有蒸氣 海鮮石鍋專門店 (已結業)

嘩嘩嘩！選擇正確✅今晚為了獎勵自己，一於要食好，我鍾意食海鮮，選擇了有蒸氣海鮮火鍋！近排蒸氣火鍋，越來越多，選擇多，我會黎返原始少少，開得耐d既店舖，今晚既尖沙咀有蒸氣火鍋都開左一段時間，証明有質素，客流多門口有不少明星合照，我食完知道唔係夠明星做宣傳，的確真材實料蒸蛋係招牌，蒸左一陣之後再落黑松露，黑松露鮮味重，配合蛋好入味。沙包蜆，蜆肉好爽口！蟲草鮑魚，蟲草有藥用價值，配合鮑魚，提昇鮑魚肉質。元貝產地係日本，日本海域，海鮮比較鮮甜，元貝食落真係唔同本地！竹串海鮮蝦，超級爽口，彈牙，美國桶蠔，好正！入口即融！手剁豬肉丸和墨魚丸，我第一次食手剁肉丸，入口唔鞋而且爽口金銀蒜蒸勝瓜和蒸鮮魷，勝瓜好爽，鮮魷又係超級爽口！職員服務一流，不時問我地好唔好食，為我地換碟，加水。海鮮即叫即劏，即蒸，真係比出面新鮮好食，我完全唔加醬汁，完汁完味！食出海鮮鮮味！最後最後，職員送上糖水一碗

這家蒸氣石鍋位於尖沙咀，隱藏於繁華熱鬧的酒吧街附近，私隱度高！餐廳設有包廂，朋友聚餐最適合不過了🥰我們點了每位$428的牛肉海鮮套餐，一次過滿足2個願望💖分別有花甲、清蒸花蟹（每位半隻）、大連鮑魚、紐西蘭蟶子、冬菜蒸馬友、安格斯牛小排、手剁墨魚丸、甜梅菜蒸菜心苗，另外加了招牌黑松露蒸蛋（$28）。招牌黑松露蒸蛋時間控制得剛剛好，很滑很嫩！花甲很大粒，是花甲王😍很清甜！大連鮑魚上放了蟲草花，意外地合襯！紐西蘭蟶子有已放豉油的粉絲墊底和黑松露蒜蓉放在上面一起蒸，令鮮味更加突出！冬菜蒸馬友肉質鮮嫩多汁，連豉油都不用放也很夠味！安格斯牛小排贏在起跑線😍肉嫩多汁，很重肉味！手剁墨魚丸很彈牙，很有口感！最後就是吃吸了所有食材精華的粥了，很綿很鮮甜，完美的ending❤

今日去諾士佛台附近嘅一間餐廳食蒸氣石鍋如果唔係上網search都唔知道有間咁嘅餐廳佢嘅位置比較偏僻 上一條斜路 然後再上多一條樓梯先到餐廳一坐低店員即刻遞上一壺熱茶今次坐呢個位可以一次過睇晒兩部電視 好正呀！有兩個前菜今次揀咗南瓜排骨粥做底一開始將晒啲材料擺晒係底跟住就蒸蛋 加上黑松露醬即刻好食左好多好少見咁大粒嘅花甲 有驚喜喎薑末清蒸花蟹 花蟹鮮甜就咁樣點少少豉油已經ok大連鮑魚配上蟲草花一齊蒸 出奇地夾紐西蘭蟶子配上黑松露蒜蓉粉絲蒸粉絲已經一早淋左豉油好好味冬菜蒸馬友 魚味濃郁而且好滑👍🏻👍🏻👍🏻安格斯牛小排 肉味濃郁不過如果蒸嘅時間少番啲啲就好了手打墨魚丸 大大粒又彈牙甜梅菜蒸菜心苗食粥嘅時候可以選擇加芹菜 蔥 大頭菜份外野味😚😚😚😚最後食埋個芋頭西米露 畫上圓滿的句號😻

網上見到依間餐廳好高評價，於是同朋友嚟食，上網睇係佐敦地鐵站出，但係尖沙咀B2出口其實都好快到，大約10分鐘就到左。一入到餐廳已經好好Service，職員全部都好Nice，而且全程都有職員服務，啱晒我依d懶人😆我哋食咗我蒸氣石鍋海鮮餐，有粥底同湯底揀，揀咗海底椰椰子雞湯，等個爐預熱嘅時候，有花生同辣青瓜食住先，好開胃😛（湯底都飲得架，好清甜，我飲咗好多碗）第一樣食嘅係黑松露蒸蛋，蛋勁滑，而且陪住黑松露未食好入味，最愛黑松露！之後食咗海中蝦，蝦好鮮甜🤤清蒸美國筒號，隻好勁大隻，差唔多半個手掌咁大，咬落去爆曬啲豪汁出嚟，而且上邊有薑絲，連埋食落去唔會有腥味，又不失蠔嘅鮮甜。大連鮑魚、薑蔥蒸鮮魷，鮑魚同魷魚都好鮮甜💞日本元貝，底下有粉絲，上邊有大大隻元貝，多汁好食！手剁豬肉丸及墨魚丸，豬肉丸一食就食得出係手剁，啲肉好鬆軟，好濃肉味，推介！最後係蒸勝瓜，勝瓜軟硬度蒸到岩岩好，依餐有肉又有菜，好健康🥰

今日收工喺中環搭船去尖沙咀食好西😌行咗好大條斜路先上到去寶軒酒店，行得咁辛苦梗係要坐低食個蒸氣海鮮火鍋啦😋 本身掙扎緊揀海鮮火鍋定牛肉火鍋好最後都係決定咗試吓海鮮火鍋！（下次再來試埋個牛呀～～～）有八個餸，我哋揀咗海底椰子雞湯湯底。湯底完全冇味精！係新鮮嘅椰子雞湯😛（有啲餐廳係味精椰子湯底㗎，食過怕怕）好彩今次係超fresh geh 椰子湯，湯底仲有椰肉同雞㗎，無花無假😌😌 落咗個椰子雞湯湯底，煲左一陣之後，老闆就開始幫我地蒸唔同嘅餸啦👅👅👅完全係港女坐定定mode等食，服務超好😂🤘🏼所有蒸嘅時間，老闆都有用timer計住，所以完全無overcook的情況。jengggg ahhhh! 呢個係黑松露水蛋。超滑好香黑松露味❤️所有海鮮都好新鮮，雖然老闆一開始俾咗四個調味料我哋，辣椒、炸蒜、豉油之類。但識食一定唔會落咁多調味料，因為新鮮嘅海鮮就咁食係最正嘅！原汁原味👅順帶一提嘅係牛肉丸🍡係真手打牛肉！連個料都好足料。。。冇額外加麵粉之類的去偷工減料，好surprised。食到最後，我哋飲番個湯底。已經飲咗兩碗，好飽好飽啦🤣老闆娘仲好細心問我地要唔要多碗添！❤️❤️❤️又好味，老闆又細心，誠意十足下

今日同朋友一期一會,  大家都好多嘢都想講, 就係個私隱度高嘅地方, 慢慢食海鮮, 一路傾, 快活也我哋叫咗個抵食嘅餐海鮮餐, 包羅萬有, 先食嘅蒸蛋, 配黑松露,  松露嘅味道十分吸引, 將嗰個蛋嘅 香味提升不少之後就食咗海中蝦, 用竹籤插住一齊蒸,  蒸熟咗之後, 肉質保持彈性 大連鮑魚再配咗蟲草花一齊食, 蟲草花嘅香味同鮑魚嘅q彈非常之夾 日本元貝, 配醬汁, 再加粉絲; 粉絲吸收曬醬汁嘅精華, 元貝肉質感非常之好,  有咬口 薑蔥蒸鮮魷,  蒸個時間控制得好好, 不溫不火, 唔會過老, 咬落去口感非常,  墨魚丸和豬肉丸, 手打嘅方法製造, Q彈, 比一般機製更有質感,  好香 k食咗咁多肉, 當然要食啲菜, 蒸勝瓜加咗啲蒜蓉喺個面頭,  香味濃郁

唔講唔知原來天文臺道有好野食，今晚一於試吓依間海鮮粥底火鍋，餐廳裝修幾精緻，仲有唔同嘅貴賓房，好啱一家大細一大班人一齊聚餐！呢度提供唔同種類嘅套餐，基本上係海鮮種類嘅分別，嗌左最抵食嗰個套餐，人均$328已經包左六款海鮮、三款配料同一個粥底，仲有專人負責烹調同上菜，海鮮好有驚喜，特別係沙包蜆同蝦，蜆肉夠厚身好有鮮味，蝦肉彈牙都幾鮮甜，真係唔洗點咩醬汁已經好夠味，海鮮最緊要係食原汁原味！日本元貝配埋蒜蓉同粉絲，食落好惹味，調味調得啱啱好！粥底揀左菜乾配排骨，集合哂海鮮既精華，不過真係要加返少少鹽吊味，唔係既話真係淡左D！整體食物幾新鮮，環境都幾舒服，服服態度都幾周到，下次想再食海鮮粥底火鍋都會考慮依間！

最近同朋友去左間位於尖沙咀旺中帶靜既石鍋蒸海鮮😋套餐有$328/$428/$538/$698既選擇💁🏻‍♀️總共有8道菜式1款湯或者粥底🦐🦞🦀.🔺招牌松露蒸蛋🔺清蒸龍蝦🔺日本元貝🔺紐西蘭蟶子🔺南非鮑魚🔺薑蔥蒸海斑片🔺淮山杞子蒸新鮮雞🔺雜錦手打四寶丸🔺甜梅菜蒸鴛鴦菜.🍳招牌松露蒸蛋好滑溜 松露醬好香濃🌊元貝蟶子都有粉絲舖底吸收鮮味加上剁椒豉汁等 道道不同 有新鮮感🌸蟲草花鮑魚都好新鮮厚肉.除左平時常見的粥底作結仲有得揀滋補湯底🥣今次試左海底椰椰子雞湯🐥加埋海鮮精華 好鮮甜 養生感🆙.今次所選既$538套餐價錢頗高不過店內裝潢都好舒適仲有卡位可以自成一角🙌🏻而且全程店員服務都好周到😌最後仲送上清熱綠豆沙🥄家庭聚係不錯既選擇🙉.人均消費:$590推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻（5/10）

💁🏼‍♀️新鮮生猛海鮮蒸氣火鍋*🌟海鮮餐 $328/位 (💡8/10)套餐內的海鮮多以清蒸為主 突顯每款食材最原始的鮮味﹗本來套餐包括日本元貝 但老細話來貨唔靚所以幫我地轉左做象拔蚌仔😳對於突如其來既改動都非常放心 起碼可以保證食到新鮮既野﹗😌特別推介沙包蜆 鮮甜到最後要encore🤪蒸鍋下揀左粥底 每一滴海鮮精華都滴到粥裡 另外揀左南瓜同排骨做配料 鮮味十足﹗🥳 *🌟黑松露蒸蛋 $28 (💡8/10)餐廳名物每枱必叫 蒸蛋超級滑溜 黑松露香氣十分突出👏🏻食過咁多間蒸氣海鮮 覺得呢間最能食到海鮮嘅原汁原味推薦比喜歡食清淡及鮮味嘅人！

唔講唔知，原來天文臺圍都有好野食~有蒸氣石鍋牛肉海鮮餐 ($428)呢個Set總共有10道菜，每一味都係面前蒸熟即刻食，原汁原味！黑松露蒸蛋先將蛋汁放入去蒸爐裏面，蒸到差唔多熟嘅時候，就再加黑松露醬蒸多1分鐘，黑松露嘅香味滲曬入蒸蛋裏面，蒸蛋超滑花甲鮮甜中帶點海水味，大大隻紐西蘭蟶子一上枱賣相已經贏咗，蟶子成隻手掌咁大，而且肉質鮮嫩，好正~手剁墨魚丸墨魚丸彈牙，同雪藏貨冇得比仲有：清蒸花蟹（每位半隻）大連鮑魚冬菜蒸馬友安格斯牛小排甜梅菜蒸菜心苗最後食埋個粥底，用乾瑤柱餚制，加埋海鮮嘅鮮味，超級正！仲有好多獨立嘅房間，私隱度高，成班friend嚟玩都唔怕嘈親人！

粥底蒸海鮮已經系香港盛行一段時間但新鮮的的確比較小今日同友人試一下諾士佛臺附近的呢一間見又有鮑魚，又有蝦，成個海鮮餐都唔洗$500人頭 幾抵食先黎就已經系鮑魚配虫草花已經幫你清走左污穢野同都大隻之後到蝦加蜆2樣都好清甜，好新鮮而且蜆有小小汁系入面，好好味可以另外加碼架之後到粉絲蒸元貝本身已經夠味 都系已經清潔好又大隻 都係好新鮮跟住到生蠔因為蒸所以有小小腥 但點左豉油OK ，都好大隻薑蔥蒸鮮魷好多粒，就算食左薑絲都唔會好辣反而幾好味蒸瓜夠蒜味，正常最後再黎個自選配料的粥底其實一開始蒸鮑魚個陣已經煮緊目的係想吸收所有海鮮的精華啊

🐱🐶有蒸氣石鍋專門店(尖沙咀).追求原汁原味既朋友要留意啦，位於📍尖沙咀天文臺道寶軒酒店間「有蒸氣石鍋專門店」幫到您😊大大個蒸爐，冬天仲可以約埋三五知己圍爐取暖添🧣.我哋揀咗個每位$328(另收加一)既海鮮餐，喺食海鮮前會先揀粥底🥣揀好後會即時將生米倒入底層，靠熱力蒸煮。.之後再蒸海鮮🐙🦐🐚扇貝、沙包峴、海中蝦、鮑魚、桶蠔等等大大隻，雖然份量唔算多，但勝在少吃多滋味。最後食埋個粥，少而精，啱啱好😋.呢度私隱度好高，仲吸引到好多藝人前來幫襯添，做得名人飯堂，點會無返咁上下質素呀😄.總結評分：6.5/10番啅指數：⭐️⭐️⭐️

一層一層蒸海鮮，這種食法流行了幾年，但係我自己今日先有機會試到，多謝朋友帶我來食餐好架套餐有幾款架，收費一個人約400元左右啦！點好餐就見開始搬出蒸海鮮用架爐啦會計著時間，一層食完再食下一樣，咁每樣都熱辣辣又新鮮，又唔怕一次過蒸會令食後架海鮮蒸過頭變老啖啖肉，坡上的湯汁更是鮮味之極，我吸埋飲架。每款海鮮我都好滿意食到咁上下，唔好忘記湯底呀，下層是收集了各層海鮮架肉汁，朋友提我呢碗先係重點。一飲真係好好飲架，無落味精同附餘調味，份鮮甜全是靠海鮮。

有蒸氣 海鮮石鍋專門店網址:地址: 尖沙咀天文臺圍5-9號寶軒酒店1樓電話: 28982731最真的原味, 用清蒸的方法就能呈現到海鮮的鮮味與原味!!海鮮同甲殼類海產含豐富zinc ，間中補充一下對甲狀腺有益架！蒸氣石鍋餐(2位起)多款海鮮都鮮美，肉彈！吃得出是新鮮靚貨去到尾仲有菜架湯底/粥底兩個選擇, 仲有醬料可慢慢玩混醬, 小妹醬料!!!!要飲埋個湯底呀，集合了海鮮精華，異常鮮甜無比！我很愛湯水，喝了4碗，滋潤而甘甜！

同男友慶祝週年紀念，佢話要帶我食我最鍾意的蒸氣海鮮，我期待咗呢餐好耐，果然佢都無令我失望。我一向都好鍾意食龍蝦，所以我地就揀咗呢個「龍蝦海鮮餐」黎食。我做足功課先黎，知道呢間餐廳的黑松露蒸蛋好出夠，所以點咗黎試下。個蛋真係蒸得好滑，蛋漿打得均勻，唔會食到蛋白係中間，加上小小的黑松露係蛋面上調香，松露香味四溢。頭盤係我最喜愛的龍蝦，就咁蒜蓉清蒸已經好鮮甜，蝦肉結實有彈力。挑開裡面都有驚喜，入面有點點蝦膏令人唾涎欲滴。紐西蘭蟶子同樣係我最愛，好大一隻蟶子，加咗小小蒜同埋粉絲，更加特出到佢既鮮味。蟶子飽滿多肉，清蒸最能食出鮮味。南非鮑魚加上蟲草花一齊蒸，蟲草花作用同陳皮一樣可以為鮑魚提升佢既味道，最重意係蟲草花唔會好似陳皮咁搶咗鮮味，不錯。薑蔥蒸海班片，魚肉夠滑，最喜愛食海班的魚皮，充滿骨膠原！粥底選了南瓜排骨粥，吸收晒海鮮的精華，食落有淡淡排骨肉香，為呢個晚餐作結，非常滿足。