松山素食 (已結業)

最近轉咗新工喺上環返工， 啲同事介紹蘇杭街松山素食， 話又抵食又好味又健康 咁我今日就決定同個同事一齊買外賣。 我哋十二點半鐘嚟到已經人頭湧湧好多人排隊喎。 幾好喎啲餸又多款式又有粥食又有炒米粉。 橫掂我都係第一次食又想試曬咁多款於是我哋就叫咗一個1至3號另外一盒就4至6號。 另外加五蚊就有菜乾眉豆髮菜粥， 賣相相當吸引。 食落仲好健康又唔會好多味精而且份量都唔細喎👍🏻 雪菜青豆滑豆腐～ 個人覺得 好清淡， 啱曬鍾意食得健康嘅朋友。 翠玉瓜炒腸仔係重點推介， 話就話係腸仔但其實係素肉， 食落個感覺真係好似腸仔， 幾特別。 番茄炒蛋就不過不失啦。 腩片炆白豆角～ 非常美味而且好有口感， 咬樂是爽脆的。 秋葵咁健康一定會點的， 幾有新意佢用秋葵同雲耳做係拌， 味道調教得啱啱好 酸酸地好開胃。 食完呢個飯盒就明白到點解咁多人幫襯。 因為真係價廉物美 中上環區嚟講真係cp值極高。 又平又好味又健康款式又多❤️ 我同個同事食完之後都覺得呢間可以再幫襯， 喺附近返工嘅朋友仔未食過嘅都應該試下啦。

今日我係上環練完瑜伽,同男朋友去搵好嘢食,行過見到間素食,我哋都好有興趣個門面都幾乾淨,隔住塊玻璃見到好吸引嘅餸菜我哋就打算買外賣返屋企食!見到佢個價錢都幾抵,$33就有個三餸飯,個菜單仲係日日更新。我哋叫左兩個三餸飯試晒是日菜單,仲送埋湯我男朋友好大食，叫埋個乾燒伊麵返到屋企準備開餐我哋飲咗啖湯,就知佢係真材實料冇味精,份量黎講就唔算好多,女仔就會啱啱好,所以我男朋友話早知叫多碗😂再試埋個飯,個豆角炒蛋好出色,好滑身我本身唔係好食酸齋同咕嚕齋,但係食佢呢款黎送飯又幾好食!!個素肉有咬口得黎味道好好,食食下我都食晒成盒飯(明明想減食都忍唔住)男朋友個碗麵都好足料佢都幾照顧到食全素同埋蛋奶素嘅朋友我同男朋友都話想下次再去食埋其他餸，再嘗開心素菜日。

今日去上環探朋友撞正午飯時段，朋友建議買外賣上佢家慢慢歎。老友介紹嚟咗 松山素食 佢讚口不絕，話真材實料、健康又經濟實惠!嚟到餐廳門口，已經有好多人排隊買外賣。三餸飯只係三十三蚊， 喺上環區真係好難搵。仲有其他齋菜選擇，認真唔錯!素食菜式 (三餸)鎮江素麵筋，好似酸齋酸甜醒胃。鹽酥雞併野雞卷，炸物鬆脆乾身唔油膩，口感真係幾似雞肉。豆角菜脯炒蛋， 炒蛋又幾 嫩滑唔老身！干燒伊麵幹燒伊麵，炒得香口唔油膩，面身彈牙爽口， 煙韌有嚼口！少鹽少油，健康之選。 加配薑絲浸龍鬚菜， 口感似通菜， 更加有爽口，味道清新！紫薯淮山五穀雜糧粥材料豐富，紫薯天然甜味，淮山爽口，健脾有益。五穀雜糧，豐富膳食纖維，幫助消化，煙韌又爽口，濕潤溫和有飽足感！土茯苓牛大力赤小豆粉葛湯清甜暖胃，粉葛相當突出。健脾益胃解暑 ，無糖、無鹽、無味精，自家良心炮製 住家靚湯，多飲有益。

好耐冇寫食評了，呢間真係大大力推薦！因為自己戒左牛一段日子，最近都成日搵素食餐廳。呢日喺上環見到好多人排隊，諗住睇吓有咩食，原來外賣自取三餸一飯都只係$33！超級抵見到選擇好多，應該係每日都唔同，呢日我同朋友揀咗（1）咕嚕麵筋（3）鮮冬菇粟米菜粒炒蛋（6）涼拌土豆絲既三餸飯，乾燒伊麵$38，同埋一個紫薯粥$8。不過因為疫情關係，只係做緊外賣自取，見到店員都戴晒口罩同手套，好衛生。跟飯送個湯都幾足料，唔係味精湯。紫薯粥見佢細細碗，清清地咁，但真係有一粒粒紫薯係入面！我最鍾意都係個三送飯，咕嚕麵筋同平時食齋嗰啲一樣，有汁送飯炒蛋都好好味，又有蛋白質，另外土豆絲好耐冇食啦，煮得好夠爽，又唔太油成個飯好夠份量，差啲塞爆個飯盒乾燒伊面都好好食，不過係朋友叫嘅，我淨係食咗幾啖如果大家喺嗰邊返工，都可以去試吓，見有好多OL排隊，真係又抵又健康！

好耐無去上環了，原來開了好多特別的餐廳，今次經過松山素食，被他們的一盤盤色彩斑斕的素菜吸引住(*ﾟ∀ﾟ*)而且外賣價錢超優惠！比堂食平多點點呢想食得健康點，午餐選擇了松山♥原來每日也有不同餸菜選擇，在附近上班的OL 健康之選💕媽媽點了雪菜素肉炆米加菜芯，味道超級好！米粉不會太濕，重點是美味而不油膩，素肉的像真度超高，真的好像雞絲的感覺，是少有美味又健康的素食而菜芯新鮮清甜，就算是拿到番屯門才吃，也沒有變黃👍🏻而我就點了三餸飯，最喜歡老干媽芹菜炒土豆絲，名字取得很有趣😆味道超正的，土豆絲很香薯仔味加埋芹菜，十分夾😋咕嚕素肉酸酸甜甜十分開胃，素肉感覺有點像午餐肉，像真度超高，加上菠蘿粒，餸飯一流呀(▰╹◡╹▰)腸仔豆角菜脯炒蛋，蛋香味加上鹹甜的菜脯，豆角炒得剛剛好，是完美的配搭呢ヽ(｡･ω･｡)ﾉ另外+$5 可由飯底轉粥，今天是蟲草花桂圓淮山杞子粥，很養生，女生吃最適合不過🥰$5還以為細細的一碗，原來份量十足，材料超多的，推薦一定要試試，美味的養生粥～還有送了沙參玉竹冬瓜薏米湯，連平時很怕薏米的我，也覺得美味呢！用料同樣超多😍三餸飯份量超多，價錢優惠又健康！是值得再encore 的優質素食

在中上環返工嘅朋友都知，喺呢兩區中午食飯有幾貴，一個飯盒閒閒地收四、五十蚊係好平常嘅事，想食平一點，其實選擇不太多。不過最近就有朋友推介我去蘇杭街呢間「松山素食」買外賣，原來呢度嘅飯盒好抵食，外賣自取兩餸飯只是 $30，而三餸飯亦只須 $33，而且仲有健康老火素湯奉送，難怪朋友話呢間店舖好受附近的上班族歡迎。由於怕人多，所以特意揀了較早時段到訪，果然不用排隊。可能係星期六嘅關係，所以今日只有 5 款菜式可供選擇，不過就另外仲有 1 款米粉供應。選了一個三餸飯 ($33)  同一盒米粉，三餸揀咗花生炆豆腐、冬菇煮節瓜、粟米菜粒炒蛋。豆腐外層炸過，入面依然嫩滑，花生炆得很腍。節瓜味道很清甜，多汁又無渣，冬菇厚身大隻。粟米份量十足，而且個蛋炒得絕對有誠意，好滑。奉送的霸王花粟米湯味道亦唔錯，大大碗，非常足料，而且十分鮮美，潤肺清心、消暑解熱，最啱夏天飲用。另外呢個雪菜豆角肉絲炆米粉 ($38)  亦做得相當有水準，米粉不會太濕，炆得乾身好吃，食落有雪菜嘅香味，加上豆角夠爽脆，菜心亦翠綠清甜，搵唔到半滴油，非常健康。朋友果然無介紹錯，在物價高漲嘅香港，還可以用三十幾蚊食到大大個健康嘅飯盒，真的

中環搵食一向都唔平，就算晌快餐店，除一啲特價飯之外，基本起錶價都喺四十以上。但最近先留意到食友嘅食評，原來上環有家素食店「松山素食」，外賣嘅飯盒都只喺三十零蚊，而且，食友仲話份量十足。青綠色門面好易認，雖然叫晌上環，但小店位處都算挨近中環尾，晌中環返工嘅我，都覺得值得走遠少少過嚟試吓。小店都有堂食架，不過，店員就話疫情關係，就不設堂食喇，況且，店內地方確實唔喺好大，如果枱與枱之間要保持1.5M距離，就真喺只擺到一枱咋，哈哈！不過，就算有堂食，都喺外賣為上策，因為，外賣比起堂食真喺平一大截。而外賣自取價，兩餸飯賣$30，三餸飯都只喺賣$33，仲送埋老火湯，咁平，去邊度搵，怪不得食友叫我早啲去，否則就大排長龍。至少選擇方面，會喺日日都唔同，但基本上都有6款素食餸菜供選擇。而所有餸菜都晌門口隔住玻璃一眼睇晒，仲留意到店家都好講求衛生，望落都乾淨企理。晏晝一餐，順便預埋今晚。健康素食三餸飯（一） $336款素餸中，小弟就揀咗豉汁欖菜炒涼瓜、粟米茸滑豆腐及清炒菜心，飯、餸分開裝，而且，埋得滿滿，份量十足。食素就唔一定好寡，就好似個豉汁欖菜炒涼瓜，非常惹味，當然，唔食涼瓜就當別論，啲豆腐又好滑溜；

如果唔係朋友介紹，真係唔知原來上環有間咁抵食既素食外賣兩餸飯 $30；三餸飯$33咋仲要每日既menu都唔同，好有新鮮感！今日有老干媽土豆絲炒秋葵，味道辣辣地，好惹味，重點係一啲都唔油膩真係好健康鎮江素麵筋同平時食開既酸齋差唔多，不過相對下我更鍾意食呢個鎮江既味道，因為唔係淨係得個酸，仲有醋香味雪菜素肉絲炆鴛鴦米呢個炆米同樣一啲都唔油平時係出面食素，啲餸成日都油苙苙，所以我好欣賞呢度既素菜$33仲有自家湯送蟲草花涼瓜黃豆湯個湯好清甜，啲料仲好足添真係想飲多一碗

因為疫情關係，同事近來喜歡買外賣🥡番公司食，HOME OFFICE 期間食大左個胃，怡家想食得清淡啲，所以今次決定買公司附近比較有名的素食店。當日12:30已經好多人排隊，當中不乏外國人，不竟三餸飯都是HKD 33，兩餸飯只售 HKD 30，還奉送湯🥄，係上環區而言抵到爛。隔住個玻璃睇到最少有六款餸，好吸引，樣樣都想食😋👍🏽所以決定同同事買左兩個三餸飯同埋一個廚師👨‍🍳推介：台式鹽酥雞分享下。是日奉送餐湯：蟲草花合掌瓜湯，無味精而且飲到原材料味，蟲草花有咬口好似金針咁。1. 豆角菜脯炒蛋+ 2.菠蘿咕嚕素肉+3. 剁椒豆腐：豆角同菜脯好爽口脆身，食落卡卡聲，蛋香濃無比，咸度適中。菠蘿咕嚕素肉好似同平時食葷一樣咁酸酸甜甜，好佐飯，加埋剁椒豆腐，好似麻濃豆腐咁香濃軟滑，不得了，重點不油膩，好健康。4. 南乳冬菇粉絲煮津白+ 5. 紅燒秀珍菇枝竹麵筋+ 6. 清炒菜心： 南乳味好濃，津白清甜而枝竹比較焾身，麵筋好入味。總結：性價比高 健康之選不油膩 無味精 推介💕

嗰日Day Off放假，去上環搞少少文件嘅手續。大概去到11:30到，開始肚餓，就周圍搵吓有咩食啦。因為前幾日食得好飽，好油膩，就想搵啲輕食食下，點知真係行過見到一間素食，仲要好平好優惠。因為最近疫情，大家都唔敢坐低係餐廳食飯。而呢一間松山素食亦按照呢一個風氣，停止咗堂食嘅部份，只供外賣。自己外賣帶走都係30幾蚊一個餐連湯，上環呢一區來講算係好抵呀。因為我一陣會見到我屋企人，所以我買咗兩份餐。成間舖頭好企理，好乾淨，完全唔同平時見到嘅兩送飯三送飯嘅茶餐廳。出邊望入去大玻璃見到好清晰嘅餸菜，都有成十幾款！最特別嘅係佢有一個係比較西式啲嘅沙律，我好鍾意佢有呢個選擇啊！所以我都加咗一個沙律俾我屋企人。我叫咗兩盒三餸飯，總共有六個唔同嘅餸。我送埋一款好特別嘅紅菜頭湯，入邊有粟米有番薯㗎！老闆仲好好人添，佢同我講今次個外賣盒仲係用緊舊款，嚟緊有一款新嘅外賣盒，會係分開兩三層好似嗰間吉吉牛肉飯咁。咁仲可以防止啲汁滲晒落啲飯到添！整體味道唔錯，一啲都唔馬虎，我最鐘意個炒蛋，覺得好滑好嫩。屋企人就話好鍾意個紅菜頭湯，出邊好少見到有呢一款湯飲㗎。另外就係好欣賞嗰個咕嚕肉，味道啱啱好，唔使食肉又食到咕嚕肉

星期六都冇朋友肯出嚟威，大胃唯有買外賣返屋企食啦！講起外賣感覺好似一定要去買茶記豆腐火腩飯咁冇選擇，一係去老麥，查實都有得健康啲飽肚啲嘅有間專賣素食午飯嘅餐廳開咗冇耐，未食過外賣嘅素食，試吓先睇嚟老細將啲飯餸裝得好滿好實，拎上手好聚手豉油皇炒麵炒得相當乾爽，唔會濕嗒嗒，條條分明，又夠入味三餸飯好爆滿呀，樣樣餸都好大份，有秋葵、南瓜同茄子，雖然全素，但食落味道豐富又飽肚飯底仲有紅糙米，呢鋪好消化喇仲有湯水送，大大粒蘿蔔，好補呀呢個時候，就算係外賣都要揀得健康啲呀

大推呢一間上環熟食店，平時喺上環返工，都知道蘇杭街嗰邊好多好嘢食。呢日食晏經過見到呢一間新開嘅素食店叫做松山素食。出邊嘅裝修都幾靚，外買自取嘅價錢，雙餸飯都只係$30，三餸飯都只係$33。喺中上環一帶都好少見到咁平嘅食店。 見到咁平但係啲食物一啲都唔馬虎，老闆仲好nice咁同我哋介紹每一日嘅餸菜都會唔同。我每款餸菜都係即日新鮮即製，今日我就試咗1號（蟲草花浸津白）2號（怡鄉茄子）同埋6號（涼拌秋葵），而同事就叫咗個松山家鄉銀針粉返公司食。雖然咁平，但係份量一啲都唔小。如果叫每一款午餐餐廳都會送埋例湯，都係素湯嚟㗎夠晒健康可以滋潤一下。咁嘅份量用嚟食晏啱啱好，每一款餸菜雖然冇用肉煮。但係都好好食，尤其是個怡香茄子，同一般嘅魚香茄子係冇分別。大推！至於個家鄉銀針粉清清淡淡咁但係都幾好食，不失為一個健康又好食嘅午餐啊。我諗下次我都會再去呢一間松山素食叫外賣自取。

我係中環返工，有同事介紹上要地鐵站附近有一檔又平又好食的 齋菜，中上環區$30有2餸1湯，$33有3餸1湯，有8個餸可以楝，真係平到冇朋友。仲要係好食，健康，唔油膩，真心推介！由於武肺嘅關係，外賣是常識吧！外賣送到公司只需加2/3蚊（視乎兩餸定3餸）。如果想出街行下，可以先用電話落order，再黎攞，咁就可以避免多人係鋪頭門口等攞飯盒。今日我哋兩個都叫左3餸，啲餸超多， 冚住晒啲飯。食物質素好唔錯，有鑊氣，黑椒素雞絲茄子好入味，唔會因為冇肉而失色，而且一啲都唔油膩，推介！椒醬雜果素肉好好食，醬汁味道有層次，又有咬口，必食！我哋加左$12要素刺身野菜蛋沙律，啲刺身勁真，好過癮，下次要自己食一盒先夠。

公司位於上環, 每日食飯都係附近買黎食, 而近日疫情嚴重, 心情更煩悶, 所以轉食素食, 希望改善心情及重新為身體打打氣, 同事介紹上環蘇杭街松山素食. 一來近公司, 二來平, 三來好味. 被佢講到甘好. 就去買. 真係嚇一跳, 12 點已經甘多人排隊, 出面有大玻璃睇晒整個廚房,一盆盆素菜比大家睇,安心之餘亦知道素菜的配搭,我就叫左136號碼，357號。加多盒蝦好老實, 2個餸 $30,  3個餸 $33, 係深水埗都未必有此價錢呢度中上環都係30蚊仲要有湯,亦可以加飯, 比其他素食店平好多,最開心有例湯送。仲要冇味精。。返到公司打開。餸好多仲有就係白飯有少許紅米。 136有鮮茄素火腿蛋, 翠肉瓜炒素肉, 同炒菜心. 雖然一早煮好. 翠肉瓜及菜心依然爽口. 素肉配上茄蛋, 拌飯最正,另一個飯, 最特別係豉汁少萵筍因為溫度過高會使萵苣綿軟，失去清脆口感。又5可以落鹽. 都幾考功夫. 之後更係要食芥末大蝦 之前食過呢款蝦就大啖入口。適量wasabi 好彩5 係太勁。但比較意外。出面好多素食店用好多用蠔油調味。真係好少會用wasabi 比傳統齋菜更突破。之後食蜜糖豆, 感覺好爽甜。再加啖熱

公司附近有間素食店，經常好多人買外賣。每次經過起碼30人排隊，當中唔少外國人。今日一於同同事嚟試吓，由於疫情關係不設堂食，我哋都排隊買外賣。我哋12:30嚟到已經開始有人排隊買。素食款式繁多就咁望落每一款都好吸引。每日有七款餸一款小食。三餸$33，兩餸$30。呢個價錢仲要有湯餸，真係抵到爛。由於我哋想試晒佢咁多款餸就買咗兩盒三餸飯，每樣餸都有啲，加一款冷盤小食。今日嘅冷盤小食就係魚生刺身沙律。裏面仲有隻蛋㗎D素魚食落真係幾似真的魚生刺身，而且$12都好抵，幾特別值得推介舖頭門口就可以睇到晒啲餸，每一款都好想食今日七款餸分別有: 1) 雜果素肉2）西芹秀珍菇炒百葉豆腐3）豆角菜脯炒蛋4）雞絲茄子5）芹菜枝竹冬瓜片6）薑汁炒芥蘭7）陳醋雲耳 今日湯係沙參肉玉竹淮山雪耳$75 食到我同我同事飽飽，性價比極高。大部份出面食素的舖頭啲餸都好油，但係呢間就唔會而且冇乜味精。總結: 一定會再幫襯而且係經常幫襯果種，因為真係好好味，夠晒健康，值得支持