東寶小館 (已搬遷) 新店位置

好耐之前上過去ｌｅｅ間度睇．．．超多人所以等都冇等就走左ｌｕ今次就７點到去到．．又冇人排隊即刻有位，但我地又未餓ｗｏｒ．．所以就出去行左一陣先再返去到８點左右返到去就有人抃緊隊啦！但因我地唔介意搭枱，所以立即有位！叫左個墨魚汁墨丸意粉－來到凍晒唔好食，又貴ｗｏｒ．．都唔知點解ｄ人推介既？？本來想叫魚腸０個個．．．點知冇晒，所以就叫左個南乳炸豬手．．真係好味ｗｏｒ！仲好多ｔｉｍ，又唔算好肥膩（這個是見到隔離枱的公公婆婆叫的．．見幾靚又大碟又算平，所以就跟左佢地叫，佢地叫０個幾碟小菜都好似好正，佢地好識叫呢）仲有一個雜菜煲．．點知．．流過咩咁．．好清．．得ｄ黃晒既菜咁～又冇味～因為都等左好一陣子．．所以叫左一個小食．．．係咩雞軟骨咁上下的．．有ｄ腰果墊底．．ｌｅｅ碟超好食！連ｄ腰果都好好食我地食到停唔到口呢！！總體來講都覺得好味既～但又唔算ｖｅｒｙ　ｇｏｏｄ到成日都有咁多人等位囉！同埋超貴既大排檔囉！比出面普通既大排檔都貴．．但質量又唔係話高幾班咁囉！

晚膳日期：06/01/2010，星期三晚 (4人)因時間表排得密密麻麻，唯有取消做facial與美國friend飯局，很大犧牲啊！天氣開始轉冷，本想去金牌火煱打邊爐；但D friend話打邊爐太多驚爛咀。最後我們選了屋企就近的東寶。裝修及環境：純正市政大樓街市(地踎質素)，因全是磚牆，很嘈吵，但這是就是街市！服務：無食一排，不知是否因為是平日，這晚的服務奇好；有次weekend去就‧‧‧。我們這些支持環保的，最欣賞佢有人倒骨但無需換碟。這裡是有5% service charge，對！是大排檔形式也收服務費，很寸呢！點了：蛋焗魚腸、羊腩煲、唐生菜、風沙雞、魚湯花膠浸豆苗 蛋焗魚腸 –超正，魚腸唔算腥， 採用的蛋好香，即叫即焗，需等35分鐘。上枱時香噴噴，成個焗蛋糕咁，好厚，夠哂飽肚。 羊腩煲 – 超正，軟度適中，羊帶點羊羶味，味汁濃厚。 生的唐生菜 – 用羊汁碌唐生菜，正！ 風沙雞半隻 – 皮脆，肉厚，ok，必食之選！ 魚湯花膠浸豆苗 – 全晚最普通，魚湯唔夠濃，花膠幼到死又硬，唔靚。 奉送姜汁蕃薯糖水 –姜汁超正，蕃薯件數夠又夠粉，但我就覺得味道太甜。4個人共食咗$430、每人約$10

食物方面這裏經常有創意的菜式出現，羊腩煲是冬天的首選，羊肉煲味道唔錯，雖然沒有生菜，清炒唐生菜勝在有鑊氣，好味和特別的有九層塔炒齋和雞蛋焗魚腸，炒齋不似一般的素菜，有紫色生菜、小粟米、青瓜、洋蔥等的材料，很香的九層塔味道，帶點點的泰國風味，加上炸的雀巢，很好味，雞蛋有很多的魚腸，雞蛋和魚腸配合得很好，魚腸沒有腥味，熱辣辣很久沒有食過這樣美味的雞蛋焗魚腸，另外隨餐會肴甜品贈送，蕃薯糖水也是很美味哦，埋單大約三百二十幾，足夠四、五個人食，食到要打包，算大件低食了！http://icuteee.mysinablog.com/index.php?op=ViewArticle&articleId=2119102

大時大節，除了吃西式大餐，也可以去大牌檔，別有一番風味。六時左右已差不多坐無虛席，東寶果然利害。4人行，先坐下，二話不說，先點個「馳名風沙雞」。天氣有點冷…「來個羊腩煲，夠晒暖胃」。再多點一、兩個小菜，各有特式，味道亦佳。風沙雞—依然皮脆肉滑，蒜香十足。眼看每席客人都有一碟，絕不誇張。羊腩煲—點這個菜前我有巡視一周，羊腩煲極受歡迎，我相信群眾的眼精是雪亮的。羊腩分量十足，有足夠的荀、冬菰、腐竹、馬蹄做配料，湯汁味道夠濃，羊肉夠稔，好味!豉汁魚嘴—一大碟，好多個嘴，我見到怕怕。但同行者非常欣賞魚嘴，「很滑」、「很惹味」是他們的評語。以上菜式，比較平凡，今次我們作新嘗試…蜜汁鱷魚肉—我還是第一次吃鱷魚肉。鱷魚肉的質地有點像豬肉，亦像豬肉一樣有點像脂肪的物體。蜜汁用柚子蜜做，酸酸甜甜，幾醒胃。甜品送上蕃薯糖水，蕃薯夠粉，糖水夠薑味，實在很好。P.S.: 東寶阿哥(火箭頭、穿白水靴那一位)介紹我們吃健力士黑雞腳，他說黑雞腳用5種材料包括xx、xx、xxx、xxx、健力士浸透，味道十足，非常滋補。任他說個手舞足蹈，但同行者還是儍兮兮的，問東寶阿哥「點解隻黑雞腳咁勁，入到健力士大全」…我實按奈不住

同朋友行完山,去到北角,找野食.由於我地都係九龍人,對香港有咩好食的野唔係好清楚,咁打電話問下朋友.佢地話,東寶好野...點都要去試下...好..就去.....行行從行行, 找到啦!!好多人....要等位....佢地個Menu...有中日英三種文字....再睇下個價錢....都幾貴下....果然係....出名呀!!最得意係, Meun寫明叫客人唔好問有無炒粉麵,因為無得賣...還有唔好問有無打邊爐的料....要去就去打邊爐專門店.....食左啲咩?? um.... 請睇相啦!!聽人講個"墨汁麵"好正....其實食落無咩驚起...唔難食囉...其實佢地同其他的大排檔分別不大....只係Menu有三種語言, 環境一般ok啦!!不過真係幾貴下....最低食的咪係河葉飯....一行6人,走人時每人$75...應該唔會再去.

星期三，凍唔夠幾日，又要出動夏天衫，香港嘅天氣變化真快。不是很久的從前，筆者都會聯群結隊，浩浩蕩蕩嚟「東寶」食飯。十多名壯男，圍成一桌，一人一個戰鬥碗，攝高衫袖，「乾咗佢」此起彼落。是晚，沒有大班人，只得太座與筆者二人，亦沒有一枱十幾樣餸、十幾支酒嘅場面，在升降機旁的一張小桌子，悠然自得地嘆羊肉煲($128)及清炒豆苗($45)。旁邊嘅大枱依舊坐滿年輕人，重複做著筆者當年做過的事。那時嘅「戰」意，如今所剩幾許！羊肉煲是不包菜的，要烚下烚下，就得別外order，覺得不是味兒。羊肉煲腩位只得幾塊，所以叫「羊肉煲」非「羊腩煲」，冇誤導食客。羊肉本身味道肥美，可惜的是煲得唔夠耐，瘦肉部分非一啖就溶化。本是精華所在的枝竹，嚇然是未完全煮腍的，而且入口粗糙，與吸滿羊肉汁的境界相去甚遠。只有啖啖的馬蹄，既爽且甜，蘸上一點羊肉汁，也蠻好吃的。一碟清炒豆苗，卻弄得頗為油膩。也算吧，廚師慣了重手煮菜，一時要輕輕出擊，調節不來。加一碗白飯，平均每人差不多一百蚊。是令人失望的一夜，睇嚟，還是小炒比較出色。店員雖忙，見太座腹大便便，都特地弄來一張有背嘅椅子，值得一讚。

一行七人,去了東寶,旺場依舊,亦點了標準菜色,芥辣魷魚:味道配搭得宜南乳炸豬手:必試之選,脆口而不肥大肚婆炒飯:朋友再推介,無甚驚喜風沙雞:同上黃金蝦:同上胡椒豬肚湯:這個很棘,朋友亦喜歡雙菇炆枝竹:清清味蕾還一味忘了是甚麼.味道對辦,不喜豬手的朋友亦吃了不少,招呼亦越來越專業,唯一是價錢也越來越貴,食來食去果幾味,睇住價錢由100per head 到而家 170 per head. 升幅實在不少,唔怪得之另外個間都開始有生意

今日係同內地黎0既同事食飯第2擊，又要近公司得黎又要有特色，都要係咁二諗下。之前己經食過呢度幾次，由於係比較粵式0既餐廳，加上有唔少遊客都會黎呢度食，所以再度出擊。一如以往，8點幾黎到依然滿左9成，好彩咁啱有張枱，如果唔係都唔知要等到幾時。是日參與晚飯共有4人，叫左1湯3餸1飯，菜式如下 : 白胡椒豬肚湯 ; 風沙雞 (半隻) ; 墨汁魷魚 ; 梅菜豆付浸菜心 ; 炒飯。 個人對豬肚湯真係只屬一般，飲落第1個感覺係'辣'。嘩，感覺好似胡椒唔駛錢咁。不過即使話辣，佢唔係話勁落胡椒粉呢種，睇到湯底係大量0既胡椒粒。有同事都話係呢度推薦菜式，其實飲落都算OK 0既 風沙雞亦都係呢度特色菜色之一，上次食左好食，今次番啅。正如其他前人所提，呢個菜真係唔好放過。大家今次都對佢讚不絕口。 上次有叫墨汁墨魚丸覺得一般，今次改試同樣係馳名0既墨汁魷魚(連意粉)。感覺比墨汁墨魚丸好，不過係咪真係咁推薦就真係見人見智。不過無論如何，呢個菜係要好襯熱食，凍左就更加覺得'淡茂茂' ... 梅菜豆付浸菜心個人覺得只屬一般，大家可以試第2D。 個炒飯就最神奇 ... 份量多得厲害，4個人最後要拎走3分1。不過，個

同男朋友點左3個餸, 兩碗飯, 一枝可樂, 一罐忌廉埋單$387大家可以幫手計一計...南乳豬手($40)雖然嗢左細既不過兩個人都夠食ok多不過個南乳汁就一般椒鹽醉蝦(時價=$128)睇相可以見到份量幾咁少可能我唔知海鮮價所以唔知$128原來食得幾隻蝦呱椒鹽酒味都唔覺最唔抵呢個餸鮮"由"墨汁麵($60)呢個都ok既有墨汁應有既味道只係覺得特別咁飯同野飲即係幾錢???總括黎講名過於實唔見得好好食, 雖然唔難食真係同樣價錢我可以係第二度食到更多更好味既野~~~所以不會有下次~

一行五人，叫左:- 墨魚丸意粉- 黃金蝦 - 鴨汁荷葉飯 - 雜菜煲 一支啤酒 + 一罐汽水共$4XX最好味係鴨汁荷葉飯，$8X 算合理最失望係墨魚丸意粉，真係好普通，$9X 真係唔抵黃金蝦不錯，係貴左d，要$150左右 (例牌有9隻)本來加單叫左個南乳炸豬手，等左幾個字都未o黎，原來冇落單 (唔知係咪因為有人等位所以冇幫我o地加單?)大牌檔要+5%唔......試過一次就夠lu

今天朋友帶我到北角渣華道市政大廈食飯，以為佢講笑，點知又幾好食。1. 墨汁魷魚麵，唔好睇，好食。2. 黃金蝦，食過最好的一間。3. 豉椒炒聖子，都有水準。

同舊老細同事聚舊,先有機會黎到北角呢邊呢兩個菜特別好味風沙雞 - 皮脆,肉質ok,必食之選!黃金蝦 - 鹹香味夠,蝦夠大,肉多,靚!訂咗位都要等, 不過值得的!整體滿意

今日和媽要去北角, 咁一場o黎到, 去埋食東寶先~媽比我先到, 竟叫了 梅菜蒸鯇魚好似東寶唔係呢味最突出...冇計, 我o黎到坐下來, 舊魚已同步送上了!menu 雖有日文, 但當晚唔見有日本人呢...睇兩睇, 另外都係叫個魚湯花膠白菜仔, 及個炒蜆, 簡單的, 便算了.梅菜蒸鯇魚真係一般, 魚唔係勁新鮮的;可以更好.魚湯花膠白菜仔個湯底係白雪雪的;喝一口, 好鮮味; 有d 蒜頭及粉絲的, 齋食或送飯都一流.菜爽, 係好正呢.真係有花膠架, 所以個湯好鬼好飲.個炒蜆雖成九十幾蚊, 但係都不是細蜆, 都有十幾隻, 隻隻都成張八達通咁大, 唔係講笑!個唔生性的相機sd 咭竟然今日回到家shot 左, 所以冇相為証添....汁係濃的; 小辣的, 加上有豉椒; 夠惹味.都係送飯好, 齋食略嫌太咸了;蜆d 肉係好新鮮的; 蜆內的帶子仔都有成個一毫子咁大的size....唔計媽叫的蒸鯇魚腩, 真的不錯;最衰兩個人唔叫得太多, 海鮮都係大圍人一起食可以叫多d 野.另外, 我們不是坐在大堂的; 而是坐了在中間的舖位旁的一個凹位.個凹位唔得通爽, 熱!但更大的問題係, 坐得好近一些雜物, 有小強呢個po

星期五又係出動gar時候,上星期老點咗個friend 去咗喊得一句句gar 將軍澳食店!!內疚咗一個星期, 今次帶佢呢間東寶小館….嘻嘻….Good ar!!!當晚 7:10 PM 到, 等到約8:00 PM 才可入座….人真係好多…似乎好多外國華僑, 內地人士及鬼佬幫襯!!!!黃金蝦 – 外表平平無奇, 食落…連個friend平時唔鍾意食蝦頭都食埋佢落肚….南乳炸豬手 – 嘩嘩GOOD GOOD…唔肥亦唔油膩…米通蓮藕綾魚餅 – “難食之選” 一般但…其他地方並無此選!!!墨汁魷魚麵 – 好似唔記得落調味料….小小鹹味及鯹味!!!!當晚9:00 PM後一直播MJ d 歌, 連小朋友都手舞足動作, 老外跳舞!!個侍應重跳埋霹靂舞添, 另一個就用紅酒向d 孰客敬酒!!!!咁做生意重唔發!!!大排檔環境, 酒樓價錢!!!

都唔知幾多年無食過東寶, 原因係人多難訂位仲有佢地真係幾寸, 近呢年聽番東寶已經無咁難訂位, 原因係已經無咁好食, 又或者係坊間開始有更多好味的小菜館。是夜farewell同事, 搞手就揀左北角的東寶, 為左方便係訂位時已經叫左佢比較出名既小菜和預留甜品, 可惜我都係食唔到藍莓芝士蛋糕。芥辣魷魚 - 有芥辣味係少左咸味, 呢個OK。南乳炸豬手 - 炸起熱辣辣, 味道唔錯, 唔太咸用來跟酒飲好正, 豬手亦都唔肥唔會有油膩感。鴨汁荷葉飯 - 呢個都係OK之作, 係無乜荷葉香, 飯唔腍唔會因為蒸完之後食糊仔既感覺。風沙雞一隻 - 呢個無得揀, 始終香港係用冰鮮雞, 想有雞味真係幾難, 但好在雞肉唔"鞋" (包括雞胸啦) 唔錯, 呢味雞無走樣~。豉椒炒蟶子 - 細蟶子每隻$28, 叫左6隻, 肉唔太多, 鑊氣唔夠都幾重豆豉味, 係少左.....蟶子的海鮮味。蝦醬通菜煲 - 都係OK唔錯, 唔太特別。黃金蝦 - 呢味蝦人多食就叫抵食, 人少食就真係叫貴, 蝦係海中蝦但係要$16一兩, 我地10個人叫一斤, 夠食二百幾蚊, 算唔錯, 但無驚喜。魚湯浸菜心 - 唔知點解我覺得魚湯應該浸娃娃菜或者莧菜