村爺爺龍蝦湯.泡飯.燉湯專家

营业中

休息中

今日同朋友去深水埗行街，朋友話有間湯飯店成日係社交平台見到有人介紹，但一直未去試過，想襯今日有個大胃王一齊行街，想去試下。於是乎，我哋兩個就一於去一探究竟。行入去，有個後生子好好態度甘招待我哋入去，入到去見到D相片先知，原來係老闆親自招呼緊我哋。當時即刻覺得自己好有face。既然難得入嚟，當然叫多人介紹果兩份餐啦。（花膠姬松茸干貝雞煲翅&殿.海鮮龍蝦湯泡飯）。首先嚟既係海鮮龍蝦湯泡飯：依個湯泡飯真係好正。半個龍蝦大大隻擺左係面頭。下面既元貝，青口，蛤等等真係好足料。而且個湯真係好鮮，飲完個湯，無咩點口渴，所以應該無點放味精。依個湯飯，正常女仔應該可以2個人share。花膠姬松茸干貝雞煲翅：依個雞煲翅湯飯真心無等輸。半隻雞係個湯入邊，再加上花膠，松茸等，只係D料都己經食得飽。個湯底既味好甜，撈飯真係一流。兩個餐，用料足，份量多，味道不錯。如果只係2個女仔去，真心建議一份兩人分享就夠了。

粵式老火湯及明火滾湯，均為香港彈丸之地獨有佳餚，世上無雙。稍為往國內北走，上海北京已沒有這種飲湯文化，更惶論身處海外地方，更為日思夜想。「湯」，是一種香港文化象徵。煲湯的餐廳，可以煲出一個家庭溫暖感覺，總會有土生土長香港人前來捧場惠顧，除了藍色招牌那間之外。村爺爺位處流鶯砵蘭之地，左邊人龍排隊準備入座品湯，右邊咸濕伯父上下打量冶艷女色準備入閘征戰床上。此街是一幅美妙奇特人文景觀畫布，完全體現香港市井文化。意大利Genova老城區亦有類似景觀，妓女街上搔頭弄姿招徠恩客，同時美味意粉餐廳林立。饗客們都喜歡在二線街道上尋找味道上佳餐館，因為都知暸地租便宜，店主會親身掌控食品質素，也因能直接接觸顧客了解需求，更能快速調整烹調手法，以迎合顧客口味。排隊期間，店員會預先量度體溫及派發餐牌。湯品選擇繁多，琳瑯滿目。估計店家煮法應是預先製作幾種味道高湯。當顧客點選菜餚後，便盛幾勻高湯連同顧客所選配料以猛火生滾即成。店內環境狹窄，約二十個座位。顧客與店員接踵摩肩，短兵相見。大家也不能有太大動作，否則輕則碰到對方，重則倒翻熱湯使人受傷。水吧五名女工負責出餐，動作勤快迅速，很快便奉來食品。【殿·海鮮龍蝦湯泡

🇭🇰 < < 村爺爺 > > 龍蝦泡飯💰 [ $51-$100 ］👯 [ ~10mins ]📍 [ 油麻地砵蘭街72號地下 ] ⏰ Mon-Sun (12:00-23:00)☎️ 6773 8757______________________________ 1️⃣[ 真<盛>•村爺爺龍蝦湯泡飯🦞🍲 ］ʜᴋᴅ128✍🏻一上菜已經比佢嘅份量嚇親🤯材料 真•極•級 豐富呀🤩🤩🤩半隻龍蝦、花膠、唔同嘅海鮮、豬肉片仲有食極都食唔晒嘅蜆同菜係底龍蝦肉質彈牙新鮮，啖啖龍蝦肉肉好正😻而且仲有蝦膏同蝦籽，淨係食佢都勁滿足湯底非常鮮甜，配我揀嘅上海麵好滋味🥰🌟推薦指數：8.5/102️⃣ [ 姬松茸螺頭煲雞🍲 ] ʜᴋᴅ88✍🏻呢個份量都唔嘢少，足料半隻雞！連煲上菜，跟餐仲有一大碟菜同野飲😚湯底非常濃郁，撈飯食啱啱好雞肉一啲都唔鞋，鮮嫩又入味😝另外會比刀叉同手套你慢慢食成隻雞煮到好淋，輕輕一切已經分到雞肉✨🌟推薦指數：7.5/10______________________________🥑整體嚟講🥚每個餐都好大份好好食尤其龍蝦以嚟個價錢有半隻絕對超值建議女仔可以

#14062020村爺爺已經係第二次幫襯，次次都keep到水準，用料足同新鮮，絕對唔會hea比你。同埋第二次黎嗌返一樣既野食，都唔會厭，可以嗌第三次tim😂😂😂 以呢個價錢食到呢個質素，我搵唔到第二間。有既話可唔可以介紹我？！雞煲翅]呢個可以加$10變套餐，就會跟飯同菜同飲品。但我食呢煲野都好飽啦，因為佢真係足半隻雞。唔會好似其他舖頭斬曬件，然後唔知有無半隻。反而完裝連煲上菜，熱辣辣原汁原味😋另外會提供刀叉同膠手套比你，隨你鍾意點處理隻雞。雖然佢有比埋豉油，但唔需要用都夠曬味。花膠螺片好軟好Q彈，湯又濃郁可以飲曬。$68真係好抵本身個餐會配白飯，而個湯底係非常鮮甜既龍蝦味。不過呢個唔係連煲上，所以放耐咗會凍（但都無腥味既）。海鮮既配料充足，有青口帶子蜆魷魚......同埋半隻龍蝦，全部都食到個原味唔會有雪藏味。但個人覺得隻龍蝦肉偏細咗啲，好似嗌佢另一個極上海鮮龍蝦湯泡飯抵食啲。因為相差$30而個分別就係呢半隻龍蝦。睇下你想唔想要食龍蝦肉啦😉炸雞翼]香口小食一碟，因為我鍾意食雞翼，而佢既味道口感都好正，所以第二次都繼續嗌咗😋

《足料新鮮燉湯泡飯😋》———————————————#村爺爺 🦞-呢間CP值爆燈嘅良心小店，係我嘅最愛，已經唔係第一次嚟食，平時都大排長龍。佢嘅所有餐點都超足料、超抵deal🤟🏻呢啲價錢可以食到咁高質嘅海鮮🦞，真心少見！-佢嘅雞煲分量超足，有成半隻雞，另外仲有螺頭、松茸等等嘅海鮮料，講真一個女仔一定食唔晒，可以同朋友仔一齊share食。雞湯味超級濃郁，建議大家一定要趁熱飲😍-而龍蝦湯海鮮泡飯入邊有花膠、雞件、青口等等，用料新鮮，完全感覺唔到腥味。湯底用上龍蝦湯，非常濃郁惹味，落埋白飯就prefect💓-另外我哋仲叫咗雙拼響鈴加炸魚皮，超級香脆，浸落湯吸收日月精華咁食真心冇得輸！-⭐ 參考價錢︰姬松茸螺頭雞煲：$88花膠雞海鮮龍蝦湯泡飯（bb辣）： $88雙拼響鈴+炸魚皮： $25🍌 抵deal 指數：9/10💰 人均消費：$100

已經係常客嘅我，一嚟到就直接叫每次都食嘅花膠螺頭雞煲翅☺️加$10可以轉套餐，套餐就跟埋熱飲油菜同埋白飯。我再加多左$10轉做稻庭烏冬🤪😍（因為好中意食烏冬）一嚟到個湯勁熱，建議趁熱飲多啲湯先，因為隻雞仲好熱好難用隻手拎住黎meet😂將啲烏冬浸落啲雞湯度一齊食，超級滿足啊🤤🤤👏🏻雞嘅份量都好多，有半隻雞，我一個女仔其實自己一個都食唔晒！佢花膠，螺頭同埋翅嘅份量都正常嘅，唔會話得幾舊！總之就一定會再嚟食😋😋

村爺爺開左好幾年，一直都好受歡迎，長期都要排隊。尤其係用膳時間，起碼要排半個鐘，有興趣試既朋友記得早d去呀。餐牌選擇豐富，除左龍蝦湯系列，仲有螺頭煲雞湯、花膠、小食類。最受歡迎係極上海鮮龍蝦湯泡飯🦞，大大隻龍蝦，仲有青口、蜆、扇貝、魷魚等，配埋飯都只係$68，CP值極高。海鮮好新鮮，食落都好爽口，而且龍蝦湯味濃郁，睇得出用足料，份量十足，一個人肯定食唔晒。差唔多枱枱都有叫呢個，上菜後個個都影相先😂誠意推薦！

位於鄰近地鐵站食物舖仲要喺地舖，相信租金一定好貴。唔到你唔相信食物價錢非常之平民，但食物質素非常之高！！店舖出面癡晒manual，排緊隊嘅時候可以諗吓食啲咩。而我梗係食啲王牌😍龍蝦係半份上，而且入邊嘅海鮮非常之新鮮例如有青口螺肉，元貝。而且佢嘅湯底餸白飯係非常之好食係絕配！重要嘅嘢要講三次，真係好好食好好食好好食呢個價錢可以食飽人，而且仲要好好味邊度有得搵？另外雞煲翅非常之正，半隻雞上而且唔怕嘅話可以成姐用手食(當然要清潔雙手先)🥰🥰

同朋友仔喺旺角Happy Hour完，本身想食飯嗰間餐廳要等好耐，佢話行遠少少有間龍蝦泡飯好正好抵食，所以就入黎試試。見到$88起嘅泡飯有半邊龍蝦已經覺得好抵，我叫左個南乳雞翼龍蝦湯泡飯(加半邊龍蝦) $88黎到之後喺內心拍爛手掌👏👏👏，個湯有龍蝦味，裡面仲有蜆同青口，我唔食青口所以俾左朋友仔食，蜆都幾大隻，好鮮，有一隻有一兩粒沙。龍蝦都幾大隻，夠味又彈牙，重點係佢好多蝦膏同有蝦籽，平時食buffet同西餐都唔係隻隻有啦。真心俾無限個讚👍👍我expect $88 又龍蝦又雞翼咁多野，雞翼頂盡咪俾兩至三隻。OH MY GOD 竟然有5隻呀😱😱😱，熱辣辣炸得好脆，但南乳咪略嫌唔夠出同偏咸。盡晒力都食剩左兩隻雞翼，但真心唔想嘥野，問吓佢地可唔可以打包兩隻雞翼拎走，個staff猶豫左一下，因為有龍蝦嘅泡飯只限堂食。最後我諗老闆見都係兩隻雞翼啫，就俾左個紙袋我拎走。Thanks for his kindness 😊充滿良心嘅cp值爆燈小店，兼夾係同路人，要大大力推薦呀!!👍👍

海鮮龍蝦湯泡飯， 依幾年食少左泡飯， 泡飯比較難消化，個胃又唔爭氣， 不過久唔久都要偷食一下， 龍蝦雖然大但係就冇乜肉食（ 餐廳好細心， 準備哂工具，手套比你拆龍蝦 ）青口肉質一般， 不過蜆肉就非常非常之多， 咁多海鮮放喺個泡飯入面， 個湯唔洗加其他調味料都係“甜” 花膠姬松茸干貝雞煲翅～個名長到呢……但唔係得個名，花膠都有2～3舊，雞肉煮到超級林， 輕輕力已經可以齒出黎， 湯雖然油左D(雞湯在所難免）但味道唔錯，唔會好味精

呢間泡飯出名抵食，又足料，呢日終於黎左試下位置都比較方便，都算易搵一去到唔洗等位就入得可能因為星期六十二點到，都比較早疫情期間都有量體溫同有膠板隔住但始終小店，枱與枱之間距離都比較近我地就嗌左一個花膠雞同川芎魚頭既set幾十蚊有個足料既湯飯set,真心超抵！！花膠雞雞湯好甜，成隻雞上，店舖有準備定膠手套比我地用手食。花膠好爽，成件事就係正。川芎魚頭去頭風一流呀！一上台就好大陣藥材味。可惜我唔太識食魚頭，但都有d魚塊食下個湯好正！感覺好補！菜，飯，野飲都係正常質素！一定會再黎，抵食，足料！！必試！

今日約朋友黎試一試呢間泡飯，無得book位，所以就要早少少去，因為呢間鋪長期多人排隊架最後我地都排左半個鐘，記住佢地係要齊人先可以入得既係門口已經有好大個餐牌入去之前就落定單，一入去坐低好快有得食啦殿·海鮮龍蝦湯泡飯🦞🦞🦞$98呢個無餐既凍飲加$9，一開始梗係飲佢碗湯先啦一飲落去好勁龍蝦味呀啲海鮮都夠新鮮，蜆唔會有沙鮑魚花膠蟲草花雞煲翅$128呢個係有餐既所以凍飲加$3一黎就試佢個湯先啦好大陣雞湯味好好食但唔夠熱只係暖，再熱啲就最好，雞都好滑，鮑魚都唔un，魚翅一條，花膠5條左右，正體好食既南乳雞翼加薯角，真心麻麻，因為都係唔熱既，姐係一早整定放左係到，雞翼無乜南乳味小食扣左分，而湯飯值得一食

花膠雞煲翅+飯+油菜+飲品 - $78黃店 💛 yellow shop fact checked and recommend by kaikai🤩 間舖隻雞同啲雞湯都係黃色你唔係唔去支持呀嘛！花膠雞煲翅有成半隻雞勁足料呀！🐥 好多人排隊好似好出名咁🧐 然後佢哋都整得幾乾淨$78拎唔會話好多雞毛(你知有啲餐廳好污糟㗎嘛)所以可以食曬啲雞皮好幸福😂 個湯好好好好好味又唔會太鹹、應該冇落味精飲得出有骨膠原collagen limlim地咁👅 不過$78 you can’t expect 佢個花膠 too much, 女仔一個人絶對冇可能食得曬成個餐，可以留空啲個肚lunch去食，包你全日唔洗再食野🤙🏻 學啲日本妹新style打斜影相how see? 其實佢最出名係龍蝦湯泡飯，不過嗰日喉嚨痛所以又有個機會下次再去試埋佢啦😍 聽講佢個龍蝦湯都好好食anyone going with meeeee?村爺爺龍蝦湯 . 泡飯 . 燉湯專家地址: 油麻地砵蘭街72號地下

今日行經旺角砵蘭街一帶，突然間醒起村爺爺龍蝦湯泡飯就係附近，所以二話不說馬上起行，行到去門口覺得怪怪地，點解以往既人龍消失咗。睇返手機之前啲相塭到對上一次黎食都已經係 2018 年既事了，當年門口閒閒地都有二，三十人排隊紅極一時，依家竟然搞到咁究竟發生咩事。🤭坐低咗無耐侍應哥哥就攞咗餐具，消毒濕紙巾同口罩袋比我，就眼睇餐具同消毒濕紙巾都 OK，不過個口罩袋就好似流咗少少，感覺好多菌所以最後用返私伙野。餐牌竟然同兩年前無咩變過 😱 兩年前既殿。海鮮龍蝦湯泡飯賣 $98 蚊，估唔到 2 年後既今日仍然都係賣 $98 蚊，餐廳真係好有良心。👍🏻殿。海鮮龍蝦湯泡飯 ($98) : 價錢就無變過，睇下品質有無差到先，材料有青口、扇貝、蜆、魷魚、龍蝦、生菜，湯底幾清甜，飲咗幾啖都無口渴既情況 👍🏻 蜆亦處理得幾好，食咁多隻都無食到有沙，其他海鮮亦好肥美，加上生菜吸收咗湯既精華，食落勁勁勁鮮甜，成碗泡飯美中不足係扇貝個殼，應該要刷乾淨先好放落個泡飯度，因為真係幾污穢下 🥴 依家非常時期更加要乾淨啲。奶茶甜度適中，可惜茶味欠奉。餐廳重唔收加一服務費添，非常抵錫。😘

前排ig經常彈呢間餐廳既廣告因為本身都幾中意食湯飯 所以就去試下喇我同男朋友好晏先去到 成夜晚9點幾不過都要等下位 係門口排緊已經有侍應拎得餐牌比我地睇定食咩同落埋單入去之前都探左體溫同比酒精搓手液你搓手我同男朋友一人嗌左一個湯飯佢叫左花膠雞煲翅 但吾知點解張單打錯左但又黎得岩架喎😂我本身諗住叫殿。極上海鮮龍蝦湯泡飯但係因為已經賣晒 所以得海鮮龍蝦湯泡飯分別就係少左半隻龍蝦吾係等左好耐 我個龍蝦湯泡飯就黎左喇黎到個下我係有少少呆左因為佢既賣相有啲差 個湯既渣有啲多蜆類海鮮好多 有蜆 青口 魷魚 扇貝湯入面仲有生菜 另外有個用黎裝飾嘅龍蝦頭同埋跟一碗白飯 明明有甘多蜆 但個湯同海鮮都吾算好鮮甜加埋白飯落去食 成個泡飯我覺得一般但不得不讚既係佢真係好多好多蜆肉 就算食到低 依然係每一啖都有肉我呢個泡飯$68包埋個飯 另外加$9凍飲男朋友個個花膠雞翅煲我都試左少少個湯都吾係超濃郁既花膠湯 淡淡既雞湯都係不過不失花膠大約有3-4件 雞肉都煮得好淋另外好貼心附送埋手套 方便食雞男朋友呢個餐$68+ $10跟餐有飯同油生菜另外加$3凍飲 整體黎講 cp值都高既因為價錢吾算貴 野食又吾會太差加上侍應