木衛二鑄茶所 (怡和街) (已結業)

成日行過呢條街，見到呢間都好多人排隊😬😬，但今日經過，比較少人😉，就索性買一杯飲吓，問下店員有咩好介紹😝😝，我想要清清地嘅茶，店員就介紹我飲呢杯翡翠茶那堤，我叫咗微糖小冰，再店員介紹我加埋茶香珍珠，味道都幾清新，又唔會好濃郁而且珍珠亦都好Q彈😍😍😍，好飲

台式飲品店幾乎「梗有一間係左近」🏘但今日唔試大熱嘅黑糖珍珠鮮奶，反而想飲真正茶飲🥤8點幾嚟到木衛二都不乏捧場客🤔今日嗌左 藍伯爵茶那堤 加蜜香珍珠😻漸層效果夠晒夢幻，啱哂打卡📸 藍伯爵茶比起一般伯爵茶少啲苦澀味亦冇咁濃味，但依然保留到伯爵茶獨有茶香☺️蜜香珍珠有驚喜💕睇落好似同一般珍珠無異，但食落好煙韌，咬落仲有蜜糖香甜味😋整體而言甜度適中😝如果有時唔想排長龍，木衛二絶對值得一試😎

係銅鑼灣食完飯想飲啲野諗起一街都係黑糖珍珠鮮奶就覺得好飽😖😖好彩係老虎堂、幸福堂隔離仲有間主打茶既飲品店翡翠綠 加 茶香珍珠 $25想消下滯，就揀左佢地既世界茗茶系列。又心思思想搵啲野咬一於加埋佢個茶香珍珠試試佢係茉莉綠茶黎，清香！加埋只係少少甜既珍珠👍🏻好夾梅庄幽谷暮紅 $44四十幾蚊一支茶真係貴😕不過佢話到手工現泡落單後要等15-20分鐘！邊睇住佢泡茶，邊同自己講$44包埋手工🤣佢係比較濃既紅茶，有好淡好淡既果香但偏好飲青茶既就覺得普通😝好味指數（5粒最高）：

今天晚飯與朋友在銅鑼灣食 食完諗住去睇下老虎堂幸福堂多唔多人排隊個晚九點幾 點知兩間都好多人等 真係等唔落去🤷🏻‍♀️想走之際見到隔離有另一間台式野飲店 木衛二傳來好香既茶味 所以決定一試叫左杯奶霜藍伯爵($34)+蜜香珍珠($3) 半糖走冰伯爵茶葉味好濃 奶唔特別香 珍珠有嚼勁但唔覺得有蜜香 另外珍珠可揀茶香味整體黎講都唔錯 漸層色又係打卡既好選擇😂不過覺得價錢略貴 比隔離既黑糖珍奶仲貴😂

台式嘢飲來講其實我鍾意飲奶蓋飲品多個珍珠奶茶嗰啲感覺上珍珠奶茶每次飲完都會覺得好飽可能我個胃太細但係飲奶蓋嘅茶我就會覺得係解渴啲因為佢係茶今次我推介大家去飲lee 間茶香奶蓋味濃而呢間最特別嘅地方就係啲奶蓋有少少花香味上面仲有啲桂花碎添我自己就好鍾意啦我分別試過翡翠綠茶鐵觀音同埋藍伯爵我個人最鍾意就係翡翠綠茶綠茶清香配埋甜甜地嘅奶蓋呢個好味嘅程度係冇一間做到而鐵觀音我就覺得個茶味重左啲會搶咗奶蓋嘅味道另外藍伯爵奶蓋嘅話呢茶味香濃佢會好似真係飲緊出邊嘅奶茶然後個味係濃好多嘅

奶霜觀音 (少甜少冰)Tie-guan-yin Milk Foam Tea (Less Sugar and Less Ice)💰HKD32-鐵觀音茶味濃，微苦澀，奶泡好綿密幼滑🤔佢嘅茶底好清，保持到鐵觀音清新嘅口感。但下次叫正常甜度中和返茶嘅苦澀味比較好。值得一提佢個包裝😍簡潔俐落，👦🏽好中意！店舖嘅廚房用咗開放式嘅設計，可以隔住塊玻璃望住店員整每杯嘢飲。👀而佢嘅茶亦標榜即沖即用，你會見到店員用細細個嘅茶壺沖每一杯茶😆店舖以「木星衛星二」命名，以星空🌃作為主題，有一大個backdrop比人影相💫p.s.本來想加珍珠或者仙草，但原來佢哋嘅奶霜規定咗唔可以加以上兩者🤔-Tieguanyin produced a flowery aroma and a bit of bitterness😌. Having been mixed with a layer of sweet milk foam, the tea had a balanced smooth texture.🤓 👦🏽was particularly into the packaging of the tea, it was neat

怡和街呢邊多咗好多間飲品鋪！我都試過晒，今次講下木衛二！我覺得佢嘅種類比較特別！喺銅鑼灣來講，唔算好多間係奶蓋茶類～ 大部份都係珍珠奶茶！但係佢就主打奶霜茶類，品種有啲唔同～門口都幾靚，仲要好多俾錢方法，好利害👍🏻👍🏻睇得出老闆好揼本！選擇唔算太多，所以一目了然，唔會花多眼亂🙈🙈我叫咗menu推介嘅奶霜藍伯爵👍🏻👍🏻 正常價錢，市價都係三十幾🤣等緊嘅時候，發現製作過程超公開，可以喺隔離睇住點樣整～ 成個過程都好衛生👍🏻飲品好大杯！拎上手就見到藍伯爵真係做到少少藍色效果，佢嘅奶蓋都好多！大概係三分之一～ 至於味道，就有少少遜色～ 藍伯爵本身幾好飲～ 但係加咗奶霜之後就感覺有啲多得滯～飲到一半會覺得太飽太滯，好似變咗奶茶咁～ 奶霜好快就入左茶，攪埋一齊，所以去到最後真係好似飲緊奶茶咁，只係個茶底係earl grey~ 不過係幾值得試一試嘅~

今日銅鑼灣做野，下午食完lunch想買少少野飲~ 星期日特別多人，去咗最近好火熱嘅怡和街睇吓~我見隔離排晒長龍，費事等，所以就揀咗呢間🙋🏻‍♀️ 🙈 呢間唔洗排隊，我買左奶霜翡翠，睇英文係 Jasmine黎既~ 我最愛jasmine✌🏻✌🏻 不過唔知佢整成點😝 價錢就$32，佢一般都係$28-$40幾，除非你加珍珠呀之類～ 算係一般手作茶既價錢🤔等左5分鐘，就有得飲啦！佢都幾大杯～幾滿意！拎住去meet返個friend時發現奶霜已慢慢溶緊入茶~ 連奶霜同茶一齊飲左一啖，發覺jasmine都幾清新！幾好飲，係奶霜好多時飲唔到，同茶味有少少唔係好夾到，最後我用飲管攪勻再飲，就變咗飲奶茶，味道好搞笑~

收左去左掃街，掃完街口渴想飲野，又唔想排咁耐隊，所以就行咗去怡和街，試吓呢間木衞二！個名都幾特別，唔知係咩意思！門面都幾雅致，睇得岀店主有心思，設計應該最出名就係個月亮🤣🤣因為冇飲過啊，安全起見，我叫咗招牌：奶霜觀音，心諗應該冇事掛～ 佢個Menu都幾簡潔！亦都唔係話好多選擇，如果太複雜應該好難揀～ 價錢就同一般嘅茶飲差不多，都係三十幾！等左都有8分鐘左右，就有得拎！隻杯好大，份量幾足佢嘅奶霜比例大概係三分之一，不過好快就滲左入茶𥚃面，可能係奶嘅關係！我用杯嘴飲，好濃既奶蓋味，再飲到清既鐵觀音味道～ 不過兩者既口感就唔係話好夾，好似一杯奶茶未攪好咁，奶同茶兩隻味分開咗，可能我嘅口味比較麻煩掛～飲咗兩三啖，我就等啲茶霜融入茶先再飲了，變咗好似飲奶茶咁～ 整體來講，一般般，唔算話好有驚喜～

今日又要係銅鑼灣做野,熱到一個點,本身想買老虎堂啦,但係太多人排隊想慳番d時間,見呢間木衛二未飲過就不如試下啦,叫個奶霜藍伯爵,我自己本身好鍾意飲earl grey tea,貪佢夠香夠茶味,一拎上手賣相都好吸引,奶霜都打得幾厚幾杰身,飲落去有少少芝士咸味,我自己就鍾意無咁咸既喇,飲埋茶試下,哇,一飲落去甜到漏😓本身諗住earl grey係應該茶味濃d啦,所以無叫到少甜,平時我自己買野飲一定叫微糖,點知呢個earl grey甜到一個點真係曬晒,飲完之後飲左成支水都仲係有d糖水痴住個口,唔值

老虎同幸福排哂長龍，有啲洩氣！轉飲奶蓋純茶類，去左隔離木衛二，冇乜人排隊，就去試下，睇完menu，揀唔到，好多都唔咩黎，所以去左佢ig睇~ 睇左上面既推介，叫左佢推介既奶霜藍伯爵~ 我估係earl grey，本身都幾鍾意飲，所以就叫左！店內都幾美，有影相位，又可以店內堂飲👍🏻 讚！最大特色應該係月亮😊 大概2分鐘左右，就有得飲了，都幾大杯，我以為茶類都係細既，佢既顔色都有少少藍色～好特別！佢既伯爵茶好濃，奶蓋係5分1左右！未影完相，奶蓋已經滲左入茶了奶蓋有少少鹹，都幾好味，不過滲左入伯爵之後就變咗好似奶茶～ 有啲似茶餐廳嘅凍奶茶咁～ 成杯飲完有啲滯，下次應該淨係叫伯爵茶算🙈 整體來講，都算OK嘅～

有次行街口喝，經過呢間嘢充滿文化氣息，Menu 都好特別，點知一試就愛上。第一次飲係奶霜藍伯爵茶+ 蜜糖珍珠 (微糖走冰)Earl grey 味好出，奶同珍珠嘅味道唔會喧賓奪主，因為奶霜粒子比較大，難以即時溶入主茶當中，所以係飲用期間，奶味係會慢慢提升。而珍珠提供左飲後口感，都令我一試難忘！第二次飲左翡翠綠奶茶+ 茶香珍珠 (微糖走冰)同上次一樣，茶味非常特出！配上茶香珍珠，你明白乜嘢叫齒頰留香。珍珠數量同茶嘅份量恰度好處，飲到底時，所有珍珠都剛好食晒木衛二不單茶品出眾，珍珠都非常高質。一杯份量基本上係2人份量，性價比高。本人飲台式奶茶飲品formula : 微糖走冰識飲一定係咁有人著重奶茶中嘅奶味，本人覺得茶先係奶茶中嘅主角，想試出真正茶味嘅層次感，所以奶同糖只係用黎襯托調味，而走冰係防止冰塊融化而令後期嘅飲用味道有改變香港有好多台式飲品，我覺得呢間最啱我。佢唔單止有鐵觀音綠茶，竟然仲有earl grey，真係比較少見!綠茶屬不發酵茶，所以係原汁原味嘅茶味伯爵茶earl grey 屬紅茶，姐係全發酵，味道帶少少澀同甘香之餘也伴隨佛手柑清香鐵觀音屬青茶，姐係半發酵，味道係綠茶同紅茶之間

銅鑼灣越開越多台式飲品店，同一條街上已經有兩三間 隔離是人氣旺盛嘅老虎堂。相對於永遠要大排長龍的老虎堂，木衛二相對上算係冷清一點。💁🏻‍♀️當日排除嘅客人唔算多，前後等咗10分鐘左右就拎到野飲，唔會渴死咗都未等到杯野飲🤷🏻‍♀️ 木衛二主打 ‘茶’, 選擇上唔算多，茶底有5種選擇 主要為紅茶 綠茶 鐵觀音 伯爵茶和泰晤士茶。再有清茶 奶霜茶 同奶茶可選。 我當日叫嘅係 奶霜觀音 加茶香珍珠 ($35)。奶霜觀音飲落有茶香 但有少許甜 下次應該叫半糖🤔 奶霜飲落唔算厚身 但有奶香 飲曬成杯都唔覺膩，珍珠就食唔出茶味 但幾好咬口 🤤 總體來講算不錯 不過不失，相對其他要排成30分鐘以上嘅飲品店 算做得不錯👌🏻

終於到放假的好日子雖然天陰陰雨連綿無阻我黎銅鑼灣「觀星」既興致😝🌔順便俾一直都想飲呢間既女友一個小驚喜☺️木衛二降臨在銅鑼灣渣甸街喺銅鑼灣站F1出口行過黎亦十分方便店內環境有個好Sharp既星球相信都係呢條街其中一個打卡位😆但由於假日黎「觀星」既人亦唔少🌔🤤所以記得預啲時間排隊啦😝排隊觀星之制都要買飲品當入場費既🤣😋最後我叫左杯店長推薦既奶霜觀音🥛奶蓋唔算厚身但甚有奶香😋🥛面頭亦有少許花瓣做點綴增添賣相😆本身叫左少甜更能帶出鐵觀音既茶香唔會被甜味蓋過茶香味整體來說都算不錯的☺️可以觀星之餘又可以氹到女友個胃一舉兩得☺️

藍伯爵蜜香珍珠奶茶行街行到又熱又口渴，想飲番杯野姐，洗唔洗間間都咁多人排隊呀，等得黎我都渴死啦😥不過唯獨依間同樣都係台灣過江龍嘅-木衛二就真係無咩野人排，等8分鐘就已經有得飲，就試下啦，叫左店長推介嘅藍伯爵奶茶加蜜香珍珠(半糖微冰）諗住一定無事啦，點知又中伏，初初飲有蜜香珍珠係到都還可以嘅，不過就太甜啦，飲晒D珍珠之後重有1/4嘅藍伯爵奶茶係到，先飲到真正嘅茶味，奶味好少，茶味又唔香，飲完重有一陣苦澀味，感覺勁怪怪，可能藍伯爵茶完全唔係我杯茶啦，我真係唔識欣賞🤔