東煲西炒 (已結業)

觀塘工廠區內，4個半小時任食任飲雞煲火鍋，都係$158，openrice訂枱有8折，而且還包括有點心拼盤、海鮮拼盤、蔬菜籃和火鍋拼盤，因此食完這幾個拼盤先，其後可再選擇那張任食火鍋紙上食物，但這張紙不足之處係選擇不多。但正體價錢食物質素，本人覺得ok唔錯，都幾適合一班朋友聚會，邊食邊傾計，大家一齊滾下滾下。飲品方面都多選擇，環境都算OK。如果一班舊同事或朋友想聚會食下飯，又唔想太貴，百幾完一位，又可坐得耐傾下計，本人都覺得這裏都算係一個好選擇

某日平日夜晚同屋企人去左呢間任飲任食雞煲火鍋，每位$168 加茶位$10再加一。我地有訂台所以唔需要等。呢度冷氣好凍，建議大家帶件嬲仔隱陣。雖然無甜品，但飲品選擇都算多，亦有生津鴻福堂涼茶同啤酒都是任飲。叫左個小辣雞煲，雞味道都唔錯同份量都ok多，不過佢好少好少汁，食完根本就無汁比我地繼續加湯打邊爐。好奇怪，唔似一品果d雞煲咁好食。計人頭送上的點心，無特別。都是計人頭會送上的海鮮，有蝦仙貝花甲青口等，但一般般，唔夠新鮮。呢度d肥牛好肥，好多脂防，唔太好食。唯一好處係呢度地方夠大任飲任食任坐不計時，唔會限你坐90分鐘就要趕你走人。不過食物質素有改善會更好。

168無限時扺喇，又有雞煲又送點心送少量海鮮！係飲品選擇少了啲偏甜！重點少數有雞蛋及響鈴提供免費任點。同埋每次來的份量都比平時的多，所以大家點單的時候多加留意。。。以免浪費！

今次去了間朋友推介抵吃嘅打邊爐餐廳食飯，確實好抵，當然要同愛吃嘅朋友分享一下，首先係每位一口價$168，包了個東煲西炒秘製火焰雞煲，點心拼盤，火鍋雜錦併盤，配60多款火鍋配料，同任飲啤酒汽水及清熱涼茶，呢個價錢真係無得輸，而加多$88就有海鮮併盤，嘅然要食當然一次過加埋佢啦！個雞煲就選了魚翅雞煲，確實足料，上面放了材料，魚翅當然有，一排排，而雞肉亦好多，最緊要係個火焰，店員先遠個雞煲滾一滾之後加上酒，再點火，嘩！全個雞煲都著火了！超正！店員再將雞煲攪均後食得！啲魚翅十分爽口彈牙，而雞肉嫩滑軟熟！食完就立即加湯變成火鍋邊食雞時，個點心拼盤都出現了，有煙韌嘅糕點，又有鮮蝦餡料嘅餃子，確實忙過不停！跟住就開始火鍋了，就先滾雜錦併盤嘅食材！有最喜歡嘅手打系列，超彈牙爽口，而比較特別是白色嘅飛魚籽魚蛋，入口彈牙之餘裡面嘅魚籽好有口感！而另加嘅海鮮併盤，亦超大份，有蝦、生蠔、青口、大元貝、沙白，當中大元貝夠晒煙韌彈牙重味道鮮甜！當然除了以上嘅食物外我們就加多了啲丸丸同餃子，款式多但真係不能全部一試，只係喜歡嘅食多少少！另外可能飲品任飲嘅關係，飲得多了...!總之一個價錢，喜歡任飲任吃，這裡絕對滿足

話說觀塘頻頻有開倉活動，我呢個香水控，一收到消息就即刻跟住姊妹們一起去shopping行到攰買到攰，仲要係荷包一掃而空，大家就去食返餐平民價錢嘅雞煲打邊爐。就鱷魚恤大廈旁邊，我地當中好彩有一位有planning的女人，原來佢一早已經 OpenRice 訂咗位，有折扣之餘仲有野送混醬唔使加錢，仲要係任飲任食，我最鍾意就係飲蘆薈啦！雞骨草就清熱氣，一邊食辣辣雞煲點都要解渴掛可能價錢真係太抵啦！七點半已經差唔多全場爆滿，啲姐姐都好忙！我哋第一時間落咗個火焰奇味雞煲先！原來仲可以揀魚翅雞煲，店員上枱之後總會幫我地加酒炒即場新鮮滾熱辣，雞件嫩滑多汁，仲真係有幾件似魚翅嘅物體好有口感！雞煲小辣，辣得惹味刺激之餘又唔會流晒鼻涕一邊食雞煲，我送咗兩籠點心拼盤，哈哈，配搭好 funny食完雞煲加湯就可以打邊爐啦！其實我仲未劃紙仔點選配料，就已經自動送上海鮮拼盤，大大盤勁豐富巨型扇貝、大青口、仲有生蠔同埋 蜆鍾意食海鮮真係發達，都算得上係新鮮，邊滾邊食好鮮甜當晚真係食唔停，阿姐又送上一盤火鍋配料，有丸丸、芝士腸、牛肉同埋魚件，真係食到我哋好 full全晚我哋淨係點左一碟牛肉同埋一碟豚肉，就已經飽到上心口，

電話訂咗位，9點入座，叫咗辣酒螺雞煲， 轉頭經理行埋嚟同我哋講賣晒， 唯有轉左個魚翅雞煲，但係完全無味道！又話兩位以上有個海鮮拼盤係包括大元貝, 海蝦, 生蠔, 青口, 沙白，點知淨係放咗碟，得兩隻生蠔同兩隻青口……所謂嘅海鮮拼盤喺枱面，仲一句都冇交代到點解海鮮拼盤變成咁！跟住仲想死嘅係，佢哋話任點任食嘅生料，好多嘢都係冇嘅 （例如沙白, 脆鯇骨腩, 白菜仔, 粟米, 唐生菜, 芫茜, 手打丸……），走去問個經理點解會咁，佢答我哋話，因為今日多人，好多嘢賣晒。最後我哋兩個人淨食咗個冇味雞煲，同靭到咬唔到嘅肥牛，加埋苦瓜, 翠玉瓜, 支竹, 魚皮餃咁囉，最後想要個手打烏冬都話冇，埋單要 $392 （唔知 openrice 訂位有折，所以正價收費）。真係好想講，冇嘢呀你哋 "東煲西炒"，星期五人多你哋唔係唔慣呀！竟然一間做任食火鍋食肆，可以係好多嘢都冇嘅，仲要喺個客入座嘅時候，講都唔講聲，大部份嘢都冇晒，包括你哋所謂嘅海鮮拼盤，等客人可以選擇唔入去食呀！不知所謂！！！

由於我超喜歡食雞煲，所以在網上看到這間被大家推介的雞煲時～當然就要馬上同朋友去試下啦！任食火鍋雞煲的選擇很多，當中有些比較特別！而我們今次就決定食「甜味雞煲」，因為夠特別～雞煲食得多，但甜味真係第一次～好期待呢！·甜味雞煲好入味，而且雞肉嫩滑～另外醬汁仲好惹味，會令人想叫碗飯食的好味！除了雞煲還有點心拼盤（即蒸的喔）點心皮～超～薄～食完雞煲和點心之後，仲可以打邊爐～- 火鍋雜錦拼盤 -還可以加配海鮮拼盤蜆肉和生蠔肥美、生蝦新鮮、帶子仲好大隻添另外任食配料選擇也不少呢～特別推介：手打鮮蝦丸和手打墨魚丸手打系列超級爽口彈牙最後，飲品選擇都幾多～除了汽水仲有韓國和鴻福堂的飲品！整體來說：以$168這個價錢任食4·5小時這點已經夠吸引，最重要是雞煲味道極好...質素可以說是極高！另外火鍋配料也算多選擇，性價比高，喜歡雞煲又無法食辣的朋友絕對不仿一試呢！

是日晚又去咗食火鍋，今次係朋友提意去佢工司附近開飯，又咁耐冇見而地點亦交通方便就一於去馬，至於火鍋店係位於觀塘工廠區一楝商廈裏面，係門口已見到主打任飲任食而且仲可以加$食埋海鮮拼盤，當然唔少得點埋佢食，仲可以由晚上6:00去到11:00點任你慢慢嘆，真係啱晒我呢慢食人士又唔會趕你走先去咗取飲品，就開始坐定定睇吓選擇叫乜鍋底，原來呢度主打火焰雞煲套餐，都有好多鋦底款式選擇，我地要咗魚翅雞煲（小辣）先來食咗點心拼盤，有3款口味。再來係魚翅雞煲份量幾多所以先要煮熱D先才可以落洒，因爲人多所以幾大鍋，再等店員加洒落鍋點火燒到火焰紅紅就ok先食件雞肉入口滑嫩再加小小辣味又幾嘢味，再來梗係食件魚翅先入口爽滑入味食咗一輪後好自然到火鍋，配料都點咗好多款式，當然唔少得海鮮拼盤，大元貝食落啖啖肉夠鮮嫩&青囗又大隻&生蠔又滑溜同沙白夠鮮甜，一句講晒夠鮮其後到火鍋雜錦拼盤同埋肥牛，食物都有水準係一輪狂食後，點都要食番蔬菜中和一下先可再來係食吓又停吓之間好快又食完一個多重口味飽滿嘅火鍋。

見食評唔差,過黎一試雞煲,可惜...失望而回. 一去到,有幾件蒸點心食下,幾貼心諗住會幾好.雞煲冇麻辣 得辣 黎到個樣似唔錯 又有火焰 但食落d雞係鞋 失望 到打邊爐⋯打邊爐,最緊要係材料新鮮.可惜只有係沙白(無沙)同粟米(幾甜)係正常水準以上.其他既材料,實在係強差人意.海鮮拼盤,蝦係霉既.肥牛同豬肉,肉係鞋同多筋既.手打墨丸蝦丸,賣相唔錯,可惜食落都係無彈性既.蔬菜類,唐生菜正常,小白菜,有少少苦,淮山,一D都唔新鮮最後試埋個響鈴,係林既...一向都唔鐘意浪費食物,可惜真係食落無咩胃口.最後都食剩唔少.如果價錢平,將貨就價,都係可以理解.但係200蚊一位,老實講,唔期望有特別驚喜,但正常價錢應該俾番正常水準先至合理. 失失地望

數月前，曾與太太來過這間「東煲西炒」吃過它的「火焰奇味雞煲」，印象不差，於是最近又再與友人來吃雞煲，而這次吃的則是店子近日推出的三款新雞煲中的其中一款「火焰魚翅雞煲」。 與上次一樣，這兒的「火焰雞煲套餐」是先吃雞煲，再吃火鍋的，而且在吃雞煲之前，店子還會先送上一籠點心，讓客人作為前菜。這晚的點心是「菜苗餃」和「燒賣」，各有兩件。兩款點心熱辣辣的，新鮮蒸起，味道都不錯。畢竟，這兒是東海集團旗下的火鍋店，點心水準有一定的保證。等不多時，這晚兩大主角之一「火焰魚翅雞煲」已經送上，這雞煲的魚翅雖不是名貴的鯊魚翅，而是魚翅軟骨，但爽口腍滑的魚翅軟骨，與雞煲中的雞件及其他配料一樣，被濃味微辣的醬汁包裹住，味道濃郁吸引，又富有骨膠原，十分惹味，這雞煲的醬汁著實不錯。侍應在客人吃雞煲前的指定動作，在雞煲上用干邑拔蘭地燃點起熊熊火焰，也為這濃味雞煲添上令人垂涎的香味。 吃過份量不少的雞煲，另一主角火鍋是時候登場。另叫的「海鮮拼盤」（$88）有蠔、有蝦、有青口、有沙白蜆、有大元貝，各款海鮮都頗為新鮮，以現時的收費，都算抵食。隨火鍋送上的「火鍋雜錦拼盤」包括安格斯肥牛、手打鮮蝦丸、手打墨魚丸、手打鯪魚丸

熊人來港參加女兒的幼稚園畢業禮順道玩幾天，我們作為東道主當然要帶他去吃好料啦。但台灣美食這麼多，選普通的應該吸引不了他吧，所以我們最後就選了這個火焰雞煲了這間鋪的名字很搞笑啦，東煲西炒；究竟是東廳專煲西廳專炒還是同一煲分東西各一煮法呢?上2/F店鋪後發覺原來地方不少阿，坐位十分寬敞因為除了我沒人吃辣，選了奇味雞煲先送上點心拼盤一個，大大隻不同款的點心，放涼了一點但味道還算可以。火焰雞煲來了，店員先用玉手均勻地淋上酒，然後火槍一點，火焰滿佈煲上。熊人遇火當然不怕啦，他應該是在用期待的目光看著吧；反而小熊就被嚇著了，目光呆滯地望著這煲火。隨著火的點燃，濃郁的香味撲鼻而來。雞件入口頗嫩滑的，加上配料洋蔥等一起吃更加惹味。 （但其實奇味算是什麼味呢？ 我一點也不懂得形容。）原先要加48元一位的海鮮拼盤今天竟然免費送給我們呢，Lucky 雖然份量不多，但4人份量2人分享還是挺豐富的。大部分的生鮮度還算ok，味道挺鮮美的。雞煲吃完就是火鍋時間啦，火鍋拼盤上的安格斯牛挺肥美的，可惜小熊媽手慢吃不上了另外還有約40款火鍋可以任點，質素都還算不錯。總括來說，這裡的食物質素算是中等偏上，價錢實惠。如果要求

來觀塘繼續尋找新東西吃，經過某停車場，見到一個大牌 - 無限時任飲任食火鍋，吸引了我和朋友們。 與朋友們擇日再來。一開始看錯地址，去了駱駝漆大廈⋯⋯ 看清楚，才發現是駱駝漆中心呢 (´▽｀) 門面很開揚、易找。跟平常酒樓一樣有知客招待，沿電梯上便到。 甫坐下，店員先為我們講解套餐優惠。有8款雞煲可選 ($168/位，另加茶芥)，有辣有唔辣，任君選擇。除了雞煲和火鍋配料，還包一客點心拼盤和火鍋雜錦拼盤。雞煲未食得時，可先吃點心填一填肚，保證不會餓親。吃完雞煲，店員會加湯，讓我們再打邊爐。 飲品選擇很多，有如便利店的凍櫃 汽水、涼茶到啤酒都有，照顧周到。 我以為點心拼盤只是配菜，不抱期望，吃落才知驚喜。 蒸餃、粉果皮薄餡靚，蒸餃內還有肉汁，絕不馬虎。 店員先把酒倒在煲內，加火再炒，gimmick十足。 辣酒煮花螺吃得多，加埋雞煲還是第一次。 螺很多，食極都有。雞件肉質結實、滑溜，雞味蠻濃。加了洋蔥、芫茜等，香味更顯，更加惹味。 我們點了小辣。剛開始吃，辣味很淡但愈吃愈辣，過癮。下次可在挑戰中辣呢！ 隨煲附送的火鍋雜錦拼盤，份量按人頭計。手打丸子新鮮、彈牙，我最喜歡就是白色的墨丸了

對於火鍋的熱情，朋友認第二的話，沒有人認第二，所以她絕對是火鍋通。今次她帶我來吃的東煲西炒火鍋雞鍋、雞煲真的很不錯，而且還有點心吃，可謂多元化。另外店員的服務態度很友善，由入座至結帳都一直保持笑容，下單迅速，值的一讚。等雞煲香炒的時候，不妨先吃西一點清淡的點心，不會餓著嘛。由於我是海鮮控，加上我愛嚐辣，花螺辣酒雞煲無庸置疑是我的首選。雞肉都熟透了，顏色很漂亮，原以為加了酒，酒味會很重，結果因為高溫揮發，所以沒有甚麼酒味。花螺非常新鮮，肉質很嫩彈，很鮮甜。雞肉經配菜醬料拌炒後，炒出香味來。花椒的後勁少許麻舌，香辣辛口，讓原本平平無奇的雞肉多了濃味的特色，空氣中充滿八角的香味，與花螺的芳香更是相輔相成，雞肉咬起來更能感受它緊彈的肉質。雞煲吃的七七八八時，要加入火鍋湯底，要後讓湯滾起來，火鍋模式開動。我們都先將蔬菜放進湯鍋裡滾煮，亦比較健康的火鍋吃法。粟米可口甜香，白菜、冬菇、金菇等蔬菜纔新鮮呢。東煲西炒居然有中式生麵可選，挺驚喜呢，因為我都沒在火鍋店吃過。當生麵完全吸收雞煲濃郁的湯汁，以及它的爽口感，美味至極。我最關注一定是海鮮拼盤，拼盤的貝類海鮮種類多，有生蠔、沙白、青口和大元貝，還有鮮

在觀塘興業街看到了一個醒目的燈箱招牌，「火焰雞煲套餐任飲任食$168/位」，再細心一看，除雞煲之外，還包點心併盤、火鍋雜錦併盤，新張期內，更加送海鮮併盤，不是吧！今晚就來個火熱動感La La La！ 周一晚下班來到，想不到都高朋滿座！$168任食的威力的確不可小覷！ 先看飲品雪櫃，大路飲品齊備：汽水、啤酒、韓國飲品、豆漿、涼茶，吃火鍋，我當然飲可樂啦，連Coke Zero都有，夠細心！醬料方面，基本的醬油、生熟蒜蓉、辣椒、沙茶醬、芫荽、蔥花都有，不花巧但絕對夠用了。 酒樓先奉上點心，是蝦餃和雜菌素餃，鮮蝦爽口，雜菌夠香，餃皮亦夠薄，第一印象不錯！ 火焰雞煲有很多不同選擇：甜味雞、酸味雞、苦味雞、辣味雞、奇味雞，還有花螺辣酒雞、奇味卜卜蜆雞、魚翅雞，近期卜卜蜆大熱，就試這個吧！ 雞煲捧來後，火鍋先燒一會，待熱後淋上燒酒再點火炒，「逢」的一聲，好大火，嚇了我一跳！香味隨著火焰飄到鼻子，令人食指大動！ 奇味，其實味道並不奇，反而是辣椒、蒜頭、芫荽等非常惹味，雞件頗滑，沙白大隻鮮嫰無沙，選擇正確！ 火鍋盤送來，牛肉、丸類、餃子、海鮮、蔬菜等都有，手打丸鮮味彈牙，粟米又爽又甜，蔬菜

每到糧尾但又想出街食, 總係想搵間低食又食得飽既地方開飯, 經朋友介紹下, 黎到呢間東煲西炒食雞煲加任食火鍋, 一到樓下已經睇到大大個外牆廣告, 上到黎環境就跟一般既酒樓格局差不多, 唔太逼都算坐得幾舒服~~百幾蚊一個人有雞煲同火鍋料任食, 已經買小見小了, 係有少部份海鮮及較為貴既配料要追加先要另外收費~~同樣飲品任飲, 有多款支裝同罐裝飲品選擇~~~係混醬區有豉油, 辣椒絲, 蒜蓉, 蒜乾, 蔥同芫茜等比你調較自己適合既口味~~最終我地叫左魚翅雞煲, 當雞煲上枱後侍應會用火槍將酒杯燒熱, 之後將酒灑入雞煲內, 再用火槍燃點起火焰, 視覺效果嘩然, 隨即侍應會代為炒幾下, 令雞煲內既雞肉及配料更加入味~~我不知那是什麼魚翅, 比較厚身有嚼口, 同平時食開比較鮮甜較薄身那種就完全唔同口感~~雞肉都真係幾多, 肉質不算太滑但好入味的~~以上係每枱每人必有的配料, 包括有海鮮併盤, 丸類, 肥牛, 雜菜同點心, 我呢個海鮮控當然對個海鮮併盤最有興趣啦! 當中以個大完貝最有睇頭, 超大隻, 肉質又夠鮮甜肥美, 其次蝦同蠔都都唔差, 同樣好鮮甜~~另再追加左其他任食配料, 全無漏單問題, 食完