊消暑，但不明何故又跑到元朗「八卦」一番！在烈日晴空下，「八卦」了幾小時，老公和我的衣服也滿是汗臭，可是又怎可錯過元朗這一個美食區！以眼睛及身驅作人肉搜尋，終於找來了「有得餃」作為「覓食」的目標。「有得餃」是一家小店，室內座位有限，抵步時正值下午茶時間，還有一、兩張空桌子，不用等，算是幸運！姨臣炒麵將麵條混上醬油同炒，麵條炒得乾爽，再在上層灑上芝麻和放上芫荽，重點毫無疑問在醬油之上。豈料當麵條放進嘴巴，咀嚼了兩、三口後，旋即被那煙韌、帶嚼感，同時也富麵香的麵條吸引，心想這家小店也選用貴價麵條，確是富有良心，其後得知這麵條是「有得餃」自製的，在這個良心何價與道德淪亡的世代，不禁感動萬分！說回麵條的醬油實是不錯，香甜鹹兼帶微辣，惹味之作，不用任何餸料，也令人吃得滋味。醬油配合麵條的完美配合，一下子便給清掉了！老公和我也愛餃子，而「有得餃」以餃子作招牌，不試的話，豈不是如入寶山空手回？！一看十多款餃子的選擇，當中不乏獨特、而擁有非一般的吸引力的款式，清淡的選擇有野生冬菇有機豬肉餃、野味溫室蕃茄豬肉餃、高纖甘筍溫室雲耳豬肉餃與及和風玉米豬肉餃等。而重口味的亦有頂級

講真，之前真係好鍾意食呢間餃子，好特別又好食，差不多每個星都會去食一、兩次......但最近唔知點解變得越來越難食，所以少去左很多。今日醒起，好想食，叫了以前常點的撈麵, 現在變得好似黏在一團的隔夜麵，餃子以前好爽好多汁，宜家好厚皮好油仲有碎骨、仲落錯單、由完全唔辣變加特辣（仲問'叫你要唔要丫'....唔要唔通再等多45分鐘咩）...好難過....充滿期待的餃子... 再見

以前看金剛小儀主持的美食節目已經想試﹐但又覺得遠所以最後又不了了之。早前去青衣寶誕時終於有幸一試﹐芸芸美食攤檔中以'有得餃'的隊伍最為壯觀﹐味道亦真的出乎意料﹐值得再回味。今次與男友夜晚7點出發﹐乘搭西鐵元朗去。鋪位雖小﹐五聲俱全﹐有老街坊光顧外賣﹐亦有像我們一樣的食客慕名而來。我家老媽子常說我是藥磹子﹐春夏秋冬都會病﹐從小就餵我吃盡不同中藥﹐久而久之﹐我對一些中藥味的食物也愈來愈喜歡一坐下便先來一碗湯這個當歸杞子雞腳﹐非常足料﹐有杞子﹑當歸﹑龍眼等﹐雞腳明顯是經過長時間煲煮﹐肉質已軟林﹐而湯也呈微濃稠的狀態﹐我最需要的骨膠原啊咕嚕咕嚕便飲完了。瀰滿酒香﹐爽口的德國豬手作前菜﹐忍不住一口接一口。登登登登！懷念的韭菜餃出來了！老媽子也很擅長包餃子﹐這裡的韭菜餃豬肉與菜的比例均衡﹐沒有太多肥肉。咦！還欠一樣精粹。。。就是秘製的醬汁﹐其實內裡能嚐到蒜﹑香醋﹑香菜﹑辣椒等﹐就是這醬料令餃子變得不平凡﹐與原本平實的餃子混合﹐是新奇的酸辣味及蒜香味﹐令人不由得吃完一隻又一隻。