果子｜海南雞飯·喇沙摻摻 (啟昌樓) (已結業)

屋企人一向都幾鐘意食東南亞既菜式，但係北區實在甚少搵到有質素既東南亞餐廳，當日經過大埔就順手買左幾個送返屋企。香茅豬排飯豬排好脆好金黃，香茅嘅香味濃郁，食落味道比較重，肉質偏有咬口唔會醃到軟淋淋。海南雞喇沙我就最鐘意喱個面，雞肉鮮嫩配上椰奶香氣濃郁的喇沙湯底同粉面類非常夾，掛湯效果一流。串燒拼盤串燒拼盤都非常足料，欣賞師傅唔會因為急時間而燒到串燒過哂火，每一串都係慢火燒出黎，保留到口感同埋肉質仲係好鮮嫩。香煎豬頸肉豬頸肉係我每次食東南亞餐廳都會叫既，果子既豬頸肉表面煎得好酥脆，真係驚艷到我。整體而言，我同屋企人都覺得果子既質素唔錯，可惜近日再去既時候見到果子已經冇左做，下次有機會會去分店再支持下

大埔比較少有喇沙嘅店 呢間專係買喇沙所以特登想試吓當日同男朋友喺呢度外賣叫咗一碗海鮮喇沙同埋豬頸肉喇沙雖然估計外賣質素冇堂食咁好但係我相信唔係因為浸得太耐嘅問題而係真係廚藝問題碗豬頸肉喇沙入邊啲豬頸肉完全唔似係有煎過或者炒過 而係好似白灼咁睇見都已經唔開胃啲肉質勁韌 完全咬唔郁 我係咁咬搞到連牙肉都咬損埋最尾放棄咗完全冇食啲豬頸肉至於海鮮喇沙 啲蝦非常唔新鮮 肉質已經霉咗蜆肉正正常常唯一冇問題嘅 就係啲喇沙嘅味道OK配菜都可以但係啲餸差到咁 真係冇可能再幫襯

放假又係時候周圍搵野食，同朋友黎太和走走，係網上搵到呢間果子餐廳試試，估唔到午餐選擇都好多，我同朋友都比佢嘅海南雞吸引到，就叫左海南雞摻摻，碗粉一黎到真係比佢香氣吸引，奶白色湯底一見到即刻要試一啖湯，好濃厚嘅湯底，真係好味嘅，兩種粉底有互相配合嘅效果，好夾。個雞真係超滑超滑個隻，唔單只無骨，個雞位置仲好靚，見到個色澤都好吸引，而且佢嘅醬汁一啲都唔hea,有三種味，我三隻都有點，三隻都好夾個滑海南雞，雞肉都唔會小，好夠食，我地兩個叫左兩個小食，一個係沙嗲雞串，佢個沙嗲醬好香好好味，雞肉都好滑，炸蝦卷都係即炸好脆好味。最後緊係要飲返杯咖啡，我就叫左朱古力咖啡，估唔到都好飲，朱古力味味濃而香，朋友杯杯茶奶茶都話好香好滑。

見喱間新加坡菜係Openrice 有好多好評，專登入去大埔試下👀，鋪頭下午茶時間唔係太多人，環境都乾淨，正正常常。叫左個肉骨茶，黎到見到肉已經比起其他餐廳唔算多，重點係個湯係淡到一個點！！🥲完全唔係飲開肉骨茶個隻味。。應該係廚師煮嗰時落得太多水😓變左飲緊肉骨水跟著仲叫左海南雞摻摻🍜個雞本身係無咩味，碗麵都叫正常，但都比出面新加坡餐廳淡味。成餐飯都好後悔，愈食愈嬲🙃😤🌝杯檸檬蒠米水都唔係太好飲

#果子餐廳的美味之旅無骨海南雞椰漿飯首先上桌的是無骨海南雞椰漿飯。這道菜的雞肉經過精心處理，肉質鮮嫩，搭配香滑的椰漿飯，藍色椰漿飯幾特別，椰漿飯的香氣濃郁，不油膩，讓人感受到海南的傳統風味。搭配的特製醬油和香菜，為這道菜增添了豐富的層次感，讓我每一口都渴望更多。藍花飯。這道馬來菜獨特的藍色米飯是用蝶豆的花瓣烹製而成，色彩鮮豔，讓人眼前一亮。米飯的香氣與江魚仔、花生和蝦片的搭配，使整道菜風味獨特。青瓜的清脆口感和滷蛋的濃郁味道，讓這道餐點既有視覺的享受，也有味覺的驚喜。特別是那一抹淡淡的香草味，讓人感受到馬來文化的精髓。森巴通菜接下來是森巴通菜，這道清爽的蔬菜料理以其脆嫩的口感和蒜香味而著稱。通菜的鮮美與特製的醬汁相輔相成，增添了整道菜的風味。適度的辣味讓這道菜更加開胃，成為了重口味菜品之間的完美平衡。大蝦火山包然後是大蝦火山包，這道菜的呈現方式極具戲劇性。包子外皮金黃酥脆，內餡則是新鮮的大蝦，口感彈牙。當我一口咬下，熱氣與蝦的鮮味瞬間在口中綻放，搭配醬汁的香甜，讓我忍不住再來一個，簡直是無法抗拒的美味。醬汁不是咖喱，甜甜酸酸，都開胃🤤海鮮喇沙摻摻，本人最愛😻海鮮喇沙摻摻是接下來的驚喜。

太和嗰邊有一堆餐廳，成日令大家意見分歧😂今次終於動議成功，可以試一試呢個“藍色飯”😎 🍴加一服務費：✔ (晚市先有加一) ✿ 無骨海南雞椰漿飯 $85無骨海南雞+椰漿飯，完全係我想食嘅嘢😆齋食飯其實都好食! 加上好多配料，輕鬆清碟海南雞肉滑，皮偏厚少少，配三色醬味道啱啱好 ✿ 越式豬肉釀大魷魚筒 $62呢個價錢嚟講好抵食!裏面係類似冬菇肉餅，幾好食不過魷魚係類似魷魚乾質地😯 唔可以同裏面啲肉一齊咬，要分開切細舊慢慢食 ✿ 跟餐：健康唐生菜 $18 | 森巴通菜 $22大家都係鍾意食菜嘅好朋友😂兩個都煮得啱啱好，爽脆唔會過淋就算唐生菜都跟咗醬油，唔會好齋 ✿ 軟殼蟹火山包 $168 感覺實物比圖片巨型😳 兩個人嚟食嘅話，嗌完呢個就應該食唔落其他嘢🤰軟殼蟹幾厚肉，蝦有三隻，兩隻大大隻青口，同埋好多隻蜆另外跟咗一壺咖哩(?)汁，汁入面有蛋花， 所以味道都幾濃厚香甜😆 ✿ 凍檸茶 $8 (跟餐價)呢日無論堂食(730pm左右要等位)定外賣都勁多單， 雖然職員手腳算快但係都要有少少耐性～

大埔區一向有唔少餐廳小店，做得出色嘅餐廳一直都唔少，而果子就係其中一間性價比非常之高嘅餐廳小店。餐廳地理位置優越方便，環境開陽，枱同枱之間嘅距離適中，坐得舒適。午市有好多個套餐可以選擇，當日就試咗佢最推介嘅海南雞飯同埋喇沙。海南雞非常嫩滑，雞肉唔會太肥，而海南雞嘅醬汁亦十分齊全，配合海南雞滑滑嘅雞肉令人有如置身於星加坡。至於飯方面可選油飯或白飯，要是正宗海南雞嘅味道當然要食油飯，油飯香味十足，一定唔會令你失望。而另一個午市套餐就點了海鮮喇沙，海鮮喇沙裏面嘅海鮮一啲都唔少，大蝦都有兩隻，配合埋唔少蜆肉同埋配菜，加上非常多嘅油面同米粉撈埋嘅摻摻，一個女仔真係唔會食得晒。性價比非常之高。午市套餐可以加配小食，當日兩個套餐加咗兩個小食同朋友share。第一個小食就點咗馬拉盞通菜，通菜份量非常之多，醬汁唔會過鹹，健康之選。另一個小食就揀咗南乳雞翼，雞翼醃得入味，而且焗得香脆，鍾意食雞翼嘅朋友可以試一試。午市套餐包飲品，呢度有唔需要特色飲品可以選擇，加少少錢已經可以飲到唔同嘅特色飲品。當日一杯嗌咗天葵青檸梳打，夏日透心涼。另一杯比較驚喜嘅係黑糖珍珠奶茶，奶茶味道非常之好，比得上街外一般嘅手搖飲品店

今日去開大埔做嘢，經過太和消防局斜對面，見到有一間餐廳竟然有珍珠奶茶飲，門口寫住有星加坡無骨海南雞，一於入去試一試佢🫶🐔無海南雞喇沙摻摻雞肉嘅份量非常多，雞皮爽滑彈牙，雞肉後感煙韌配上特別調配嘅星洲海南雞醬🫶酸酸甜甜，令人胃口大開喇沙摻摻湯底有濃香椰漿味，加上秘製香料，配有魚蛋、豆卜、芽菜、油麵、米粉🐔雞肉串燒雞肉以新鮮嘅洋蔥黃薑粉等等嘅香料經過一夜嘅醃製，以大火猛燒，加上星洲沙爹醬，將雞肉嘅味道更加昇華👍🥤黑糖珍珠奶茶非常之少見到餐廳會有呢一樣嘢叫細火慢熬嘅珍珠，加上焦香撲鼻嘅黑糖🍡乳香濃郁嘅鮮奶，非常適合夏天嘅飲品

果子｜海南雞飯·喇沙摻摻 (啓昌樓) (大埔)間中會跟家人到大埔逛街再順道吃個晚飯回去座位多而闊落大約到晚上七點近乎滿座而且眼見不少外賣落單辣蟹醬火山包藍碟花椰漿飯馬來西亞肉骨茶無骨海南雞都是果子出名的菜色馬來西亞肉骨茶 $84-今次試了肉骨茶，包一碗白飯 肉骨茶用黨蔘，川芎，當歸，玉竹，甘草，陳皮多種藥材慢火煮成 入口甘香，配飯一流海鮮喇沙摻摻 $68-裡面有大蝦，蜆，魚觸，豆卜，芽菜 摻摻為油麵及米粉兩溝 亦可轉兩者其一 兩溝口感特別 椰香味特出馬拉盞炒通茶 $50-份量很多 通菜炒得爽脆 馬拉盞味香口開胃！無骨白雲酸辣鳳爪 6件/$18-酸辣適中，非常開胃小食拼盤 $62-南乳雞翼，春卷，香辣魚餅，香脆吉列蝦 每款各兩件 春卷及香脆吉列蝦非常香脆可口 配上泰式醬料增添層次 南乳雞翼大大隻 香辣魚餅「陰滋」少少辣美祿恐龍 跟餐+12-鍾意美祿者絕不能錯過 飲一啖美祿再用匙品嚐一口美祿粉 這是小朋友時好想體驗一下的食法凍珍珠奶茶 跟餐+10-家人點的！果子｜海南雞飯·喇沙摻摻 (啓昌樓) (大埔)大埔汀角路11-13號啓昌樓地下13號舖

喺太和附近返工一直尋找附近嘅美食呢間出名海南雞飯 lunch Time時間都需要排隊想食嘅要早少少出門口😝要排隊呢間餐廳係好嘢Lunch set一個價錢已經包咗有正餐，小食 ，同埋飲品CP值高海南雞喇沙摻摻$74椰香奶味好濃郁油麵同埋米粉加埋好滑 鍾意佢嘅湯底唔會太鹹，味道夠香適中最後佢嘅黃油雞真心正三款醬汁都俾晒，滿滿一碟，冇揸流攤果子無骨走地地海南雞飯$65呢度有兩款雞選擇，揀一隻海南走地雞雞味濃郁Ling Ling而且佢少油脂，會瘦啲加埋佢嘅特製香料，好味鍾意佢嘅黃油飯，夠香夠油識食海南雞一定要配黃油飯海南雞飯配有嘅湯入面，雞油味濃冇落味精嘅湯水 一口氣已經飲晒另外可加$9可以轉用骨茶但今次就冇事啦，下次應該會轉小食馬鈴薯炸蝦卷（兩件）入面嘅炸蝦好爽口白雲酸辣鳳爪（六件）鳳爪彈牙爽脆，唔會太難熱檸檬薏米水個人私心推介，檸檬薏米係煮過嘅唔係就咁用水沖較濃稠 好喜歡😻薄荷珍珠奶茶薄荷味濃郁，又唔會搶過珍珠奶茶味餐牌下面見到可以免費多麵或者多飯覺得呢間餐廳係良心餐廳

想試試沒吃過的餐廳，看到好評很多所以去試試。附近泊車唔方便，要行一段路去停車。入到去坐低點餐，店員們每個都好像客人欠了他們一樣，黑口黑面，叫亦沒什麼反應。點了一些菜，本來看評價很好所以期望高，失望也大。無骨雞腳味道一般 量偏少，菜為主。海南雞飯一般 正常發揮 雞有點淡 沒什麼味沙嗲牛串賣相差到不得了 味道咸到震肉骨茶淡到震 跟平常吃的肉骨茶完全兩回事黑糖珍奶珍珠全都黏在一起 味道很淡由卡是看到好評很多才去試，期望蠻高的，結果吃完完全不覺得值得好評，更不會有下次。當中最差的就是店員服務態度，全部都好像客人欠了他們一樣，黑口黑面，語氣也很差，香港食肆會衰退70%原因都是因為服務態度🤦🏻

好難食可能係我食過最難食嘅喇沙湯淡到好似水咁懷疑係雞湯？寫野位紋身姐姐侍應都好冇禮貌串串地仲偷聽到佢同其他外賣食客鬧交個食客一走就大聲講佢壞話想像到佢平時係點鬧我地來食野嘅人未見過咁惡嘅侍應老闆應該慎選員工好趕客餸就少得可憐自己睇圖碗麵一打開已經係咁嘅樣有兩粒魚蛋係入面但唔彈牙食落係好油嘅雞湯味有冇人明真係好難食見唔到有芫茜但竟然充滿芫茜好古怪兩個人食覺得份量有啲少連女仔都食唔飽性價比低冇服務可言

今日放假同朋友係大埔踩完單車經過見到呢間食新加坡菜嘅餐廳 睇網上嘅評分都幾高我地就決定試下一入舖頭見環境幾簡潔 牆上掛咗幾幅油畫 比人一種好舒服嘅感覺帆立貝海鮮喇沙摻摻湯底好濃椰香同海鮮味 仲帶點香辣 仲有帆立貝 蜆 同索哂湯汁嘅豆卜 麵底就係油麵同米粉混合 一入口有2種口感咁幾得意軟殼蟹火山包一上枱有d嚇親 因為都幾大份下 2個人都差d食唔哂 入邊有原隻軟殼蟹 大蝦 蜆同青口 再配埋脆卜卜嘅農夫包同新加坡辣椒蟹醬食落好惹味!! 蒜蓉炒通菜本身係馬拉盞炒通菜 不過比我地轉咗做蒜蓉炒 通菜食落好爽脆 無骨白雲酸辣鳳爪 (6件)$18有6件鳳爪嚟講性價比係超高 而且質素係唔差的 食落酸酸辣辣好開胃百香果梳打呢個天氣飲返杯冰凍梳打真係一流 不過有少少偏甜凍仙草奶茶仙草份量好多 茶底飲落唔錯

是Cafe的悠閑感覺，店內大部分都係卡位 座位闊落企理 坐得舒服🥗豬頸肉沙律 $58豬頸肉爽脆肥美 有好多片 疊滿在沙律菜面，沙律汁底似用撈檬個汁 酸酸甜甜的 清新又開胃🦋藍碟花椰漿飯 (3餸) $76 自選: 去殼蝦 + 森巴椰菜 + 沙嗲牛肉串(+$6)一見到碟豆花藍色飯就別無他選💙🩵一定點😍 椰香味邊食邊滲出，飯粒粒分明 唔會濕同黏 所以食晒成個飯都唔會有膩感森巴椰菜有驚喜 馬來參巴醬個種獨特既香辣味在香港好少食到 加左佢 成個星馬風味出晒黎，仲有好多唔同配菜 蝦片+滷蛋+江魚仔+花生+青瓜 好豐盛好靚🇲🇾馬來西亞肉骨茶煲 $84有個小爐一同上枱 有火㷫住既肉骨茶 食到尾依然是熱熱的煲內都有好多料: 排骨+豆卜+腐竹+滷蛋...排骨燉得鬆化，藥材味唔會蓋過排骨本身的鮮甜味，非重口味系列 呢個程度的濃郁好適合我，本身有個白飯跟 不過見份量太多 實在食唔晒 所以不要飯了🦖美祿恐龍 (跟餐+) $12美祿底沖得濃香 面再加大量美祿粉 多到可以用小匙一啖啖食 好似食緊甜品咁，驚喜 呢個要點❄️百香果沙冰(跟餐+) $20沙冰係有小冰碎果款 Keep到凍凍又解渴*佢地明明最出名係食摻摻 今次

叫外賣，海南雞不過不失，最正既係無骨。佢既油飯好出色，感覺好有雞味，而且份量都幾充足。美中不足係無乜配料，只係得青瓜兩舊，食食下覺得有D寡。另外買左個馬拉盞通菜，都有D咸，但不辣的，用黎送番都可以。最後送一杯檸檬薏米水，都幾大杯，算幾有誠意。估計堂食熱食會再好味D。