東海酒家 (已結業)

落單 > 黎得1樣野補單 > 黎多1樣野算! 全部取消, 埋單...  吓!? 埋單都漏單!!?終於攞到張單黎...  應取消嘅無取消, 仲多左啲無叫嘅野!!!!!?

諗黎諗去放假一想同朋友飲茶就會黎呢到,門口帶位同派飛個短髮ee真係好有禮貌好好!坐左近門口側邊個偏廳,逼左少少但野食好okay。今次叫左香茜牛肉腸粉、千層咖啡糕、炸蝦餃、馬拉糕、牛肉球、鳳爪、娥姐粉果等等。(本身諗住食隻乳鴿但最後冇黎,下次再試)呢個好特別,入面有介茉醬,脆新野黎。娥姐粉果係有蝦既,另外一款係素粉果,我今次先睇到原來咁分!皮煙韌本身諗住叫千層蛋黃糕,但改左menu。有新意喎咖啡糕好mocha味,朋友都讚。其餘係外賣比屋企人食既,4人份量賣單3百零蚊,service好,部長侍應反應快會禮貌應你“係,轉頭比你”之類。我覺得飲茶都可以坐得舒服食得開心起碼唔會破壞我晨早放假既好心情

5月尾.. 媽媽有個好朋友搞大壽食飯,去左東海食一圍圍果d …不嬲我對酒樓中菜興趣大…但點都好啦… 呢d場合, 就算幾悶 … 阿媽叫到都要Go…乳豬全體 – 皮脆甘香, 皮下脂肪不算多, 薄薄一層脂肪夾住薄薄既豬肉上湯焗龍蝦 -- 龍蝦好爽口, 但唔算多肉發菜瑤柱甫 – 對呢味old school , 冇咩評價, 都係中規中舉果d囉…香芒海鮮卷 – 出面多數春卷皮 , 好少呢個酥皮架 ,可以工序繁複d la, 呢個 好鬆化, 好食 !花膠雞煲 – 花膠好大片 , 好足料, 但唔知點解 , 呢個花膠係無味無道既…炸子雞 -- 皮脆, 可惜呢d雪藏雞 ,肉質木獨荷葉飯 – 份量好大, 荷葉味香蒸龍躉 -- 魚好新鮮 , 魚質好滑 , 魚咪鮮甜 豉油熟油鹹味剛剛好.蠔汁花菇鮑魚 – 鮑魚有d un , 而且唔夠入味壽包 – 包好軟, 剛剛蒸好仲” 辣”手, 蓮善幼滑 , 偏甜木瓜雪耳糖水 --- 清甜滋潤 , 木瓜林甜 , 可惜雪耳林得滯冇左爽口感覺食完閃喇 , 祝媽媽個老友身體健康 , 生活愉快啦 !

就到端午節自然會食糉，近日先後品嚐過好幾款不同口味，當然各有千秋。昨天早餐同晚餐都以裹蒸糉當作正餐，今晚又以東海出品「XO醬火腩糉」充饑，肉味濃郁，XO醬帶來少許辛辣，非常惹味，沖一杯香濃的普洱，每呷一口都清洗了油膩的口感。而「瑤柱紫米綠豆糉」原先留作端午節當天食，但比太太拎左做第二朝早餐…> <！

行行下街肚餓,同老公好想飲茶食點心就行左黎呢到。好快就安排左坐低,天口熱,呢到冷氣充足而且啲服務好好。點左大壽包(呢到招牌黎$22一個),奶黃千層,香茜牛肉腸,炸魷魚鬚,芒果布甸,蝦餃。奶黃千層超讚,每啖都有蛋黃碎唔會好甜,芒果布甸由細食到大果隻味,對佢非常偏愛。蝦餃老公鍾意食,我食左一隻,又幾彈牙,個大壽包真係太甜,食左一半好漏。不過視覺滿足見倒都開心。值得一讚今日撞正母親節,人山人海。但樓面仍然細心,收碟同加茶加水都幾快手。而且冇茶杯佢做完幾張枱仲記得返轉頭即刻攞比我地。完全食得開心。價錢好抵。老公好似話2,3百蚊咋

No. 1 推介『雪山叉燒飽』：皮薄鬆化，內香多汁，特別採用東海馳名叉燒及秘製醬汁，令人一試難忘。『紅油抄手』：非常滑口，配搭扑鼻香醋，特別值得一提的是他們的自製辣椒醬，簡直是人間一絶，想不到一間普通酒樓都可以食到如此高質素的食物。『芒果布丁』：賣相一流，可惜口感普通。另告訴大家一個小秘密，原來該分店逢星期六及日都是所有點心半價，超 ~ 超 ~ 超 ~ 超抵。各位粉絲快點訂枱啦。

今日同朋友仔慶祝生日，佢夜收工，所以只好去佢公司附近既酒樓食飯慶祝。友人最喜歡食雞同帶子，所以叫左個順德生煎雞同黑松露醬炒帶子，仲有個花膠野菌浸翡翠苗。1. 黑松露醬炒帶子好香，帶子都好鮮甜。2. 花膠野菌浸翡翠苗 – 呢個一般，無咩味道，D花膠原來會碎上，唔講仲以為係鵝腸3. 順德生煎雞 – 呢個應該係招牌菜，我見好多枱都有叫呢個，佢上枱時仲”吱吱”聲，一端上嚟就一陣姜蔥味，原來鍋底用大量姜蔥墊底，D雞好嫩滑好香，不過呢個要快手食，因為裝雞既鍋熱辣辣，遲左食D雞就無咁嫩，同埋要小心鍋邊燙手。4. 呢度個白飯好特別，係用砵仔上的，不過無得落豬油去撈飯5. 最後當然要叫個大大隻壽桃包同蛋黃千層糕同朋友仔慶祝下。

知道東海跟恆生做promotion . 便一於去試下33 大元嘅小菜，一於叫足全部！首先黎嘅係川椒皮蛋，炸菜腎片，紅燒雙菇及鎮光小排骨，大路野唔會衰得去邊！之後嘅蒜片豚肉很惹味！蒜片很大片，正！蒜香四季豆，蒜味很重。芥末蝦仁係友人大愛，特別。九肚魚就比較普通！之後叫了多款十大名菜，xo 醬炒藕尖燒肉，第一次食藕尖，很爽脆，應該香港首創吧？不過比較辣，扣分。椰香奶油蝦球，椰香重，一般焗釀鮮鮑魚，當晩最愛！做法很西式。意想不到！總括來說，恆生小菜很抵食！當晚本來想叫$38 鱻，可惜售完。希望下次有機會試啦！

從袋鼠國回港後一路沒有機會品嚐中菜。於是約左舊同事一起於東海酒家晚宴，一於一路食，一路派手信！當晩點了6道菜，分別為： 青瓜木耳海哲，脆皮燒肉，蜜汁燒鱔，上湯鮮竹浸翡翠，大斑兩味。青瓜木耳海哲： 有酸辣感覺，開胃，作為前菜一流👍🏻脆皮燒肉： 太耐冇食燒味，故order 了一客，不過不失。蜜汁燒鱔：十分惹味的蜜汁。加上沒有骨的燒鱔。非常好味！上湯鮮竹浸翡翠 ： 新鮮腐竹配上翡翠苗，清爽。大斑兩味：一味係荷蘭豆炒斑球，另一味係蒸魚件。豉油配上白飯一大絕配！另外斑球啖啖肉，絕對適合唔鐘意有骨嘅我❤️❤️❤️另附上甜品2碗，是晚很滿足地離去了。。。

是晚不想煮飯, 所以走到附近的東海食飯. 甫進去, 侍應好有禮貌地帶我們到一張附近有電視睇嘅枱 , 啱晒我同亞女, 跟住問我亞女飲唔飲橙汁, 佢梗係話好, 跟住同我推介羅漢果茶, 認真推銷了得. 亞女一坐下便說要食她至愛--片皮鴨及菜芯, 加埋好耐無食過枸杞, 所以點了蛋白杞子浸枸杞, 鮑汁雞腳, 加杯羅漢果茶幫助淨化排毒.鮑汁雞腳的鮑汁濃郁, 但略嫌唔夠汁撈飯, 雞腳的骨膠原令我的嘴唇黏黏的, 雞腳炆的很綿滑, 好入味.片皮鴨不太肥, 肉質甘香脆口, 最愛皮跟一些肉一起吃, 加上麼麼餅熱乎乎, 亞女吃得津津樂道. 竟然一家三口可掃晒整碟.另外, 上湯浸菜芯出奇地好味, 以為菜芯應該不是時令會無咁好食, 但菜芯好爽趣啊!  蛋白杞子浸枸杞, 可能不是時令菜加上好耐無食, 覺得有些苦, 但夾埋蛋白杞子就OK.二個大加一個細路, 竟然碟碟清, 難以置信 跟住梗係甜品時間啦, 是晚侍應推介了生磨杏仁茶, 未上枱時已聞到香濃杏仁味, 吃下去杏仁味濃濃的, 加上滑滑蛋白, 正.  最後亞女竟然要求食千層糕 , 咁大食, 平時唔見你食咁多架!! 千層糕餡料應是奶皇,仲起了點沙, 好有口感,

今日放工冇煮飯, 又唔到去快餐店, 想坐得舒舒服服, 於是兩口子到左東海食晚飯, 去到唔洗等位即刻入坐。因為得兩個人, 所以唔可以叫太多餸, 打開餐牌見到有個小食『蜜汁燒鱔』, 好耐冇食鱔,所以即刻點呢個小食, 另有個孖寶豉椒蟶子 + 脆皮燒鵝,配搭幾好有海鮮又有肉, 最後叫埋個啫啫蝦醬唐生菜, 4個餸應該都會食得好飽喇~~『蜜汁燒鱔』果然冇令我失望, 外脆內滑, 甜味啱啱好，正!!!『豉椒蟶子』好大隻啊!!又夠爽, 豉椒味剛剛好!!『脆皮燒鵝』肉質都好淋, 而且仲熱辣辣!!『啫啫蝦醬唐生菜』一上枱炸炸聲, 好香, 但食到尾個煲底太多水, 呢個係有少少敗筆最後侍應仲主動話送甜品, 有紅豆沙&木瓜糖水兩款, 我哋點左紅豆沙, 唔係好甜, 啱晒我!!埋單主餐牌有8折，另外仲有2張優惠卡送, 中左2罐啤酒及$25現金卷, 可以下次用!!

上星期日趁囡囡復活節假期最後一天！一家大細去咗太古城中心行街玩玩，行到玩到有點累；突然好想去飲茶，行吓行吓走到公園附近的東海酒家。原來裡面環境地方都唔錯，坐得舒適加埋嗰景觀好靚；我哋一家五口子，吃了多款美食。最特別是囡囡最喜歡《蟹皇燒賣》既大粒又肥美叫了1籠又1籠又1籠吃了3籠，真誇張！囝囝最Like《蒜片和牛粒》既鮮嫩又多汁；還有《海鮑片雞粥》……高級食肆價格中肯，整體來說OK，但服務員就好像唔多夠！

約左契仔媽，朋友E同朋友S食LUNCH，介紹左契仔媽去佢地公司做，咁就唔怕比人蝦喇我地今日去《東海》飲茶LEE度都唔錯，枱又唔會擺到好迫，侍應又有禮貌，點心都唔少選擇薑葱牛拍頁~~~味道好好而且唔會碎濕濕雞扎~~~大大件，好抵食荔芋角~~~唔油，又炸得夠透，正！蛋撻~~~麻麻地，皮唔夠鬆脆，蛋又唔夠滑，重點唔熱豉油王煎腸粉~~~煎得唔夠香口，豉油味夠香鬼馬腸粉~~~咪即係炸兩囉！腸粉都夠滑，入面油炸鬼都夠脆壽包~~~契仔媽同朋友S都好LIKE，叫一個已經夠佢兩個SHARE，大大個，份量十足，佢地話好味，包夠鬆軟，蓮蓉夠滑，咸蛋黃大粒又夠油GOOD素菜粉果~~~皮好薄，餡料又多，又唔會一夾就爛GOOD仲叫左個SET搖柱蛋白炒飯~~~飯炒到一粒一粒，配料不少，味道剛好椒鹽蝦蝦~~~惹味之選，蝦蝦肉夠爽口，味道好惹味，NICE飽了大家都要返公司繼續努力了

今日經過太古城附近，將近２點關始肚餓，便到東海飲個茶。坐下ＯＲＤＥＲ完茶，便來了一細碟蝦片的食物，因不想食蝦片及另收費，所以沒有要。第一次到東海酒家，原本想試一試佢地個壽包，不過最後叫咗生炒糯米飯，個飯都幾好食，望落會見到料唔係只係得飯。唔會太硬。兩個人每人都有２碗半。再叫多個馬拉糕，不過比想像中細，味道普通。食完兩樣嘢都飽晒。埋單一百八十幾蚊。望一望，原來芥醬要收１５蚊。侍應話，蝦片係唔洗錢，但係芥醬費就算冇用都要收。我地兩人食的２樣嘢都冇任何醬汁要過，都要收費，覺得真不值。如果是這樣，是否食物沒有芥醬而且不會用得着，都叫佢攞啲醋呀，甜醬呀，豉油呀比較好呢？自己覺得顧客沒有用任何芥醬，是不應收費的。沒有用你們的服務，也要取顧客的收費，若是計着計着的人，真的會到消委會。如果不是大伙人再來食，自己一人不會再來了。

Yummy,滿足,保持水準,前年在THE ONE分點幫襯過,也很滿意,這一年也便再試下其他分點,這分店我相信平日晚飯絕對不用訂位,我們一行5人7時入座,酒樓只有我們一張枱,到晚上8時多也只有10圍內,先來小籠飽...熱烘烘的好味! 隨後再上鮑魚佛跳牆,湯很鮮甜花膠也十分軟,這兩度菜一班友人們也很滿意,隨後便是上主角啦....大閘蟹即叫即蒸,肉質也很鮮甜,膏也很多,兩隻也是公有4兩,其實吃大閘蟹一次也很滿足了,因為吃的過程個人覺得很花時間和功夫,不過很美味是真的,第四度菜是海參花菇, 海參的確炆得很"淋"很入味,其後的兩度菜沒很特別,個人覺得蟹粉偏咸,最後上的薑茶也很薑! 因為是慶祝友人生日,當然也小不了叫那兒必吃的壽飽啦! 是次幫襯各人的評價也是滿意的啊!