栢檔極品海南雞飯 (已結業)

叫咗兩個午餐👇🏼栢檔極品海南雞飯（中）$52雞份量唔多，無乜雞味，口感唔算好滑，只係唔柴口，油飯無乜味。極品海南雞喇沙$66喇沙湯味道正常，唔會好辣，麵份量唔算多。第一次食，感覺似快餐店，呢個價錢無湯無飲品，荃灣區唔平，但味道都麻麻，食一次就夠。

If you are looking for cheap eats, this is a good place to try. It’s a Hainanese chicken shop with a few other Malay-influenced dishes. Came in during tea time and I picked the panfried meat patty and oil rice. Portion was definitely smaller, the meat patty was flavoured with light salted fish and was very crispy. Dark soy sauce and garlic chilli vinegar sauce on the side for dipping, they were good. The oil rice was a bit mild though. They have special Malaysian drinks on menu, my pick was the

無激素海南雞飯🐔尋日family day行荃新天地，一家四口去G/F揾食醫肚，爸爸好鍾意食海南雞飯，而哥哥又好鍾意食豬頸肉，就揀咗呢度醫肚💗餐廳有bb櫈👍對媽媽嚟講好重要🙈(因為雙手可以解放，唔洗食到顛婆咁了🫣)我同爸爸點咗海南雞🐔飯，飯可以轉做油麵🍜d雞好滑😋仲要無激素無抗生素，可以安心比小朋友食👍哥哥點咗豬頸肉飯，好快清曬😂好味又抵食，海南雞飯同豬頸肉飯都只係$56ja!員工亦十分友善，最後，叔叔仲請咗佢哋食雪米糍😋

今日就去咗試吓嗰間話題性十足嘅海南雞飯店。揀咗半隻去骨海南雞同半隻黑松露海南雞，剛端上嚟就聞到陣陣香味，真係好惹味啊！黑松露味道算輕柔，但係啲雞本身已經夠晒入味，滑潤得嚟又唔會好油，真係食到手停口唔停😍。再嚟就係小朋友嘅最愛 — 粟米紅蘿蔔南瓜排骨湯。飲得出嚟湯底真材實料，飲一啖就暖哂心！個人特別鍾意嗰三款醬料，尤其係嗰姜葱油，足夠香口，帶出海南雞嘅風味，同啲雞油飯一拼簡直係嗲到爆💣！麻辣豬耳其實意外嘅可以接受，唔似外面嗰啲辣到爆棚嘅，啖啖脆口，鍾意吃辣嘅朋友都唔好錯過啊。而肉骨茶雖然係我哋今次嘅配角，但佢嗰陣陣草本香氣都令人印象深刻，可惜海南雞實在太搶鏡。坦白講，呢次食得真係好開心、好滿足，下次一定會再嚟，記得要提早訂位呀，唔好等到無位就悔之晚矣。嘩，我已經諗緊下次要點啲乜嘢好味嘢喇！👅💥🍽️

第一次食已經覺得好失望服務差，態度差上菜慢，枱又小真係好想叫人唔好入黎食今日點左2人餐，個鳳爪超級難食，有陣怪味豬頸肉太淋，最正常係碟生菜張枱細，拎走個托盤，都要比說話你聽。叫以後最好唔好拎走，因為好難執枱喎

路過見到外賣有九折唔想等位，所以試一試海南雞飯（大）份量幾足，一個女仔會食唔晒。雞皮太厚，但唔算多肥膏。好多雞啫喱，所以有啲漿口，雞肉好滑，但雞味唔算好濃。整體嚟講係質素唔錯嘅海南雞。不過油飯令人好失望，香味唔足，而且係爛飯，亦冇好似坊間咁加足乾蔥、乾蒜或豬油渣增加口感。跟飯有經典三種醬汁，做足本份。隻豉油同平時食開嘅黑豉油唔係好似，質感比較稀。加$8可以有個湯本身想叫肉骨茶，但已經賣晒不過南瓜蘿蔔湯都唔錯，入面有一嚿豬肉，幾舊紅蘿蔔同埋南瓜肉，口感濃厚夠味足料個油飯實在太扣分，整體嚟講唔算太抵食

環境：地理位置非常方便，位於荃新天地商場，這個商場都算是有質素的商場。店內空間不算很大，但就乾淨企理冇異味，服務員效率都好好食物：嚟到呢間店，一定要食佢嘅招牌菜海南雞飯，首先，店內的油飯很香口，粒粒分明，軟硬適中，雞件份量多，油脂分布平均，嫩滑新鮮，講到我食過最好食的海南雞除咗君悅酒店之外，佢都算排第二，非常值得推薦，最驚喜係個湯，非常濃，好似濃到食緊粥咁，所以嚟到食建議都加個老火湯總結：如果係荃灣區，我覺得可以專誠來試一試，應該不會令你失望

佢地自2006年開業至今 已經榮獲多個獎項 質素絕對有保證🏆老闆會經常落店試味 咁落力 即刻試試佢🙌🏻.📌一人套餐 $86➿皇牌無味精靚湯以南瓜, 粟米, 紅蘿蔔, 豬骨每日新鮮熬製 加左南瓜 特別清甜 冇味精 好住家嘅味道🏠.1️⃣栢檔極品海南雞飯嚟到當然要食招牌菜✨選用龍崗無激素同抗生素百日三黃雞🐓雞肉嫩滑 即使雞胸都唔乾鞋 雞皮唔肥膩 濃郁雞香味🍗係即叫即斬 保存更多雞嘅肉汁鮮味👍🏻薑蔥蓉好細蓉 香口唔油 辣汁加左青檸汁同檸檬葉 酸酸辣辣 好開胃 豉油就甜甜哋 點配雞件 味道昇華👅.➿雞油香飯用上泰國米 粒粒分明 爽口唔會太油 啖啖雞油同黃薑味🍚.2️⃣極品海南雞喇沙湯底椰子味好香甜 帶點微辣 平衡得好好🥥🌶️麵底係爽彈米粉+粗油麵 索湯得嚟口感又有層次🍜豆卜軟綿入味 仲有半隻雞蛋🥚撈埋蔥花, 花生碎同辣椒 更加香口🌶️🥜同樣係配上海南雞 但就咁食個麵都好正😆.➿健康翠綠時菜生菜爽脆清甜🥬.➿迷你雪米糍有朱古力+朱古力醬🍫雲尼拿+士多啤梨醬🍓綠茶+紅豆醬🫘🍵三款都唔會好甜 細細粒 飯後甜品唔錯🍡.📌香煎手剁魚香肉餅拼栢檔極品海南雞飯 $66 以七成瘦三成肥豬肉混入蝦米, 鹹魚, 瑤柱, 馬蹄

今日5:45pm同亞女一齊去咗栢檔食海南雞飯，去到仲有下午茶，所以就叫咗下午茶，$46仲有湯飲，抵食，油飯香而不膩一大碗，雞已去骨，仲好滑添，南瓜湯較多渣溶了，有些人未必鍾意，我就覺得還好，因為鍾意佢無味精。走前諗住外賣比老公食，驚佢唔夠飽，所以嗌返原價個餐，侍應話會比下午茶多三份一，就叫咗原價嘅雞飯，佢話可以走胸添，點知，返到屋企，發現雞嘅份量，同下午茶一樣，仲要冇走雞胸，超失望。不過整體都好食嘅。

做父母既，都想比最健康既小朋友食， 不過日日都要煮3-4餐都咪話唔攰😵‍💫今日媽媽決定要偷懶😎總動員出發去 @pakdonchickenrice開飯，呢間標榜🙅🏽‍♀️無激素🙅🏽‍♀️無抗生素 同埋🙅🏽‍♀️味精咁妹妹都可以一齊食😚😚🫶🏼海南雞飯 🐓 海南雞已去骨，食落啖啖肉😋肉質好嫩滑，再點上醬汁，味道更上一層樓🆙再配埋雞油飯🍚兩兄弟一人食左一大碗😆🫶🏼皇牌無味精湯🥣 第一啖飲落，就係家既味道🥹，超濃郁，飲完唔會口乾，妹妹👧🏻一啖接一啖，飲到停唔到口🥄🫶🏼手剁魚香肉餅🐟 第一啖已經非常驚喜🤩外脆內軟，加左蝦醬落去，咸咸香香👍🏽超好送飯，所以，好快就清左碟✌🏼🫶🏼滷燒豬頸肉🐷 薄切豬頸肉，份量十足，燒得好香😍用黎送酒就一流🍻🫶🏼海南雞喇沙🍜 香濃椰汁🥥湯底，加上呢到係以正宗喇沙既做法，米粉溝油麵😺食落更加有層次，重點食完唔會口乾💯🗣️整體而言，呢間餐廳非常抵食😋食品高質之外，份量夠多，職員服務態度都好值得加分💯兩兄弟表示下次一定要再黎食過💁🏻‍♂️🍽️ 柏檔極品海南雞飯📍荃灣楊屋道1號荃新天地地下G27-28號舖📍九龍灣牛頭角道77號淘大商場一期地下G107號舖📍油塘高超道38號大本型地下M08號

平時成日黎加餸，今日懶得煮叫左外賣二人餐，包半隻海南雞、一個餸（簡左煎魚香肉餅）、一份小食（泰式鳳爪）、兩個湯，同埋生菜連飯。呢個份量足足夠我家三個人食，雞肉保持到水準，非常非常滑嫩，配埋3色醬汁，好好食！另外第一次試呢到既魚香肉餅，啖啖肉之餘帶有咸香，征服左我屋企既男士，好岩佢地口味，送飯亦一流。湯亦一如既往，都好好飲，就地取材落足料同雞骨去煲，非常濃厚，$188黎講既外賣餐真係油塘既性價比之皇！

今日經過荃灣探朋友，竟然俾我見到以前去食九龍城嗰間餐廳，開咗間喺荃新天地一期地下，呢間餐廳標榜❌無激素❌味精❌抗生素，所以比BB食好放心，價錢好經濟，兩大一BB唔使$200食到好飽🤪地方好闊落，⭐️仲有BB椅背供應，推介❤️柏檔極品海南雞飯 $58無激素無骨海南雞好嫩滑，又唔怕哽骨，王牌冇味精靚湯只係加$8😍極品海南雞喇沙，喇沙材料超多，份量好足夠，湯底好香濃，唔會好鹹，麵底好特別，油麵加米粉。豬頸肉小食$70我係豬頸肉迷，不得了，份量好足好大碟，燒得唔錯，好香有肉汁。總括嚟講呢間好抵食，份量好足夠，仲好歡迎小朋友🫣職員仲非常有禮貌，下次一定再嚟食過❤️❤️❤️

發現咗荃灣都有咁優質嘅無骨，海南雞專門店，佢哋係採用無激素冇荷爾蒙嘅雞，識落會更安心🤩配埋佢哋特製嘅三款海南雞醬，就更加好味🤗栢檔極品去骨海南雞 半隻$93佢哋嘅肉骨茶都好好味😋推介另外一定要提嘅就係佢哋嘅皇牌無味精靚湯(南瓜、粟米、紅蘿蔔、豬骨）$16，勁好味，同埋好多料，重點真係冇味精㗎👍🏻另外一定要提嘅就係佢哋嘅皇牌無味精靚湯(南瓜、粟米、紅蘿蔔、豬骨）$16，勁好味，同埋好多料，重點真係冇味精㗎👍🏻滷水元蹄飯及香煎手剁魚香肉餅飯都要試呀，好味🤤

今日放工去咗荃灣同朋友聚舊，就搵左間有好得食海南雞飯嘅餐廳。入到舖頭情L字型非常整潔，有卡位坐。設計色彩繽紛耳目係為主。有一人套餐，亦有二人套餐。我就同朋友，各自叫咗個一人套餐。跟套餐仲有生菜一份贈送非常健康。飲品可以轉冇味精，是日例湯。是日例湯青紅蘿蔔湯非常重雞肉味，湯好濃，飲得出落足料去煲，無加水溝淡個湯。我個鼻平時好敏感，今次飲完無打乞嗤，證明冇味精。極品海南雞飯海南雞非常滑溜嫩口，雞皮好似啫喱嘅口感，好滑。油飯亦都吸收晒雞肉嘅精華，非常香口。 肉骨茶肉骨茶非常重藥材味，落左好多中藥材，如杞子、紅棗、川芎等。味道好濃，湯超大碗，無加水溝淡，亦都有好多豬骨，肉份量超多，食唔晒。香麻辣鳳爪鳳爪很入味，麻中帶辣，可補補骨膠原！抵食嘅，健康無味精餐廳值得再去！

栢檔極品海南雞飯🐔🍚 星期日晏晝，波波有幾個朋友喺荃灣參加Sing Con.，身為「業餘粉絲」嘅小妹當然要到場支持，順便幫佢哋影番幾張相啦💛 趁未夠鐘入場睇比賽，我就行咗去離比賽場地只有一街之差嘅荃新天地覓食…… 💛💛💛💛💛 一人套餐（$ 83）極品海南雞油飯時菜 + 熱菊花蜜 + 雪米糍   雞肉口感嫩滑，再配上三款唔同嘅醬汁，令雞肉嘅味道昇華至另一個層次 - 黑豉油 - 味道甜甜哋，小妹鍾意拎嚟撈飯多啲薑蔥蓉 - 小妹覺得蔥嘅比例太多酸辣醬 - 唔食得辣嘅我都可以接受到，而且我覺得味道有啲似麥當勞嘅泰式辣醬🌶 至於熱辣辣嘅油飯粒粒都被雞油 + 上湯包裹着，而且口感夠軟熟😋，I like it 💛💛💛💛💛 呢間店唔止用餐環境舒適，而且員工嘅服務態度亦殷勤有禮，唔怪得呢間餐廳成日都客似雲來啦～ 💛💛💛💛💛 地址📌荃灣楊屋道1號荃新天地1期地下G27-G28號鋪