松山素食 (已結業)

松山素食基本上係每年佛誕都舉辦慈善活動，今年都吾例外，係佛誕當日安排左免費派飯活動。今次派發係款式單一肉操飯，雖然係免費但絕對吾小家，大大盒，與平時買既份量一樣咁多，而且每一盒飯會加送一細盒油同一個重用口罩，真係好有善心。素本身係無咩味，好多時靠味精同油黎調味，但呢到無呢個情況發生，味道都吾會好濃烈，相信平時無食開素既人都接受到。係上環區平平地食一餐都要五六十蚊，呢到兩送飯只需要三四十蚊，如果住喺個頭/ 個邊返工既，可以得閒幫襯支持下。

好耐無寫食評其中一個原因係因為開始食素周圍搵好野食既機會少左適逢佛誕松山素食有免費贈素飯盒活動我就去左結緣去左旺角洗衣街的一間佛學書店因為我比較遲去所以人唔多書店職員好鼓勵途人拎飯稱之為結緣書店設有區域俾人浴佛好有佛心店舖盡頭有一個食品區有少量急凍的素食品亦都有素醬料麵食如果有食素習慣可以入去逛逛講返盒飯外觀精美但因為我係拎返屋企加熱再食所以菜同青瓜都已經不同了而肉藻汁較多肉較少母親大人表示味道有點偏甜不過既是結緣都是好的

最近大魚大肉，剛好今天是佛誕，所以打算吃的清淡一點。有朋友住在上環附近，一直想試這家素食店，今天我們都休假，終於可以圓了心願。今天有龍門炒米和松山肉燥飯，各要一份，隨餐附送茶一碗(不確定是不是決明子茶)。龍門炒米有蘿蔔絲，西芹絲，雞蛋塊，素雞絲，材料豐富，一口吃下去，不油膩，味道清淡，適合大熱天吃。松山肉燥飯，除了肉燥外，還有齋卷，青瓜，青菜。肉燥粒口感像扎肉，齋卷口感清爽。聽朋友說，平常外賣自取2餸飯只要$30，3餸飯只要$33，十分便宜， 所以極力推介在中上環上班的朋友來光顧。題外話，當天看到餐廳不停打包便當，放在小餐車上，原來他們在佛誕這天有免費送飯的活動，非常有善心，值得大家多多來支持，港島區的朋友準備好了嗎？

呢間位於上環蘇杭街10號啟豐大廈地下既松山素食店平時都好多人同售賣健康兩餸三餸飯為主，價錢亦都好抵食，今次撞岩佛誕慈善派飯活動呢間餐廳老闆好有善心甘，分別响上環餐廳同埋太子洗衣街既書店門外派發免費素食飯盒俾街坊，太子同朋友拎左兩盒肉燥飯，味道因為係素食所以比較清淡同健康，無想像中甘油膩，而肉燥既質感真係好似食緊肉甘嫁，不過佢d肉全部都係用麵筋整既，加埋紅蘿蔔絲，同埋菜，青瓜等等既食材，青瓜都幾脆嫁。甘有善心既餐廳，鐘意素食既可以去食下。

係港島區食一餐lunch， 閒閒地都要七八十蚊， 百幾二百蚊嘅午餐亦都係隨處可見， 但呢一間素食， 兩餸一湯一飯只係25蚊， 冇睇錯真係只係25蚊， 而且份量好多好足夠， 味道亦都非常可口。呢間素食每日都會有唔同嘅餸可供選擇， 附送既湯亦都每日唔同， 第一次食係上星期五， 我就揀咗1.賽螃蟹同3.鎮江素肉。當外賣送到後， 發現比想像中份量都好多好多， 兩個餸裝滿曬成個外賣盒， 而白飯亦都係裝滿曬整整一個外賣盒， 絕對絕對唔會唔夠飽， 有啲男同事都表示食唔曬個飯， 所以絕對唔使擔心份量不足。 至於味道方面， 真係要讚下個鎮江素肉， 酸酸甜甜的口感好開胃， 素肉亦都切到一粒粒好易入口， 口感亦都真係好似真正嘅肉， 有啲似午餐肉咁， 但佢竟然係用素整成， 一路食一路覺得好神奇。今個星期五就食左第二次， 今次就揀咗1.香茅椒鹽素肉粒同5.涼拌土豆絲， 上次唔記得影個湯，今次終於記得一齊影埋， 個湯好清新鮮甜， 而且唔會只係得湯水， 附送咗四五舊瓜，可見佢真係好足料。香茅椒鹽素肉粒同上次鎮江素肉既肉係一樣既， 都係切到一粒粒好易入口， 今次就由酸甜變咗做椒鹽， 仲配送咗幾條豆角， 無論係主角嘅素

上星期五（23/10）同事叫外送午餐。他和其他同事對松山素食讚不絕口。那天我便加入他們叫午餐。這是上星期五的午餐餐單。小店的外送服務只於星期五提供。餐單內的菜式任選2樣。附送是日餐湯。配飯是$25。相當便宜！餐單上註明可以將飯改成芋頭眉豆粥，只需加$5。然而，這價錢只限於上環和中環地區的外送服務。其他地區需加$12。原本我想點這個星洲炒銀針粉。經Whatsapp向店主查詢後，確認這菜式是含蛋的。另外，常餐中的梅子醬青瓜野雞卷也是含蛋。其實，午飯時間店員都比較忙。如果還要回答客人的查詢，可能會手忙腳亂。我以Whatsapp逐個菜式查詢是否含蛋也有點不好意思。在餐單上列明不是更加方便嗎？最後，我選了南乳枝竹節瓜和東江豆腐。是日餐湯是南瓜雪耳湯。味道很甜。看到餐盒是較平常的矮小，還以為份量很少。一整盒飯，裝得滿滿的。好像沒有留下任何空間。2款菜式的份量也不少。東江豆腐口感軟滑。外層有微韌的口感。醬汁的味道濃郁。南乳枝竹節瓜煮得軟腍。不過有點細碎。整體的油份不算多。味道好，份量多，價錢低。難怪同事們的讚賞。不過，我忘記要求不要餐具。加上3個塑膠餐盒，又為地球增加了不必要的垃圾……

日日大魚大肉個胃真系唔多消化到，一日半日食下齋都系唔錯的選擇上環蘇杭街原來新開左新素食店，兩餸飯外賣自取，就可以享有$30優惠，真係抵到爛仲要日日都有唔同嘅餸菜揀，一個禮拜食足五日都唔會悶今日揀咗梅子醬青瓜野雞卷同鎮江素麵筋，份量都幾多下野雞卷食落有啲似潮式五香卷，陣味幾酥香，一定要同青瓜一齊食，五香卷嘅酥香再加青瓜嘅清甜，真係Perfect match另外麵筋有成五大舊，超級煙銀，真系要咬返咁上下先吞到，超級鍾意嗰陣酸甜醬，用嚟撈飯一流

想起中上環想食一個低過50蚊嘅飯真係好難。 今日見到呢度開咗一間新嘅店舖，外賣一盒飯只是30蚊左右真是吸引。 細心一望，原來係一間齋菜鋪，平時食飯食肉多，一個禮拜食一兩日齋菜，仲可以慳錢，真係一個唔錯嘅選擇。試過之後，我決定每個星期都嚟呢度食一，兩次。我同同事叫咗一個三餸飯同一盒炒麵。雖然炒麵嘅樣子唔太似炒麵，但係呢個羅漢齋炒麵濕濕地，又唔淡口都唔錯，比外表望落高分。另外三餸飯我哋選擇咗炒蛋，一個鎮江醬麵筋，同一個普通炒菜。 成日以為齋菜好淡口好dry，但係原來就咁食都唔錯，唔會覺得太淡口，清一清腸胃真係唔錯。 33蚊一個飯去邊度搵， 而且份量十足，食完之後一啲都唔口渴，應該冇味精吧。 飲埋個唔算淡口嘅齋湯，完成咗一個豐富又健康嘅午餐。

上環想食健康野即刻諗起呢間，兩/三餸素食飯店。每日menu都唔同，兩餸$30 三餸$33， 加$5轉再健康d嘅南瓜粥。我揀左Robert 炆枝竹同西芹炒淮山，轉埋南瓜粥，跟餐送涼瓜Robert 湯。南瓜粥好甜好足料，比起白飯更容易入口同消化~Robert 炆枝竹建議可以加麵根扮牛腩增加口感。淮山只有兩舊，呀姐筆多幾舊會更好。整體黎講好抵食嘅，推薦。

係上環番工，日日lunchtime經過都見到人頭湧湧，今日終於有時間試下佢睇佢門面好多人等緊，但原來運作得好有系統。首先排隊落單，跟住佢會比個牌仔你，代表你個編號，之後就行埋一邊等，估唔到咁快，雖然好多人，幾分鐘就拎到個飯喇！每日都會有六個餸比你揀，我叫一個叫左三餸飯，同事就叫左個星洲炒米齋都可以好好食！我叫左咕嚕素肉、麻婆豆腐和雜豆腸仔炒蛋，完全唔係傳統觀念既素食果種單調同清淡，而係好有驚喜，甚至好食過好多食肉既鋪頭，而且仲送左花生眉豆木瓜湯，清甜滋潤以後希望自己都可以做到響應Green Monday，一星期食一次素食，又健康又好味😋

天時暑熱，想食得清淡一點，素食當然是個不錯的選擇。中環蘇杭街有間松山素食，想幫襯好耐，但係次次中午食晏時間行過，排隊外賣都人山人海。因為怕排隊，始終未曾相識松山素食。今天剛巧星期六，人不多，就嚟個外賣素食。松山素食每天有多個素菜選擇，分為兩餸或三餸飯，包例湯，可外賣自取，亦可堂食，客人可自選素菜配搭。外賣兩餸飯都係30蚊，三餸飯都係33蚊，以今時今日既物價，加埋喺商業中心既中環，呢個飯盒價錢認真超值。但堂食價錢就比外賣貴一截，經濟的我，當然選擇超值的外賣。這個素食飯盒配搭很豐富，有咕嚕麵筋、雜豆腸仔炒蛋、粉絲節瓜，還搭兩條青菜。咕嚕麵筋炆得煙煙韌韌，口感不錯。雜豆腸仔炒蛋，素腸仔味道像真度高，雞蛋炒得夠香滑。節瓜粉絲煮得夠住家風味，節瓜爽口，粉絲冧甜。今日奉送鮮蓮葉冬瓜薏米湯，湯底十分清甜，有陣陣蓮葉香味，冬瓜薏米消暑。另外再加8蚊來個南瓜粟米小米粥，南瓜成粒狀，份量十足，加埋粟米小米粥底，清腸胃一流呢。

中環出咗名食嘢費，但係發現附近有一間素食店除咗味道好食而且價錢好合理，簡直係大埔底嘅天堂～ 見到好多人排隊，都知道唔會差，但係當然要親身試過先知道，入面有好多唔同嘅餸菜選擇，主打三送飯我就揀咗雲耳，秋葵，番茄素蛋同埋椒醬素肉，酸酸地好香，而且口感爽口，再加上上面有好多汁，送飯一啲都唔會悶！調味真係好正，都真係好似真嘅肉，雖然我唔係素食者，都覺得好好食，而且個味道適中。如果唔係知道佢係素食，真係以為自己食緊肉都唔知添！而且仲有個湯，味道唔錯，令成個套餐豐富得多。臘八粥+$8 就可以食啦，原來係裏面有唔同嘅豆，仲有好多不同的配料包括紅豆、黃豆、綠豆、芋頭、三日等等，非常豐富，抵食到啊，而且仲要未到5差，幾香！

中上環素食打工仔的福音。作為中上環返工既打工仔，成日坐都已經好慘，加上成日大魚大肥，有時候想減下肥，食下啲健康野，其實真係無乜幾多選擇，曾經我最鍾意係PURE隔離既NOODFOOD，老實講PURE真係一個HIGHEND沙律路線一個好好既選擇，但今日介紹既松山素食係平價路線既最好選擇，沒有之一。是日諗唔到食乜好，黎到行過上環漫無目的咁行，見到一間超級多人排隊既餐廳，個名叫做松山素食，個人覺得店名改得好好，一睇就知道係素食店，平時有食開沙律懶健康既我一睇到就俾佢吸引住左，素食都可以排隊排到過隔離餐廳，好明顯就係好店。作為foodie既我當然唔可以放過一間好店，立即加入一齊排隊。人龍雖然好長，但係餐廳手腳一啲都唔慢，大概10分鐘左右已經排到我了，餐廳有堂食位，但係人太多啦，餐廳位置又唔係特別多，係粥多僧少既情況下，我決定要外賣了。餐廳主打三送飯，係排隊既時間就要睇開決定要食啲乜野，同埋一定要記清楚個號碼，唔好好似我咁，我排隊果時隨便睇左一睇，結果，就真係叫錯野，但神奇地係，叫錯既野好好食，我極懷疑餐廳既野應該係樣樣都好高質，連我唔想食既野都可以食到津津有味，可想而知，其他野都唔會差得去邊。首

最近同事推介上環蘇杭街有間好食又抵食嘅素食店「松山素食」，中午12點左右已經排晒隊，好受中環附近的上班族歡迎呢👏🏻餐廳嘅外賣自取飯盒比堂食更優惠，三餸一飯都係$35，菜式日日都唔同，仲會免費奉送是日老火靚湯，好抵食呀叫咗兩盒不同菜式的飯盒～紫蘇肉鬆茄子味道濃淡適中，甜甜鹹鹹的，茄子好香軟又入味金不換宮保雞丁豆腐豆腐好滑溜，充滿豆香，唔會太油膩，好健康鮮茄炒蛋炒蛋好嫩滑，同爽甜蕃茄好夾🍅涼拌雲耳青瓜分量充足，口感爽脆，好清新開胃呢以上三餸飯揀左跟白飯🍚撈汁送飯食就啱晒三餸飯加$8可以轉白飯為蓮葉冬瓜五豆粥。五豆粥好足料，有粟米、薏米、綠豆等等，微微甜的，夏天清涼解暑首選荷葉飯豐富嘅餡料有蘿蔔、香菇、素肉粒等等，米飯軟硬適中，頗有嚼勁，吸收晒荷葉同食材嘅香氣，好好食呀！土茯苓牛大力粉葛赤小豆湯免費送嘅老火湯好足料，用多款素食食材熬製而成，火候十足，無添加味精，味道天然又鮮甜，家的感覺

呢間素食套飯真係上環區上班一族既首選🥇！不論食物質素😋或是價錢💰，都非常吸引！雖然佢招牌係素食，但其實唔係素食者既我都成日幫襯😆。.兩餸客飯💲30三餸客飯💲332個都會奉上是日例湯🥣白飯轉做健康素粥可以＋💲5.餸菜既款式每日轉款，食極都唔厭🤩，平日有6-7個餸選擇，星期六日有5款，可能因為少人番工😆。1號 鎮江素麵筋，幾有咬口，酸酸地幾開胃，仲有啲汁可以送飯。2號 涼瓜菜脯炒蛋，涼瓜好易入口，唔會好苦澀😊，炒蛋嫩滑，火喉控制得好好。3號 紅燒花生枝竹，花生同枝竹都煮得好林好好味。4號 青瓜雞卷拼鹽酥雞，雞卷好香好惹味，咬落有啲似魚蛋，幾有彈性，鹽酥雞像真度極高，咬落去口感似肉絲既感覺，味道都好到位😋，同食肉既感覺差唔多。5號 菜心好甜，選材好。蟲草花桂圓淮山杞子粥好好味😍，材料份量十足，每一啖入口都好清甜滋味。