板燒郎燒肉鐵板放題料理專門店 (已結業)

今日去完沙灘之後就去咗佐敦食一間叫做板燒郎嘅放題日式餐廳，喺海報上見到升級就可以有生蠔鮑魚長腳蟹任食，於是就升級試吓啦。入到餐廳，見到板燒朗設計別有用心，坐落去亦都非常舒服，一坐到埋位即刻寫嘢食，我特登寫嘅數目好多因為知道平時放題餐廳就算食幾多都係比好少你，但係過多幾分鐘之後我就後悔啦，員工送出將我要求，送上我嘅食物，唔使一陣間成張枱已經充滿着滿滿嘅食物，搞到我有少少目不暇給，隻手要一路燒一路食嘢，食物嘅品質都唔差，加上店員服務優質，令到我對呢間餐廳10分欣賞，重點要提提大家如果拉咗版蕭郎嘅Facebook係會送你一碗龍躉燉湯架😎😎

尋日係佐敦行完街，經過地鐵站，見到依間板燒郎，見又未食飯，甘就同女朋友上去試下。上到去門口已經人山人海甘，初頭見到都念要唔要下次先黎試下，點知個服務員勁好服務，拿埋野飲比我地，同我地講等10分鐘左右就有位，重同我地推介個北海道松葉蟹同磯燒鮑魚，甘見唔貴咪試下。坐到埋位，都未開始食野，隔離枱啲香味已經飄緊過嚟，講咩都唒氣，瘋狂叫嘢食。野食一上到枱，見到松葉蟹腳勁大隻，鰻魚元貝海鮮非常新鮮，食到一半，有位經理重問要唔試下蒸氣火鍋，蒸氣火鍋食海鮮更加鮮味。點知一試難忘，食左個幾鍾已經飽到上心口，臨走個時個經理仲俾咗張卡片我哋，話下次上嚟打定電話留台唔洗同人係出面等位，非常好服務。

我係前幾日已經訂左10位。今日一去到就可以入座，佢地就俾左一間大房我地，任我地玩到幾瘋都得。我地一坐低就開始叫野食，佢地嚟野都嚟得幾快，生野一嚟到就幫我地開爐俾我地燒野，完全唔會曬食客時間。人手又充足，好快就收左我地食完嘅野，服務態度都幾好，生日個個仲會有神秘禮物送俾佢，就算有蛋糕食都唔會趕你走，等你開開心心食埋先。啲野食好好味，我地叫左生蠔、拖羅、元貝、鵝肝、青口等等，啲生蠔、拖羅同長腳蟹好新鮮，啲菜式選擇都好多，除左一般放題有嘅日式菜外，仲會有泰國菜：有生蝦、雞絲粉卷、蝦餅、魚餅等，仲要大部分叫左嘅都有嚟齊。我地幾個食完之後都話下次大時大節都會再嚟。佢地仲話呢到有蒸氣火鍋，我諗我地下次會嚟試下呢個蒸氣火鍋。

食嘅人超多,去幾次都爆曬人,雖然有時等候時間因為太多人食,所以要等番一定時間,但服務超好,會同你講要等幾耐,會盡快汁比我地。去到入座時,佢地會記自帶你入位,向你推介有咩好食😍😍,重點嚟啦,呢度又有得燒野食,又有壽司同泰國野食,而且每一個種類都超過15類以上,呢度重可以加錢升級,升級後重有生蠔同松葉蟹食,勁新鮮,又大份,重有龍躉湯送,真心覺得抵。其次啦,上菜速度都算快(比起其他放題嚟講),基本上落完單係10分鐘內就有,有次人太多,多到滿座,都係十多分鐘就上到。而且啲服務生態度都非常好,得閒你重可以同佢地有講有笑,超nice。ps:已經嚟過四次,女仔生日的話重有野送,之後應該都會再嚟😍😍大讚🙈🙈

琴日我帶我老婆同埋個仔去佐敦買野，出地鐵站a出口見到有板燒郎放題廣告，都好似唔貴就想去試下啦。上到去咨客小姐都好熱情好好人幫我地安排卡座，聽介紹覺得加138唔錯就加左138想老婆同仔食好d。d野食上左黎之後發現哇真係物超所值，蠔靚鮑魚肥長腳蟹肉超多，都好新鮮唔似其他有d鋪頭都係貨尾甚至有味道。板燒郎生啤仲要係任飲，壽司做到好似專門店咁樣，樓面既服務都好好，一有垃圾即刻收，同海底撈d服務差不多，講真真係便靚正，食得又飽又開心。食完我老婆同個仔都話好好食咁我都覺得1000蚊真係好抵。等下次週末再去食

今日去左佐敦一間放題餐廳叫板燒郎,睇到呢間餐廳既海報poster,一入到餐廳門口既時侯，店員親切咁同我打招呼。門外內亦都好多人，輪候嘅時間雖然都要幾多時間，不過店員拎啲飲品我哋，條氣順番好多啦。 終於到我入座，入去嘅時候員工都好齊心咁歡迎我，俾我一種賓至如歸嘅感覺。我選擇左最高級嘅升級食品，當我寫完第一輪嘅食物一陣之後，店員已經將食物遞上並且幫我開爐。食物賣相非常吸引，忙到都已經流晒口水啦，一食落去，果然物超所值，刺身非常新鮮丶長腳蟹同生蠔鮮味十足。 最重要嘅係呢間餐廳嘅賣點就係食物種類非常多，食物亦都非常好食種類繁多。 買單嘅時候亦都唔需要去到櫃面，店員更遞上不少種類的甜品給我，很有窩心的感覺。 很慶幸我有來到這一間餐廳😍，它給我一種家的感覺。

食物不是預期的新鮮，也沒有九折優惠，要加錢才可食其他海鮮，加了$138, 也沒什麼可選。。。長腳蟹是水的肉也是"梅"的。。。。環境不太理想有點迫，飲品都可接受，不過去一次就夠了

哈哈，經理話想食放題，但有些人只食熟食，但我想食刺身，為了滿足所有人，經理搵左一間有刺身和韓燒1. 先叫刺身先三文魚，甜蝦，鮑魚……好味，噢…原來加88元可以更肥美珍寶蝦好大隻啊～好鮮味生蠔都好大隻~好鮮甜炸生蠔都好吸引啊海膽鵝肝超級好味，入口即溶2. 要韓燒扇貝超級大粒，需要燒5分鐘就食得，鰻魚燒到入口即化，非常美味所有肉質都够入味，即燒即食，完全不用加其他醬汁牛肉薄片，燒幾秒就熟，超級和味3.飲品和雪糕多選擇，生果只有蜜瓜和西瓜今晚這餐好開心，能夠滿足每人胃口

生日飯去左板燒郎好似8點幾去到 之後話冇位帶位果個話+$20蚊坐VIP房...........緊係NONO 之後等左10幾分鐘之後 就話有位入得..........但係其實冇人出黎 走後門?+左$88先食刺身 都新鮮 因為唔係第一轉生蠔雖然唔係睇著佢開 但係番到屋都冇屙 証明係即開蝦 吞拿魚 一般 肉類 左下果舊 唔知咩名  燒肉有質素不過好飽試唔哂 +$88先有 必食推介 第一RD已經叫左 食到飽飽地先黎  超香 食完成口油 一定要連青瓜食或者出去夾多塊生菜呢碟正 飲品可以自己DIY 總評 味道:食物尚算新鮮 燒肉有驚喜環境:兩人枱會多張枱仔擺野 見到人地SOFA位幾舒服 服務:侍應反應手腳快 有個高高地 靚靚仔仔 特別有禮貌  衛生:乾淨 抵食: 物有所值

見到話有魚生壽司天婦羅，又有泰國小炒，又有海鮮蒸鍋。一於試下。不過，一次就夠！魚生不過不失，唔算好甜美。最難食的是泰國熟食。冬陰公湯似番梘水，裡面無料。炒金邊粉都唔係個回事。炒雜英就用些少麵豉炒，麵豉味。燒烤個爐都唔熟丶塊羊扒係低溫煮。個樣見圖啦！最正常的是泰國甜品。當中有榴連糯米糍。總之熟食全部唔合格(我無吃天婦羅)。服務係好好既！

加左88蚊諗住食豪dd生蠔夠肥但冇蠔味鵝肝用青瓜配口感麻麻加上海膽令肥膩感更突出售點一定係個牛，牛最好食拖羅多筋又唔夠凍，基本上所有野應該凍嘅都唔係好夠凍曼魚中等，口感可以，但唔夠熱泰色生蝦冇生蒜片差感小小野咁蜆一d都唔新鮮，燒左8隻都冇開推介嘅會係炸物同自調飲品刺身都係戈句唔夠凍，赤蝦時大隻時細隻勝在上菜速度快，多種類員工服務態度好好等候時間短但環境方面就係好焗好熱同埋就係熱野唔熱，凍野唔凍，連個冬蔭公湯都係凍嘅

上網見到板燒郎有宵夜特價場$159即刻同朋友去試試佢先。去到再加多 $88試下職員 *真心抵食推介*野食種類都多，有自己燒既鐵板燒、刺身、壽司、涼拌、雪糕等等，員工都好好人！ 但個$88就出事喇生蠔 - 充滿蠔碎鵝肝 - order左3次催單催左3次黎完一碟再叫既回應係 無哂中拖羅 - 好新鮮既呑拿魚不過吾係拖羅，然後等多差不多20多分鐘終於都有拖羅食帶子不過不失鰻魚 - 我覺得不錯但同行朋友認為太多骨珍寶赤蝦 - 都還可以喇係條屎大條左小小和牛就真係好食既。當159加左88就成件事就已經變得好吾扺食，仲要其間不停甩單

早幾日約左班吃貨朋友出去搵地方食好西，之後路過位於佐敦新寶廣場，諗住上去新寶廣場5樓既板燒朗，一出門口就有非常有禮ge服務員招呼，服務態度一流。座位寬闊，唔止有卡位更有私人度極高的房間提供。放題選擇甚多除左常見既板燒、網燒外更有蒸汽火鍋任君選擇。食物除左一般既燒肉、刺身、壽司、天婦羅外，更有風味十足泰式料理。最為吸引ge係鮮味十足既海鮮有美國生蠔、北海道松葉蟹（推介）、大元貝。 作為一班朋友聚腳既地方一流，一邊飲住啤酒，一邊住燒肉傾計。所以我地成班吃貨決定左每次聚會都會上去呢度開餐

今日來咗位於白加士街新寶廣場5樓的板燒郎食飯，一入來就有非常熱情同埋有禮貌的服務員帶領我哋坐低。這裡環境非常寬敞舒服，係我食過位置最寬落的日本放題。一坐低，就可以見到檯面非常colorful的點餐紙，這裡的食品種類繁多，有好多其他放題都無的食物。食品方面我推薦幾款；第一係磯煮鮑魚，非常新鮮、口感一流；第二係北海道松葉蟹，蟹肉鮮甜，每次來都要吃返三四隻先得；第三係美國生蠔，鮮嫩多汁；最後如果配埋這裡的歐洲生啤真係人生一大享受。最後我要提一下這裡有幾位高大有型的服務員，而且服務態度非常好非常有禮貌，令到我有返咗屋企的感覺，very good。

跟朋友加班趕貨到深夜因為我知道佢實會肚餓但係我作為一個瘦子女人來講肯定唔會打破僵局，哈哈因為我很想嘅肥肚腩可以縮小點！最後還是給了個可以話大胃王之二，他們選好地方，我只顧跟著痴餐二肥佬帶一瘦女子踏上狂吃海喝的路上到達板燒郎後面身型都知道我兩位友人的食量，放題一定划算的我真擔心老闆會蝕錢裝休風格有點有咩抵吃的我覺得少，但食物風格還第一次見會好雜，各類各有少少開始他們的暴走路線3人選10份量結果一次性真上，OMG首先甜蝦唔錯，三文魚比較次北極貝都OK，泰式的，醬料好辣要注意，係用辣椒打磨的，這個蝦一阵胶感这个泡椒凤爪好难吃，酸的味感觉唔突出，咬落散散水水好难顶的味第一次叫的泰式炒通菜，真的好味菜梗都新鲜吃到晒，最后无落单服务员又送碟过来，见系通菜都留落吃，但一看发现，菜老到难吃，试了一条就扔了这碟！个人觉得好吃谈不上，但款式各种菜式都有少少，遗憾出眾的食物太少……只能说普通