東海酒家 (已結業)

本人與家人在二零零八年二月光顧團年飯，全家人連小童14人，共花費約六千元吃一款套餐，除有一份清湯翅及細鮑魚外，其餘菜式均為很平價的食材，包括有炸得很油的炸子雞，比一般酒家份量相形見拙的乳豬全體和例牌蒸魚，當中還夾雜了一些平價得難以令人接受的菜式，令顧客吃完感覺到食物質素及味道均未能達到水準，不符合其所收取的價值，有被欺騙的感受。這套六千元的晚飯，其中一款菜式是把板豆腐切成2mm高乘5cm直徑大小的心形，上鋪些少蟹籽蒸熟，味道淡而且無甚睇頭，甚至可說是很難吃，如果改用玉子豆腐或者效果更好。而另一碟竹笙炒西蘭花混入少得可憐的碎瑤柱，除了蠔油的鹹味外，便吃不出甚麼滋味來。最後送上的壽包更大大縮水，與其在電視廣告中所宣稱的巨型壽包差別很大，簡直令人失望。最後還要投訴有一位女部長在顧客找數埋單時竟然祇為人客提供兩張祇有兩小時的泊車蓋章，並在顧客要求下仍死硬地說每張單祇可有兩部車的泊車優惠，妄顧客人花費數額與人數而不作出靈活適當的安排，令本人感覺一肚氣，決定從此以後本人和本人的親友都不會再光顧。

琴日(30.9)去咗個度為太婆慶祝生日,個度D野好好食,仲有服務態度好好,每人都好有禮貌!優點有:1.個雞好好味!Good!2.D甜品味未,不太sweet and 淡3.服務好到無得頂,可以比美高級餐廳...... 我以後一定會再來....

We went to that resturant yesterday and ordered the seafood dinner set for 4 person( price: $798.00).First we were each served with a mini glass of red wine, much less than those while we were served in wine- testing.Then came the fried four pawns, not to mention their small size, I thought they had been frozen for over a year.completely tasteless.But the worst were the dessert ;sweet soups without sweet taste.Overall, the foods there were below average. Maybe there were only a few customers t

11月15日係我最愛的蝦子餅壽辰,一早講好東海食,我叫以下菜式:大閘蟹粉小籠包- 皮薄餡多,蟹粉味濃...每個22蚊,抵食!大閘蟹粉蒜蓉包- 蟹粉少,蒜蓉包又唔夠脆...98蚊,唔係幾抵食!蟹湯魚丸- 蟹湯香濃好味(我清晒d湯),魚丸又滑(用魚肉同豆腐做)...68蚊有成12粒,ok!秘製蟹粉焗巴楚菇- 巴楚菇唔夠稔,味道一般般而已...88蚊,純創意價!魚湯菜膽雲吞- 有菜有雲吞,雲吞夠新鮮(8粒),魚湯鮮味...正!但我有點兒不滿是一些菜式只有大陸的東海才有(例如:上湯蟹粉粉絲)...那麼別在香港賣廣告嘛!真失敗.

11月15日是我最愛的蝦子餅壽辰,一早講好東海試!我叫以下食品...大閘蟹粉小籠包- 小籠包脹卜卜,蟹粉味濃郁...22蚊一個,抵食!蟹粉蒜蓉包- 蟹粉不夠多,蒜蓉包不夠香脆,收98蚊...一d都唔抵食!蟹湯魚丸- 蟹湯香濃可口(我地連湯都清埋),魚丸好滑(佢用魚肉同豆腐做),68蚊有12粒...不錯!秘製蟹粉焗巴楚菇- 名字特別,味道一般般...88蚊,純創意價!魚湯菜膽雲吞- 有菜有雲吞,雲吞d蝦都好新鮮,魚湯也味濃...ok!但我有點不滿的是...有d菜式只有大陸的東海才有(例如:上湯蟹粉粉絲),那別在香港埋廣告嘛...真失敗!

親友擺大壽，屋企人當然要出席，唔知邊個鬼主意，有美心唔去走咗 去呢間「山卡啦」o既東海，呢個都算...最火係啲 野唔掂...一開始，已覺間野橫樑壓頂，個場設計得好唔舒服，予人呼吸困難/頭暈之感，加埋啲位又逼，大酒樓喎...之後冇幾耐，部長就同我地講話冇龍蝦，因為第二日要轉餐牌，所以冇訂定龍蝦喎！要用帶子炒「花枝片」代替..吓！？咁都得，龍蝦同帶子差幾遠，你當我第一日出來食野？咁大間酒樓點會冇龍蝦，同埋我地係一早訂枱，果晚又唔係大日子，根本唔爆！點會冇？同埋冇就應該一早講，用幾十蚊茶記都煮得到o既餸 換咗碟龍蝦...真係想拉隊走人，不過自己輩份低同埋唔想搞寸party...算龍蝦事件後，正式開始上菜...嘩！真係好精細...碟碟菜都細得可憐...轉一圈就乜都食唒...夾得慢就乜都冇，果個趐，很認同樓下網友所講，真係搵條趐都冇，最慘係淡...就連碟干燒伊麵都細個人...一個人食得哂果隻..反而最掂o既可能真係飯後甜品...紅荳沙！咁就夠死啦！俾三仟幾蚊食甜品，傻的嗎？個壽包就真係好大個，但問題係諗咗好耐都唔明點解入面要整粒咸蛋黃(雖然粒咸蛋黃好靚)，搞到好似食月餅咁...九唔搭八。埋單三仟

與家人一行十一人來食大閘蟹宴，因為其中三位不吃蟹，所以就叫了六位的極品魚翅大閘蟹宴及加兩位極品大閘蟹宴。蟹粉小籠包- 每位2隻，個皮唔夠薄蟹粉雞絲翅- 味道略遜，可能其實我不太好蟹粉江蘇大閘蟹- 每位2隻，膏呈黃色，不多，肉質有少少梅的感覺，失望蟹粉龍鬚卷- 味道尚可清蒸老虎班- 魚肉幾滑，幾好砵仔蟹粉焗巴楚菇- 好難食，好怪的味道上湯灼時蔬- 無味金網煎鍋貼- 最好的一樣，很香口薑茶湯丸- 夠辣，配芝麻湯圓，好味魚翅佛跳牆- 個湯很清甜，比蟹粉雞絲翅還好生炒蟹粉蒜茸包- 格格不入的感覺蟹湯鮮魚丸稻庭麵- 個魚丸幾好另加的賽螃蟹同蒜香牛柳反而幾好，附送的兩瓶花彫酒幾甜，很易入口。埋單$3000，總括如果想淨食大閘蟹，應該自己買些高質素的回家慢慢享用。

grand mother 生日, 成家廿幾三十人book o左room dinner, 要個$23xx o既12人餐。d o野overall 都難食, esp.d 魚翅, 好salty, 又無咩料, 有個炒蝦球又係好咸! d 乳豬唔肥, ok。魚係叫好d 啦, 不過都係一般ja。仲有一個西蘭花, d 汁唔係蟹黃, 係蟹柳!? so cheap!成晚竟然係d 紅豆沙最好, 起哂沙又唔甜, d 'e' 麵都ok, 唔油膩, steam 蘿蔔糕都唔錯~不過點會d 主菜o甘唔掂ga!!

老婆同同事去食晏，八個人一張檯，竟然放低三碟花生！話就話係飲茶，但係點心紙上，大中小點好少，勁貴嘅特點就唔少，例如燒肉、海蜇，成五、六十蚊一碟！另外，好多張椅嘅椅套有一撻撻污跡。重有，佢啲冷氣唔夠，好鬼熱，一路食，一路滴汗！真係唔明佢啲點心、小食質素普通，又鬼死咁貴，但係都爆哂棚！

昨晚同屋企人去食晚飯。因為我哋唔係有錢人家，只係點咗最平嘅套餐(每位$138，兩位起)；令我哋深深體會到一分錢一分貨嘅道理。服務方面：同隔離枱比(佢哋點咗每位500幾，兩位起嘅套餐)隔離枱嘅侍應殷勤親切；我哋枱嘅侍應新仔一名，笑容欠奉，十問九唔識。菜式方面：除乳鴿大隻外，全部都係普通菜式。石斑仔似桂花魚，鹽焗蟹嚴選細細隻嘅水蟹用鹽水烚熟上枱。甜品無得揀(冬瓜薏米薑汁糖水)；隔離枱可揀紅豆沙，綠豆沙，冬瓜薏米薑汁糖水，另加蛋糕。鬼叫我哋無水咩，唉！俾面東海老細，評價3分。

其實d野食都ok好食! 個煎蘿蔔餅好好味!但普遍都貴左d o者..好似細細碟蝦腸都成三十蚊,well.....同埋呢度都幾間涉,唔係d人o係度做都唔知..@@"

4月29日，19:00總公司新director到訪，為我們帶來頓豐富的政治飯。老頂點了下列菜色：1. 醉雞：無酒味，幾肥2. 蒜片肥牛卷：蒜片炸至金黃好脆，肥牛入口鬆化，有牛味。3. 上湯龍蝦生麵：碟頭夠大，蝦味鮮甜，因老頂認為伊麵比生麵肥膩，便要了生麵，麵夠酥，但不像伊麵吸收龍蝦鮮味，可算各有千秋。4. 粉絲蒸大蜆：鮮甜5. X瓜帶子：鮮甜，清新。X瓜翠綠色，直徑2cm，好爽脆。6. 清蒸東星班：因肉質不結實，認定是養魚，但火喉剛好。7. 咕嚕蝦球：酸甜適中，蝦球爽而有蝦味。8. 脆皮炸子雞：皮脆、薄，肉滑而不肥膩。整體唔錯，開了兩支紅酒，換酒時自動換杯，可惜第一支竟然多渣。

尋晚又來東海，係有個前輩級的朋友在這裡擺了一圍，吃的也是上星期在尖沙咀東海的「魚翅龍蝦餐」，另加叫一人兩隻蟹粉小籠包。雖然時常周圍食，但一個星期內兩次吃同一個菜單，都算少見。卜了一間房，幾大間又有電視，大家吃吃談談，不錯。而出面散檯亦擺得不太密，比尖沙咀那邊環境好好多。菜色與上次雖一樣，但原來不同的東海也有高低之分，可能呢度的廚房掂D，而材料又好一點。因為黃油蟹已過晒廟，大閘蟹又未到，唯有叫住蟹粉小籠頂住先，散叫20蚊隻都一試無妨。先來的一人兩隻黃油蟹粉小籠包，由侍應代分上檯，足油有些微黃油味，蟹粉不算多，味道略遜，不過沒有靚黃油，蟹粉都不會好，算數啦！乳豬比上星期的肥油脆皮好一點，但明顯燒得了；桂林蝦仁、髮菜瑤柱甫皆沒兩樣；蜜汁燒鱔仍是腥味及泥味皆重，吃了一件便吃不下第二件，似乎成個集團也只進這等貨色；那個竹笙翅是多料了很多，多竹笙多肉絲，雖然仍是生粉水做底，但似樣了不少；開邊龍蝦味道比上星期的好，墊底的伊麵亦不算是流水作業的產物；十二人吃的魚有近兩斤了，蒸得肉剛離骨，都算火侯恰可，兩間東海在蒸魚的技術都掌握得好；炸子雞擬於雞的質數麻麻，肉實實的無雞味，可能酒樓式製作就係咁，好難同桃

中午飲茶,d點心好好味,食到lam lam ~ 豬骨湯餃子好好味,一定要試,湯底濃郁, 餃子係白菜餡,本來我唔鍾意白菜餃,但係佢整得好好味,白菜食落去好香,食指大動.其他點心都好好,好有水準.係價錢略貴.

好耐之前o黎過呢度食business dinner同lunch，覺得個格局幾high咁；今日再o黎飲茶，可能人多o既關係，嘈到不得了，D客亦唔再商務style，感覺比以往大眾化。茶市點心o既選擇唔多，大點($26)中點($22)小點($17)加埋都係得廿幾款，似乎想谷D客叫多D起碼四十幾蚊o既味部廚點。呢度D煎o野會嚮open kitchen度整；見個廚師煎碟腸粉都煎到著晒火咁，都幾有趣。都叫o左客$32魚翅灌湯餃，裡面真係有一疏翅仔；此外，仲食o左碟上海春卷，餡料以素菜為主，味道唔錯。埋單每人約百二蚊，送椰汁西米露一客，價錢嚮呢區o黎講都算okay啦。Service都唔錯，今日咁多人都冇話漏單，叫個waiter黎問o野都答得幾有禮貌，唔錯。