村爺爺龍蝦湯.泡飯.燉湯專家

营业中

休息中

唔洗一百蚊可以食到雞煲翅仲要有菜有飯有飲品村爺爺就能夠完全滿足到唔好以為呢個價錢會好求其，當試過就知真材實料，份量大又好食💥花膠螺片雞煲翅💥雞煲翅每煲有半隻雞，肉質鮮嫩唔會嚡，雞肉點埋秘製豉油簡直襯到絕，湯底清甜有鷄味唔會油，白飯配埋湯一齊食真係一流，仲有花膠、螺片同埋翅，好足料完全唔係講笑只要加多$15可以轉套餐，有飯有菜有飲品，食曬成個餐真係好飽，值得一提呢度凍飲大大杯，唔會一啖飲晒，啱晒而家咁熱嘅天氣，～村爺爺絕對值得試

8月29日揾食肥華計好時間，行完現時點，買埋心頭好，再約埋靚媽在17：OO之前到呢間人龍名店，食花膠魚翅鷄湯餐，果然不出肥華所料，在呢個食下午茶時間過咗食晚飯又冇咁早嘅青黄不接時段，此店衹有七八成入座率，所以肥華和靚媽不但唔使在此店門外排隊，更被安排坐到一個較好用餐座位，因此店要求光顧嘅食客每人都要叫一個餐，所以肥華就和靚媽各點了一個鷄湯餐及一客炸墨魚條魚腐小食，老實講啲鷄湯上枱熱辣辣時係幾好飲，但若果好似肥華呢類食嘢唔快嘅人食呢個餐就唔啱嘞，因啲鷄湯涼咗同初上枱時嘅味道係天與地嘅分別，而個炸墨魚條魚腐則衹有做法特別而味道就平平無奇，因在此店食嘢嘅風格唔啱揾食肥華，相信此店肥華都唔會再光顧

📍 📍 📍 村爺爺龍蝦湯.泡飯.燉湯專家 (油麻地)油麻地砵蘭街72號地下絕對係平民美食！餐廳長期岀現人龍，今次經過見到無人排，即刻唔執輸，入去試下呢間勁多好評既平民餐廳🤭🤭食完覺之後食物足料，平、靚、正，而且員工友善。👉 椰子花膠竹笙干貝雞煲💰78+ 15轉套餐(絲苗米飯，可轉上海拉麵/公仔麵/米粉/油麵/米線)配秘製鼓油，附送油菜一碟😋😋😋😋.5/5個湯真係真材實料㗎，足足有成半隻雞，仲有花膠，竹笙，螺頭，干貝，絕對係足料！份量真係2個人食都得！個湯有好濃郁雞味，鮮甜！米線吸晒雞湯鮮味。雞肉好嫩滑，雞皮夠爽脆，完全唔會鞋，加埋米線真係飽到上心口！，咁嘅價錢食到成個套餐，又高質素，真係絕對會再黎！👉 黑毛豬腩肉拼墨魚圈💰$48😋😋😋/5因為一人至小一個套餐或小食，所以就叫左個白灼鮮魷拼黑毛豬腩肉，點辣椒醬油更添鮮味。對俾個雞真係無咁抵🤣🤣回頭: yesyesyes!!!個人覺得好高性價比，食完唔會口渴，唔覺得有味精，而且店員友善，唔怪得經常有人龍🤭🤭。 #kermit食在油麻地

有一日，得我自己一個人食飯唸起村爺爺餐廳，就即刻去嘗試，點知好多人排隊，一排排左成一小時。首先要點讚所有侍應，因為個個都好有禮貌，吾係間間餐廳都可以做得到《禮貌》二字，坐底點左樣花膠螺頭雞煲湯加飯同一碟油菜，再加多$3凍檸茶，加嫲都係$86，唸住試一試有無錦低食，點知餐到，樣樣野都分量十足，花膠螺頭都多，雞都有半隻，湯都特別好飲，$86嘅價錢，真係非常超值，比係其他餐廳已經好好。下次再黎嘅話會試下其他款式

每次夜晚經過村爺爺，都大排長龍。而且佢地唔做外賣，只可以堂食。難得今日晏晝冇人排隊，唔使講梗係衝入去食啦！花膠螺片雞煲翅套餐有飯又有菜，連埋凍飲套餐都係$88，一個人食完全足夠。個湯成個煲咁上，可以keep住個湯熱辣辣。成個雞煲翅分量十足，入邊有半隻雞，煮到啲肉好柔軟，但係又唔會好似湯渣咁乾爭爭，就連雞胸位都好嫩滑唔鞋。湯底好香濃雞味，味道鮮甜，飲得出真材實料。厚身花膠、螺片好彈牙，螺片好鮮，不過花膠就冇咩味，至於翅就正正常常，份量唔多唔少。唯一不足係原隻半個雞上，無幫你斬件，第一次食真係有啲狼狽。呢個價錢又有雞又有翅又有花膠，啱哂女士養顏！

睇咗餐牌好耐才發覺有名的“龍蝦湯泡飯”是不包龍蝦的, 於是便叫“龍蝦泡飯”. 同行共4人都不是大食的人, 本想叫兩份龍蝦泡飯算了, 但餐廳規定每人要叫一份餐, 餐牌冇講. 侍應生叫我們加多一份花膠雞湯和一些小吃. 花膠雞湯是好味的, 但有名的龍蝦湯味道卻一般. 叫了這麼多東西吃, 當然吃不完, 想帶走, 侍應生卻說不可以帶走. 真的很奇怪, 既規定每個人要叫一份餐, 明知道吃不完, 又不可以帶走, 多麼的不環保. “龍蝦泡飯”有幾個價錢, 雖然我們晚上六時到達, 但就只有貴價錢的“龍蝦泡飯”, 十分奇怪. 貴價的“龍蝦泡飯” 只是多一些材料, 不明白為何會少些材料的泡飯會賣完. 在小店坐的當然不會舒服, 吃的不是特別好味, 花人均$150吃的一餐真不知是如何的感受.

今次有嚟到一間係旺角既排隊店，舖頭外表好簡簡單單，佢係條行仔入邊，同一般嘅車仔麵檔差唔多，但係你一經過就會見到一條人龍，一定搵到佢。鮑魚花膠螺頭雞煲呢度啲出品真係真材實料㗎，足足有半隻雞，花膠，鮑魚，飲佢啲湯，好濃郁嘅雞湯，飲得出係實料。啲雞好嫩滑，啲雞胸位都唔會鞋，一啖飯一啖湯，食完都飽到上心口。龍蝦湯飯龍蝦湯飯都係呢度嘅招牌菜，龍蝦係半個原隻嘅波士頓龍蝦，上菜嘅時候會跟埋個鉗，方便你拆開啲蟹鉗黎食，除咗龍蝦，佢仲有啲元貝，青口蜆咁，簡直係一個海鮮煲，咁多海鮮，個湯就一定好鮮甜，而且每樣海鮮都好爽口。最後仲叫多咗個招牌小食，墨魚卷同埋魚腐，兩樣小食都好食，墨魚卷炸得岩岩好，魚腐就外脆內軟。

晚飯時間，行過呢間餐廳見到咁多人排隊，原來係食龍蝦湯泡飯專門店，咁應該係好好食吧，所以我同老公又排吓先。排左一陣間就有位，都唔係話等好耐。見到餐牌都好多嘢揀，最後我哋叫左一個小食，兩個泡飯同兩杯嘢飲。墨魚手指拼魚腐：剛炸起，熱辣辣。墨魚手指幾彈牙，魚腐外皮脆，點埋跟拼盤醬汁上嘅甜辣汁仲好食。鮑魚花膠螺頭雞煲翅：有半隻雞，除左鮑魚花膠螺頭同翅外，仲有蟲草杞子等配料，另外跟左碟菜，清清地，所有材料都入晒味，雞味濃，撈白飯真係好食。真 · 盛龍蝦湯泡飯：龍蝦最養眼，裡面係勁多海鮮架，有帶子，青口，大蜆，元貝仔同魷魚等等，係每啖入口都有。湯夠甜夠鮮味，好豐富，連湯都飲晒，呢個真係值得推介。熱情果梳打 & 菠蘿梳打：勁大杯，夠甜夠冰凍，天氣咁熱飲佢，即刻開心晒。

呢間小店地方雖小，而且裝潢同一般茶餐廳差唔多，但食物超足料，都用真龍蝦熬湯，價錢亦非常貼地。最想推介嘅係真盛村爺爺海鮮龍蝦湯泡飯！香濃龍蝦湯加上大大飯隻（半隻）龍蝦，再伴有多款海鮮，令到龍蝦湯提鮮，海鮮味相當濃郁，再有生菜打底，同白飯一碗，份量絕對十足！除左海鮮外，另外值得推介嘅仲有真螺片雞件雜菌龍蝦湯泡飯，龍蝦半隻加雞件，既有龍蝦湯鮮味，又有雞件鮮肉味！平均一個set $100-130，食到捧住個肚走！

村爺爺龍蝦湯.泡飯.燉湯專家油麻地砵蘭街72號地下一遲過6點已經來,開始要排隊等候入坐架泡飯.燉湯專門店,佢架湯認真是落足料同心機的, 重點是價錢家位是非常親民, 老闆員工都有禮貌, 大熱天顧客排到身水身汗都會講唔好意思。$58黑毛豬拼豬肚尖，豬肚好腍身好多唔同款架湯品, 好多都是養生又滋補架湯類,湯品更可以$15 升級有白飯, 菜同飲料。一人一煲湯,各自點心中想喝的。$138 鮑魚螺頭花膠螺頭雞煲翅 , 以前媽媽成日煲花膠螺頭湯,滋補好飲,落了螺頭架湯水特別鮮味, 是我最愛飲架湯。食到花膠同雞,飲完真係好掛住媽媽的味道,同屋企煲一樣,不計成本會有好多料,食湯料都飽了。$138真盛海鮮龍蝦湯泡飯是首推, 個湯富海鮮味，集多種海鮮味道非常鮮甜好飲，跟飯可把飯撈落湯變成湯飯。個湯入面有青口、蜆肉、帶子、魷魚，材料豐富足料，重點是有半隻龍蝦，認真誇張，夏天食湯飯開胃好多。咖啡同菠蘿特飲客人瓏絡不絕, 食完就馬上埋單把座位騰出, 再去旺角行商場涼下冷氣。

村爺爺的雞煲翅🌸《盛》龍蝦海鮮湯泡飯$138 ⭐️⭐️☆☆☆呢個超多海鮮（半隻龍蝦、扇貝、超多蜆肉、青口），但隻龍蝦鉗有美中不足，完全冇處理過，傻婆T要大大力勁粗暴才能拆解到，夠鮮的，其他的海鮮就冇咩味道，個湯底一d都唔吸引，感覺似海鮮煮的水加少少蠔油就上枱。碗內還有好多生菜🌸《盛》鮑魚花膠干貝蟲草雞煲翅 $138 +$15配白飯及油菜 ⭐️⭐️⭐️⭐️⭐️呢個超豐富雞煲翅（鮑魚、花膠、干貝、螺肉、群翅、蟲草、桂圓、杞子、半隻雞）口感非常豐富，雞湯又原汁原味，花膠爽口、蟲草、群翅都算多，傻婆T將白飯放埋入湯內，邊飲湯邊吃飯同餸，超滿足呀！店員還好貼心放定手套，因為半隻雞可以手撕出黎食，脾位同翼位都好滑，雞胸位置就比較嚡口，美中不足就是隻雞冇味，需要點豉油吃。由於太大份關系，傻婆T吃剩1/4隻雞，已盡力了。🌸熱情果梳打$10⭐️⭐️⭐️⭐️☆大大杯，超濃郁既熱情果，再配支雪碧，果然正🌸蜜桃梳打$16⭐️⭐️⭐️⭐️☆大大杯，唔算太甜既蜜桃，再配支雪碧，感覺非凡======詳情======村爺爺龍蝦湯.泡飯.燉湯專家油麻地砵蘭街72號地下================#yummy #香港美食指南 #香港美食 #h

呢個第一次去, 但地點就一定唔難搵架啦(因為近地鐵站), 先講講未入去先排20分鐘, 係35度環境下, 係幾辛苦, 不過30分鐘內都可以接受, 一邊排隊, 老闆一邊比餐牌我地, 仲有前排果D就落單先, 咁樣值得一讚, 因為咁樣可以加快成個落單時間仲有等候時間, 一黎好快就可以食得 ,  今次叫左個2B 椰子花膠竹笙干貝雞煲$78+$10升級飯&菜同飲品, 仲有個花膠蟲草花雞煲翅,$128+$10升級飯同飲品,  上枱係 半隻雞上, 個湯絕對可以飲哂佢十分足料, 有翅有花膠, 真係算係咁,  你唔會覺得唔抵食, 而且可以自制湯飯, 多種食法, 最貼心既係佢只比刀叉你, 仲比埋手套你, 你知啦, 食半隻雞用刀叉真係有D難度, 所以呢度又係要比個讚佢, 最後埋單食左2百頭, 算係幾抵食又飽肚, 如果要講可以改善既野, 個湯多左D雞油係面, 如果佢會幫你整走埋真係Prefect, 有用心整野食既店, 食客會睇到, 要繼續保持食物質素, 短期內我一定會再幫襯多次, 希望再有驚喜啦!

我知一個lunch 食到成百蚊，好似好奢侈但當你見到呢個足料"真""盛"龍蝦湯泡飯 送到黎，你就會知道物有所值間唔中都需要獎勵下自己平時食開頹飯、味精野但今次係成碗都好足料的龍蝦湯，啖啖鮮甜的海鮮味Zoom 近一D, 小帶子粒、元貝、青口、蜆肉，仲有重點半邊龍蝦好幸福!!! 我飲水量都好大架，KO呢個湯完住無難度呀呢個點既醬汁不得了，辣辣地，好吊到個味，加分位黎你都知青口有D位會有點苦澀味，依家點完，個鮮甜味昇華左呢碟係必食之一, 墨魚手指拼魚腐炸到脆卜卜墨魚手指好爽口炸魚腐的空心感好特別睇封相，我知我大食啦，不過為左呢餐我忍左口好耐架今次要破一破戒。蟹肉位漲卜卜，正最後嘆埋呢杯回魂的炭燒咖啡，又可以繼續努力起星期六返工啦

村爺爺真係一得閒就會想食下 因為我真係好鐘意食海鮮~真盛龍蝦湯泡飯 最正就梗係有半隻波龍，仲有一大隻扇貝，青口蜆肉魷魚圈扇貝柱，煮埋個湯唔使講超鮮甜;加埋黎撈飯一流! 鮑魚花膠螺片雞煲翅湯餐嘩不得了有半隻雞，仲有花膠螺魚翅，入口湯頭好香一睇就知好足料啦~ 另外食雞肉嗰時再點埋佢個辣醬好香好惹味~墨魚手指拼魚腐 墨魚手指炸到好香口點埋泰式辣汁就再正啲~魚腐有4 舊，大大粒同樣炸到好香口，但魚腐就有D吸油入口會略嫌油膩咗少少~ 食完熱氣野再飲埋兩杯特飲就啱晒熱情果梳打嘩好大一杯，熱情果加埋雪碧，酸酸甜甜好開胃菠蘿梳打特飲呢杯就比較甜，鐘意甜野既就可以叫呢杯

村爺爺由早到晚行過都一定會見到人龍🧍🏻‍♀️🧍🏻。今次都唔例外。好彩等左大約十分鐘就可以入座。今次被安排坐四人座，一啲都唔迫😃。墨魚手指拼魚腐🐙🐙，魚腐我不嬲都鍾意食。但炸嘅魚腐我真係第一次試。估唔到有驚喜，成個口感外脆內綿，而且一啲都唔油膩😋😋。墨魚🦑手指同樣炸得香脆可口，配搭上甜酸醬去食，相當有驚喜。花膠螺頭雞煲🐥🍲，朋友點名指明要食呢個，雞湯🍲🍲味道香濃，就咁飲又得，配上白飯🍚🍚當湯飯亦得。雞皮夠爽脆，雞肉亦都夠嫩滑。鮑魚花膠干貝蟲草，首先蟲草份量多得驚人，夾極都仲有，魚頭🐟雖然肉唔多，但食落唔腥。最驚喜係真係有一隻鮑魚仔。菠蘿🍍梳打🥤🥤，菠蘿味重，配上梳打去飲，可以話消暑一流。凍咖啡☕️☕️味道正常，唔會過甜。兩個套餐🍽🍽都包括埋一碟菜🥬🥬同一碗白飯🍚🍚，以咁嘅價錢食到成個套餐，而且有咁高質素，真係相當抵食。