東海酒家 (已結業)

今次主要就是吃懷舊菜。蝦籽柚皮，$128主角就是柚皮，柚皮浸軟幾小時至軟，再上湯燜煮8小時。入口綿如東瓜，卻有柚子的清香與回甘。蝦籽不算多但還是抺上一陣蝦籽的鹹香。懷舊蝦多士，$60蝦多士還有一件件的三角型多士，很傳統。多士炸得鬆脆，蝦尾繞上來還是很有美感。大良蟹肉炒鮮奶，$78炒鮮奶要慢煮細做，略略炒過火便會鞋口。這兒的炒鮮奶又滑又白，綿綿的滑入喉嚨。東海小炒皇，$88小炒皇的腰果脆口沒油膉味，蒜心翠綠，是一道考鑊氣嘅菜式。沙拉骨，$58外層炸到脆口，內裡又封了肉汁。是一道很難做得好吃的菜式，這兒炸得很香口。

難得一家人放假，一於去新開張嘅東海湊下熱鬧。咁橋原來佢推廣新菜式，係懷舊小菜，又有小食，一於試下佢。點咗幾個懷舊小食：懷舊千層峰$55呢個似上海菜肴肉，其實就係用豬耳一層疊一層肴製而成，然後打橫切，就會見到層次分明嘅千層峰。由於製作工序繁複，好少地方有得食，我都係第一次食，味道鹹鹹哋，凍食，有咬口。懷舊沙律明蝦角 (大點）蝦角炸得好脆，皮薄， 幾乎全部都係肉，好足料。裏面的蝦肉蝦滑打得非常爽口，開胃點心。古法金錢雞$88呢個小食真係未聽過，應該已經絕咗種。上面係雞肝，中間係肥豬肉，底部係中式包皮，串成一串，就是金錢雞，好有新鮮感！ 我哋鍾意食內臟同埋肥肉，所以呢個菜好啱我哋口味。雞肝非常香，肥肉鹵水製成，非常入味。我形容佢似係中式漢堡包呢！薑芽皮蛋酥(大點) 酥皮做得好鬆化，裏面有蓮蓉，混和皮蛋粒粒，食得出有薑汁味，好香！爸爸最鍾意食呢個，因為皮蛋酥就係佢細個嘅零食。另外仲點左懷舊小菜：懷舊蝦多士$60每塊三角形的多士，上面都有一隻蝦，賣相好靚。中間有蛋漿黏起蝦仁一起炸，非常爽脆，蝦仁新鮮爽口，多士外面炸得金黃色，裏面又唔係乾硬曬，仲有少少軟綿口感。最好點沙律醬食，冇咁乾。東海小炒皇$

難得今日全家人都可以放假，又見到東海 翻新後生開重新開張，啱曬鐘意食中菜嘅老豆。見佢宣傳緊懷舊小菜， 當中竟然有我恨食好耐嘅蝦子柚皮($128)同埋古法金錢雞($88)，於是即刻點咗。 另外再嗌咗幾個小菜，估唔到價錢一啲都唔貴，啱曬荷包肝硬化我哋。😂蝦子柚皮同金錢雞，係我一直都好想食嘅菜，因為知道佢工序製作繁複，尤其係金錢雞，今次係我人生第一次食！聽阿媽講原來整個蝦子柚皮要首先啤水啤好耐， 之後又要出水搾乾佢， 然後拎去炸再用上湯浸佢成日， 所以即使鍾意煮餸嘅丫媽都從來未煮過。 而呢度嘅柚皮真係炆得好林，芡汁好入味， 雖然唔打上面嘅蝦子數量比較少賣相唔係咁靚， 但味道係好味嘅！但最令我地興奮嘅係終於可以試到金錢雞，但原來金錢雞入面竟然係冇雞肉嘅！！ 佢原來係總共有三層：上面一層係燒過嘅雞肝，中間係腩肉下面嗰層係肥肉，最底就配一塊好似饅頭嗰啲咁嘅麵包。 因為串住上面嗰啲嘢喺度燒嘅時候個樣似銅錢，所以舊時啲人就叫佢做金錢雞！ 味道真係好好味，因為我成家人都鍾意唔介意食內臟同肥肉，所以我哋全部都覺得好正！ 但對於其他唔食肥嘅人可能就麻麻。另外我哋仲叫咗一樣好特別嘅餸叫做大良蟹肉炒鮮奶($78

小時候很喜歡和家人吃東海酒樓的點心，點心的造型每每很有心思，而且枱與枱空間比較寬闊，沒有太嘈雜的感覺。今次來到鰂魚涌的東海，參加這家分店的開幕禮，看見東海又將形象繼續增添活力，裝修又跟以前的風格不一樣了，感覺更儒雅，燈光柔和，配上大玻璃窗外的海景，嘆茶的心情更輕鬆。江南百花卷，$88先吃了幾款點心，最喜歡之一是江南百花卷。裡面包有蝦膠、豬肉等等，外層包上威化紙後炸，威化紙厚身而鬆脆，還沾有肉餡的甜香，比春卷皮口感更好。而蝦膠豬肉軟滑，還保留大量肉汁。懷舊千層峰，$55小時候還吃過千層峰，很久都沒見過了。豬耳的特點是脆口，以豬耳製成的「千層峰」卻是吃豬耳的另一境界，先將豬耳放入滷水汁煮半小時入味，切成一片片後再加入以雞腳和老雞煮成充滿膠質的雞湯，一起放入模具再切片。豬耳片顯出層層疊疊的紋理，每片都像雲石紋。入口時雞湯溶化，充滿雞湯嘅香甜，還有豬耳的爽脆。 比普通的一個滷水豬耳多了很多步驟呢。古法金錢雞，$88金錢雞沒有雞，由一層雞肝、一層瘦豬的肉眼和一層肥豬肉一起燒烤而成，再配上一層饃包。最喜歡的是大廚沒有「順應潮流」飛走肥豬肉，金錢雞的靈魂就是那塊肥肥的豬油香提升整個味道。豬肉用砂糖醃

每個行業都會有唔同嘅潮流趨勢，飲食當然亦不會例外。近幾年，市面上的確多咗唔少古老粵菜回歸，由高級以至平民愛吃嘅菜式都有。就好似早前出席咗「東海酒家」鰂魚涌太古坊分店嘅開幕誌慶，發現內部裝潢煥然一新，唔單止用上水墨畫及懷舊茶居做主題，而且酒樓更推出咗一系列懷舊點心同小菜，希望將最傳統嘅味道呈現於食客眼前。先帶大家睇下當日嘅場內佈置，除咗有復古戲棚背景同人力車之外，仲有近年已經買少見少嘅傳統點心車，裝潢雅緻懷舊，滿載回憶嘅味道。講完佈置當然就要輪到講食，先介紹懷舊小食檔嘅三款美食：有懷舊千層峰、古法金錢雞同話梅豬手。所謂懷舊千層峰 ($55)  其實即係豬耳，做法是先將豬耳放入滷水汁烹調，再加入充滿膠質的雞湯，並放入模具冷卻成塔形再切片，食落口感柔韌，相當爽脆。古法金錢雞 ($88)  是順德名菜，相傳此菜式源至大戰過後，食肆把不同食材混合以製作燒味。這道菜色雖然沒有雞肉，但卻包含多種材料，充份展現中國人的飲食智慧。做法是用長鐵針串起雞肝、豬肉眼及冰肉，即肥豬肉各一塊組成來燒烤，再配以層餅放底上碟，由於形狀似金錢，故稱為「金錢雞」。燒雞肝配瘦豬肉及肥豬肉，賣相猶如粵式三文治，加上頂頭掃咗一

「東海酒家。鰂魚涌」分店，於2018年6 月2 日，以全新面貌，與大家見面。當日下午，酒家舉行了一個簡單而隆重的開幕誌慶活動，小妹有幸獲邀出席。 看，連邀請函，也探用了傳統懷舊花牌設計，挺有心思的﹗ 酒家內部裝潢以傳統中國水墨畫，以及懷舊茶居為創作靈感，旨在為客人提供舒適且富格調的用餐體驗。鰂魚涌分店，率先以六十至八十年代的港式懷舊點心和手工小菜作主打，務求把最經典、最傳統的味道與菜式，再次呈現於大眾眼前。 開幕禮當日，酒家更加特意把場地佈置成老香港的模樣﹗門口當眼處，放有一輛懷舊人力車，可供來賓拍照留念之用，自誤一番。 舞台的背景板，用了邀請函上傳統懷舊紅彤彤花牌的設計，配上綠色的射燈，再加上梳孖辮穿紅衣黑褲的雙妹嘜，彷彿時光倒流，回到六七十年代的茶樓去。 大廚與推著點心車的「點心妹」，來張大合照。 待主禮嘉賓主持了開幕儀式及祝酒儀式後，主持人就介紹數款懷舊點心，以及招牌手工菜式。 懷舊千層峰、古法金錢雞和話梅豬手然，成為了大家爭相拍照的對象﹗ 然後，就是品嚐菜式的環節了。Cheer，先飲一啖雜果賓治﹗ 來賓可於「懷舊佳餚」及「招牌小菜」檔，取回六款佳餚美食 -

鰂魚涌的東海酒家6月起以全新形象示人，主打一系列60至80年代的懷舊點心及小菜，雖然我已經一把年紀，但有些點心還是從沒見過，懷舊的食品，竟變成年輕人的新鮮事，下次一定要帶父母過來，讓他們好好懷緬一番！ 懷舊沙律明蝦角 (大點） 蝦餃食得多，炸得香脆的蝦角不知道大家吃過沒有？在80年代中期，點心師傅大膽起用西式沙律醬作調味，裡面是新鮮蝦肉，再加入爽口的甘筍和西芹粒等，口感豐富之餘，開胃又惹味。 薑芽皮蛋酥 (大點） 這是傳統港式糕餅，亦是廣東的嫁喜禮餅，寓意早生貴子。酥皮之下除了酸薑和皮蛋，還有綠豆蓉，整個感覺酸酸甜甜，十分有趣。 懷舊千層峰 ($55)千層峰其實即是豬耳，將豬耳放入滷水煮至入味，再加入雞湯，最後放入模具冷卻成形，切片即成，因為工序繁複，所以在80年代末開始消失。這個吃起來相當爽脆，很喜歡。 話梅豬手 ($78) 豬手雖然好吃，但吃得多總會感到膩滯，如果加入話梅和冰糖來炆呢？酸甜的味道正好產生中和作用。這裡的話梅豬手做得不錯，軟腍入味，不知不覺就吃了幾件。 古法金錢雞 ($88) 金錢雞其實是沒有雞的，大廚用長鐵針串起雞肝、豬肉和肥豬肉各一塊後燒烤，燒

東海酒家嘅鰂魚涌分店位置於太古坊嘅商廈地段。係6月2日鰂魚涌分店以全新面貌強勢登場。裝修風格取材於水墨畫、懷舊茶居作靈感。東海呈現60-80年代食到嘅懷舊點心同懷舊手工菜。古法金錢雞其實係無雞肉係入面，頂層有雞肝、豬肉、肥豬肉、再放餅在底層。由於製作工序繁複, 已經無咩地方可以食到。薑芽皮蛋酥：加入了酸薑後，綜和番皮蛋、蓮蓉嘅油膩感覺，同時帶點辛感。蝦籽柚皮：同樣都係好費時考功夫嘅傳統粵菜。大廚表示將柚皮浸水數小時後，再以上湯燜煮8小時炮製而成。入口即溶，味濃回甘。話梅豬手：食落甜甜酸酸，肉質軟稔多肉。最適合悶熱嘅夏天食用。沙律明蝦角可以講得上我最愛嘅點心。餡料有大大粒蝦仁、西芹、甘筍粒，勞到金黃香脆，口感非常豐富。蝦多士而家都唔係甘容易可以食到，同樣都炸到金黃酥脆。大良炒鮮奶：奶味唔算好濃，但蝦仁配料超足，啖啖都滿足。懷舊千層峰主材料就只有豬耳，口感爽脆，層次分明。

今日一家大細訂左東海海鮮酒家為慶祝爸爸生日，依度地地裝修舒適，枱與枱既距離唔迫，好舒服~今日我地唔點菜，直接要個臻味超值套餐$2888~包括有乳豬拼盤~新鮮，油泡花枝蝦仁~蝦仁同花枝都新鮮唔鹹，發財瑤柱圃~瑤柱夠野味，吉列黃金蝦拼沙律菜~炸醬蛋味好重(如果淡番d較好)，紅燒竹笙雞絲翅~味道啱啱好，清蒸沙巴龍躉~條魚我最喜歡非常鮮味，蠓王海螺片伴玉掌~螺片鮮味玉掌夠膠著，家鄉蔥油餅雞~雞肉食得出陣陣蒜香同惹味，蒜香海鮮炒飯~炒飯夠乾身，東海壽桃包，椰汁紫米露。 最後想提下前菜有脆脆蝦片，有少少胡椒辣幾好味

家庭聚會，訂佐一圍，大家開開心心食餐飯。都係個d set好晒餐牌，唔駛諗，有雞有魚有飯仲有糖水，每人都係3百幾蚊，Ok la~清蒸沙巴龍躉新鮮，食落去有咬口，有魚既肉紋，係新鮮魚先會有呢種質感。家鄉蔥油雞好食，佢既蔥油味好入味。即使食雞胸肉，一樣都做得咁好。仲有炸蔥同蒜舖係雞上面，超濃味。個人喜好LA, 我都怕太濃味既野，呢次我都接受到。蠔皇海螺片伴玉掌好入味，鵝掌好淋，又無散開一節節，平時d鵝掌會整到好鹹，但呢次又無，仲有層厚厚地既膠質壽包好大個，蛋王蓮蓉壽包。食埋呢個包，可以包到第二朝，好彩我留佐肚食壽包~蝦片上菜前有蝦片，又係d食唔停口既野，好鹹LA, 有少少辣，同事話可以係出面買，12蚊一包，我都心郁郁呀～

中秋節是中國人的大節，屋企人會食飯做節，公司同事尤其組長們亦會請食宴，今天我的小團隊就來到左近的東海飲茶。尚未進店，沿途盡是中秋月餅的畫報及展示，好奇的我自然又被吸引了，見到一款名叫七塵伴月的禮盒頗有趣。我沒有小朋友，本來並不認識 Dustykid，原來是本地設計師的創作，話說大家皆是一粒塵，故事源於來自江湖四海的麈，在支持本土文化的想法下，我買了一盒送姪仔，估計他們會喜歡。湖綠配湖藍色的包裝禮盒是個特別的顏色，最可愛是月餅上的圖案，似青娃頭，又話"想你"。分別有迷你奶皇麈及迷你麈陪你迎月兩款，後者多些花款，有朱古力及格雷伯爵口味，但我還是比較喜歡基本的。迷你奶皇麈，皮脆奶皇香滑，水準不錯，最緊要盞鬼，吃得特別開心。中秋節的樂趣之一就是買月餅、嚐月餅，不同出處及口味各有特色。零售價$288/盒，買2盒有82折。

嚟到一年一度嘅父親節，我屋企班老人家鍾意食中菜，所以今晚揀咗喺屋企附近嘅酒樓食飯。因為6點幾就到，都唔算好多人。青瓜拌海蜇 $88開胃前菜，老豆最愛。老豆最鍾意食海蜇，海蜇青瓜酸咪咪好爽口，不過青瓜凍啲就好喇。蜜汁叉燒 (例牌) $88叉燒肥瘦比例均勻，蜜糖味夠，叉燒邊有焦香。花膠紅燒豆腐 $148花膠偏少，但豆腐就起碼有八九件，唔抵食。菠蘿咕嚕肉 $88炸到金黃，外酥內嫰，加埋菠蘿同咕嚕汁，好醒胃。福建炒飯 $108材料多，但味道普通。椒絲腐乳時蔬 $88味道普通， 唔夠腐乳味。京式海鮮賽螃蟹 $128蛋白好滑有淡淡蛋香，加入海鮮，口感豐富。乾蔥豆豉雞煲 $98薑蔥豆豉令雞煲好惹味。清湯蘿蔔牛腩 $198牛腩同蘿蔔整得好淋，牛腩牛味濃，蘿蔔冇渣。每人送咗陳皮紅豆沙一碗

我真係未試過一間茶樓飲茶一樣合格既點心小菜都無未免以偏概全閣下試試以下幾味就知道我講咩流沙包帶子腸鹹薄撐小籠包叉燒叉燒酥全部皮厚餡少肉無肉味叉燒如水煮叉燒酥得酥.............你可以唔信我你就去試下啦 lol另外點左菜乾粥佢格硬上個髮菜粥話無貨（無貨唔係應該同客講聲咩）..............................

又到了吃大閘蟹的季節！本人是正宗蟹迷，當然趕在大閘蟹季之初立即品嚐。今年的選擇仍然是已幫襯多次的東海：看到這個經典大閘蟹碟，未有得食先興奮第一道上桌的菜式出乎意料地是燉湯！燉湯料足火候夠，喝了暖暖胃也不錯！下一道菜是蟹粉小籠包。一籠四顆每人兩個，份量剛剛好。小籠包皮薄餡靚，湯汁和蟹粉都很充足主角大閘蟹出場了！東海真的童叟無欺，兩隻蟹的大小跟碟上印的差不多一模一樣！一揭開蟹蓋，黃色的蟹膏立即湧出，一勺子舀起來放進嘴裏，滿口油香蟹都算大隻，飽嚐蟹膏後，蟹肉味道也很鮮美。侍應們很貼心，每人那兩隻大閘蟹是一隻一隻上的，確保客人不會因為吃得慢而變了吃＂凍蟹＂！下一道菜是蟹粉蒜蓉包，那鍋蟹粉上枱前，侍應把它放在爐上熱了一會，確保蟹粉是熱騰騰的。把香噴噴的蟹粉鋪滿脆脆的蒜蓉包上，咬下感覺到包包的脆和蟹粉的鮮！這幾道菜吃後齒頰留香，膽固醇脂肪等掃興事早已拋諸腦後是時候清淡一下。薑汁芥蘭幾入味，十分不錯。芥蘭後有一個細細碗的酸辣烏冬，烏冬麵條頗彈牙，好吃。最後的甜品當然是大閘蟹餐少不了的薑茶湯圓。薑茶很有辣勁，應該非常有驅寒作用湯圓是豆沙的，甜甜的中和了薑茶的辣，為這頓大閘蟹餐劃上完美句號。

星期天要舒適地享受一個中午餐, 最理想是去座位闊落, 裝修美觀, 樓底高而多食品的酒樓.我們選了去鰂魚涌東海酒家, 因為有免費泊車優惠.我們選了很多點心;  一籠三粒的灌湯小籠包,  大小正常, 皮薄餡多, 切肉爽口彈牙, 肉汁豐富.接着是傳統香茜牛肉腸粉: 肉質新鮮, 粉皮滑, 香茜味濃, 廚師調味不太鹹, 適中.鼓汁蒸鳳爪, 一般品質, 冇特別.燒乳鴿, 皮脆而不肥.  size 合理,  味道 yummy ! 龍蝦湯海鮮泡飯,  龍蝦湯味香濃, 海鮮有蝦, 帶子, 蟹肉, 魚片, 泡飯是用炸米. 混入湯一起吃, 香脆回味.侍應生有禮, 水滾茶靚,  吃來滿意！