柳氏家 (已結業)

同朋友路過荃灣廣場，見到柳氏家超級抵食，做緊118蚊鐵鍋燒雞半自助，咁抵食，點都不會放過啦！吸油煙機的效果超好，環境空氣連我個勁煙尖的人都話好，真系不用擔心食到一身油煙味啦。餐具都好清潔，不會因為做半自助就馬虎，無論餐具同野食擺放都令人舒服。店員提醒先食左鐵鍋燒雞再拎火鍋料，但可以拎一d沙律食住，咁就不會浪費了。我地揀左味噌蜜糖炒雞，會跟埋年糕，肉類同海鮮可以揀，我地揀左豚肉，八爪魚，主食揀左飯底，諗住可以炒鐵鍋飯，應該好香口。呢d就系我地揀左的料。炒埋一齊好熱鬧，堅大鍋！對上一次食呢類炒雞，系好多年前在韓國春村炒辣雞，都系咁大個鍋，頓時回憶滿滿。將豚肉八瓜魚等所有料一齊入鍋炒完就准備可以食。當然唔好忘記加韓式辣醬，不會太辣，很容易入口，送飯也是一流。另外仲可以整生菜包，點上韓國辣醬，好味。因為已經相當飽，所以冇再整火鍋了，下次再來過。實在太抵了。

今日晏就同媽媽黎食lunch見呢間有炒雞食 二話不說就入左去因為我地兩個都唔太食得辣所以就選左蒜香牛油炒雞 配炒飯出面既食物係自助架有沙津，韓式前菜，炒粉絲，仲有唔同既飲品同雪糕食前菜芽菜，酸蘿蔔，海草，泡菜而且仲有撈吞拿魚長通粉沙律 味道不錯媽媽要了咖啡 我就要了蘋果汁跟住就到重頭戲既炒雞配牛肉豚肉一上已經好大既牛油香味店員先講解點樣炒之後仲會不時來幫我地炒大概7分鐘到就食得咖啦雞好嫩滑好入味 好香既牛油蒜味佢既年糕都好好食好煙韌 特別推薦紫色既年糕炒左既飯帶有牛油既香味 不知不覺就食哂成盤了最黎緊係要食埋雪糕值得一試既韓國餐廳

第一上菜慢，跟住d雞上黎要等好耐先熟，還要自己翻炒，要攰死人咩，魷魚咁鬼死長又要自己剪。每次追加都要全套追加，想食多d其他配菜都唔得，2種味道的雞都試食左，都麻麻地，醃得太過火，感覺唔係太新鮮，唔好食，d配菜和魷魚，年糕都好食過d雞。吃完d雞原本之後可以打邊爐，但因為太夜的關係就話廚房收左就無水加。唔明咩事lo，廚房收左關無水咩事啊？ 我地最後自己去水吧果度倒水，未都係有水？ 第三張就係我地自己加水，未一樣又可以煮下d野食。就收檔果陣服務員有提我地要出去拎埋最後d野食和雪糕，但出到去果陣已經收緊野，同埋d野已經無乜，得番最後小小。

聖誕長假，係增肥既日子，第一彈就係食韓燒，怕會食晚餐太飽，食午餐既韓燒。環境幾好，幾乾淨，幾好坐，冷氣勁。為左就屋但企人，唔食辣，叫左蜜糖雞。飲品任飲。有可樂，提子汁，蘋果汁，熱情果汁都有。勁大碟，自己炒黎食，有埋教學menu。雞配菜，同埋可以自選年糕多定少，仲有配埋飯或者麵。好多自助小食。kimchi, 生菜包，海折，芽菜，黃蘿蔔。鐵板火鍋仲可以自助添配料。勁飽仲有自助沙律吧。食晒正餐仲有雪糕，有芒果味或原味，仲有配料可以揀。

極度失望！！！本人未有寫過食評，但真係忍唔住要講下。我們於一個非繁忙時段5:45pm入坐只有我們一台及一台就黎埋單，三位樓面。員工絕對欠缺培訓及主動，等了很久都冇人送上menu,後來又未能夠清晰講述餐牌，誤導食客。我地揀LV2 ,我們沒有揀到牛肉，最終送上牛肉，差點煮埋一齊好在我地睇到有唔同，他們竟然講好忙所以執錯...但當時只有我們唯一一台客人！員工講到可以隨時加追添食八爪魚，當我想加追，他們又說必須加多一份雞才可以加八爪魚，他們店又主張不可浪費食物，但又要我們必須加多一份雞，簡直背道而馳，我們只想加八爪魚而已。員工又不會像首爾般定時行過黎幫你煮，就咁放低煮盤就了事，一開張就如意服務，相信都好快搞唔掂！非常差勁👎

韓風襲港時，已經好在兩、三年前同好朋友食過一次韓式鐵板燒……轉眼間，今晚再跟她一起食新潮，有驚喜又有趣味及新鮮感的韓式鐵板燒。見到好朋友食得很開心，我也一起開心了。 最好的，最愉快的時刻是跟好朋友享受一頓豐富的晚餐。好浪漫的窗口位，二人食，慢慢傾偈，都幾開心喔…標準份量，啱啱好，仲有"胃置", 食下生菜包，沙律及甜品生菜包：生菜好新鮮，爽脆又最好配上韓式泡菜，薯粉，豆芽，紅辣醬或麵豉醬，好好食。好想再食多兩片生菜包……泡菜被喻為健康養生, 抗衰老的食物，慢慢包，慢慢品嚐， 食的健康。泡菜被喻為健康養生, 抗衰老的食物，慢慢包，慢慢品嚐， 食的健康。TEPPAN : 我地點了標準份量, 我地食量唔多, 這份量對我地0黎啱啱好。 店主有X2及增加份量, 任君選擇。TEPPAN :自選新鮮食材……有海產類, 生蠔, 韓式餃子, 不同味道的丸。Salad : 自由配搭, 加上SALAD DRESSING, 幫個胃仔"提神一下 " ......Drink : 有汽水，有地道檸檬茶，熱情果汁，提子汁，柑橘綠茶熱飲。 最令人驚喜的，飲品一點都唔覺得甜好好飲Ice Cream：雪糕好creamy,

本身係牛角會員，見荃灣開左柳氏家幾特別，又有四人同行一人免費coupon,便同班姊妹去食晚飯。係門口已經落左order 100分鐘任食,我地叫左蜜糖味噌加柳氏雞雙拼，但坐左成10分鐘都未見有鐵板黎，遲過我地既都到左，便問待應，原來未落單，好彩係落單先開始計時。跟住黎左鐵板，個爐原來開到好細，d雞同其他野炒極唔熟，差不多半個鐘先有得食，蜜糖味ok,但柳氏雞略嫌有d咸，跟住加單，新既鐵板等左15分鐘先黎，好彩今次開大左個火，15分鐘有得食，但再轉打邊爐煱又係等好耐，搞到得返10分鐘食。

今天朋友帶路黎荃灣廣場試新野去食鐵板雞～一入座好好彩有無敵大玻璃卡位坐，對住出面的靚景未食已經好開心了！今次第一次黎唔知程序，好彩果到d waiter好有禮，主動同我地介紹菜單內不同的組合，最終我地選了75分鐘那個Menu，並點左柳氏家辣炒雞+年糕+豚肉+牛肉+飯依家除左鐵板烤雞外，出面重有個自助Bar可以自由攞沙津、各式韓式前菜、打邊爐的食材、飲品同軟雪糕添，每類都試點真係未食主菜都飽左半～～不用多久鐵板烤雞就送來啦，開頭我地重好興奮咁起勢咁炒，後尾職員黎幫我地時才知要慢慢來的，之後他們重好體貼咁幫我地炒好讓我們享用。雖然比我地咁亂炒過，但d雞唔會太辣而且好滑好入味，年糕有原味、芝士同番薯，番薯最特別真係食到番薯的香味，而且三種年糕都好軟熟，搞到我地一口接一口食過不停，另外鐵板上重有豚肉同牛肉片，都同雞肉一樣咁入味好食！食到差唔多時職員再幫我地加飯落去炒，炒過d飯包住烤雞汁，真係好好食，如果唔係要留肚食火鍋，我一個可以食晒成盤炒飯了本身以為打邊爐是好像一般雞煲咁在鐵板上加湯就算，原來是會另外再換一個打邊爐盆，而且重會再重部煎雞同加醬料在湯內，真係好有誠意...而且依到的打邊爐料都唔少

第一次黎唔知點叫，好彩果到既店員好好，主動同我地介紹菜單內不同的組口，最後點左柳氏家辣炒雞，年糕，豚肉，牛肉同飯o(≧v≦)o除左烤雞外，重有個自助Bar有沙津、各式韓式前菜、打邊爐的食材、飲品同軟雪糕~\(≧▽≦)/~好快烤雞就到啦，店員黎幫我地炒好比我地慢慢食，雞唔會太辣而且好滑，年糕有原味、芝士同番薯，另外鐵板上重有豚肉同牛肉片，都同雞肉一樣咁入味好食！食到差唔多時職員再幫我地加飯落去炒，炒過d飯包住烤雞汁，真係好好味(⁎⁍̴̛ᴗ⁍̴̛⁎)

同同事放晏見到荃灣廣場開左新野，緊係要試試佢啦！係門口都唔少人等位！不過好快我哋就入座啦！佢係韓式嘢食，一開頭仲以為佢係韓燒，點知佢係韓式炒雞！其實都好新鮮架都未試過又未見過！我哋嗌左一盤雞間味道之後，原來佢出邊有個自助餐可以拎沙律同埋嘢飲！仲有個自助火鍋嘢食添！真係有好多好多嘢食！之後仲發現原來個雞係有得加架！不過真係食唔晒！仲有仲有就係有啲韓國前菜任拎！好似大豆芽同泡菜嗰啲咁！我地叫左個烤肉味炒雞！服務員上咗菜之後，都有一直都好留意住，幫我地炒！同整個麵！需要我哋自己等佢熟嘅時候，佢有一個2分鐘嘅沙漏⏳！好細心！佢嘅炒雞啲雞肉好滑，加埋佢嘅味道都唔錯！同埋佢一齊上菜嘅年糕真係好好食，佢嘅年糕入邊係有芝士㗎！總結：佢午市有半價都好抵，可以一試！我都會因為佢嘅年糕再食！另外佢仲有飲食雪糕添！

今日lunch 經過見到新張一間韓國野，韓國 燒烤食得多今次呢間係食鐵板燒雞，唔同韓國燒烤，可能韓國有好耐，但係香港就第一次試！我地一行4人就去試下，佢係半自助形式，有75分鐘，我地就叫左2個唔同味嘅雞，蜜糖味增炒雞，鐵板雞口味，叫完我哋即刻出去拎嘢飲，有沙律🥗，有冷盤，仲有打邊爐食物！都好多選擇！幾分鐘就有野雞上，都算快，想到黎要炒大概10分鐘到，就可以叫工作人員幫我地加芝士再返炒，差唔多熟可以再加埋啲飯落去，食晒仲可以再加湯打邊爐，肥牛豬肉係任食，但我實在太飽啦，仲要留返肚食甜品。蜜糖味增D雞好滑好入味, 鐵板口味嗰個芝士年糕超好味，食完後其實都好飽，係時間趕咗啲，如果唔係真係正常滿足！值得推介！

每逢星期三都是我閨蜜的休息日子，我們相約到荃灣廣場行街，天氣凍凍哋大家都想食啲熱辣辣嘅嘢，就一齊入咗去柳氏家食韓式鐵板雞。 入到店內一坐低， 店員就叫我們選擇吃那一款鐵板雞，仲有年糕的份量，肉類有豚肉和牛肉選擇 ， 亦可以兩樣都要， 之後可以配炒飯或者韓國拉麵。 我們點了柳氏家辣炒雞，豚肉和牛肉還有炒飯。 一點完菜我們立即出去自助吧拎嘢食， 出面有自助沙律，冷盤，泡菜，火鍋配料 ( 有蝦，蜆肉，帶子，魷魚，丸類，菜類，公仔麵 )， 還有甜品雪糕，飲品等等。本身店員叫我們跟住餐牌上的指示炒雞， 但可能見我哋唔係好識，之後佢好主動咁幫手炒。 鐵板雞入面有辣雞， 炒飯，豚肉和牛肉。 唔算太辣， 味道有小辣帶甜好惹味，同我之前向韓國食到的鐵板炒雞一樣味道。沙律菜也好新鮮，還有打邊爐的配料都唔錯。大約每人百幾蚊可以食到韓式鐵板雞和打邊爐， 還可以任飲任食，座位亦都非常舒適，抽氣系統也做得很好，食完之後件褸唔會有太大的燒肉味。

想過2次味道算ok店員會幫你炒但放放下好易燶2款炒辣雞唔算辣但夾埋蜜蜜味食既話會搶左隻味有點淡但多人去完！全！食！唔！飽！5人份同2人份既分別係雞多d同少d配菜份量一樣我地以為多左人食配菜/飯/麵會跟人上咁多左但我2個人食又係咁多年糕+一碟麵5個人食又係咁多年糕+一碟麵幾個平日食量算正常都餓到傻左要搵野食多人食大家真係要考慮下勁！唔！飽！不過佢半自助你地可以瘋狂食泡菜既🤷🏻‍♀️5人份都係呢個盤大家食前考慮下

午市同朋友去左試下柳氏家除左有果一大盤既柳氏家雞肉炒麵出面都有個自助形式既位果到都會有少量熟食飲品同埋雪糕都可以自助咁任食任飲佢會按番人頭既份量分配既佢既份量都夠晒我地兩個人食我地叫左小辣 佢既辣度都好充足唔太嗜辣既朋友就要諗諗先唔好揀左太辣入面既配料都多既分別有年糕、大蔥、雞肉、洋蔥等等可以揀跟麵或者飯我地就揀左係跟麵既都比較配合炒麵都仲炒得好彈牙 唔會淋晒係出面既自助飲品機我就溝左蘋果汁同埋橙汁咁樣2溝完之後既味道比較豐盛!我地仲係出面熟食區拎左吞拿魚螺絲粉(右)同埋韓式炒粉絲(左)韓式粉絲既調味岩岩好配料都幾多 有菇、紅蘿蔔絲等等而螺絲粉係凍既 吞拿魚同沙律醬均勻咁撈晒落去\前菜黎講都幾開胃

今日同同事食飯，見到傳單lunch有半價可食75分鐘，就去試吓，我哋一行11人，分開兩台，每台有兩個爐， 有六款唔同嘅雞選擇，咁我哋每台就叫咗四款，因為每個爐可以叫兩款，有唔同辣度嘅雞辣雞，亦都有唔辣嘅雞！ 因為只有75分鐘，一落完order我哋就即刻出去拎嘢飲沙律，仲有呢冷盤泡菜，幾分鐘後的雞就上嚟，大概要炒10分鐘，就可以叫工作人員幫我地加芝士再翻炒，的雞食到差唔多，可以再加飯或面去炒埋啲雞，食晒仲可以加湯打邊爐，肥牛豬肉係任叫，出邊仲有丸蝦同埋珍珠帶子可以拎，食到差唔多就出去拎雪糕🍦！我哋只係叫咗一隻辣椒辣度嘅雞，所以啲雞係唔太辣，啲雞肉幾滑同好入味，佢的雞有兩三種食法，食完之後其實飽到嘔！芝士，八爪魚，同雞都係任叫！肥牛同啲丸都OK，係個雪糕冇咩味！如果係平日唔使返工可以揀110分鐘慢慢食， 75分鐘係有啲趕，我哋每人埋單都係$119！