東煲西炒 (已結業)

雞煲正常，但唔夠濃味，完全唔過癮，我要自己去配料站拎辣椒莞茜加重口味。食完雞煲加湯打邊爐，yap咗啲阿姐幾廿次轉個頭都係唔記得咗，已經唔expect啲阿姐醒目，但個個好似未訓醒咁，掂行掂過睇唔到舉手，係要叫多幾次到個煲乾曬先出現。加湯後湯底清過清水，隱約浸出單一嘅咸味，咸味來自早段雞煲食剩個啲半乾嘅獲撈，難聽啲講似係屋企洗碗浸住嘅水煲返滾去，正常加啲配菜煲煲佢都會有返啲鮮味，但呢煲係愈食愈唔知自己食梗咩，配菜都唔見得好食，手打蝦丸都仲未解凍。但最surprised嘅係呢間嘢竟然可以滿座，點解？

$168不限時雞煲加任食火鍋，仲送靚靚海鮮拼盤，再加點心，面價已很抵，經openrice訂位或用恒生卡更有八折，連$10豉油費每位實收$16X, 非常抵食。酒樓格局，坐位闊落，閒日半場滿。雞煲有趣地有甜、酸、苦、辣味選擇，又因為太有趣，我們最後選了奇味雞煲（以我們個人解讀是指正常雞煲），寫著是小辣，都不太食得辣的我也認為不太夠味辛辣欠奉。雞煲上桌時八成熟，近骨位還帶血水，要先煮一煮。加錢還可以選羊腩煲或藥膳煲。附精美海鮮拼盤，手掌大虎蝦、青口、蠔、扇貝、花甲。最騎呢是附送點心一籠，雖然賣相不太吸引，但的確別樹一幟。這碟是未入任紙每枱就自動上的這籃也是任食肥牛質素真的很一般，其他任食蔬菜丸類來的份量也很難估算。但任飲的飲品頗有誠意，啤酒、大量款式鴻褔堂。

openrice 訂枱要5位起有八折，於是想去另一間，但咁啱今日經過，即管問吓4位有冇折，服務員話 HSBC 或恆生信用卡有八折，於是今日揀咗去呢度食。湯底雞煲都有幾款，我揀咗奇味雞煲以下嘅海鮮併盤、什菜籃、各款丸加肥牛及點心都係每枱必自動上，唔使叫之後我再番叫肥牛，各式丸同菜飲品有包獅威啤酒、樂天飲品……都算多款式，服務員加湯、換骨碟及上菜嘅時間都好適當，令到進餐過程都好舒服，唯一缺點係…冇甜品，冇雪糕，價錢$168 X 8折(HSBC 信用卡) $10(醬油) + $17.8(加一) = $162.20。

之前receptionist安排我地坐57號枱，個男經理突然插口叫我地坐呢張枱18號枱，心諗:點解零零舍舍中間呢張枱無人坐，算數，食野啫。坐落，已知不妙，用gas爐，個爐慢熱到嘔，再坐一會，在9度氣温之下，頭頂突然狂開冷氣……唯有禮貌地叫侍應關掉頭頂冷氣，因為實在太凍了，而侍應亦很迅速關掉冷氣，但過了十分鐘，頭頂冷氣又開著，凍得令人無法進食，因此，只好叫該名侍應再次關掉冷氣;又過十分鐘，冷氣又開著了，這次真的著火……再找那侍應查詢，為何每次關掉冷氣，總會又再次開著，那名侍應爽快地答: 人哋話熱呀嘛，咪要開囉！我答: 我頭頂不停吹住冷氣，怎吃呢？不如你幫我同該客人對掉或換其他枱給我！如又唔換枱又唔關冷氣，你叫經理過黎評道理！最後，該侍應黑面離開，並把冷氣關掉，亦沒有再次開冷氣了。

呢次係第二次到東堡西炒食火鍋，老實講第一次真係OK ，在OpenRice預訂 一個人約＄160 元，價錢真係冇得說，但今晚因為攝氏十度，雖然已經訂位全場爆棚，見到啲侍應都好忙，服務態度差都唔使講，都預咗，最慘是我們五個大男人，想食多啲野，落單落咗五次，除咗第一次快啲之外，全部都慢到冇朋友，叫五樣食物，就來得兩樣，叫七讓食物，就來得三樣，最誇張係叫烏冬，五個人你夠膽比一個烏冬我到咗食咗約兩個半鐘頭，侍應開始叫我地最後order，我同佢講，我哋叫啲嘢乜都冇，就算係買晒都同我地講聲，佢就話唔關佢事已經入咗電腦，廚房冇都冇辦法，你做得放題，起碼都大方啲，其實＄160一個人，真係非常便宜，但起碼人到你，都俾返啲人哋食，相差一次點解會相差咁遠，上次你食都好啲，起碼叫五樣嘢，都有三樣！

差到冇朋友之選, 7大2小, 雞煲來到後發現有漂白水味,叫餐廳換另一煲 , 及後發現餐具也有8人才可有2個爐食完雞煲後, 7人得1個雞煲鍋又淺又細火力又弱, 任食食物質選擇少及不太理想收左每位醬油錢, 個豉油可以係冇味, 唔通溝水?????服務可以說是零, 打邊爐加水機本上冇人理你, 買了蛋糕餐打算餐後慶祝用, 食完叫侍應收枱面野, 跟住上蛋糕, 叫個侍應執野已黑口黑面執完晒D野走左去又唔拎蛋糕出來, 要再叫佢先識去拎, 拎完出來就咁放左枱面都算.......我地自己開碟及叉又要再叫佢拎先識拎=____=, 其實係咪就咁用手食????

好記得係突然得返9度去食嘅咁我個日係呢個apps. 到book枱，咁我book咗4個人，但因為個朋友有d事遲小小黎，咁就3個人上去啦。一上到去完全冇人理我地，我地行過去收銀位先有人採我地，好啦我地坐底咗之後，果度個人就話： 你地book咗4位喎，得3個人？佢係咪一定黎㗎？我話：佢黎，佢一定黎㗎！佢就話：如果佢唔黎都要計錢㗎！佢好緊張唔知點解😓好啦我個朋友都到啦，咁就開始食嘢啦，一度食一度feel到好凍，我朋友話: 點解食極都咁凍嘅？完全唔熱，咁食發都係第一次，但我地冇去換位，諗住會暖d啦，點知冇，最終係凍住黎打邊爐...🤧

上到去見到已經覺得衰過酒樓，一坐低啲呀姐好似趕頭趕命咁，服務態度超級差!!!!!叫左個奇味雞，完全無味海鮮肉類都唔新鮮，叫既配料同黎既又唔同，肯定係亂執一盆拎出黎無服務，無質素，無味道，唔會再食呢間野

利申：本人對食物要求不高，人稱牛嚼牡丹我係食緊中伏先睇到之前師兄寫話呢間野唔掂先後悔無睇清楚典其他人既忠告是咁的，之前路過見過呢間餐廳，個logo好似幾特色一直想試下，今晚趁6點幾食完仲有時間消化就膽粗粗入去一試價錢$168一位 ，醬料$10，另加一可食到10點 任食任飲有恆生、匯豐信用卡8折入正題，環境乾淨企理但無得揀位，佢話留左比卜台Ok 啦..咁揀雞煲..試左個(奇味沙白雞煲)其實係d蜆黎既但係食得既蜆五隻手指數得晒服務員阿姐都友善既 個雞其實一般 仲老左少少佢黎左個雞煲之後又話跟埋有d 火鍋料心諗：我自己點想食咩咪得囉都算啦，之後送左一籠四件點心心諗：做咩呢？火鍋食點心9唔搭8費事浪費就硬食啦...唔好食，晒胃空間之後就食呢度食物牛：一個唔識食既食家望到牛質素已經唔開胃食落去同擦膠有得揮..有機會贏豬、羊、魚同牛都差唔多，都係唔新鮮算啦！諗住生命滿希望，試下佢送既海鮮啦帶子、青口都可以到戲玉 - 蝦...經典中經典熟蝦正常唔乾淨佢頭部位置會有糞便如果出色既蝦係有紅膏食但我第一次見頭部位置係綠色聞一聞有d 非筆墨形容怪味隻蝦可能自出生以來都無成功大便成功最後中左屎毒而死..職員見

本人 一行四人 於1月 20號，星期六。六點到店， 開頭係因為有人介紹話唔錯， 就約埋朋友去試食，點知……我哋order咗168蚊雞煲任食， 點咗一個魚翅雞煲！ 佢會跟一個 點心拼盤、 雜錦 火鍋料 、海鮮拼盤， 海鮮拼盤有 四隻 元貝殼、 三隻青口、 四隻生蠔、 四隻大蝦 仲有 啲蜆。 係咪好奇怪呢 ？起初我哋以為嗰啲元貝殼係用嚟裝飾嘅， 之後我朋友去廁所嘅時候 ，經過其他臺 見到人哋張枱嘅海鮮拼盤嘅元貝原來係有好大隻嘅元貝㗎！ 跟住我哋就搵個侍應問點解 ？佢答我哋 乜有嘢㗎咩？ 跟住我哋叫佢去其他枱睇，佢話係喎！我幫你入廚房問下啦！ 最後都畀番四隻元貝我哋！ 不過當我哋 差不多食曬啲雞嘅時候要加湯 ，叫侍應係永遠冇人應我哋嘅！結果自己攞 嚟 加！ 呢兩樣嘢我哋都覺得冇乜嘢 ！不過…… 加完湯之後半個鐘有多個爐都係唔會滾㗎！ 叫咗三四個侍應 佢淨係識搞下個爐 同支Gas再幫我哋點下火 ，因為個Gas爐應該係壞壞哋！要點火先至會著！ 我哋要求 換gas爐或者換枱， 佢哋嘅答案係 冇爐冇枱！ 要求搵經理D侍應就當聽唔到， 之後我哋同侍應講 我哋要走， 佢竟然答我哋你咪走囉 ！O晒嘴！之後

以後唔會再黎以後都唔會黎我哋懷着興奮嘅心情諗住出嚟食返餐好嘢！點知，一開始个元貝就俾人呃左，得個殼！跟住！跟住！呢个Gas爐呢就壞壞哋！D火超弱雞！真係火都黎！搵咗四個人，都換唔到個爐我哋足足坐左一個鐘頭零15分鐘都唔滾，搵經理經理冇影嘅，樓面就敷衍我哋，最後俾咗個蓋我哋！總算食到，但係呢服務態度真係實在太差！我哋好失望！第一次嚟就搞成咁！以後都唔黎啦！如果其他人真係想嚟嘅話！勸喻你揀電磁爐嘅枱先至好坐！

平時收工夜,上OR見到觀塘呢間雞煲加打邊爐夜晚9:30有六折,睇相見其他食家圖文并茂,又好似好多多Like.心諗應該都吾會差到去哪里.怎料！食完今餐深感無奈,用餐時間完全吾合理.9:25入座！9:40分上雞煲！10:00急忙食完雞煲！（其間入左打邊爐配料紙）10:05侍應加完凍湯水打邊爐！10:10有人嚟last order！10:15（剛上左第一輪邊爐配料,湯都未滾）10:17（有人嚟比牌埋單）10:23(先剛湯滾,剛食火鍋配料）10:28（待應就話食快D,最多比多十分鐘你食,食快D,你上OP只限你一個中打邊爐加食雞煲的） 當場眼都突埋！！！10:28開始打邊爐就叫我起十幾分中內盡快食曬剛上的未熟的火鍋配料！ 簡直就痴Q線.如此吾合理 的時間分配！請不要把優惠擺上網 令其他食家！中伏！呢一餐仲要每一位都要比埋你地完全沒有服務的加一服務費的. 不是很貴 但都要130/1位而且比左呢到130蚊係沒有時間比你食的所有食物都係有得睇 ！冇得食！因為佢冇時間比你食！ 請其他食家不要中這優惠的伏🙏🏿

我們一行四人去度，咪叫茶啦，個個肥女人好晦氣話：齊人先啦！我話我哋已齊人囉喎，（我心諗叫茶都要齊人先叫得）佢竟然係話：係我哋未齊哂人返工呀，等啲人返晒嚟先啦！吓！到後来我们催左好多次都冇比茶我哋！！其他啲服務員都係好差好差，個個都係晦晦氣氣，好似我哋来幫襯就係唔啱，好比野佢哋做咁！！個晚我哋個個都冇乜食野，個鷄煲冇味，啲牛肉係黑黑的，睇到都唔開胃啦總言而之個間野服務差到離唒譜！！應該好快你們都不能幫襯了！！！

其實已經係第3次係呢間餐廳食雞煲同邊爐!佢簡直係我近期最愛既邊爐之一! 絕對係平靚正首選!31號晚想同朋友打邊爐直落倒數, 30號先約, 好彩仲有位!佢個雞煲加任食邊爐連野飲(好多鴻福堂!!)加埋一都唔洗$200蚊一個人，呢個價真係唔知係邊到搵！200蚊一個人包D咩呢? 雞煲, 海鮮SET, 同菜~雞煲有幾種味揀, 最近新加左螺雞煲! 超正!有好多螺! 食極都仲有 呢個係跟SET既海鮮~按人頭比~ 無得再點跟SET會送埋丸呀 菜呀咁食完可以再點~呢個雞煲加邊爐真係超值!誠心推介~

觀塘食肆多，今次黎試下呢間！傳聞性價比很高。約了7pm，但早左到，打黎問下可否提早入場，侍應好nice甘話可提早入坐，張枱一早預左，無限時坐。於是6:30pm 就入場，無限時之餘，最重要坐得舒服。這類並不逼，相比旺角果d枱駁枱的環境，呢度就像平日飲茶甘。Order 了魚翅煲，味道比較淡，魚翅係厚身魚鰭。雞煲，都幾大煲。送了個海鮮拼盤，都好新鮮另外還送了點心拼盤，味道一般，但都飽肚類呢度打邊爐的配料好新鮮，百幾蚊一位，交足功課了！值得再來。