東城酒家 (已結業)

兩個人去飲茶兩點鐘無晒椰皇燉鮮奶 失望叫左六個點心最鍾意係蝦餃雖然個皮好易痴住紙痴到爛左但裡面既蝦真係足料又好鮮味彈牙牛肉好淋間中咬到馬蹄有口感燒賣比較多肥豬肉 食一粒就夠鳳爪好入味 但主要食佢層皮 幾肥下叉燒腸幾厚皮 而且不太滑薄撐煙靭配海鮮醬幾好味

今日又到我地的家庭飯局時間，當然想選擇返間返少少可以早返去，所以今次選擇了東城，東城講真成日長期排隊，去過2次都失望而回，今次專登為左食佢而早到6點就去打邊爐。當然今次食到啦，原來仲有泰式串燒食添，大約7點鐘已差不多成間酒樓全爆了，當然有原因啦…..每位$138可以食135分鐘而且多野食都嚇親～今次我地叫左皮蛋蕃茜湯底，味道淡淡地，而今次我地係冇牛肉日，所以今次以丸，魚，豬肉之類為主。野食新鮮又乾淨，但如果食羊的朋友就要比＄48先可以叫到一碟了。我地係勁鐘意食魚，所以最後4個魚頭和魚片，蝦都叫左4碟先夠皮。菜和丸類可以在出面取，丸類味道一般，但芝士丸好味道，夠芝士又夠香口。菜都有好多選擇而不停供應又新鮮。熟食都一行多選擇，如豬腳薑，馬拉糕，雞翼尖，燒賣，干炒牛河….味道講真普通但夠熱度，馬拉糕是哥哥最愛又軟熟又香口。雞翼尖我喜愛夠辣又入味。泰式串燒這個超強勁…亞姐和亞哥勁努力燒，雞牛豬魚粟米咩都有，係咁燒又香，但講真只係熟沒有燶，但又講要打邊爐仲有人燒串燒仲要即時係你面前真係未食過，而且味道不錯，餃子又好味仲有汁係入面。亞哥慶喜仲係度炒面同烏冬….又開始排隊了。仲有甜品，椰汁糕，椰汁紅

父親節, 訂了位, 一行五人去東城酒家晚飯, 這晚換上了父親節特別菜單, 價錢比平常貴了多少不得而知了。先來一個 白灼海生蝦$168, 因為蝦唔夠大隻, 只能白灼, 不過食落都幾鮮, 肉爽脆, 好有蝦味, 真不錯!跟住係無太多技巧的 粟米魚肚粟 $88, 就同平時的罐頭粟米差不多味道, 不過魚肚算幾多。 清蒸大沙巴龍躉 $338 最有驚喜, 蒸到岩岩好, 唔過熟, 咁大條魚火喉控制比較難! 而佢係平均地熟, d肉又滑又嫩, 魚肉優質, 超正!魚香茄子煲 $78 基本上成碟九成係茄子, 肉碎只有很少, 比較濃味, 要配白飯食先得。本來食蝦同食魚時勁讚, 食得好開心, 但讚壞左, 到後來水準開始下滑了, 金銀蛋莧菜 $78 煮到比較老, 菜比較「鞋口」同有d 渣, 或者本身菜都不是太靚, 咸蛋同皮蛋份量倒是不少, 味道唔太咸都算可以。而最失望的係最後出場的 上湯波士頓龍蝦 $228, 芝士要另加$30, 以為會好正, 點知完全唔掂, 芝士一pat野咁, 無芝士味, 得奶味, 仲有d 粒粒唔知係用咩粉溝出來, 龍蝦明顯炸過, 又油又熱氣, 只食左一小塊, 都唔想再食, 最慘係無辜的伊麵, 因

哇哇哇冬天天氣凍凍地 最啱圍埋一齊打邊爐喇東城最貴既時段 假日及假日前夕都係全包$138仲要有唔少熟食同點心選擇要暴食既話真係啱哂係個爐未滾前當然要精心炮製湯底自選配料有好多 馬碲,雪耳,雲耳,芋頭,番茄,栗米,南瓜...當然要整到湯底甜一甜另外牛柏葉,魷魚,豬皮都有唔同時間會不斷供應不同點心恆常既有春卷,咖哩角,炸番薯,炸薯條 有茄汁同泰式辣醬仲有酸齋,拍青瓜等開胃小食其他就睇運氣叉燒批少見 唔算太脆既酥皮甜甜 加上叉燒醬更濃更甜綠豆糕味道較淡,黃色部分係似綠豆泥,白色就係椰汁糕擂沙湯圓真心難得,見到已剩一粒,黑芝麻湯圓正仲有芒果糯米卷 可惜與佢無緣 春卷正常炸番薯脆脆外皮少少甘甜 但易飽注意炸雞翼,炸雞槌雖然入味 更有咖哩調味 但肉質較實炸洋蔥圈脆炸油感十足 更有少少蛋黃醬點綴不過亦感到幾熱氣竟然連芋頭糕都有 但係硬左d期間仲有燒排骨,鴨下巴胡椒豬肚胡椒味足 自己加左落去滾湯底熟食仲有豬腳薑,荼葉蛋,咖哩魚蛋,韭菜豬紅,生炒糯米飯,干炒牛河味道都是平平的酸辣湯雖然唔稠但夠味當然唔少得包點馬拉糕鬆軟糯米卷糯米少少甜軟乎乎的壽桃(蓮蓉)包響鈴有得自己拎 自家炸大大舊食落索索聲 脆得一定

服務差到暈，侍應同經理選擇性失聰甘，野食野飲算放得入口，因為香港人對食冇乜要求，但質素完全唔得. 湯底完全無味，同水冇分別，牛肉嘗算唔錯，但都唔值，似係塞入個肚填飽一樣。西瓜汁，竹遮矛根水，滿心歡喜但一些味都無又係唔甜，今次完全覺得係揾笨！一次就夠！

2 個人左諗右諗 , 都唔知食咩好 , 睇睇下有餐叫 . 咁就叫左個 “ 揚州炒飯 “ 同 “ 魚湯肉崧浸時菜 “ , 好快就上枱 , 賣相都唔錯 . 揚州炒飯 ~ 食食下至記得影相 , 所以細碟左 ,配料都算多 , 每人都有 2 碗 , 而且仲有剩添 ,入口都好香口, 味道岩岩好 , 唔太咸 ,d 飯就比較乾身左 , 而且又硬左 d  , 如果軟返 d 就會好 d .   魚湯肉崧浸時菜 ~ 即時飲左啖魚湯先 , 正 , 好香魚味 ,仲好鮮甜 , 魚湯有菜 , 豬肉碎同妃子 , 飲飲下唔會悶 ,咁多料 , 而且仲可以湯溝飯 , 令到 d 飲冇咁硬 . 今次不過不失 , 買單加一連茶介都係 $104 ,都唔太貴 , 又食得飽 , 如果食點心相信都唔止呢個價 .

好多時同隔離鄰居約埋一齊去 dinner ,今次就約左去 “ 東城酒家 “ 任食打邊爐 .星期一至四就 $118 ,而星期五至日就 $128 ,任食 2 小時 .上到去梗係兜左個圈有咩食先 ,有打邊爐食物 , 熟食 , 飲品 , 飯 , 飽 ,雪糕 , 糖水 , 甜品等等 , 真係花多眼亂 ,睇完之後就第一時間 order 火爐湯底同配料 .前菜吹水時刻不可少既良伴 , 任飲嫁 !配料菜湯底自配醬油甜品因為掛住食既關係 ,都唔記得影出面自助既火爐配料 ,而且話咁快 2 小時就過去 ,$118 可以食到咁多野又真係好抵丫 !是夜食得開心之餘 , 又可以吹下水 ,真係難忘既一夜 !

因為同學生日所以一行8人去到東城打邊爐$128@1 全包 8人同行一人免費 2個鐘15分鐘時間食野，已經食到好飽 個場都算大可以坐到好多圍但抽風系統唔太好食落覺好熱食物方面有熟食、甜品、野飲同生菜係出面自己揀都算係半自助形式 款式還可以我地有8 個人所以兩個煲,一個清湯一個就咖哩不過咖哩好淡所以再係出面調味盤到再拎左碗咖哩味道即刻濃左食物等左5-10分鐘就黎左一個大盤裝哂我地叫既野食算係有效率既服務不過個部長係我地入座果陣就企係到望住我地 都唔知佢咩事未夠鐘我地已經走左雖然依餐食到好熱不過亦都食到好飽

今日係結婚周年紀念, 身為屋企大廚嘅我又有一個好藉口罷煮喇!. 之前聽人介紹呢間東城唔錯, 除咗火鍋生料, 仲有好多熟食. 咁啱今日天氣凍咗, 我又鐘意打邊爐, 一家三口決定嚟試下喇.朝早打過電話問過-18:00開始. 星期五/六/假日$115.00全包. 100CM-120CM小童 $68.00. 任飲任食2個小時15分鐘.18:00準時去到. 先叫湯底, 再剔生料. 跟住就出去巡視一下.嘩! 真係好多嘢食喎. 出面兩大張長枱放滿熟食: 有魚蛋/茶葉蛋/胡椒豬肚/壽包/糯米飯/馬拉糕.......另一邊放有不須入單嘅火鍋生料--蔬菜/.雜菇/生根/響鈴/鵝腸/牛柏葉/出前一丁/鳥冬........應有盡有.竹庶水/五花茶/酸梅湯/汽水/啤酒任飲雪糕 (雲尼拿/芒果) /雪條(紅豆/綠豆)/ 糖水(紫米西米露/紅豆沙)任食.仲有張供人混醬嘅枱-辣椒/蒜蓉/各式調味醬料一應俱全.入單嘅生料亦都好快到, 又無漏單, 抵讚!但凡入座幫襯者, 必定大飽口福, 捧住肚子落樓. 入單嘅生料: @ 蝦串/ 鯇魚片/生魚片/滑牛都好新鮮, 但第一round嘅生魚片好多骨, 仲要唔係幼骨喎. 第二r

東城酒家前身都係任食火鍋(群星海鮮酒家).以前以巠好多人食架啦.而家轉左手仲多人.因為而家又話多左果啲乜野中西合壁..即管去睇一睇........話說我同老婆年初五PM7:30分去到...超多人呀o..NO兩個人攞飛仔先.點知以巠要等90張枱了.我同老婆真是天真.在門口等了一個鐘.兢然是只叫了一張枱.........仲有89張,即閃啦~~~~事過兩天之後.我和老婆都心有不甘所以今晚再去過.......今次我們PM6:30分以去到.睇一睇有位呀~~~計劃成工....嘩....好多野食呀!!!!!唔怪得咁多人黎食野啦.又有熟食.火鍋配料超多.平價火鍋配料和蔬菜.雜菇是可以自助任攞的.比較貴的火鍋配料:如...手打四寶丸、美國肥牛."海蝦.豬腰./豬膶.鯇魚片雲吞.水餃魚皮餃.等等.數之不盡..仲有你地睇吓張混醬枱先啦.啲醬多到呀..睇都睇到眼花啦.致於湯底就冇乜凸別了.清湯.沙爹.莞西皮蛋.都係果幾未....仲有汽水.啤酒任飲.食完仲有雪條.甜品.唐水.....你話喇$128元咁多野食.唔多人就其啦...如果想平啲.仲可以PM8:45分入坐的話.只須要$108蚊就可以了.但係唔想等到冇引.

東城酒家，好突然的出現，知道它的出現只在輕鐵上的廣告板。不過置樂一帶不就腳，係離市中心不遠，但不會專程落去行(因為無什麼好行XD)。前日訂了置樂網球場打波，貪其後上麥里浩徑都方便得多假日不少得上酒樓飲茶，置樂得兩間酒樓，一間是出名平價打邊爐的天悅，一間就是東城了，友人早到亦已在東城找到位子，我隨後便到。十點未夠已經全場滿座，所以我們都需要搭枱，之不過枱與枱的空間較少，肥大的我需要攝攝攝；以免影響對方，坐下後先和前後枱的茶客大家亙相識趣地移動砌靚個位。酒樓的裝飾沒什麼好說，華麗算不上，也不是很草根，表面上乾乾淨淨吧。我喜歡旁邊一排大玻璃窗，陽光的日子，的確令人心廣神怡。假日九點後已經是正價了，所以慢慢選點心也沒問題。先來一個兩餸粥，選了魚滑和皮蛋，還附上蔥粒和脆脆。粥夠哂熱盪，粥底偏稀也較為淡口，材料每款有幾粒，不過皮蛋很硬呀。看來煎釀三寶是近來我們飲茶指定動作三寶分別有紅椒﹑青椒和茄子，連紅椒都用上算是特別嚕三寶樣子煎得燶了點，我吃的青椒寶的確有點苦味，這個不是沾豉油/獻汁，是加了日本燒墨丸那隻甜醬汁和木魚，係特別一點，但食入口一甜一咸，我覺得不太配合。濃湯浸油麥菜看來不錯，加了菌類和

這間酒樓新開的,上個星期跟媽媽及家姐來過,覺得幾好味又唔使等位,所以今個星期再嚟. 今次有7個人,都唔使等位喎. 我地叫左: 菜肉包,原盅馬拉糕,潮洲粉果,鯪魚球,咸水角,煎三寶,寸弓蒸魚頭,九肚魚,鳯爪,炸芋角,還有盅頭飯....原盅馬拉糕好大籠,有八件架,係庶糖深啡色的,好鬆軟夠熱唔係好甜,好味.潮洲粉果都多料皮夠薄的,好味咸水角熱辣辣好香同埋好軟身架,唔會硬到咬唔到.九肚魚都好味呀,好熱及魚肉夠鮮味.魚頭都好大碗,好濃既味道,份量都幾多架,有幾件魚頭,我試左少少,都好滑,真係好足料喎.其它的食物都ok呀!不過上個星期食過蒸芋頭糕好好味,好想再食,但今次等左好耐及追過兩三次都冇嚟,應該係漏左單,所以我地取消左啦.

前排仲見裝修緊，今日再行來已營業中，東城的名字第一次聽，遲下唔知會否有西就酒家。要行梯上去，無電梯上（我可能見唔到），如果有老人或傷殘就辛苦少少，叫了普洱，但來了香片，照飲.....甲級叉燒包，聞到叉糯香，一籠三個，仲要大大個，包軟，見到幾塊的細叉燒，味道幾好，唔知仲有無乙級或丙級尼！腐皮千層夾，一屏又一層腐皮，疊了幾多層，我真的數不到，但味道麻麻，仲嗒到簡水味，咸水角，一碟三個，熱辣辣，炸得脆而不油，淺金黃色，做到外脆內軟，內餡少，但最好味是外皮，蜂巢焦糖糕，五小件，濃濃的焦糖味，切開糕裡頭的組織像蜂巢一樣，記得要熱食，不能凍食，一熱一凍的味道天壤之別，布拉腸粉，條條都有拇指咁粗，皮厚而滑，無米香，五籠點心，二人食，埋單86元