村爺爺龍蝦湯.泡飯.燉湯專家

营业中

休息中

平時行過油麻地 見到村爺爺 次次都大排長龍 想試好耐 但吾想排隊😅今日17:00幾經過 可能未到晚市時段 完全吾洗等位😍緊係諗都吾諗就入座啦好彩朋友都願意陪我早D食晚餐😁我地3個人點左3碗湯飯 1份雞翼🐔一上枱大家都俾碗湯飯嚇親😵實在太足料吧🧐勁大碗 心諗食哂成碗 應該飽到第二日都吾洗食早餐🤐湯底同飯係分開上 完全可以自由選擇自己進食嘅方法 我就鍾意飲幾啖湯再食一啖飯🤤超滿足🥢。花膠乾貝黑毛豬魚腩雞件龍蝦湯泡飯(HK$98)泡飯足料 湯底味濃而不鹹🦞 激多干貝 仲有大大塊花膠❤️魚腩大件又嫩滑 不過比較多骨😅黑毛豬片肉質腍身 超正😋。墨魚手指魚腐龍蝦湯泡飯(HK$68)墨魚手指香脆彈牙 魚腐比較油膩 湯底濃郁 飲落口完全吾似味精湯 😎。花膠海鮮雞件龍蝦泡飯(HK$88)湯底加左海鮮 味道更為鮮甜 雞件肉質嫩滑不韌 價錢親民 份量大 超抵食😏。南乳雞翼(HK$28)雞翼外脆內嫩 熱辣辣脆卜卜 仲好香南乳味👍 。食物:8.5/10價錢:8/10環境:6/10。村爺爺龍蝦湯.泡飯.燉湯專家油麻地砵蘭街72號地下

村爺爺車仔麵出名，不過泡飯就真係未試過，晚餐食咩好？咁岩見到村爺爺，又未食過，終於同朋友試下。坐低睇下餐牌，麵幾多款式，睇到眼花撩亂，最後揀左魚片豬潤膶龍蝦湯泡飯。除了個碗大，湯多足料，豬膶大大舊，魚片又多，食到飽左，下次試下第二款先。最衰係冇得外賣，否則餐餐食佢都得

上次食唔晒 問佢有冇外賣盒 因為唔想浪費店員話呢度唔做外賣所以無盒所以上次夾硬食 剩左都無辦法但對於佢呢個價錢 有呢個份量係欣賞仲一直同朋友推介 話值得去食於是朋友今日就約埋話去食有過上次經驗 知自己食唔晒本來想同朋友share一個但大家想食既唔同所以今次都帶定食物盒打算預先拎起部分 唔好浪費點知有個啊姐勁大聲指責我話唔拎得走即使我解釋過話食唔哂 只係唔想浪費 但佢都係唔可以 話如果拎走就計原價食唔晒就慢慢食無辦法其實我又唔係成份要拎走只係將食唔哂既肉同飯裝起 完全唔理解佢地店舖既做法最後我食唔晒都只能剩番係度完全接受唔到一間餐廳咁唔尊重食物以後唔會再去食

村爺爺在油麻地開業應該差不多有十年的時間, 當時的牛肋條, 和牛牛油, 龍蝦湯底以及蘆筍豬肉卷以車仔麵界來說的確令我眼界大開, 應該是我認知中將車仔麵Luxurious的始祖之一. 好景時在一個轉角街位有一家車仔麵店和一家湯飯店, 現在車仔麵店搬去新址, 湯飯店則維持在原址, 算是守得住生意.湯飯店同樣以龍蝦湯底作主打, 六七十元定價以湯飯來說是連鎖食肆的一點五倍, 多出的主要該是龍蝦湯底這Trademark吧! 配菜用料如肥牛及鯇魚腩也是一般貨色, 較有特色的也許就是帶子仔, 鮮度一般就是, 勝在份量搭救, 無論是肉類和蔬菜也算是慷慨. 至於龍蝦湯底方面, 味道是有的但不如以前吃的濃烈, 有點流於表面的感覺, 再加上表面浮起的雜質泡沫並不少, 也影響湯底的鮮甜.小食點的南乳炸雞翼反而不錯, 外脆內嫩肉汁豐富, 炸粉下得有點重手, 但南乳味香濃, 比起龍蝦湯底更令我留下深刻印象.

2021年6月26日 雨睇完戲行完街夜晚就同男朋友去左村爺爺食湯飯以前食過一次但個次坐近門口有d 迫同要排隊，所以一直都冇再食。但今次行開附近就帶男朋友黎試下啦一人叫一個餐，好滿足啊殿。海鮮龍蝦湯泡飯 $98，大大隻龍蝦，滿滿ge 海鮮，好吸引啊龍蝦係半隻，仲有膏，個扇貝好鮮甜，仲有d 青口同食極都食唔完ge 蜆同好多生菜😂😂😂 呢個湯偏濃味，用黎送飯正花膠螺片雞煲翅 $68，套餐+$10，雞煲翅熱辣辣，好香有成半隻雞，雞肉好淋好滑，雞胸都唔會鞋，花膠同翅都好多，仲有大大舊螺頭湯底比頭先個海鮮湯清，但佢送飯同就咁飲都唔會咸得濟，清曬佢仲俾左手套可以拆肉，但因為實在太熱，要小心d 雞煲翅個餐仲包左野飲，凍飲+$3， 大大杯，兩個人飲一杯都夠啦埋單179，開頭男朋友仲怕會唔夠食，點知食到棒住個肚走😂😂😂 滿足

☟非專業最真實食評☟𝙂𝙧𝙖𝙙𝙚 𝘼-：花膠螺片雞煲翅+飯+油菜（跟飯同油菜加$10）（$68+10）雞湯唔太油，清清地餸飯好夾，會不知不覺係食左好多飯🤣驚喜位係佢比足半隻雞你，帶住手套食感覺好滿足😍𝙂𝙧𝙖𝙙𝙚 𝘽+/𝘽：花膠干貝黑毛豬魚腩雞件龍蝦湯泡飯（$98）好多餸好似大雜燴甘😂龍蝦湯第一啖飲落好濃味，幾好飲，但飲多幾啖就覺得咸左少少。個人鐘意雞湯多啲👀❀總評❀ 𝙤𝙫𝙚𝙧𝙖𝙡𝙡 𝙜𝙧𝙖𝙙𝙞𝙣𝙜 : 𝘼-/𝘽+❀超主觀推薦度❀（5分為滿分）：3.75

曾經係節目見過秋生兄極力推薦依間鋪頭，所以一早BOOK MARK 左。今日係附近做野，專登過黎搵食。未到下午6:30鋪頭已經開始排隊，聽排隊既人口吻，似乎大部分都係熟客仔。店員姐姐好有經驗安排我地一邊排隊一邊落單量度體溫，排左10分鐘就可以入座。食物選擇好多，由湯底口味到面食都有不同種類，選擇困難症既我，選左top1 既花膠螺片湯，朋友就選了 極上海鮮龍蝦湯泡飯。坐位較擠擁，相信枱面每人只可以叫一個套餐，場地吾適易一班朋友聚腳。已經係入黎前完成落單，坐低等食，餐廳係半開放式廚房，可以一路睇住姐姐逐碗麵煮。大約等了七至八分鐘，姐姐會一盤套餐捧上，真的沒想到六七十蚊，可以咁豐富，足半隻雞，無論米線同油菜都好足料。朋友既龍蝦湯有半隻龍蝦同吾同款既急凍海鮮。用具亦都準備充足，盤上有手套濕紙巾，方便食用雞隻。鋪頭以燉湯泡飯作主打， 對於湯底我好有期待。首先試一下湯先，嗯... 很足料，不過湯只飲到雞油味，沒有想象中清甜，魚翅亦見到係裙邊，跟參考圖片好大出入。😂朋友既龍蝦湯底有龍蝦味，不過龍蝦肉好梅。其他急凍海鮮亦都吾吸引，而且朋友之後好口渴，相信湯底充滿味精。🙁整體而言，依個價錢可以食到咁多野係

今日去咗是村爺爺嘅雞湯泡飯因為而家夏天都唔想食啲太熱氣嘅嘢所以就嚟食啲清淡啲嘅雞湯泡飯味道都唔錯而且好清新睇得出食店用咗好多心思去煲湯有時想清清地食泡飯可以揀呢一間而且地點都好方便評分：4/5（5分滿分）

；魚腩雞件雜菌龍蝦湯泡飯 (拉麵) $62碗嘢望落平平無奇又唔吸引，不過真係好好食wuwuwuw ，值得分享，所以唔理，照些牙。個湯濃得嚟我估佢真係無味精，啲料又新鮮，極大碗，啲雞件滑，食極都食唔完咁，魚腩完全無腥味，海鮮味MAX🦞，仲有海量菇🍄🍄🍄!!!!!!! 好彩叫咗拉麵先食得曬，朋友叫咗飯，結果食剩咗大半碗🤣🤣🤣會encore！其他湯下次trytry！ps, 六點半去到唔洗等，叫完嘢食出面已經排緊了，FYI IT WAS A THURSDAY) 各位要食請早啦(๑ ᷇ 𖥦 ᷆๑)♡‎𓂃◌𓈒

去開油麻地又唔知食咩好，朋友就推介呢間村爺爺龍蝦湯飯，我都未試過，所以就一於試吓先，門口有餐牌俾大家望望，見到花膠雞鍋都幾吸引，但係第一次嚟到就梗係要試吓招牌嘅龍蝦泡飯，所以我就點咗殿。龍蝦泡飯試吓啦入到去好快就有得食，我點呢一個餐有半隻龍蝦，帶子，青口，蜆肉，魷魚同埋大量生菜，另外會再配一碗白飯。龍蝦湯底個味都幾好，可惜白飯煮得太腍身，冇咩泡飯應有嘅口感，龍蝦煮得太老，食得黐牙同埋唔彈口，有啲失望，反而其他海鮮配料就做得唔錯，尤其青口好鮮味。見到隔離枱點嘅花膠雞煲，隻雞足足有半隻好大隻，如果下次嚟到就唔會再點龍蝦泡飯，會試吓雞煲啦

已經食超過兩次了，因為太抵食啦， 60幾蚊一碗泡飯，再配上香濃嘅龍蝦湯底，又飽又實惠😆👏🏻湯底裡有大量蜆肉、起碼有三隻青口、仲有魷魚、幾條菜🤪加埋一碗正常份量嘅飯當日午市點了：❤️炸墨魚手指拼魚腐龍蝦湯泡飯 $68墨魚手指，肉質彈牙，魚腐就有點油膩了❤️吉列黑豚龍蝦湯泡飯 $68黑豚厚肉、外層炸粉唔厚，分量十足*上次食南乳雞翼，個南乳醬其實好入味，我都幾鍾意❤️

殿·海鮮龍蝦湯泡飯Price：$98📌超足料既海鮮泡飯，絕對物超所值🤩半隻龍蝦已經超吸引🦞入面仲有好多蜆、青口、魷魚🦑、扇貝、生菜🥳龍蝦肉好易整條夾出黎，大大條啖啖肉好滿足🤤唔好漏左隻蟹鉗呀都好好肉架（有鉗比大家開嚟食）😚蜆既數量多到數唔哂，咁多海鮮個湯都好鮮甜👍🏻湯飯分開上d飯唔會浸到淋哂，可以按自己食量逐啖落，不知不覺就飲哂成碗湯😂呢個價錢嚟講，海鮮控絕對要試🤪晚餐屋企無飯食就去試下啦！🤣

依間野地方有啲迫但係嘢食質素非常之高嗌咗個龍蝦湯泡飯 加$20定唔知$30有半邊龍蝦龍蝦來講我覺得就可以慳返唔使叫 因為一嚟食好唔方便 二來肉質比較韌 至於本身個泡飯包嘅餸就比較高質啦佢入邊有青口蜆仔八爪魚 同埋超級多生菜各樣野都幾好食 個湯好鮮甜另外仲跟五隻炸南乳雞翼 雞翼好好味 應該係即叫即炸 南乳味好重 好香口總之就好抵食

🏠:村爺爺龍蝦湯泡飯燉湯專家📍:油麻地砵蘭街72號地下==============================之前成日都聽話呢間餐廳嘅扒飯好好食同埋睇相見到啲龍蝦大大隻好開心，所以都一定要嚟試吓！❤️真。村爺爺龍蝦湯泡飯$128貨真價實，真係半隻龍蝦喺度，大大隻，而且龍蝦啖啖肉，分幾啖食，龍蝦肉身好蛋呀，而且好鮮甜😌😌👍🏻呢個價錢來講好抵食！湯泡飯亦都好好味，入面有好多配料，令到成個湯底都好好飲👍🏻整體來講成個泡飯性價比好高，用料新鮮而且非常豐盛，絕對對得住呢個價錢！下次都可以再回味番

〰️〰️〰️〰️〰️〰️〰️〰️〰️〰️〰️〰️〰️〰️🥘 殿龍蝦湯海鮮泡飯 $98🥘牛魔王龍蝦湯泡飯 $68凍飲+$9*2 揀左凍檸茶同凍奶茶Total: $184〰️〰️〰️〰️〰️〰️〰️〰️〰️〰️〰️〰️〰️〰️呢間想食好耐㗎啦，見到都有好多人排隊☺️, 所以老闆會喺排緊隊嗰間問定你食啲咩🥘 殿龍蝦湯海鮮泡飯 $98呢個好足料，海鮮有半隻龍蝦連埋鉗，4嚿青口、10幾嚿蜆肉、兩塊魷魚圈，仲有一隻連殼嘅帶子，食唔到有沙，個湯都好濃蝦味，就咁飲已經覺得好鮮，配埋個飯簡直冇得彈，下面仲有好多生菜，未加飯入去已經好多料喺入面，因為咁嘅關係，食嘅每啖飯都會有餸可以餸飯🥘牛魔王龍蝦湯泡飯 $68有好多牛，但比起呢個，我鍾意上者多啲，牛味遮蓋左龍蝦湯嘅味，我自己唔係好鍾意呢個配搭，可能上面嗰款太好味啦🥤凍檸茶飲落去似冰紅茶😂，大大杯又夠凍，佢同大渣哥係用同一隻杯裝，都好大杯