板燒郎燒肉鐵板放題料理專門店 (已結業)

睇完openrice 見到啲相中嘅食物都幾靚，仲有鵝肝、泰式生蝦任食，所以唸住去試吓⋯⋯一入到個場已經覺得啲裝修好似去咗一間好耐歷史嘅卡拉ok場咁，跟住都仲仍抱住希望有驚喜嘅心態去order嘢食⋯⋯首輪當然係點刺身，無論係三文魚、象拔蚌定係甜蝦⋯⋯所有刺身都係無味，食落去啲肉有啲梅，好唔新鮮，載刺身嗰啲冰仲要水汪汪⋯⋯跟住就點啲熟食，冬蔭公湯一啲都唔熱，炒蜆都係唔熱，啲汁又唔好味，溫泉蛋就更加不知所謂，就咁打隻生雞蛋加豉油就當係溫泉蛋。其他嗰啲乜乜肥牛，羊架，和牛粒全部通通唔掂，一係就無味，一係就太咸，嗰樣仲要係好唔新鮮！再恐怖啲仲有清酒（枉我加咗$88任飲），我從未見過用果汁機嚟載清酒，仲要係唔凍，酸梅汁、橙汁都係唔凍⋯⋯我同朋友好夾硬咁去食點咗嘅食物，因為都唔想咁浪費，但盡咗力都係食唔得晒，因為淨係見到食物嘅樣都已經唔開胃，只想盡快離開！仲要每人收$350，真係超級唔抵！！自問對食嘅要求唔太高，但真心覺得難食！我同朋友離開此食店後都感覺有點頭暈同想嘔，唔知係咪心理作用，總之唔會再到此，希望本人體質唔差唔會肚痾啦！

中秋假日前期，約fd食飯，再次黎到板燒郎，照舊，一入去就升左88，因為實在太掛住啲鵝肝肥牛赤蝦等等。有啲唔記得影相實在係損失。一坐低今次係個素未謀面嘅靚仔招呼我地，好耐心同我地介紹abf單係要燒嘅，好原味可以自己落啲鹽同七味粉，完之後邊啲係鼓油邊啲係泰式醬，其實我地一早就知啦只不過好享受哩啲服務所以都係耐心聽完燒肉上黎之後仲靚過上次，真係好似街市啱啱買翻黎咁新鮮，擺得亦都好靚仔好整齊，其他都唔洗講啦質素一直都好好今次仲送左俾我地一條凍烏頭，好似係潮州特色，啲肉質真係唔錯，仲送左貴妃蚌添，真係有咩都送左俾我地，感謝，並且真心推介。

見朋友係咁推介俾我，今日終於決定去試一試，果然有水準。我選擇咗食埋佢嘅升級版，入面有個好大隻嘅赤蝦啦鮑魚同埋大扇貝任食，最緊要嘅就係鵝肝😻😻😻😻簡直就係人間美食。食物等嘅時間都需要十幾分鐘所以要早少少落定單。食物質數都幾好，和牛味道有牛味，食得出來貨既品質，鮑魚同赤蝦刺身好新鮮好大隻好有口感。有兩款食物就真係好推介，就係和味一口牛同埋七味雞軟骨，牛柳粒入味肉好鬆軟，其次就係雞軟骨，做下酒菜真係一流架，重複order左幾次架都，重有就係泰國嘅生蝦刺身，加埋佢特有嘅泰式辣醬，即刻開晒胃。不過唔開心嘅就係有時候都會冇左order，搞到好肚餓，要同返職員跟。但係之後佢哋就會唔會隔一段時間問返我地有冇嘢食未出，都算可以接受啦服務。埋單只不過係$300都唔使，有得食到咁多嘢食都叫做值回票價。

已經早幾日訂枱，今日5人夜晚6點45分去到坐低後，職員講每人既收費係229仲要加一，跟著話要唔要試吓個海鮮泰燒鍋，我話唔係送咩…已經早幾日訂枱，唔係話一日前訂枱有得送咩。職員話係呀！不過你地要加錢88或138既無限添食至有得送，我覺得好似中左伏咁。仲有之後落既要加錢至有既食物黎過初頭一次後加單就無再黎，再次覺得中左伏。食物都OK，不過無下次。 仲有，我地6點45分進場，無留意佢地原來已經當7點收費，由189變成229，回家後至發覺，居然又中伏，真係……唔識講，都係個句，無下次。

放完工梗係要食返啲靚野安慰自己架啦，搵到呢一間放題餐廳，吸引我嘅就係佢哋嘅阿拉斯加長腳蟹。雖然佢哋本身係可以食腳蟹不過唔係阿拉斯加，所以我都冇選擇升級佢嘅長腳蟹。當然重點就要放喺蟹到啦，上枱已經睇得出蟹肉好肥厚，望到已經即刻流晒口水，而且用筷子拉出嚟就可以即刻食到，食落去蟹肉好甜丶啖啖都係肉，好滿足。另外我覺得刺身拼盤值得加分，估唔到可以有咁多三文魚腩，而且擺盤亦都非常靚，亦非常新鮮。原本以為食咗第一轉長腳蟹之後會出好少，估唔到公司好似蝕本咁樣係咁出俾我，搞到我都唔好意思叫咁多。亦都試咗一啲壽司同埋炸物，壽司唔會太大件，入口啱啱好，炸物亦都有一定嘅水準，最好食嘅就係芝士炸年糕，簡直就係港女嘅恩物。出面自助吧嘅泰式飲品同埋水果亦都非常好味，水果夠新鮮幾甜，仲可以試吓平時唔係有機會飲既椰汁涼粉水。不過價錢就偏貴嘅，但係都物超所值，每人埋單＄500左右，食物質素同埋服務員態度都算稱得上呢個價錢

平時都有食開放題餐廳嘅，但係永遠平嘅價錢都冇一啲比較高質嘅食物質素，但係呢一間餐廳令到我有少少改觀。先講下價錢方面啦，我自己會選擇消夜時段食姐因為＄200都唔使就賣到單，而且食嘅食物都係一樣。作為精明嘅消費者你梗係要啲最平嘅價錢食最好嘅嘢嫁啦。食物方面，有日式同埋泰式嘅食物，例如燒肉刺身壽司炒菜等等，種類都算豐富，唔會話食嚟食去都個幾樣。值得一提嘅係估唔到呢間放題燒肉餐廳都會有好多海鮮呢樣係最驚喜，而且質素都唔差。對於餐廳嘅評價就係平靚正價錢公道合理之餘，食物質素亦都有一定嘅水準，唔會話比啲好低劣嘅食材我哋，加上職員都幾熱心服務，整體來講俾人感覺都幾舒服，有機會會再返嚟嘅

喺Facebook見到呢間餐廳做緊宣傳，見到有泰式喇沙湯底，就決定試吓佢咩料先。一開頭唔係即刻食火鍋，而係食鐵板燒先。二菜單A B F全部都係要自己燒既，其他就係熟食壽司同埋刺身，肉類選擇都有三款主要係羊 牛 豬。不過我哋唔係幾鍾意食生冷野所以就冇食到壽司同埋刺身。天婦羅同掦物都唔錯，推介海蝦天婦羅同吉列炸蠔，新鮮又大隻，炸得啱啱好。但係就唔係幾鍾意南瓜同埋番薯天婦羅。去到今次來既目的，鋪滿晒海鮮嘅火鍋，賣相好吸引，睇落去都幾正，喇沙湯酸酸甜甜，令到胃口都大增，加上海鮮之後有種鮮甜嘅味道，搞到我哋係咁叫職員幫我地加湯，但係美中不足嘅係佢哋嘅火唔係好大，搞到都要等少少耐，但係見佢味道幾好食就算啦。不得不提及嘅係入面係有龍躉肉同埋阿拉斯加長腳蟹😏，雖然份量唔係好多，食得出個味道同品質都唔差，中間仲可以用來燒肉添，但係好容易成日都燒到成舊炭。仲有餐單D係可以叫泰式食品同埋炒菜，有我最鍾意嘅炒通菜，師傅技術都幾好，好食都要叫兩碟。最後食埋甜品就埋單，每人三百五左右，有少少貴但係都叫做值得嘅。

平時食開放題都知道任食嘅食物都唔係好高品質，但食完呢間之後都令我有少少改觀嘅。收費同外面都差唔多，埋單都係二百幾蚊就搞掂啦最主要都係講吓食物方面，首先我哋係試咗佢嘅刺身拼盤先，賣相的而且確係唔錯，味道都還可以，有少少刺身嘅味道淡左啲。燒肉方面，完全按數量去俾你，而且仲擺到靚一靚，等我可以影相打卡，海鮮睇落大大隻，應該都新鮮，再加啲燒汁真係好好食，唔會話有陣腥味。我哋亦都升級左，可以享用長腳蟹鮑魚，唔好睇鮑魚細細隻，食落去爽口都幾飽滿。但係食一兩隻就夠啦，反而長腳蟹覺得啲肉太少啦，味道幾甜，唯有以量取勝，建議大家食嘅時候叫定多啲。同埋自助吧亦都有啲飲品可以自己選擇，而我自己就推介梛汁，味道都幾甜，所以建議都係加返少少冰就溝淡味道。整體來講都算接受到，食物質素唔會話好差，職員嘅禮貌都幾好，可以試吓嘅

之前打電話駁檯果陣前台姐姐同我講依家做活動每日前二十位定泰鍋可以免費送，啱嗮我地四個人，就享用到哩個新出嘅海神鍋，陣間我會po上黎睇架真係好正wor，有阿拉斯加喇元貝喇蝦喇蟹喇全部都新鮮好味，真係特色黎全香港都少真係真心推介。我地仲加左個八十八蚊升級版套餐，依家雖然冇生蠔但係有鮑魚任食都好抵食，可以極速回本最後埋單每人350蚊但係我覺得真係抵囖而且仲要好好招呼添，一定仲會有下次依傢仲好掛住個泰鍋燒下個禮拜再去

一入到間舖，覺得個衛生好似唔係好好，坐低覺得有啲污糟，地下滑滑地，好似有油係地下，冇拖地咁，坐張凳又系咁覺得滑緊個patpat落去，完全坐得唔舒服、唔自在，然後都算，一開頭啲嘢食到，個豬頸肉個味道都算幾好食，但後面再上其他嘢食即刻大減分，啲野真系完全唔岩我地胃口，所有燒肉都系配個辣醬..個味勁唔夾，啲單又漏，海鮮好似臭臭地，唔知系咪因為吾新鮮，個泰式炒金邊粉..成大pat番茄醬，完全唔岩味十分奇怪...我諗以後都唔會再幫襯

早前喺Facebook見到呢間餐廳五周年優惠 二人同行一人半價，所以就過嚟試吓啦。 夠鐘五點鐘去到入座，冇乜客人應該係啱啱開無幾耐，環境都幾乾淨同清靜😆店員話俾我哋知升級版會更加好食，見到有鮑魚同長腳蟹任食就試吓啦。店員一開頭已經幫我地安排左刺身食物，等我哋可以一路食一路等都幾貼心，仲要送咗兩碗龍躉湯俾我哋刺身同壽司都非常好食，但係我就唔鍾意個壽司飯咁酸。肉類嘅份量亦都唔會好大，啱啱好女仔個口，味道同其他餐廳差唔多啦，隔離亦都有調味料可以比自己調味。值得推介嘅係飛天炒通菜同埋吉列炸蠔！個通菜完全唔老，食落好香口吉列炸蠔啱啱炸好一咬落去就好多汁啦已經埋單都係三百幾姐，都算抵食啦！

喺佐敦a出口見到呢間餐廳嘅poster，就過嚟試吓啦地鐵A出口轉右直行1分鐘就到啦，搭lift入到門口已經人山人海，個場都幾旺，我諗食物都唔差。而且係等嘅過程店員都同我地介紹呢間餐廳有啲乜嘢食，而我哋第一次試梗係要升級埋啦😍，喺門口出面見到人哋長腳蟹大大隻，望就已經好好食，等左20分鐘左右就可以入去啦。坐低就梗係專心叫嘢食先，食物上枱速度一般。但係食物質素好好，鮑魚同赤蝦Size出其意表，食落去好大隻好新鮮，第一次食到鰹魚，口味就因人而異，我自己就覺得一般但係我朋友就話幾好食，未食過嘅可以試吓味。不得不提嘅係食物來得好足，原本仲以為出咗兩次長腳蟹就唔會再出，結果我食得好滿足，足足食咗20隻腳先捨得停。同埋美國和牛燒肉勁好吃，牛味十足，略嫌嘅係大小太細，比較想一口食大啖啲，所以唯有燒多幾塊。更值得一提嘅係呢間餐廳係竟然會有泰式料理，有新鮮蝦嘅冬陰公湯同埋我最鍾意食嘅泰式生蝦。壽司同刺身都好新鮮，但係覺得飯太多了，所以就冇叫到手卷。食食吓亦都會有職員過嚟問我地有冇爭嘢食幫你跟嘢食，售後服務都幾足，都不枉我升級左138。整體來講都唔錯，位置舒適，服務笑容十分，但係食物上枱有少少慢，可能係因為

放工同班同事突然之間好肚餓，放工已經11點左右，於是就係OpenRice度搵到呢間餐廳。可能因為係消夜時段上到去已經可以即刻入咗去❤️，坐到去即刻叫刺身同壽司食啦梗係😋，出去拎一拎嘢飲已經上左刺身啦😱，之後啲嘢食就已經鋪滿晒啦😂👍🏻。慶幸嘅係消夜時段好多嘢食都仲有😍，不過海膽就冇晒啦😭，好可惜。但係呢一間係有蒸氣火鍋提供，鐵板燒燒左一陣間就覺得好油膩所以就轉左啦，好似冇咁肥呀嘛。主要都係以海鮮為主呢，唔想精液都可以用下面個湯底來打邊爐。其次嘅就係呢個價錢非常便宜，埋單每人＄200都唔使就可以食到咁多野啦，而且食物質素唔差，下次放工都可以約朋友再黎過。

我本身係d只會睇食評而唔評論既人，但食完呢間餐廳，忍唔住要出post ，提醒下未食過呢間餐廳既人唔好浪費時間同金錢去試間餐廳老公屋企人book黎同老公慶祝生日，所以我都冇咩意見。我地食5-7時段，去到冇咩人，一入去已經覺得環境昏暗，地下好污糟好油。坐低後有個女侍應招呼我哋，佢hard sell 我地每人加$88 upgrade 可以任食多d貴價食物，但就補左句「啲生蠔唔靚所以冇攞貨，依家用鮑魚代替，仲抵食啦」，聽完呢句真係唔夠膽食，所以最後都冇upgrade。之後點左以下食物，差到離曬譜：1. 甜蝦刺身：甜蝦個頭係黑色嘅，勁恐怖，跳蝦腸勁大，好似好唔新鮮，唔係好想放入口2. 三文魚刺身：厚切，但識落同其他餐廳嘅三文魚唔同，我地懷疑唔係刺身級數，係要煮熟先食得嘅，好驚食完會否生蟲3. 泰式食物：叫做正常d，起碼係熟食4. 牛肉：好un , 有根總之就好似食緊垃圾噤，食咗1 round 已經唔係好想繼續食落去，唔想浪費個胃啲quota。雖然好多漏咗單，但都唔想再追單。但家人唔想掃慶，唯有再改試下其他野食。2rd round再試埋羊鞍，都係好唔掂，所有冇調味嘅嘢都係冇味！而有調味嘅嘢都係同一

本身諗住2百幾蚊食個韓燒放題差唔多啦！自問都唔算太有要求，平平地冇所謂啦，就算另加88蚊食埋蠔都幾好，點知上到想食既都冇，叫左既全部冇黎，冇叫就黎勁多，係個餐牌上既野食多，不過黎既全部都係果D，好似求其執D野比你甘，肉又冇醃過，所有海鮮都唔太新鮮，正常，仲話加錢食咩海鮮，和牛果D都係美國肥牛，從來冇食過甘難食既放題，如果要食蟹腳果D仲話要加138，加埋一除開5百幾蚊一個人，其實加多少少可以去個buffet 都得，最重要係好難食，真心未飽就埋單走人，永遠唔會再黎！