有蒸氣 海鮮石鍋專門店 (已結業)

今日要去tst買嘢順便黎試下呢間蒸氣海鮮，呢到d staff都好有禮貌好好人，好細心咁幫手蒸又夾埋比我地，服務好好前菜小食青瓜同花生都幾好食～青瓜酸酸辣辣好開胃～黑松露蒸蛋蛋好嫩好滑，黑松露好濃～蝦同蜆好新鮮，有鮮甜味，蜆係完全冇沙，靚既海鮮真係原汁原味就已經好好食😋鮑魚處理得好乾淨，蒸得啱啱好唔會老，好嫩好食扇貝好大粒，配左蒜蓉辣椒好好食，粉絲索埋味仲有汁一齊食係正既～食完海鮮之後就飲左碗湯，湯係一開始蒸海鮮前開始加特製高湯，冬瓜，肉&其他配料一齊煲，一直蒸海鮮蒸出黎既水都會漏埋落去煲～個湯都幾好飲，飲完一碗之後就可以打邊爐～食完仲有糖水食～完美結束

今日特別興奮.......事關第一次食蒸氣火鍋成日聽人講話蒸氣火鍋有幾正, 終於到我食喇, YEAH!!!我既蒸氣火鍋第一次俾左位於尖沙咀既有蒸氣海鮮石鍋專門店~~好開心同我既期望一樣, 蒸氣火鍋真係好正喎一坐低就黎左2碟餐前小食~唔錯唔錯, 開下胃先我地叫左呢個翡翠海中寶套餐都幾多蒸海鮮, 食完又可以打邊爐全部蒸海鮮都有店員幫手整，好enjoy呢！！好多海鮮, 好澎湃呀!!蒸海鮮前店員先幫我地煮個冬瓜盎先~~大大件冬瓜....仲有好多配料..例如火腿, 冬菇等, 非常足料!蒸晒所有海鮮之後先食~~第一味係黑松露蒸蛋蒸幾分鐘好快就食得喇...蒸完既蛋好滑, SIR一聲就滑左落喉嚨心心眼!!! 沙包蜆一d沙都冇, 原汁原味, 好鮮呀~~大連鮑魚有D蟲草花係上面一齊蒸~鮑魚好鮮甜, 爽口彈牙!!日本元貝加埋蒜蓉粉絲蒸簡直係冇敵!!好好味丫!! 元貝好新鮮, 蒸既時間岩岩好, 好嫩!!好味到連汁都飲埋花蟹好多膏呀!!!!!! 都幾大隻, 啖啖肉, 鮮味十足海中蝦鮮蝦肉質爽口而且又彈牙!!清蒸永遠都係最正, 最能食到蝦本身既鮮味冬瓜盅每次蒸完既海鮮汁都會落返個冬瓜盅道~所以呢個係名副其實既海鮮

很久沒有食蒸氣火鍋 今次聽朋友推介黎左呢間我地叫左個石鍋牛肉海鮮餐 $428真係好抵食 總共8款餸個底有得簡粥底/湯底想飽肚d嘅可以叫粥 我同朋友比較細食 所以叫左湯底 鮮響螺竹絲雞湯首先係唔同嘅海鮮先 有花甲、清蒸花蟹、大連鮑魚、紐西蘭蟶子、冬菜蒸馬友所有海鮮都好鮮甜同新鮮 而且貝殻類完全冇沙👍🏻👍🏻然後本身有個安格斯牛小排 不過朋友唔食牛 轉左做黑毛豬 都好正☺️👍🏻手剁墨魚丸 呢個係必食 好彈牙 完全感受到係人手剁嘅彈牙☺️☺️甜梅菜蒸菜心苗 菜都好鮮嫩最後蒸完野食就飲埋碗湯 海鮮嘅精華會流埋落湯底到 好鮮味👍🏻☺️☺️

朋友請食蒸海鮮，帶我來到尖沙咀天文臺圍附近的有蒸氣海鮮石鍋專門店，餐廳位置比較隱蔽，但以前我曾來過對面的仕德福山景酒店吃午餐，所以地點不算難搵~來到餐廳，走上一層樓梯，就來到空間濶落的有蒸氣海鮮石鍋專門店. 餐廳頗有私隱度，也有數間包房，難怪於該店的Facebook Page發現有不少明星到來用餐呢!有蒸氣石鍋海鮮餐 ($328/位) 海鮮未蒸前，先來吃吃花生、爽脆青瓜作前菜; 至於粥則選了南瓜配雞~再來就是黑松露蒸蛋，嫩滑的蒸蛋配上香氣撲鼻的黑松露，簡單而美味!竹串海中蝦 海中蝦只需經過清蒸，已經相當鮮味且爽口~大連鮑魚 爽口的蟲草花配上大大隻的鮑魚，用刀切來吃就最爽!!沙包蜆 蜆肉都很甜美，每人2隻有點不夠喉呢~清蒸美國桶蠔 超級大隻且肥美的桶蠔，鮮味十足，喜歡吃蠔的朋友很滿意. 日本元貝 元貝都幾鮮甜，配上惹味的蒜蓉粉絲，很不錯~手剁豬肉丸及墨魚丸 手剁的肉丸及墨魚丸都佷爽口且有肉汁. 薑葱蒸鮮魷/ 金銀蒜蒸勝瓜 鮮魷煙韌有嚼勁; 勝瓜則爽脆香甜. 南瓜雞粥 吸收了大量海鮮精華的南瓜雞粥，鮮甜美味，每人吃2碗很滿足!最後更奉上冰凍的西米糖水作結. 尖沙咀天文臺圍

身為海鮮愛好者嘅我，覺得識食一定係食清蒸海鮮！因為一蒸便知龍興鳳😎所以今日黎到呢間有蒸氣石鍋海鮮專門店，試一試。睇睇meun, 有哂set, 明碼實價👍，因為食海鮮嘅你一定知，食海鮮最怕係見到「時價」兩個字😂講反野食先招牌黑松露蒸蛋大大啖黑松露配埋勁滑嘅蒸蛋👍沙包蜆蜆肉肥美，鮮甜，完全無沙蟲草花蒸大連鮑魚鮑魚蒸到岩岩好，一啲都唔韌，鮮味同蟲草花配合得好好，另外值得一提係，鮑魚擦得好乾淨，平時啲黑邊擦到白雪雪👍海中蝦蝦頭啲膏好香，蝦肉又紮實彈牙蒜蓉粉絲蒸扇貝扇貝肉好大粒，大過個5蚊吖，蒜蓉唔會太咸，無搶到扇貝啲鮮甜花蟹好大隻，花蟹黎講算好多膏蟹夠大肉又夠實，容易一梳梳肉甩出黎食😍同埋都係擦得好乾淨清蒸海鮮就食完喇，再黎就係哩吸哂啲海鮮精華嘅鍋底先飲一碗成煲都係冬瓜，金華火腿，排骨，冬菇加埋雞湯，唔洗講都知好飲之後淨反嘅湯就可以打邊爐娃娃菜，手打丸，桶蠔蠔夠哂大隻，一啖咬落去仲係流心架，不過太好食影漏左添😳手打丸，蝦丸彈牙，墨魚丸，好新鮮，淡淡嘅墨魚鮮甜，唔係平時街外的味精味👍同埋每次蒸唔同海鮮都係有職員幫你較好時間同夾埋比你，岩哂淨係識食唔識煮嘅你😂

上網見到呢間幾多正評，所以去試下呢間餐廳服務態度好好，有專人服務，食既每種海鮮蒸煮嘅時間都唔同，服務員都會幫你計時，以防止過熟。我哋叫咗一個套餐，另外再叫咗碟蒸蛋，係黑松露蒸蛋，時間蒸得啱啱好非常嫩滑之後再蒸煮蟲草花蒸鮑魚花甲、海蝦仲有我最鍾意食嘅蒜蓉蒸扇貝😋😋😋非常鮮甜美味😚生蠔仲有蒸肉丸同埋勝瓜，之後仲可以食埋個粥，啲粥吸收晒啲海鮮精華，非常鮮甜😋😋但因為掛住食無影相。整體呢間餐廳服務好好😊因為侍應會就返你嘅食嘢速度去決定幾時幫你蒸下一份海鮮，所以好貼心。下次會再去幫襯

又到月尾出糧嘅日子，今晚就諗住帶媽咪食好西，因為媽咪唔鍾意食熱氣同肥膩嘅嘢，所以今次就決定食蒸氣火鍋。呢間有蒸氣海鮮石鍋專門店見到openrice 好多人讚好，就決定試一試。佢係尖沙咀天文臺道嗰邊，位於寶軒酒店一樓，夠曬隱蔽，而且有獨立卡座位置，私隱度好高，好岩安靜邊食邊傾計。我同媽咪叫左中等價錢牛肉海鮮餐，佢可以選粥底或者湯底，因為驚叫粥會太飽就決定叫黨蔘北芪雞腳排骨湯底，藥材湯夠健康同滋補，岩曬媽咪飲。首先，佢有黑松露蒸蛋，係佢地既招牌之一，見到好似蒸左5-6分鐘左右就食得，夠曬滑再配埋黑松露，好好味。另外，佢仲有好多唔同種類既海鮮，食材非常新鮮。蜆同蟲草花鮑魚係一齊蒸，鮑魚一咬落口都夠曬鮮味，而且都幾彈牙，加埋蟲草花咁食都幾特別。聖子大大隻再配埋粉絲底，食完好滿足。除左海鮮，仲有安格斯牛小排，店員好細心問我地想要幾成熟，再調校時間，我地想要7-8成熟，大約10秒就食得，牛肉味好濃，同埋因爲蒸氣關係，鎖住肉汁，唔會鞋口。最驚喜係手剝墨魚丸，好鮮味仲要好爽口，一份每人有2粒，好好味同媽咪勁快就食完。最精華既就係個藥材湯，所有蒸氣既汁都留曬係湯底到，仲有雞腳同排骨，夠足料，我地兩個都飲

同男朋友逢星期日都會去試下啲貴餐廳😁😁😁今日到我話事 選址呢間蒸氣火鍋係尖沙咀既我地今日六點食飯 時間尚早 輕易係樓下就有位泊到車👍👍侍應帶我地上二樓 一路都見到有啲卡位 私隱度晤錯 岩傾計👍 我地俾帶人近open kitchen既沙發位 環境都好好 枱與枱之間隔得好開 晤驚要鬥大聲講野😁😁😁佢有幾個不同既套餐 我地揀左個中位價套餐冬瓜盅係酒樓食得多 蒸鍋就第一次我地蒸海鮮既精華滴哂落去啖湯到！非常鮮甜呢到全程有姐姐會serve我地 晤需要自己落手搞蒸蛋完成個時姐姐岩岩行開左 所以表面無甘靚不過食落都好滑溜 黑松露用料不錯 香氣十足海鮮用料非常新鮮 令我最難忘係日本元貝佢一隻比較厚身再一份為二去蒸 非常鮮甜 👍鮑魚都做幾好 好軟身 易入口美中不足係份量比較少 如果蜆呢啲比較平價既食材 晤係得一粒就好了🤣

屋企人生日想食海鮮，大家都未食過蒸氣海鮮 朋友就介紹左呢間比我地。我地4人點左 左邊果個海鮮餐$328每位～ 同埋加左個瑤柱粥底$50開左一壺茶 同上左涼拌青瓜同花生 岩哂等緊果陣口痕食（首先放左米同瑤柱落去鍋底先～）大運鮑魚好彈牙日本元貝： 未食已經好期待～好大粒好鮮甜 我仲喝埋殼啲精華添💕美國桶蠔都好鮮味 唔腥👍🏻👍🏻鮮魷就要點醬油會好食啲🙈有一款係特色既手打豬肉丸🍡勝瓜咁蒸都幾好味 下次叫媽咪都要咁整🙈每樣食物都會計時，確保唔會煮過龍👍🏻staff都會周不時黎望下個計時器👍🏻 每次食完都會攪一攪個粥等佢唔好痴底😍海鮮既鮮味都係哂入面 平時係屋企唔會整到架 全部食材都好食鮮 真材實料👍🏻呢個價錢好划算

難得一年番香港兩次，係澳洲好少食海鮮，出去食又貴，自己又唔識整！香港既蒸氣海鮮hit左咁耐我都未食過，走之前決定同屋企人黎食番餐先呢度既店員超級好，不論係服務定係態度都好好！呢度有套餐同散叫都得，我地就揀左個最平既「有蒸氣石鍋海鮮餐」$328落完單後，店員即刻就拎小食比我地邊食邊等！個青瓜好開胃，如果再酸少少仲正！我地叫左個瑤柱粥底，店員好快就加落個鍋底度，乾瑤柱份量都唔少嫁最先食既係鮑魚，仲有蟲草花係上面，鮑魚係大大隻，食落彈牙又甜，新鮮！跟住就到蜆同蝦，每人有兩隻。蝦雖然唔係話好大隻，但係彈牙同鮮甜！蜆有海水味，冇落鹽都有咸香！之後就係我覺得咁多樣裹面最好食既重點：日本帶子。超級大隻，仲有辣辣蒜蓉粉絲，帶子大隻到要切半黎蒸！要分開3啖先食得哂，鮮甜，爽口，啖啖肉之後到鮮魷，仲有豆卜，一人有接近3塊！鮮魷彈牙，不過略un左少少，而豆卜就吸唔到甜味😛蠔唔算話大隻，大小適中，蒸完出黎都唔係太縮水，唔似打邊爐咁😂蠔既鮮味都好正！就黎到尾聲，有手打豬肉丸同墨魚丸，墨魚肉好食，但豬肉丸有少少似梅菜蒸豬肉既味，幾特別最後一味，金銀蒜蒸勝瓜，蒸到d勝瓜軟林林，夠甜，加埋蒜蒜味好夾！最後，我地慢慢享

鍾意食蒸海鮮，因為可以食到海鮮新鮮嘅味道；而且比較健康。通常餐廳仲會服侍你，唔使自己搞，真係帝王級享受😂叫咗海中寶套餐，首先店員會幫你落冬瓜 、豬肉等配料整定個湯。之後就會開始蒸食物：有黑松露蒸蛋，蒸蛋夠滑，帶有黑松露香；個人喜歡食黑松露，所以覺得幾好食。另外，有沙中蜆，味道夠鮮甜；海中蝦食得出非常之爽口新鮮。大連鮑魚大大隻，面上有好多蟲草花，肉質咬落去夠爽，都係好新鮮。日本元貝面上有粉絲，夾埋一齊食真係好香，蒜蓉又夠。花蟹每人有半隻，睇落去唔算大隻，但係食落去肉質都幾鮮甜。食完海鮮就可以飲下剛剛嘅冬瓜盅，冬瓜湯清清地有好多冬瓜蓉，幾好飲。火鍋配料方便有桶蠔、四寶丸及豬腩片。豬腩片夠林，有腩肉香，唔錯！四寶丸咬落彈牙，而且桶蠔都幾大隻。唔使喺屋企自己整，出街食又方便又新鮮！

係人都知我愛海鮮加打邊爐。去到一間旺區上樓餐廳。呢間餐廳一上到樓真的不知轉左轉右..須要待應招呼。先找到位置。因為間腳餐廳右面有三間獨立房。左邊的坐位間隔都好獨立。私穩度好高。傾心事真是不錯的選擇。今日同個識了40年的老朋友相聚。更要開返一支酒。正宗把酒談心。我們叫了一個中價海鮮蒸鍋他們有粥底或湯底choice 。叫了蘋果雪梨雞腳排骨湯底。其實粥底都好吸引。但兩人怕太飽。老友相聚最重要係酒。更係點白酒食海鮮係絕配。呢支白酒不算太貴。但好易入口。入喉順滑。度數不高。輕配海鮮🦞不搶鮮味.更加互相配合天衣無縫。鮮蝦/蜆/蚝-都好新鮮。入口鮮甜美味。紐西蘭蟶子/帶子-加了蒸蓉粉絲更加美味。龍蝦🦞蟹極度新鮮。入口甜滑。蝦肉爽口。最美味就是吸收晒海鮮精華的湯更甜。

女友明晚出發同朋友去歐洲旅行😭賣甩我個幾星期。 今晚點都要早d 收工同佢食餐好既。 佢話想食得清淡健康d , 我拍板食蒸氣海鮮鍋。 選擇左尖沙咀寶軒酒店地下既餐廳。 沿樓梯上，見到張貼了好多明星相，而且還聞到陣陣海鮮香。 -蒸氣海鮮套餐有好幾款，我們揀左 「翡翠海中寶」套餐$398。點了套餐後，奉上香口咸花生及爽辣青瓜。 -每圍都有職員貼心服侍計時蒸海鮮，確保唔會蒸過龍變「un」。先食蒸氣海鮮，然後再火鍋。職員先放冬瓜配料做湯底，食完海鮮才品嚐湯。-先蒸黑松露蛋，蒸蛋口感滑溜，味蕾充斥著淡淡蛋香與松露香，令人滿足。接著是蒸海中蝦🦞及沙包蜆。 不需任何調味，味道相當鮮甜！ 頭三款食物相當出色，令人更期待餘下每一款海鮮😁又點少得矜貴既「大連鮑魚配蟲草花」呢！ 蒸三分鐘就食得，而且質感何其爽彈。-蒸煮是最能夠突出食材的鮮味。「日本元貝」同樣是蒸三分鐘，快靚正！先喝其湯汁；珍寶size的元貝口感彈牙，蒜蓉粉絲夠惹味，吸收了湯汁精華，食得津津有味。-花蟹是最後出場的海鮮；不算大隻，但雪白蟹肉夠鮮甜。-休息一會兒，就試試冬瓜湯了。蒸海鮮的過程產生的湯汁流入湯底，濃郁的鮮香。 -套餐還未完呢！ 仲有

一直都想同朋友食蒸氣鍋，揀左好耐都無乜頭緒想食邊間，最後聽朋友推薦話呢間唔錯就一於去試下。入面座位坐得好闊落，好舒服，唔會唔夠位放嘢食或者坐得好迫。我同朋友叫左一個二人餐包左黑松露蒸蛋，蒸扇貝，蟲草花鮑魚，花蟹，冬瓜湯底。先講下個蒸蛋，非常滑，加埋黑松露，個香味真係不得了，好好味。再到蒸扇貝，上面鋪滿蒜蓉同辣招。食落有浸浸蒜味同辣但又唔會蓋過本身佢既鮮味。之後係鮑魚，無落任何調味，淨係放左蟲草花係上面。蒸完出黎係偏淡口，但都食得出係幾新鮮。跟住到花蟹，蟹既size唔係大，但真係鮮甜到不得了。連豉油都唔洗點已經好夠味。最後蒸完咁多海鮮，個湯底正到不得之了，本身冬瓜既甜再加海鮮既鮮甜，一定要試。

蒸氣火鍋成行成市，今日就嚟左呢間～我地叫左「有蒸氣石鍋海鮮餐」，每人$328職員一嚟就問要咩粥底，因佢地有南瓜/番薯/菜乾/黃豆鮮腐竹/粟米/乾瑤柱六種俾人揀，最終揀了南瓜配排骨。佢地倒晒南瓜、米同排骨整左個粥底先，再在蒸爐擺左黑松露蒸蛋。呢間野最特別係蒸每一樣野都有個計時器計時，所以每樣野既時間都岩岩好，特別好味。前菜青瓜，我不消一會清晒！蛋勁滑！正！鮮到不得了！鮑魚同沙包蜆，超好食！大蠔～蠔味好濃，正！元貝，一口食晒！手打豬肉丸同墨魚丸，好彈牙，正！金銀蒜蒸勝瓜同薑蔥蒸鮮魷，一個字，鮮同好味！最後係南瓜排骨粥底，味道有點啖～呢度啲職員照顧周到，基本上你淨係食就得，佢地會幫你煮同計時，好愉快的一餐！