林洪記

营业中

休息中

雞生的，然後叫我們不要吃就好了，然後呢？我們來吃雞煲的，生的，我們跟你說，還直接說那就不要吃。還有，我們加雞煲的時候，居然直接把雞倒進我們的清湯鍋裡！！！！？？？雞煲這樣吃的嗎？？？？！！！！！！不開心🙁，我本來好好的介紹我朋友來，弄得我現在都不好意思，畢竟一直夸這家店的。

宜家雞煲大行其道，之前睇雜誌時見到雞煲介紹，$88可以任食雞煲兩個鐘，咁正既野當然要去試下。雞煲係長沙灣保安道街市，長沙灣站行過去大約15分鐘，係李鄭屋邨附近。保安道街市有扶手電梯直接上去，留意喎，街市無冷氣架，但有強勁既風扇。我地一行五人，老闆比我地揀兩個煲，我地叫左麻辣同醉雞。老闆話麻辣係佢預備既，醉雞當佢黎左個醉雞湯底就要自己去攞雞。自己攞雞咁怪？周圍望下邊度有得攞，老闆指示我地行去後巷，係後樓梯附近有個好大個既雪櫃，入面全部都係雞，雪櫃有個指示，清湯攞清湯雞，醉雞湯攞醉雞？我地問老闆點分，佢話原來無分...咁指示要黎做咩...我地攞左幾碟雞，都係雞脾部分，每碟有十來件，雞件都大大件，望落唔係好肥，但雞毛未清潔乾淨喎。。試下醉雞先，湯底唔夠酒味，打開蓋嗰陣好香架，但食落唔夠味，所以啲雞放落去都無乜味。老闆話有壺醉雞湯可以加既，但我地加左都唔覺得有味..啲雞好滑，本來$88任食我都唔預計會好出色，但啲雞幾滑，肉質好嫩，由於我揀左雞脾位，所以真係啖啖肉，啲雞就算滾左好耐都唔覺得好鞋，抵讚！食完頭一輪醉雞，麻辣湯底終於到啦！由於我地叫左小辣，所以真係唔係好辣，啲雞因為曾經煮過，所以好味

林洪記$88任食雞煲+雞粥，有人可以解釋到個意思嘛！？同朋友見咁抵咪黎試下囉，點知原來呃人既，首先講個雞煲，麻辣係有既，雞就用炸既，無咩醬汁，又無我平時食既雞煲風味，同埋都幾咸幾油下，真係滴滴油，食完雞煲咪諗住叫雞粥試下囉，話晒任食雞煲“+”雞粥嘛，點知佢答我無囉，但係呢個餐牌話有喎，佢話以前就有但而家無，而事實就係成場既招紙加二奶架都係講加雞粥囉，跟住要罐汽水，比成罐冰我點飲。。。再者，服務態度真係好唔得囉

$88雞煲！性價比高88蚊一位雞肉無限加😆😆😆兩人或以上送一份火鍋配料（魚旦，魚片頭，蟹柳，雞內臟）😎😎叫左麻辣小辣雞煲，真係得小小辣，岩哂我呢啲想食辣又唔唔食得辣既朋友佢預先將雞炒到八九成熟，滾住熟辣辣，凍天食就岩，夏天熱到出水😂😂加支啤酒或汽水真係好爽好惹味😋😋雞肉唔會老 我同男朋友六點半去，唔洗等位過多陣就好多人，仲會搭枱始終係街市上面既熟食檔，環境有啲差，得大風扇，好熱🔥🔥

在網上見到好多網友宣傳這個$88/位任食雞+雞粥的package，覺得在這個時世的確難得，就因為這樣所以想去試下，環境方面不要要求太高，畢竟價錢在那邊，就是長沙灣街市的熟食中心，現在天氣有點暖，街市在室內比較焗，加上吃火鍋，溫度很高，每個人都食到塊面紅博博，冬天可能會好d。由於去食的人有點多（當晚是星期日）所以老細帶我們5個人坐低之後，足足等左十分鐘都無人理我們，無人落單！後面幾經要求先幫我們上湯底（4人以上就有2個湯底），然後雞肉是自取的（當天有醉雞、清雞、胡椒雞）一份雞大概是半隻雞左右，味道還可以，但是煮多幾次，d湯就越變越咸，就算加湯底清水都沒用，最後order粥，才明白為什麼雞要腌得咸，因為粥是白粥，必須要雞肉有味才可以煮得好味，雞粥的確好正最令人不滿的是女服務員的態度實在差，叫他換gas，竟然話：自己換啦！呢度系自助既！（忙是可以理解的，但是態度差就無法解釋）說實話，去到凈食雞+雞粥是不太可能的，肯定會order其他東西，不過其他食物也不算太貴，5個人食$560，價錢可以接受。

前兩次上去都唔洗等位，入到去就有位坐。最近上曬報導，短期內應該都食唔到架啦。佢地最正既就係$88任食雞，四個人揀左辣雞同雞粥，食完可以再添，雞即叫即炒，好香，不過唔夠辣，粥煲一陣就食得，唔錯呢。仲送兩大碟配料，唔夠加錢叫，都唔算貴。

啫係咁，搞88搵任食冇問題。但你唔夠人手去招呼咁多客人，咁好心就搞返D臨時訓練啦。至少，唔會唔記得落單去落廚房，要人等10分鐘，連唔好意思都冇句。又至少，當我問你個伙計Menu上既嘢，佢唔會ehh曬口先啊。D伙計解析得唔清唔楚，搞到我以為胡椒豬肚係雞煲既一種，要食水煮雞!!!!! 雖然你唔係咩高級餐廳，但最起碼個爐既火都要夠大嗎～煲成10分鐘都唔滾，咩癮都冇啦

經蘋果動介紹完要排隊都預左架啦，係街市上面污糟同臭亦都預左架啦。6/4夜晚9點3去到9點9先入座，入到去碗杯污糟斬預左架啦，街市野嘛，叫隻雞小麻辣仲有一個小併盤有雞血腸仔等先講隻雞可以叫入得口，若果加多份係抵食嘅（大前提係你要等到）叫左小麻辣朋友唔太食得辣都話可以但送果個併盤就出曬事啦唔知豬紅定雞紅一入口腥臭難分腸仔係啫哩糖味。。。啫哩糖加麻辣好獨特嘅享受，自問唔識欣賞魚旦我食過最差係無味，佢好野能夠突破到呢個層次，腥入唔到口加一咬爛曬前段提要加雞加到的話價錢係可以接受嘅但相信無咩可能等到侍應俾到你細個玩捉E恩嘅感覺你一講唔該，侍應們即時加速再拎轉頭避開同你眼神接觸你落力d閘住佢,細個玩捉e恩D人差唔多俾人捉到會講河d侍應俾顧客捉到就大聲講我好忙要加極速狂奔好啦捉到佢幫你落單嗌雞等左半個鍾都未有問侍應未有雞黎大聲講煮緊呀咁岩岩果半個鐘我等緊咩鬼野係咪等緊隻雞生出黎？？？若果係，我真係好賤格，半個鐘就催人拎隻雞黎煮唔等啦!!!!!火都黎

打完2小時羽毛球, 來食雞煲, 仲無限添食, 最佳增肥不二之選, 想增肥者必試, 不成功, 請你食雞煲。******************************林洪記位於寶安道街市樓上的熟食檔, 聲稱用新鮮雞, 心諗…堅唔堅呀?$88 任食用新鮮雞?? 極賠本, 其實 $88用乜雞也沒所謂, 反正也要晚飯.街市格局雞件都幾靚仔, 不是肥皮肉厚類, 附送配料有魚蛋、雞紅、蟹柳、魚片和雞腸, 魚片好食, 爽口彈牙仲有魚味, 一啲都唔 hea我地一行7人, 伙計話可以叫3個鍋, 我地叫了醉雞、胡椒酸菜猪肚及雞粥, 以我所知, 佢地仲有清湯及麻辣可選.雞粥粥底很不錯, 少許棉, 又唔鹹, 加鮮雞件落去煲幾分鐘, 雞粥清香又有雞味,7條友食了2鍋雞比冰鮮更有雞味, 雞件煲久了也不嚡口, 仲幾嫩滑, 雞肉比冰鮮/雪藏有嚼口, 肉質不是腍腍梅梅那種, 雖然我不敢肯定是否新鮮雞, 但可肯定咁講, 用 $88任食是超級超值的胡椒猪肚鍋 - 胡椒味特出, 鍋底鹹度適中, 再淡些更好, 猪肚好味…..可惜不設追加酸菜猪肚.醉雞鍋落重藥, 藥材味越滾越香濃, 個人非常喜愛 最愛還是這裡的湯底、粥底絕對不是

老友的每月聚會, 最重要飯局不限時, 食好東西當然重要, 昨晚竟然給我與上平到「黐線」, $88任食, 任添嫩雞打邊爐.阿太質疑我:「雞煲? 辣㗎喎, 你食到咩?」, 我答:「有4款揀, 有辣, 有唔辣吖麻」本來, 怕辣的我最初點了清湯雞煲,不過店員說:「你哋4個人, 可以分開兩個爐, 一個辣, 一個唔辣囉」(係米真係唔辣㗎?) 她繼續說:「其實你叫少辣都唔會太辣,因為師傅炒過, 惹味過清湯雞煲好多㗎,如果辣你米自己加雞湯囉」二人同行, 會送一碟配料, 魚蛋、雞紅、蟹柳、魚片和雞腸, 當然一定較淨食雞煲好得多. 朋友C:「送嘅魚片都幾好食喎」...重點是免費呀!原來少辣的雞, 對我來說已經是超辣, 朋友E:「嘩!你辣到成塊面紅晒, 仲駛唔駛流咁多汗呀? 你將舊雞浸落去個邊爐度米無咁辣囉」朋友E:「E度啲雞真係幾得喎!」不願出鏡的老闆阿添:「我哋用本港走地雞, 所以肉味, 肉質好過出面」(點解嘉美雞, 清遠雞要$288咁貴? 又要訂?), 阿添:「嗰D叫名牌雞, 一分錢一分貨, 當然更加好食」孤寒的我, 連本來舖滿車打芝士的$158芝士雞爐也不捨得, 更何況要$288呢? 不過, 如此巨

好少寫食評，但係今次真要讚吓呢間街坊雞煲，平時任飲任食雞煲，食完雞之後就任食其他啲打邊爐野，呢間就係任加雞，打邊爐野就加錢另點，我地五個人開左兩個爐，一個麻辣，一個醉雞，食得出係鮮雞，麻辣夠麻夠辣，醉雞夠香濃，做得出色，兩個人仲送個拼盤，有豬紅，魚旦，蟹柳，芝士腸，醉雞仲跟鮮雞腸，油香肥美，超正，宜家新開每位 88元，汽水都係八蚊支，就算另點其他打邊爐料都係街坊價，抵食，鍾意食雞真係要試試，豬紅好滑，邊爐料都揀手唔錯，仲有姐姐主動加雞，招呼服務好好，真係食到夠哂喉，不用加一，價錢實惠，支持街坊鋪仔，我地掛住食唔記得影相，不過應該好快又食過，到時再補相