林洪記

营业中

休息中

身為長沙灣區半個街坊，細細個就會去保安道街市的圖書館打書釘，今次唔打書釘就上去3樓熟食中心食雞煲打邊爐，「林洪記」火鍋店有2大個擋位，一邊是吃海鮮蒸氣鍋，而另一邊就吃雞煲鍋，想不到熟食中心地下好乾爽，一點水跡也沒有，而且絕有街市味，很多年青人幫襯。平日$138，假日$148活雞煲加火鍋任食，汽水任飲，雞煲是採用香港新鮮活雞炮製雞煲，有辣冇唔辣，任君選擇。先吃鍋雞煲，辣度是BB辣，2人食半隻份量剛好，雞煲一定煮熟，雞肉嫩滑新鮮，惹味BB辣來說已叫容易入口，不會太辣，溫和的味道。食完雞煲就到火鍋了，職員會加上湯底在雞煲上，點好火鍋配料就可以食。推薦游水海蝦、東風螺、帶子、沙白非常鮮甜，游水海蝦送來是活生生的。脆卜卜炸魚皮大大碟，夠脆沒有油益味，蟹子墨魚滑很彈牙，美國雪花肥牛肥膏同肉剛好一半一半，即包韭菜餃合格。爽滑豆腐ok ,油麥菜翠綠，冇得彈午餐肉超大片，以及有健康好選擇的黑木耳。整體上性價比高，而且水準合格， 熟食中心正好在街市樓上，食物必定新鮮。

上年食過幾次覺得又抵又多嘢食， 啲海鮮又大隻又新鮮， 諗住佢今年10月26號再開返， 加埋新設冷氣所以即刻去試下仲book咗三日咁多， 點知唔试由自可一試把鬼火！ 首先第一樣就係佢 啲海鮮size細咗 ！又唔好似以前咁樣將啲食材擺外面， 而選擇用紙剔食物， 但係佢又唔諗下連埋老闆只得兩個人做嘢， 叫咗嘅食材不單止好耐都唔嚟！ 仲要係叫十樣嚟六樣， 仲要係叫三次三次都係咁， 總之冇一次食物係會齊， 最離譜係以前可以最尾享用粥底， 因為蒸海鮮之後啲精華全部落曬啲水度加埋啲米煲係極之好味， 點知原來今年係冇呢樣嘢食！ 感到極之失望！ 所以一次過取消曬所有之後嘅訂座…… 我諗我下次唔會嚟到咁遠去食囉…… 畀個提議佢！啲青菜其實唔係好貴！ 我哋好多人都尚算有文化， 好多時食唔曬都唔會攞得太多， 希望佢將啲青菜菇類可以擺返以前個位任得我哋自己攞！ 因為你唔夠人做又要搞咁多嘢出嚟做乜？ 甚至乎有點浪費紙張……

一上到去你睇唔清佢係邊，不過好快有人問你同帶你路，原來係巷仔再入仲有個好大既空間！環境比預期差唔多，其實唔污糟唔臭，至少見唔到曱甴先。碗碟之類都係乾淨既，係有少少水未乾。食物都添加得快既，食物種類都多，但係肉類就要另叫喇。普通火鍋128，羊腩煲168，蒸海鮮既208，全部免加一佢主打海鮮類別，有蝦，蜆，蠔仔，蕃薯蚌，帶子，魚骨腩，魚肉，九肚魚。。。。。公仔麵，烏冬，拉麵，生根，炸枝竹，丸類，腸類。。。內臟多不勝數，不過唔鍾意既人士可能唔岩食😂菜類五款，仲有豆卜，豆腐，菇菌類，鮮枝竹，木耳，冬瓜，蓮藕。。。。仲有一大盤炒泥蟹任夾汽水居然係樽裝，真係好耐冇見，依家出到去酒樓食都係得返罐裝汽水架咋，呢d一支都賣10蚊啦，正

呢日本身想去鍋心但係就太多人 食唔到 就搵左呢間試下甘我地就叫左個雞煲都幾惹味 雞肉都幾軟另外就叫左啲野係打邊爐食有啲海鮮 都算做幾新鮮雖然唔係超多選擇 但係都夠食基本既料都有 腸仔啊 丸啊 甘樣

任飲任食自助十重蒸海鮮 + 黃金粥底邊爐（Yahoo 團購每位$188）Yahoo會員尊享十重鮮包括：鮑魚1隻、肉蟹/膏蟹半隻、海蝦1份、石班1份、元貝1隻、沙白1份、蟲草花蒸雞1份、安格斯牛1份、黃鱔片1份、鯇魚片1份呢十鮮整體都算唔錯，都新鮮嘅，特別係嗰隻蟹，真係成塊面咁大，肉質厚實，唔錯！食晒呢堆其實都已經飽飽地，但出面仲有好多打邊爐料（不過比佢團購寫嘅少好多好多，唔知係要叫伙記拎定真係無），值得一提係佢魚蝦蟹都係任拎架！！仲意食海鮮可以瘋狂拎瘋狂食（我哋就瘋狂拎蟹）！不過出面拎嘅質素比頭先嗰d就差好多啦，我哋開到一隻蟹鉗入面d肉已經霉到變蓉......質素真係比較參差，睇大家好唔好彩啦～另外汽水任飲，但就得4款，係傳統玻璃樽嗰d汽水，我哋幾個對飲品無咩要求，所以都無咩comment，有得飲就飲呢到始終係街市，環境一定無咁好架啦！地面濕，又有好多一隻二隻飛黎飛去，d麻乜佬講野又大大聲，但街市文化係咁架啦，係一種體驗黎嘅～而且呢到嘅伙記都好有禮貌（但重點要識分邊個係伙記），係咁幫手執碟，又同我哋講d海鮮要蒸幾耐，見我哋開蟹開唔到仲幫我哋手，呢d咪人情味囉～

雖然沒有富麗堂皇的裝修，和有人抽煙及人多較嘈。但$118/位 任飲任食， 食物生鮮， 種類算多， 而且refill都快。 服務員都很有禮。 湯底選擇多我們選了先吃雞煲， 再火鍋當晚 有蟹，蝦， 九肚魚， 東風螺， 貝類 ❨有兩種， 但唔知名稱❩, 魚雲 及 內臟類 都新鮮。 菜都有4款： 生菜 , 西洋菜， 油麥菜， 黄牙白。 最like任飲樽裝汽水， 都會再來吃。

感覺到係一間幾有heart嘅食肆，環境都算乾淨，海鮮料新鮮，雖然唔係好大隻，但都好好味，食完個蒸鍋已經好飽，火鍋已經食唔到咁多。粥底有兩個選擇，可以開始時叫佢攞米放落去，或者係叫啲佢地已經煮好嘅粥，味道幾好。店員都幾有禮貌，都係笑笑口嘅，唔會黑面，見佢地做野快手快腳咁，真係抵讚👍🏻至於話有好多人食煙，對於我嚟講，我係個煙民我梗係覺得好好啦😆

我同4個朋友一心買團購去試下，未開始已經好多人吃煙，問侍應又話這裏是大排檔所以是這樣，他們也不作理會。但是這裏是一個室內街市一個窗都冇，被迫吃二手煙。如果不能接受的人，真的不要去。講返食物啦又話有新鮮雞但是只有一碟，其他都是雪藏的。任吃部份海鮮值得推介，不過食完就冇。其他食物也是一樣。要等到下一輪時間他們先再加回來。不過不吸煙的我，一定不會再去。

我真心未食過甘難食既雞煲，佢除左一個任食去吸引人之外，真心似一個垃圾煲。啲雞系煮左炸埋先拎出出面倒落個鍋到，食食下啲雞就又燶又酸，其實咩事尼，啲雞倒左落去都五分中都無，點解會系燶味？！雖然甘既環境都吾可以有咩要求，但仲系$198真心有啲吾值，我出外面真系好好食既都系尼個價，會值好多囉。啲員工又九吾搭八，啲碗碟全部油林林，我明白街市嘛，但我自問都有去街市食野，但人地都吾會系油林林個囉。

友人睇咗廣告去試試 保安道街市3樓價唔貴$108 任飲汽水 大大隻字寫明 浪費要罰錢㗎似新廣發型式 .....都係冇乜招呼 夠鐘就會來通知改咗擺設 火煱料齊整咁放滿 好多嘢揀連雞雜都有 正合我唔怕“三高“嘅湯底好多選擇 ..... (揀雞就冇成條魚食)揀咗酸菜魚 係成條魚上 賣相吸引牛豬肉 青口 雞件要寫紙 幾件幾件咁上 怕浪費掛 都係任食嘅自己取食物 樽裝汽水又係最正凍肉鋪嘅雜丸腸仔 連藕豆腐木耳菜類 大量任攞就係近街市 魚頭魚肉都新鮮 要求高食環境 嘅 就唔好去啦

今時今日想搵間任食既火鍋唔過150蚊既真係唔容易，仲要款式多味道好既就更加難上加難啦！係保安道街市三樓既熟食中心，就隱藏左呢間款式多味道不錯既超抵任食火鍋！話說上年已經因爲雜誌推薦所以黎試過佢地既雞煲，當時仲要只需$88就可以任食雞，果次已經覺得味道不錯，一年後既琴日心血來潮就去試多次！點知。。。。竟然有驚喜收獲！今次格局完全改變，變成自己出去拎，某幾款肉類同青口需要畫紙仔。揀食物既地方整齊分類，款式過半百，一齊睇下有咩好食啦！一行到出去竟然發現有蠔仔、九肚魚同蜆，超驚喜其實我見人地應該有蝦，可能我太夜所以無晒下次一定要早d黎食先得！魚都有3，4款架！呢間以雞煲為主題既，佢既雞件一定正啦！最正係佢仲有唔同既雞雜比你揀，真係唔係度度有得食架！總結呢間火鍋，價錢勁抵，食物多款式！必定會再黎過！

看見團購的介紹才知道這家店子，最初以為位於街市，已對環境有心理準備，可是來到後卻覺得比想像中乾淨和整潔。因為已預約了的關係，店子一早已安排好座位，還準備好爐、餐具和洗碗碟的熱水，並在選擇了湯底後送上作雞煲用的鮮雞，相當有效率。　　雞煲吃過後可以變身火鍋，除了雞件、肥牛、羊肉、豬肉和青蠔需要填紙請夥計送來外，其他食材和配料都是自助的，還有各式汽水和雀巢雪糕，也是免費的。食材比想像中豐富，從生蠔、蝦、魚滑等海鮮到丸、餐肉、蟹柳等都相當齊全，就算是菜也有好幾款，值得一讚。而且食材補充得快，架子上不會有空着的情況。　　味道方面，主打的雞件入口鮮嫩，味道不錯。海鮮也出奇地新鮮，尤其是蝦和魚滑，有相當的水準，絕對比起一般酒樓的要好多了。唯有菜比較老，黃葉較多，算是美中不足的地方。　　店員相當勤快，下單後很快就把食物送來，看着他們經常走來走去，一桌的客人走了，瞬間就清理妥當，連地下也打掃乾淨。　　整體而言，以108元不另收費的價錢，絕對值得一再回味。

昨晚到保安道熟食街市食雞煲，之前有朋友食過三次，大讚又平又正，每個人任飲任食才$108元。去到現場，都有七成滿，環境普通，但食物質素才是重點。是晚點了乾的麻辣雞煲，雞經炸過，又香又脆，幾惹味，食完可以encore，又或者放湯打邊爐，汽水食物自助，飲水是支裝的可樂、雪碧、忌廉和芬達；而食物種類好多，有海鮮、各類菇、蔬菜、丸類等，近半百數量！我跟朋友由八點食到十一點，最終捧住個肚走，單汽水都飲了三支，比起出面都算平好多，值得光顧。

最近流行任食雞煲火鍋＄110－＄130一位不等。見到Yahoo團購$102任食新鮮雞煲還有海鮮好似好底！放假和老公去試一次!原來便宜真的沒好！首先叫了個麻辣雞煲！雞煲味道還可以因為雞用炸的比較乾身上桌時只有点暖暖的！當打邊爐時湯底是沒有雞味。而肥牛雖然一般但算店𥚃打邊爐配料𥚃最好的了。而海鮮雖然說任食但當寫紙取蝦時服務員送上兩隻蝦😳是的＂兩隻＂他說根據人頭給份量總共取了三次而其中一次上碟蝦時有五隻其中三隻蝦頭已經脫落分开上碟蝦真的不新鮮。其他海鮮＂魚＂好腥沒敢多取！蜆還可以丶青口是雪藏一般。其他丸種類不少但不吸引我只取了二丶三種每種一粒和一點點菜。店舖環境因為在街市樓上熟食舖本來沒有什麼期望但是仍然覺得衛生情況比想像中差！用來取食物的膠碟油淋淋的感覺清潔有問題！因為第一次遠道去試食向服務員查詢！服務員態度非常不好感覺欠他錢一樣！任食食物自自取連執枱清理都須自己動手。店舖附近街巿洗手間清潔十分差還好臭。說真的雖然價錢吸引但這種質素奉勸各位不差十元八塊！找間好點吃吧！

食過幾次，依家先得閒打返個食評！一行4人去食，今次揀左麻辣雞同胡椒豬肚！麻辣雞食左幾次架喇，佢同出面食開果啲唔同，佢係乾身，炸過冇汁既，好香口好惹味！胡椒豬肚果邊啲雞好滑，湯底都幾香胡椒味，豬肚就得2粒仔~打邊爐配料唔算多選擇，但最推介係雞腸同雞紅，雞腸好香唔會好多肥膏，雞紅好滑！其他都係一般貨色，收貨既！之前食88蚊位，依家好似轉左108蚊位，但有海鮮同雪糕，下次要約埋老友一齊去試試有咩轉唔同先！