校長燒肉日韓料理 (沙咀道) (已結業)

想食韓國燒肉又想食日本嘢？呢間校長燒肉完全可以一次過滿足我哋嘅所有要求。裝修方面比較簡潔寬敞，坐位比較多而且很多都是卡座，令人坐得舒適。一嚟到自助區就可以睇到有好多款唔同嘅肉類，牛豬雞魚全部都有，而且仲好新鮮添。五花腩肉燒到焦香之後之後加啲泡菜再用生菜包住食真係好正！豬頸肉唔晒點醬汁已經好爽脆。其他肉類仲有肥牛片、雞翼、魷魚鬚、各種腸仔、秋刀魚、多春魚…..蔬菜區有生菜、萵筍、金針菇、南瓜、粟米等等壽司區有好多款經典必食嘅壽司：三文魚壽司、蟹柳壽司⋯仲有點心區、甜品區、熟食區、仲有湯飲。如果你想食火鍋哩度都有多種湯底任你選，今次加左麻辣鍋底同埋日式豚骨湯底，湯底非常之濃郁，完全滿足到想食燒肉又想食火鍋的吃貨啦！飲品區選擇都係有好多嘅，維他奶、汽水、多款啤酒、梅酒👍🏻最後食完燒肉可以自己去乳酪雪糕機整杯雪糕食，可以自己加啲配料，好好味。雪櫃果度仲有好多雪糕、雪條可以攞黎食，豆乳味嘅雪糕唔會好甜，食落好解膩！

難得中午可以食2小時，當然找間放題食啦估唔到平日中午都好多人，好彩一早到依到係一個價錢食哂韓燒+刺身+火鍋放題，全部自助區都可以拎自助區：燒肉區、壽司區、熟食區、火鍋區、沙律區、點心區、餐前小食區、甜品區等：刺身區就每次只可以拿3件，這樣就不會浪費喇當然仲有花茶區、啤酒區同飲品區，我最鐘意嘅暖笠笠枝裝維他奶，估唔到尼度都有行了一個圈，就攞左鐘意食的慢慢燒，雖然有好多食物，但記得食得曬先攞，唔好浪費呀

今晚同朋友行經荃灣沙咀道校長燒肉，朋友話好耐未食過，問我有冇興趣？我緊係冇問題啦！晚市分三個時段，每段用餐時間120分鐘，入座時服務員會幫你先開咗燒烤爐，自助式去攞食物，燒烤的品種好多，我覺得牛仔骨，雞翅及魷魚鬚最好食。另外仲有個小火鍋爐一起，當你等燒烤時，仲可以淥些菜及火鍋料食，真係唔錯！熟食方面都有好多品種，尤於我們吃得太飽，有中式點心供應都食唔落！前菜都有好多款，我就食咗沙律菜，木耳同中華沙律，味道都好好。刺生方便都好多款，我試咗三文魚，墨魚片及螺肉，肉質非常新鮮。最後一定要食我至愛的甜品，有很多款都非常好味，真心提議大家一定要留肚食，唔好錯過！特別榴槤雪條超好食，但因為吃得太飽，其他款式的都食唔落！結賬每人約250元，可以一次過食日式，韓燒，火鍋，中菜，甜品，真係有超值的感覺。

校長燒肉之前都食過幾次，由於性價比實在太高，可以一過價錢食到多品項的食物，所以今次都忍不住拉埋朋友一齊去食。燒肉最重要的當然是肉，這店於外場有相當多種不同的肉可供食客自己選擇，例如柚子豬扒，金沙骨，秘製叉燒等等，更有一小杯的牛油玉米及牛油金菇等燒肉必食的小菜。然後亦有因應時段而提供刺身，如三文魚，帶子，甜蝦等等。另外亦有些炸物，薯條，薯角，炸薯角等。由於是韓燒，所以可自由控制燒的時間，亦可享受當中的樂趣。食過當中幾款，以柚子豬扒最好，豬扒本身肉質略帶點點的嚼勁，又不會似有鬆肉粉的醃製，而且帶帶淡淡的柚子清香，可以係各種濃味食物中帶點清香，明顯而眾不同。而秘製叉燒亦相當不錯，肥瘦肉比例剛好，入口肉汁飽滿，本身用於醃製的醬料亦為叉燒帶上點甜甜的感覺，剛好化掉油膩感。

今天放工，朋友約了我出荃灣行行，晚餐我們想要去那兒吃好，想了一會，大家想吃火鍋同BBQ下，所以我們選了今晚這間，2樣都有，到了門口，環境不錯，好有特色，我們出去夾野食豬柳燒時好香豬柳味，入口好嫩滑同霖雞肉腸腸厚身，咬一口好有雞肉味同彈牙台灣腸細細條，有肉感芝士丸彈牙，好香芝士味同留心龍蝦丸彈牙，好香龍蝦味同爽滑雞扒大塊，厚身同厚肉，好香雞味同嫩滑柚子豬扒好特別，燒完一入口真有柚子香味同豬肉特別香金菇好鮮菇味同爽口壽司細細件，易入口，好滑身刺身片片好海鮮同爽脆

之前都有試過校長燒肉，還記得感覺不錯，性價比高而且坐得舒服，食物種類又多，今日跟同事放工後到這裏晚餐，仍然水準保持。首先試了兩款餐湯，人蔘雞湯以及是日老火湯。參雞湯人蔘味足夠，雞湯清甜，不過湯內雞肉就偏少，想食湯料的朋友可能會失望。至於老火湯味道亦不錯，不會過鹹，亦有煲湯豬肉增加口感。熟食方面，就試了鹵水雞翼紅腸，蒜蓉炒雜菜，以及西芹炒鴨腎。雞腎有少許韌口，不過醬汁惹味，幾款炒餸小菜都煮得香口。鹵水汁味道不會過咸，雞翼不會煮得過硬，正常水準。點心方面就試了腐皮卷，腐皮卷豆味濃沃，熱騰騰，幾好食，唯一不足的是餡料較少，不過喜歡食豆類製品的朋友可以一試。至於火鍋及燒烤配料非常豐富，幾十款食材任君選擇。燒烤配料方面就推介海產類，香草魚柳， 魷魚及帆立貝。魚柳兩面煎香，有少許脆口感覺，中間魚肉則呈軟熟狀態，調味亦不會過鹹，反而有少少魚香味道很不錯。魷魚及帆立貝都爽口彈牙，味道清甜，燒烤過後加添少許炭燒感覺味道不錯。另外各款雞牛豬肉選擇多，調味種類亦多，總有一款適合自己，個人就比較喜歡豬腩肉以及豬頸肉，爽口之餘亦食到豬肉的油香味。另外亦推介一些醃製類食品，例如台灣香腸以及豬柳，兩者在燒烤過後香氣

好耐冇食紙上燒啦，記得以前同朋友好鍾意去任食燒肉，因為大件夾抵食，仲可以想食咩就揀咩，呢間一次滿足晒所有人嘅食慾，皆因款式超多，除咗燒肉，重有打邊爐同埋熟食都有。燒肉方面質素中絕對對得起呢個價錢，性價比非常高，而且仲有魚有肉，特別推薦燒雞翼同埋魚柳，咁多年都保持水準🫶🏻仲有沙律吧同埋細細件嘅壽司，點心小蒸籠等等，基本上試晒都已經好滿足，最後仲有乳酪雪糕，冰涼清甜，環境冇油煙，乾淨企理，位置寬敞，店員仲不時幫忙更換燒紙，服務態度OK。

這星期是自己的生日，兒子話請我食飯。我就想起在荃灣的校長燒肉日韓料理，因為很久沒有 去食過了。一到左校長，便去拎飲品，飲品款式種類幾多，又有一些便利店沒有買的口味，可以試一試，來個清涼快感，頓時解渴。還有得自己沖茶飲跟着就係自己去搵嘢食，食物款式種類，都幾多，正正常常的款式種類。 食品都新鮮，醃製過的肉類，味道不錯，肉質不韌，很快就食到很飽足。再嘗個火鍋，火鍋雖然細小，但係有齊各樣的食物，所以樣樣都食吓，品質不錯又新鮮。正餐食完，又有甜品，雪糕，總之回味無窮。

打邊爐同燒肉係我既最愛❤️訂位既時候一心諗住係食燒肉，無諗過係度仲有埋打邊爐！喜出望外啊！係校長燒肉可以一次過滿足晒我兩個願望😍Staff帶我地坐低，簡單介紹完就飛出去兜個圈啦！我發現食物既種類真係好多！壽司自取，刺身就排隊拎。- 帶子同三文魚🍣好新鮮，可以encore😋燒烤食物，種類都好多，花多眼亂！- 醬奄牛肉，好鍾意呢個牛肉，好入味，又快熟，好岩我呢種心急既人😛- 台灣腸，燒完好香，咬落個皮脆卜卜。- 豬頸肉，又係好入味，最鍾意佢點煮肉質都唔會過老。午餐肉，我覺得一定要食！好好味😋燒完個面脆脆，入面既肉軟棉棉。火鍋，我揀左最鍾意既麻辣湯底，湯底味道十足。放左啲娃娃菜，冬瓜同蝦入去，蝦肉鮮甜。娃娃菜好入味🥰熟食區，唔止平時見到既炒飯，菜類等等，仲有蝦餃燒賣！好有特色！食飽飽，仲有好多甜品可以揀😍可惜食太飽，已經試唔再，下次再戰過😝Staff都好細心，見我地張牛油紙燶喇，都會主動幫手換紙，值得讚👍🏻

放工落荃灣食返一餐韓式燒烤，校長燒肉放題係一個唔錯選擇，好多食物俾你揀，又可以順便打個邊爐，飲品選擇都幾多仲帶啤酒俾你揀。岩晒我地哩D食肉獸，無限肉肉，我覺得店鋪提供肉類及質素都唔錯，醃製味道都幾好，朋友都覺得哩間韓燒質素對得起價錢，店員補充超快，又有日本刺生提供，又有熟食和沙律，一個價錢享受幾種放題，正呀！次次都揀到坐卡位，食到飽飽地又抖下，望住外面荃灣境一路燒一路同朋友吹水，大家去荃灣不仿去試下，唔錯選擇，記住要book位，都幾多人等位。

今日咁啱想食下燒肉，就同朋友黎食下呢間出名性價比高嘅校長燒肉。我哋食黃金時段，除左燒肉之外，仲包埋火鍋同刺身。一坐低就先去睇下自助區有咩拎，除左各種肉類丸類之外，仲有熟食、壽司、沙律、點心等等，真係好少會喺放題見到點心，而且味道都唔錯。至於雪櫃嘅飲品款式都好多，最特別嘅係竟然有支裝維他奶，唔飲凍嘢仲可以自己沖花茶飲添。燒肉方面選擇好多，我哋食左好多款唔同嘅肉同海鮮，當中覺得牛柳粒、豬頸肉、魷魚鬚最好食，encore左幾次。食肉食到滯仲可以燒菠蘿，超級好食。燒肉嘅同時，仲可以打埋邊爐添。我哋揀左麻辣鍋+壽喜燒鴛鴦湯底，淥下蔬菜、丸、響鈴等等，食啲菜解膩就啱晒喇。食到最尾就食下甜品，有唔同款式嘅雪糕、雪條、啫喱、布甸等等，都試左好幾款。最估唔到係啫喱竟然有意外之喜，比一般嘅放題食到嘅好味。總括黎講性價比真係幾高，食物款式多，而且味道唔錯，有機會會回訪。

自從有次同朋友行完山落去荃灣揾野食，見到有間叫「校長燒肉」就去試啦，一試有驚喜，性價比唔錯。鄰近生日前夕，朋友約我食飯，我就約左朋友到荃灣「校長燒肉」食生日飯。「校長燒肉」環境佈置得唔錯，通風抽氣系統做得唔錯，入到去唔會有好大陣味。「校長燒肉」真係好多種類，除左燒肉外重有火鍋🍲，點心🧆，熟食，壽司🍣及甜品🍮。飲品種類都真係好多吓，除左罐裝飲品及紙包飲品，重有茶類等而雪糕🍦種類都算幾鬼多架。又有軟雪糕🍦機，雪條，杯裝雪糕🍦等。而今次主打到係燒肉啦，肉類種類勁多，重有一款啱你。

難得放假梗係同朋友行街食野啦!大家原來一樣無食早餐咁就不如大食一餐，去▶️校長燒肉日韓料理食燒肉放題啦✅午餐放題兩小時 $152 連加一，性價比高👍🏻可以慢慢坐慢慢食▶️自助區選擇多多，點心、壽司、甜品、沙律、小食、熟食、飲品、雪糕，食物真係好多元化。鍾意食乜就食乜，咁燒肉就當然要主打燒啦!燒肉就一定唔少得肉類，牛豬雞魚齊哂，超多選擇，唔同部位唔同味道，有辣有唔辣，仲有腸仔，紅腸，雞翼，雞腎，雞軟骨，煙鴨胸，魷魚鬚，秋刀魚，多春魚等等蔬菜同樣有好多選擇，南瓜，粟米，金菇，秀珍菇等等✅牛肉片肉身嫩滑好有牛味✅大推五花腩肉，半肥瘦，燒到焦香再用生菜包住食就唔怕一口油膩✅豬頸肉好爽脆✅雞腎爽脆✅雞軟骨粒燒過好香口，我食左好多✅香草魚柳厚切，食落好軟滑✅雞翼辣同唔辣同樣出色，燒到皮脆肉嫩❤️食飽飽就食番杯士多啤梨雪糕作結尾

為咗慶祝🪅考試合格，今晚同老公去佢工作附近嘅日韓🇯🇵🇰🇷餐廳食飯，哩間餐廳真係啱晒鍾意食燒肉🥩嘅佢同鍾意食刺身🍣嘅我！我哋都最愛❤️放題，任飲任食嘅感覺好爽，因為每款食物都可以試少少🤏🏽，一餐同時滿足多個願望！不過餐廳選擇實在太多，胃就得一個，好可惜無辦法試晒所有嘢。宜家年紀大，點到即止就收口，唔可以好似年輕時咁任性食到捧住個肚走。哩度嘅食物同飲品真係包羅萬有，燒肉材料有多款肉類🐖🐂🐓🦑🐟、餃子🥟、腸仔等。日本食品有刺身🤤（起碼有十款，例如帶子、赤蝦、希靈魚、三文魚等）、壽司🍣等。除咗燒肉同日本嘢，佢仲有埋火鍋🍲、湯類🥣、炸物、點心、辣煮花螺、豬手、甜品🍮⋯⋯真係多到數唔晒！我哋特別欣賞以下幾款食物：🏆 刺身刺身forever！無諗過哩個價錢都可以食到哩個質素嘅刺身，特別鍾意帶子，新鮮清甜！三文魚都好食，肉質彈牙，味道新鮮。赤蝦都好大隻，口感鮮嫩。真係就咁食刺身都值回票價！🥈 鴨胸我哋都係鴨胸控，哩度嘅鴨胸真係好掂，厚身肉嫩，有咬口，味道佳。我老公起碼食咗八塊😅，好誇張🫣。佢仲加埋泡菜落去一齊煎，再包住鴨胸一齊食，味道立即昇華！🥉 豬頸肉我同老公都好鍾意❤️，燒到微燶最好食，外香脆內有嚼勁

校長燒肉荃灣分店搞緊個$88晚市早鳥時段2小時燒肉邊爐放題優惠，依家上OpenRice就可以購買餐飲券，食完放題會收返正價現金$31服務費，加埋都只係$119 ，真係好抵！晚市早鳥時段由下午5點開始，都有唔少人食，食客坐滿餐廳一半。餐廳大部份都係卡位，長櫈後有紙板作遮隔之用，私隱度高啲，疫情下又食得放心啲！好多年前光顧過一次，今次嚟印象完全唔同，無論係食物擺放整齊度、餐廳乾淨度、食物味道等質素大大提升咗好多。食物款式選擇方面，燒烤同打邊爐食材與肉類、海鮮、醃製類食品等等，加埋大大話話最少有四五十種，蔬菜、點心十幾廿種，餐前小食、熟食、甜品啫喱等接近十種，前菜、壽司超過十種，飲品種類幾十種……真係多到數唔晒！質素方面呢，又真係幾唔錯喎，大部份燒物都醃製過，尤其深刻係銀雪魚燒完熱辣辣食落口多汁到滿瀉仲好香香草味，辣醬雞肉都好嫩滑辣味恰到好處好惹味，炸雞塊、薯角唔多油之餘仲好趣好香口！打邊爐係自助形式，自己出去拎煲加湯，個湯當然冇料喺入邊，但係豬骨湯清清地淥下蔬菜同菇類都好，滿足下我乜都想試啲食啲嘅慾望！最後有好多嘢想試但未試到，驚訝呢個優惠真係好抵同埋觀感唔同咗好多，好快又會再嚟幫襯！難怪