望月樓

营业中

休息中

一衆為食友終於等到放寬晚市了, 加上消費券的帶動下,  香港市民近日都展開一連串的報復式消費, 今日難得早放, 可避開晚飯的黃金時段, 到就近的又一城望月樓來個6點鐘盛宴。5點多入坐, 食店只得數枱食客, 自我感覺非常安全。食店裝潢有中國特式, 帽形天花配大燈籠, 大堂牆上再配上特色中國彩畫, 很有格調。食店走中檔線, 一般小食前菜數十元不等, 當然還有鮑參翅肚及特色中菜。前菜 ~ 麻辣萵筍脆卜卜的爽脆口感, 加上麻辣蒜香汁, 香辣惹味的吊胃前菜。荔蓉香酥鴿  ($178)原隻乳鴿炸香去骨, 鴿肉放上芋頭蓉再炸, 上枱已聞到陣陣飄香。絲絲的炸漿, 輕輕的, 入口象風似的來去無蹤。鴿肉本身調味好淡, 淡淡的鹵水豉香, 唔鹹的, 但配埋芋頭蓉食又好夠味噃。芋蓉鬆化粉棉, 放少許鹽調味, 簡單的調味反而更突出啖啖芋香, 下層則是鴿的肉香, 這個配搭雙重美味。這個荔蓉香酥鴿醬汁以冬茹粒、蠔肉及蔥花調較, 味道唔搶, 偏清淡香, 我好鍾意芋頭嘅原始香味, 所以只係點左一次這個醬汁試試而己。海中皇伴金魚餃 ($128)兩條金魚在美麗的水池上游動, 栩栩如生金魚餃皮薄餡靚, 以新鮮蝦肉混合了半肥瘦猪

又一城一間中菜廳，店內裝修摩登雅致，除了粵菜外，夜晚還有創意的中式點心提供。除了基本的茶葉外，更有比較特別的龍井和菊花，每位茶位$20。海中皇伴金魚餃 - $128彷如兩尾金魚於水池中暢泳，十分華麗；餃子皮薄得有彈性，夾起來十分紮實，不易破穿；飽滿的蝦肉餡更有原隻鮮蝦，好爽滑彈牙；上湯更有食用花、杞子等炮製，味道好鮮甜。香煎蓮藕餅 - $188八塊煎得金黃的蓮藕餅外脆內軟，更加入爽口的馬蹄，吃來帶點甜味，又能減油膩感。香辣肉絲炒銀針粉 - $198有出面較少見的懷舊銀針粉，入口滑嫩彈牙，還伴著蛋黃絲、西芹、芽菜、青椒絲和紅椒絲等，味道很豐富，更帶點香辣好惹味。蛋白杏仁茶 - $58也是出面較少有，因較考功夫的一道甜品。杏仁隔渣過濾得很仔細，讓口感好滑順，加入的蛋白更加柔嫩香甜，養顏又潤肺。脆米流沙紫薯 - $58即叫即炸十分酥脆，滿佈粒粒的脆米，紫薯外皮軟糯略帶微甜，咬開流出的流沙，有少少沙沙感和奶香。

本來是去年12月底訂了枱，但因天意未能按計劃得嚐美食！今次終於到店享用午餐，步入餐廳就有一份氣派，擺枱的間距算是spacious，茶杯及用餐器具算是比一般粵菜餐廳有質素及特式，因為是午餐，所以全部點了點心！最吸引我是煎糯米雞，金黃而香，上枱時也是有一定的溫度！另一款我見到就立刻想點的就是黑芝麻卷，雖然未至於回味舊日香港的嗰種味道，但總算能見到有餐廳肯做這款舊式甜點！雪山叉燒包也是人氣之選，不過如果能夠再熱烘烘的奉上就更perfect 了！

去又一城，想食中菜，見呢間餐廳好似未食過就試吓。平日夜晚時間，餐廳唔多人，環境闊落，service 好好，我問有咩推介，佢介紹我食海鮮但我哋今次無試，但佢話多人order 焗豬扒飯，我覺得中菜有焗豬扒飯好似好特別就叫咗，又真係有驚喜，好足料，熱辣辣。我哋仲叫咗個set。我見menu 寫其中一位大廚係銅鑼彎好有名嘅川菜師傅，之前食過水煮肉片好贊，所以都有order 不過就無當時咁有驚喜，但都好食，不過唔足薯粉。其他食物性價比合理。有機會會再去食。

母親生日， 第一次用openrice 的訂座， 訂了望月樓，有25 里數回贈。簡單方便， 不用致電訂座。一行4 位大人一位小朋友， 點了一個4人套餐$1988，餐廳的裝橫很美， 樓底高，而且用木造了尖型的仿屋頂結構， 加上大大的燈籠形型吊燈， 很有中國古代風。餐廳還播放著經典的老歌， 很有氣氛。1. 蒜泥白肉 這種泡沫狀的蒜泥我從來沒試過， 泡沫除了蒜味還有清新的芥辣味， 味覺新衝擊。2. 四川豆乾 質感和味道有點似吱吱魚肉腸， 有趣。😆😆3. 黑蒜海玉竹燉雞湯（窩） 湯得清甜， 真材實料4. 油泡筍殼魚 脆卜卜的外層， 包裹著鮮嫩的魚肉， 但不油膩， 兩種口感， 完美結合。5. 豉油王煎海中蝦 豉油王煎， 帶出海中蝦的鮮味。6. 啫啫時蔬 煲熱辣辣，唐生菜很爽脆。味道比較重。7. 二荊條辣子雞 麻味重， 辣味夠， 我鍾意。8. 望月焗豬扒飯 是中西合璧的傑作，蕃茄芝士焗的豬扒是糖醋排骨的味道， 好味9. 脆米流沙紫薯果 這個要小心辣親， 脆脆的脆米外皮， 咬開就流出黃金的奶黃流沙。加前菜$28茗茶$80 再加一服務費， 一共$2

同一個集團在MOKO開了念川居, 然後又在又一城開了這家望月樓, 另外它在1881又有后園, 在鐵路沿線有三家較高檔次的中式餐廳, 已令我有點摸不着頭腦, 而念川居和望月樓同樣主打川粵菜式, 更令我不禁懷疑, 是否有互相侵蝕的情況出現. 説回望月樓本身, 同樣是李志光師父主理, 之前在念川居沒認真試過其麻辣菜式, 今次就點了水煮牛肉, 牛肉肉質甚嫩滑, 麻香重於辣香, 比起三希樓的輕盈易入口. 它另一道麻辣前菜炸血旺反而有驚喜, 將麻辣鴨血如豆腐般炸起, 外面脆皮香脆而完整, 內裡鴨血沒有碎散起來, 還滲著麻辣香味, 難度不低而且相當開胃.手工粵菜有不少是接近失傳的傳統手工, 例如是圖三的白玉黃金, 在念川居也有提供, 將豬腩肉挑空中間的肉, 放入鹹蛋黃, 加上豉油將其煎香, 豬油夾著蛋黃油的咸香, 脂層的軟溶夾雜著肉嫩蛋柔的口感, 材料並不奢侈, 但味道和口感層次的豐富, 也肯定了手工和心思的重要. 焗豬扒飯上的芝士和荷包蛋結合起來, 令整個焗飯的香味更多元化, 飯身在醬汁, 芝士及蛋汁的影響下依然保持圓潤且粒粒分明, 豬扒肉汁豐富而且口感軟熟, 如果醬汁可以再濃香一點, 就是一道接

大約一年前新開嘅時候去過一次，已經認為唔會再去第二次，但好朋友極力推薦我試多一次，入到去同上次一樣，燈光暗，音樂略為大聲，喺度睇緊唔知叫咩食好，有個高高大大嘅男經理埋嚟好耐心推介我地食咩，可能佢好醒目睇到我覺得燈光太暗臉上流露出一些不滿，向我地推介時令蟹粉小籠包，仲有脆皮金沙腸，蘋果叉燒酥(上次我將佢比喻為麥當奴蘋果批)，xo酱蘿蔔榚，今次明顯食物有進步，又或者男經理好耐心有禮嘅招呼，所以啲食物都特別好味🤣所以話做飲食業食物同招呼同樣重要，男經理仲推介晚市特式小菜，我同朋友即刻相約下星期去試，希望唔會令我地失望啦

係呀！你哋冇睇錯🤣係中菜！嚟到呢間中菜有地道港式西嘢😂🎉焗豬扒飯🎉呀呀呀🥰😋🤤首先我真係為咗呢兜焗豬而來，呢個價值$208蚊嘅焗豬扒飯😍的確冇令我失望😋首先大兜到一個點，份量一定夠4個人食！😆一上檯我都嘩咗聲😂😂另外就係佢炒底飯，好香，好有鑊氣，個汁似鴛鴦炒飯嗰隻，有蕃茄、洋蔥！超級香，口感very good👍🏻👍🏻👍🏻 主角豬扒就真係厚切😍厚度目測有2cm😍仲要面層有少少脆脆哋，一啲都唔嚡，仲好鬆軟，好好味呀🤤🤤🤤另外仲叫咗幾碟餸，份量都大碟🤣🤣燒雞好正，平時我唔食雞皮，呢個佢塊皮勁薄，炸到好脆，一啲雞油都冇，連皮食堅正🤣🤣另外嘅咕嚕肉都係水準以上，細細粒，方便一啖一粒😂😂👍🏻👍🏻個炸粉完全唔厚，好食👍🏻最後嘅鮮蚌浸時蔬，係好香嘅魚湯，白菜仔同埋象拔蚌仔，超鮮甜😋👍🏻，白菜索晒啲湯汁，好味👍🏻👍🏻-望月焗豬扒飯 $208-新鮮脆皮吊燒雞 （半隻）$338-無花果咕嚕黑豚肉 $198-濃湯鮮蚌浸菜苗 $178

呢間酒樓全部嘢食都好高質😋樣樣都好好味，果然一分錢一分貨🈵💯🦐鮮露筍蝦餃皇🥢💰$78大大粒，皮薄饀靚👍🏻🉐推介🉐🦐蟹子燒賣皇🥢💰$68好大粒，好好味🍤韮黃鮮蝦腸粉🥢💰$78好大粒蝦，腸粉又滑又薄😍🉐推介🉐🥢蔥花脆炸兩腸粉🥢💰$58一樣咁好味，葱花又香，炸兩又脆，真係好正🐷鮮肉濃湯小籠包🥢💰$68多汁多饀👍🏻🥢芙蓉海鮮芋角🥢$58超好味😍勁脆身，一向鐘意呢個點心，但唔係間間都好味，呢間真係無得頂，入面又多料🉐推介🉐🍎蘋果叉燒酥🥠$58第一次見加咗蘋果嘅叉燒酥，味道估唔到係非常之夾，比較清新，一樣都係外面好香口，食咗半個都好夠，味道好👍🏻🥢雪山叉燒焗餐包🥢💰$58好少食包嘅我呢個我冇食，但大家都大讚好味👍🏻🥢XO醬蘿蔔糕🥢$68好大粒，煎到脆卜卜，連埋XO醬超正👍🏻🉐推介🉐🥢椒鹽脆皮豆腐🥢$98細細粒，的的骰骰，外脆內軟，外面充滿椒鹽非常好味👍🏻🉐推介🉐🥡椒鹽九肚魚🐟$108好薄身，炸起上嚟好脆，同出面嘅好唔同，好味好多🉐推介🉐🌶虎皮尖椒🥒$98佢係充滿辣油嘅，辣汁蓋過尖椒草青味，好惹味，不過辣到咳咗幾聲，但我已經係食得辣嘅～唔食得辣嘅朋友呢碟就未必啱你哋啦🉐推介🉐🧄黑蒜龍鬚炒麵🍲💰$20

今日去左又一城同朋友食飯，因為星期六所以怕人多都有訂台，不過其實餐廳都係七成滿唔洗等台，我哋唔洗等就入左去，餐廳環境比較暗有少少西餐廳的格局，坐得都算鬆動，唔迫夾，三個人叫左好多野食，叫左半隻燒雞，窩荀絲，無花果咕嚕肉，螞蟻上樹，三色素鵝，煎粉果，魚湯腐竹浸菜，燒雞都幾香脆唔錯，又唔算太油，咕嚕肉好奇妙地係配無花果，味道都唔錯酸酸地開胃，煎粉果原來係炸的，入面有蝦，，三色素鵝就有煙薰味，一般般，螞蟻上樹有粉粉辣，都幾多粉絲 ，好彩無叫飯面，不過整體價錢就少少貴

經過早前老公寶寶的極力推介後，我便於今天攜帶着爸爸娘親到此一嚐究竟。餐廳以吃粵菜和川菜為主，因而裝潢亦是極具中式風格，設計使用木系配襯燈籠造型吊燈，還有用上猶如水墨畫圖案般的食用餐具，整體予人感覺光亮高端。杏汁燉白肺湯奶白色的白肺湯雖然黏度不算濃稠，但勝在飲用時香濃幼滑，帶有甜味，且杏汁香氣更是甚為出眾，是款養顏潤肺的滋補湯水。秘製柱候牛筋煲膠質豐富的牛筋經過烹調後口感軟腍嫩滑，入口即化，鹹鮮味濃。而另外的配菜蘿蔔亦是製作得細嫩清甜，入味可口。新鮮脆皮吊燒雞半隻燒雞製作得外層色澤金黃，帶有油分，且酥脆甘香，而內裏肉質則保持鮮嫩滑溜，雞味濃郁。川麻豆老龍蝦點菜後師傅便於魚缸直接盛起原隻新鮮龍蝦予我們觀賞，重量大約是為斤半，隨後師傅便將其伴同豆腐製作，並加入大量青蔥粒作為點綴，入口龍蝦肉鮮甜彈牙，濃郁麻香，而豆腐亦辛辣入味，滑溜即化。總結而言，餐廳裝潢設計採用中式風格，整體環境高尚貴氣，舒適光亮。菜餚方面皆精緻美觀，用心製作，味道新鮮出色，是一所有水準的粵、川菜餐廳。

點心有心思和特色，味道幾好，其他餐廳未必有得食，不過價錢略貴。九月一日中午時有一位 姓張 waiter 服務很好，值得一讚。相比其他服務員，張先生的服務態度才符合餐廳高檔的定位。

今日有人請食飯，去位於九龍塘嘅望月樓。一入到去見到佢裝修精緻，不過枱與枱之間嘅距離就比較狹窄。由於我們共有六個人，咁張枱上面只有四位餐具及只有五張凳， 坐低叫茶後 ，便叫侍應加位及加櫈。 咁樣第一個失望位就開始嗰位侍應，好似好唔願意做咁，攞餐具嚟之後，基本上係求其掟落張枱度 。 其實當時下午六時 ，餐廳入面人客亦唔算多， 更加談不上繁忙二字。當人齊後，便叫侍應上菜。首先來到的便是茶香雞。這一味餸兒時有一間叫茶香雞的很好味，諗住回味一下，結果都係失望 。雞本身係有茶香味嘅，不過被他濃濃的醬汁蓋過。 跟住嚟嘅就係招牌脆皮血旺，用脆炸皮包住鴨紅， 沒特別，又貴。寧願食返椒鹽脆皮豆腐，慳返30蚊。 再跟住嚟到嘅黃酒煮豬手，唔... ... 黃酒完全問唔到亦食唔出， 至於墊響底下嘅蘿蔔條，又硬又冇蘿蔔味。 我當佢唔係當造，算。 但最離譜嘅係，豬手上面仲有大量豬毛響度。 大佬，你每個菜收人成二百蚊， 隻雞仲要六百幾，畀啲咁嘅級數人食？ 至於有其他食評家說服務比食物好，這個我認同。它對於那些熟客，的確招呼好好，久不久會行去同熟客寒暄。 至於好似我哋啲唔係熟客嘅，響隔離張枱啫，每次壼茶飲完之後打開蓋，

一家人放假坐得舒服傾吓偈多數都選擇飲茶望月樓啲點心質素一向唔錯但來喱度飲茶記住早幾日book位平日假日一樣甘多人蝦餃，燒賣每次都會叫金錢肚，瑤柱麻辣蘿蔔糕都好食但係成日食真係好悶今日一於試吓其他菜式叫左鮮茄焗豬扒飯真係鮮茄味，唔係茄汁味。豬扒外層脆，唔會好硬。不過$200幾個豬扒飯應該唔會次次食水煮牛肉好食過好多主打川菜餐廳，麻香辣都好平均，而且好足料。下次來飲茶可以再試埋其他川菜:辣子雞，辣子肥腸，都係嗰度員工推薦

普普通通啦 新店菜色以為有驚喜 但只有賣相 無乜味道 特別係蘋果叉燒酥 每舊都唔見有叉燒 有都係啲肥邊或根 簡直令人失望 應該最失敗之作品 奉勸大家唔好叫呢個 仲有係黑椒和牛絲酥 一舊賣$68但只係食到一陣黑椒味 呢個fusion菜式其實如果用普通牛填$68三件都算ok 掛左個和牛名後賣$68…完全O晒嘴 其他菜色不過不失 服務態度係幾ok嘅 但最好唔好入房 只係聽到隔離枱講嘢 坐廳可能好啲 另外我個人覺得燈光太暗好鬱悶feel 無優惠可以唔使去 無乜人排隊又肚餓先好去吧 (唔知點解放唔到相 有機會再補返) 食物賣相ok, 但整體來講味道一般，性價比較低