林洪記

营业中

休息中

好美味隱世蒸氣鍋！2人起...份量不多不少剛剛好！ 由於我打唔通電話，就咁上去碰碰運氣～等了45分鐘，終於到我食啦！問下負責人，知道原來第一輪是6pm開始，入座計2小時用餐時間！指定食材因時令由店舖決定；任食部份算是選擇多，海鮮亦很新鮮！不得不提...樽裝汽水任飲！ 加$20位可任飲青島啤酒！ 正～用餐接近尾聲，突然收到餐廳whatsapp, 向接不了我訂坐電話而說聲不好意思！我也是首次收這樣的msg! 很窩心呢～～一向對街市熟食檔不存好感，這次改觀了！每位侍應都十分禮貌！很好客！環境亦受落!一定要訂座啊！不然就像我一樣囉！

超新鮮極推介💕之任食海鮮蒸氣火鍋✨來到長沙灣保安道街市晚飯林洪記食海鮮蒸氣火鍋店員俾咗張任食點菜單我地我地諗住直接落單店員同我地講會比一大盤海鮮先咁我哋就去咗拎野飲先啦嘢飲都係任飲...如果啤酒都係加$20任飲海鮮盤嚟到真係嚇親😯😯😯入面有肉蟹、鮑魚、大海虎蝦、石斑、大蟶子、珍珠貝、安格斯牛...等等即刻放晒落去蒸✌🏻✌🏻✌🏻d海鮮好新鮮隻蟹啲膏都超多依個餐$208真係超抵食😄同埋個芝士丸都係超好食好食過平時打邊爐嗰啲仲有好多野可以任點雪花肥牛、東風螺、鯇魚片海膽丸、蟹粉包、魚皮餃....真心推薦🥰

<熟食中心有好正蒸氣海鮮鍋 >😆長沙灣熟食中心不嬲都多野食 呢間開左好多年既林洪記 以前食過幾次 知佢任食雞煲火鍋得黎質素好好 又夠抵食👍🏻 今次黎就試下佢每位208 既蒸氣火鍋 海鮮類會有 生猛石班 成條上夠軟滑 ，🐟鮮鮑魚 夠彈牙爽口 . 新鮮甜既元貝，彈牙大隻既黃金蚌 , 肉味香濃既美國牛小排 🐮. 仲有香滑入味蟲草滑雞 🐤同新鮮.海蝦🦐加20 蚊有本地龍蝦 新鮮得黎十分彈牙 唔洗點醬汁都好正喺餐牌上 有一 d要收費既食物 通常都係貴牛同海鮮。 另外有成幾十種野食 都係任食 每次最多點十樣 而且質素好好 👍🏻任食既食物好多 應有盡有豚肉豬肉味香🐷 肥牛夠肥味軟林 魚蛋個味似潮州魚蛋 魚味夠香 最正係牛肉粒 肥瘦適中 肉味香 🐂而佢既內臟 好似雞腸 雞雜 豬肚等等 都十分新鮮 十分肥味🐤 但太邪惡唔食得多👍🏻 仲有蝦滑 墨魚滑 粟米 筍絲 蕃茄 午餐肉等等食物都十分新鮮而且落足料 出面可自己任拎枝裝可樂雪碧 以價錢同味道份量黎計冇得輸#打邊爐 #海鮮 #火鍋 #雞雜 #龍蝦 #海蝦 #石班 #扇貝 #肥牛 #黑豚肉 Score 平均分 <7.6/10

林洪記 (長沙灣).上次星期六到來全場爆滿，大家都知食呢啲必定至少兩小時，所以無辦法之下唯有擇日重賽，今次接完女朋友收工就直接搭車去會合uncle auntie! 一去至已經坐滿左七成，相信晏多少少又要摸多次門釘！.$208蒸氣海鮮火鍋任食套餐.套餐可選龍蝦+$20 或者M4肉蟹做主食，其他每人仲會有一隻六頭鮑魚、石斑、蟶子皇等，個人認為石斑非常非常之出色好食！任食中有安格斯牛柳粒、西班牙黑豚肉、韭菜餃、帶子，脆鯇片，豬紅等，任均選擇，無限追加汽水任飲，啤酒可單叫可每人加$20任飲！醬料自行調配。 除了海鮮我見到仲有雞煲食，望落都好惹味！ 下次試下雞煲先！.📍林洪記 (長沙灣)長沙灣保安道325號保安道街市3樓CFS4號檔

林洪記 (長沙灣).試過星期六過到黎七點鐘太爆場食唔到！ 今次醒目啦揀番平日放工即刻過黎食(˶‾᷄ ⁻̫ ‾᷅˵) 好彩早少少咋七點黎到都就快無枱！ ！ .⚜️$208蒸氣海鮮🦞火鍋套餐⚜️.佢真係有好多款海鮮🦞！ 套餐可以揀龍蝦+$20 或者M4肉蟹，而其他每人會有一隻六頭鮑魚、大扇貝、石斑、貴妃蚌等，除左以上海鮮仲有得任食安格斯牛柳粒、西班牙黑豚肉、鳳城水餃、爽口豬肚，帶子，脆鯇片等，任食嘅野食質素都好好，選擇又多！其實食完啲海鮮已經好full🤣仲要有咁正野任食！飲品方面汽水任飲，啤酒🍻嘅話每人加$20就可以任飲，我地只係想飲少少就單叫一支大嘅都係$15咋！好平(⁎⁍̴̛ᴗ⁍̴̛⁎)推薦！ ！.*溫馨提示 記得早啲到否則無位食就無得食架😋. —————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 林洪記 (長沙灣)長沙灣保安道325號保安道街市3樓CFS4號檔.

先說餐廳的服務是非常好客的，而且很好禮貌。呢度雖然是半自助式，但是員工都會先介紹配料和飲品的位置。最開心的是這裡的飲品是任飲的😁吃火鍋飲品很重要。再來就是這裡的海鮮拼盤🥰一上菜還未吃都滿100分，因為真的很有誠意，而且非常新鮮，飽魚還會動的😁蝦還在游水。先說那個龍蝦，肉質鮮甜還有蛋黃色的蝦膏👍非常新鮮。蝦就不用說了，一上盤還會游水的，當然超彈牙的說。我最想介紹的就是這個蟲草雞，很有特色，而且肉質很嫩，吃下去很有蟲草的咪道👍👍這裡的價錢真的很抵，值得帶家人朋友一試👍

朋友推介呢間係街市嘅林洪記都有得食海鮮火鍋放題🔥第一次來街市熟食中心食野🌞來到差唔多爆曬場，估唔到咁多人會黎街市食野，食完就知點解咁多人🙈-極上九重鮮海鮮火鍋🦞 $208/位 免加一一開頭會有個海鮮拼盤：M4肉蟹🦀️、海蝦🦐、六頭鮑魚、大扇貝、北寄貝、石班片、蟲草滑雞🐔、美國牛小排🐂、貴妃蚌等等。呢度嘅海鮮係香港仔每日新鮮直送，所以超級新鮮，d蝦同鮑魚上到黎仲識郁，石班啖啖肉好好味🤪👍🏻之後有超過60款配料係任食！咁多種類一定唔會試得曬😆特別d嘅有👉🏻帶子、蠔、鱔片、安哥斯牛柳粒、脆肉鯇、青口、黑豚肉同雪花肥牛都係任你叫架！佢地無論海鮮定雞啊牛啊都新鮮過係出面食，特別係d雞食落好嫩滑一d雪味都冇，應該係新鮮雞，呢個價錢竟然高水準過出面放題，好surprise🤣有得任食咁多野，重要免加一，係咪想做到日日爆場..😂

早前約埋朋友兩個麻甩仔去長沙灣保安道樓上的熟食中心大排檔打邊爐，見到呢間竟然有海鮮蒸氣火鍋，價錢仲要唔貴添$258已經有龍蝦食，全包，任飲任食啱晒我呢個大胃王😆最鍾意大排檔嗰種爽快，一坐低開咗爐開就即刻上咗海鮮拼盤先，除了這個個海鮮拼盤，其他都係任食，都明嘅，你見到佢上面嘅材料就知道矜貴，有大概八款海鮮有龍蝦，鮑魚，貴妃蚌，帶子，半條海斑，海蝦，大沙白，全部都勁新鮮，上枱嘅時候仲郁緊㗎😆仲有幾塊安格斯肥牛同埋一堆蟲草花鮮雞件，我諗一般人食晒啲呢堆海鮮都飽得7788，當然我係例外啦🤣首先我地蒸咗龍蝦同果半條海斑先，佢有晒時間按照每款海鮮的程度去蒸，大概6分鐘之後就食得了！我覺得蒸海鮮真係最新鮮嘅食法，如果有少少唔新鮮都會即刻食得出，可想而知佢哋對自己嘅海鮮幾咁有信心，佢啲龍蝦同魚肉真係非常有彈性，而且真係唔使點任何醬都鮮甜到爆😍真係好正啊！跟住我哋陸續蒸埋其他嘅海鮮全部都鮮味爆燈, 呢個價錢食到呢啲海鮮真係冇得彈😍食埋嗰幾片頂級安格斯肥牛同埋走地黃油雞件你會覺得簡直物超所值，估唔到響熟食中心可以食到咁高質嘅食材😍我同朋友都讚口不絕👍除咗呢對限定嘅材料，我都要試埋佢飲食嘅材料係咪過關嘅，以

餐廳：林洪記 (長沙灣)地址：長沙灣保安道325號保安道街市3樓CFS4號檔長沙灣保安道街市3樓係熟食中心，有唔少大牌檔同餐館，今次就搵到間平價任食火鍋🍲，週末2小時海鮮蒸氣火鍋$218一位，仲要免加一😍，雞煲都只係$148，仲有超過七十款嘅任食火鍋配料比你揀，真係幾抵食雖然隱藏左係街市嘅3樓，比較偏僻，街市嘅環境都比人感覺唔係太好同好嘈吵🙉，但係林洪記呢間晚市火鍋店都做到爆哂棚，除左吸引人嘅係平價火鍋，多款式嘅任食火鍋料都係另一個優勝之處除左海鮮本身有嘅龍蝦🦞、蟹🦀、海蝦🦐、鮑魚、石班魚等，食完蒸氣火鍋之後開始打邊爐仲有好多海鮮同肉類揀👍🏾。安格斯牛柳粒、黑豚肉、田雞、生蠔仔、東風螺等應有盡有☺️，好多平時出面無嘅食材呢到都有提供週末真係坐滿全場，雖然出菜嘅時間有啲耐，但係都食到飽腹而回🥰，食材都新鮮好食，值得一試，下次有機會試埋個雞煲先

今日節目非常多，朝早去行山，下午去睇拳賽，之後仲行咗三個鐘頭街，所以去到夜晚真係餓到胃都穿...🤦🏻‍♂️所以約埋同事仔諗住去食好東西，佢住石硤尾，但係佢嗰頭冇咩野好食，最後就搵咗長沙灣依家林洪記，係OpenRice見到又平又抵食，即試啦！🥳大概7:00去到，已經好多人食緊，佢哋分幾種任食套餐，有海鮮火鍋任食、有雞煲火鍋任食、仲有羊腩煲飲食，今次就試咗幾部火鍋先，因為最平🤣今次就係試依個雞煲任食火鍋放題，學生仲可以平$10 ，良心企業👍🏻我有個重慶朋友講過，佢話重慶雞煲唔應該有啲汁浸住，應該係辣椒香料乾煎，佢哋就係炸完啲雞，再用辣椒香料快炒，之後上枱，所以見到唔多汁，好乾身，我個人幾鍾意呢一種做法，感覺比較原汁原味，同埋雞肉都會彈牙啲😍👍🏻食完雞煲就加湯，因為係乾煎雞，所以再加湯落去都唔會有太多油係面，感覺健康啲🤣美國肥牛、安格斯牛柳粒，依個價錢可以食到有牛味嘅牛，已經覺得值回票價，而且佢哋唔係雪到一舊冰咁就拎出嚟，唔錯👍🏻👍🏻依碟海鮮，望落去已經覺得好新鮮，結果食落去都真係好新鮮😍😆扇貝帶子唔算好大粒，但係鮮味豪仔，應該係細細粒本地蠔，最緊要無沙海蝦隻腳仲郁下郁下🦐豪仔脹卜卜😋大獅蚶唔

聽朋友說過有間幾抵食嘅火鍋喺保安道街市嗰日經過諗住試吓啦🥘當時時間接近7:00但其實只係坐🈵️得嗰7成枱,咁我哋示意兩位，有位類似老细後生人嘅物體走埋嚟，猛問我哋食蒸氣定食雞煲，因為蒸氣就$208，而雞煲火鍋$138😌咁我哋話食$138嗰個🤚🏼佢就即刻話無位⋯⋯即係點呀🗣如果揀食貴就有位吖🥢但揀食平嗰個就冇位😤完全唔想做我哋生意囉⋯⋯如果你一早係無位就唔好係咁掹係咁問我地食邊款啦😡簡直不知所謂絕對冇下次囉🤬佢仲話下次早啲WhatsApp book位呀⋯⋯去旺角比多$20環境不知好幾多啦🍽仲有甜品任食添⋯⋯仲使揀你咩😒傻傻地

上網睇到介紹長沙灣熟食中心「林洪記」有平靚正既海鮮蒸氣鍋！ 依個星期咁岩要去長沙灣見客，放工約好同事去食番餐好。 很喜歡熟食市場既氣氛，好熱鬧亦好多選擇，就好似去旅行鍾意行當地市場一樣。😂。 街市多數俾人感覺環境衛生一般，地面會濕濕滑滑；但這個位於三樓的熟食市場，不會有華麗裝潢，但環境乾淨，衛生情況良好。 -一上電梯直行就見到「林洪記」，當晚座無虛席，要等位呢。 我地點左$208 蒸氣海鮮鍋，仲包任飲任食火鍋同支裝汽水。抵到震！ 加多$20 仲可任飲大支裝啤酒🍻。 -別以為價錢抵，食物質素一般。 見到這盤海鮮拼盤真的令人心動💗及心心眼😍。即叫即劏，賣相相當新鮮！相當高質素及有份量！ 有龍蝦🦞 、頂級安格斯牛 、大元貝、鮑魚、鮮雞、石斑、大赤貝、沙白、海蝦。 平時去餐廳食蒸氣鍋有職員全程協助及計時。不過這兒歎蒸氣鍋是要自助的，但感覺更自在，我還是喜歡親力親為。 蒸海鮮不難，基本上3 -4分鐘左右，但龍蝦🦞、鮑魚較厚肉建議5-8分鐘。 每款海鮮都相當清甜！ 龍蝦相當爽甜仲要多膏🤤！ 橘紅色的大赤貝爽彈；鮮雞用胡椒粒醃製及有蟲草花，肉質亦挺嫩滑！石斑白滑夠肉厚，十分抵食！-火鍋配料亦有數十

聽朋友講街市熟食市場有一間性價比超高既隱世蒸氣火鍋，價錢唔貴之於👍款式又多又新鮮，今次我就去左食佢地既蒸氣火鍋海鮮蒸氣火鍋(每位) $208時令拼盤(美味指數: 😋😋😋😋😋)店主會每日拎一d新鮮既貨源，所以每日既配搭款式都會唔同。今次就有龍蝦、海蝦、龍躉魚片、大蜆、貴妃蚌、頂級安格斯肥牛、帶子、鮑魚、雞件。用蒸既方法去煮，海蝦都保持鮮味，龍蝦🦞有膏好甘香濃厚，龍蝦肉質厚實彈牙；海蝦🦐鮮甜彈牙仲可以無限encore香辣炒蟹(美味指數: 😋😋😋)好驚喜食火鍋都有炒蟹🦀食，蟹有微微炸過再炒，所以都幾惹味，美中不足的地方係再熱d就好火鍋配料(美味指數: 😋😋😋😋)其他火鍋配料都好多選擇好新鮮，值得一提既係海蝦、大蜆之類都可以無限點✌，蝦滑墨魚滑仲係真材實料，食到蝦肉同墨魚肉汽水(美味指數: 😋😋😋😋😋)一見到簡直心心眼😍竟然有枝裝汽水🥤！飲汽水識飲更係飲枝裝汽水😋整體食物質素：4.5 / 5💰性價比：4.5 / 5👍推薦指數：5 / 5

最近經濟真的很差，食晚飯也要平靚正!今晚同事Victor 話天寒地凍，最好到長沙灣街市的林洪記火鍋店吃麻辣雞煲，因為佢話呢間辣辣雞煲放題平日價才138，而且地方也很光猛的!我們看到真係好抵食，所以馬上叫了麻辣雞煲，雞煲放在爐上，一打開己聞到香辣味，我們吃了一口，己覺得雞很辣很香，而且辣得來夠晒鑊氣，肉質嫰滑，口感一絕，真的不錯! 我們吃到停不了口!另外火煱料也很豐盛，有海鮮類的八爪魚，帶子和蠔仔，真的很新鮮!肉類的牛肉和豚肉也很有口感，我覺得在街市吃火煱很自在和舒服，而且不得不提，有我最喜歡的枝裝可樂，真的性價比高呀!

今日去咗深水埗買嘢，見天氣咁凍，想食雞煲暖一暖下個人，記得市政大廈有啲平平哋嘅雞煲火鍋食。雖然喺街市入面，但環境唔會好惡劣，地下乾乾爽爽，無水架😂。-林洪記有分蒸氣海鮮火鍋同雞煲海鮮火鍋，蒸氣海鮮就每位208，雞煲海鮮火鍋就每位148。望到啲海鮮盤都幾正，但因為太想食雞煲啦，唯有下次先再試🐔。-叫左麻辣啫啫雞煲，一上枱即刻打咗幾個乞嗤👃🏻，啲麻辣味超攻鼻，好吸引🤩！啲雞係事先炸過嘅，食落香脆，啲肥膏位爆到勁香，但雞肉依然保持到嫩滑，超正呀🤤。-個麻辣做得幾好，先麻後辣🌶，有層次。但我食小辣覺得有啲唔夠喉，同譚仔十小差唔多，所以食得辣嘅話可以直接叫中辣或者大辣😈。-食完就落雞湯打邊爐啦，等湯底滾起嗰陣仲可以叫碟炒蟹黎食🦀，鑊氣果然係鑊氣，食落好有避風塘風味！-食左咁多野，終於打邊爐啦😂。海鮮配料好多選擇，有海蝦、蠔仔、鮮魷魚🦑、沙白、帶子、東風螺、獅蚶同鱔片。蠔仔唔會有腥臭味，沙白無沙夠大粒；海蝦上枱仲係跳跳紮🦐，鯇魚腩肉厚得黎夠爽脆。-其他打邊爐配料我就覺得雪花肥牛、雞腸、牛根丸、鮮蝦滑、鮮蝦雲吞同蘿蔔都唔錯😋。特別要推薦下雞腸，洗得好乾淨，口感爽脆，充滿油香🥳🥳。-估唔到仲有汽水任飲