栢檔極品海南雞飯 (已結業)

最近行開荃新天地 見到food court對面新開咗一間專門賣海南雞飯嘅鋪頭 眼見好多雜誌如新假期 飲食男女都有提及過依間餐廳 所以就走咗入去試下係咪真係咁好食🤤🐻🐻點咗以下食物:✨栢檔極品海南雞飯 - $64海南雞的三色醬料中的黑醬油 甜中帶苦 久了會回甘 薑蔥挺香 不辣 而酸辣醬也不太辣 似泰色辣醬微辣版 酸甜為主 講返雞件 🐻🐻覺得真心唔錯 屬中上 肉質嫩滑冇雪味 加上肥厚嘅雞皮增添口感 就算食到雞胸肉都一啲都唔”孩” 而且雞件唔會浸得過久而太軟易爛 👍🏻✨秘製滷燒豬頸肉飯 - $64依個豬頸肉🐻🐻誠意推介🤤 肉質爽脆彈牙 加上外皮香脆 就算唔點個酸辣汁都好味!✨肉骨茶 - $52足料 內裏有中藥如杞子 紅棗 桂圓 玉竹 和大量豆卜同多件肉排 味道富有胡椒味都不算太辣 易入口 肉排半肥瘦 軟稔易咬 下次會再encore!🌟Overall: 4.2/5 (性格比高 屬中上)

市道漸趨復常,連小店也被帶旺,這荃灣小店鄰近酒店,人流暢旺,今晚非假日也要等位,安排入座後,看見餐牌的二人套餐極之抵食,就連那個粟米紅蘿蔔例湯,也絕不馬虎,足料好味,另外我轉了個細肉骨茶,藥材味十足,加十蚊值回票價,主打的去骨海南雞配三款酱料香滑滋味實名不虛傳,另一小菜滷水元蹄,大大隻也够滑溜够晒骨膠原,小食揀了麻辣豬耳仔爽口彈牙,加上蠔油生菜,一個清新的配搭,尤其襯上雞油香飯及清湯米粉,令這頓飯既豐富又美味,老板更奉上兩粒日本雪米糍(綠茶紅荳)及(朱古力)味道,不愧連甜品也一流,埋單也只是$230,簡直超值。

荃灣除左係一個民生區，想買既有相宜之外，仲包羅萬有！當然係其中一個我中學既美食啦😊諗住好好食既海南雞飯同喇沙都係超正！話說都有2年左右冇食過海南雞！今日行街經過荃新天地就去搵下有冇店舖食到海南雞同喇沙先😀行左陣見到有間裝修好靚，主要用黃色、綠色、紅色為主調的裝修格調！仲有我好鐘意既花草植物牆！完全唔似香港既格調，好relax!再加上次我都係同柏檔食野，見到佢個名又係叫栢檔！我地都笑左一下！入到去位置好舒服可以打下卡影下相！老闆仲好好人，比左碗好大既肉骨茶我地，入到料子十足，仲有龍眼肉非常入味！再加上肉骨分離，食用方便！仲有豆卜浸湯入哂味！都唔錯！之後叫我想食既主角啦！海南雞加喇沙，完全滿足左我個日既食慾！加上柏檔叫左個豬頸肉飯👍真心讚豬頸肉食到唔想食！好滑唔肥，仲有三個醬汁可以點！有甜酸醬，海南雞醬油！仲有蔥油！滿足想每次食同一樣野都有唔同味道既人😊仲有一個小食麻辣豬耳！好香唔算好辛辣！唔食得辛辣都唔會好辣！最後飲品叫左個熱既銀菊露滋潤下，老闆最後仲問要唔要甜品😊但真心講己經好飽😁想食飽滿足下次可以黎呢間！

🔸極品海南雞 配 雞油香飯 一人套餐 $83一人套餐相當豐富套餐包括：皇牌無味精靚湯或飲品極品海南雞、健康翠綠時菜、雞油香飯、迷你雪米糍1粒無味精靚湯好濃郁，濃到似飲到湯底嘅湯咁🤣湯內有南瓜、粟米、紅蘿蔔、豬骨等，真材實料味道就比茶記飲到嘅例湯稍為淡咗少少不過飲完之後都冇口渴嘅感覺，飲得出無落味精海南雞配上三款醬料：醬油、薑蓉、酸辣醬海南雞份量非常足夠有少少雞味，食落都幾軟滑雞皮有彈性，入口啖啖肉配上雞油香飯，幾夾迷你糯米糍係朱古力味入面有少少雪糕跟餐送嘅唐生菜，入口爽甜冇菜渣 味道：7/10性價比：7/10🔸秘方鹵燒豬頸肉飯 配 雞油香飯 一人套餐 $83一人套餐內容同海南雞飯一樣分別主食係海南雞或豬頸肉飯豬頸肉肉質嫩滑厚切爽口，邊位燒得燶燶哋好香醬汁香鹹可口味道：7/10性價比：7/10🔸香麻辣鳳爪（跟餐加$18）🔹環境：座位唔算多，餐廳以4人座位為主枱與枱之間都有足夠空位👍🏻🤩一人套餐份量十足，價錢好親民喺荃新天地嚟講，都算係抵食嘅晚餐👍🏻🗣不須加一服務費-人均消費：～$100-整體味道：7/10性價比：7/10-#栢檔極品海南雞飯📍荃灣楊屋道1號荃新天地1期地下27-28號舖

海南雞作為招牌菜，梗係要試下叫左一隻海南雞同朋友share 雞肉清涼爽嫩，幾乎無肥肉一啲都唔「鞋」口海南雞飯點三色醬就梗架啦鋪頭嘅醬非常用心紅醬加左冬陰公湯味、青色薑蔥醬味道溫和佢地的黑豉油［陳年·黑鼓油黃］仲拎左意大利米蘭EXPO 世博展覽館嘅世博大獎不妨點多少少🤏更加突出雞嘅鮮味香煎魚香肉餅肉餅帶有咸魚香,面頭煎香,好鬼開胃一食就忍唔住食哂成塊👍飯都食多左兩啖🤣秘方滷燒豬頸肉豬頸肉烘到乾身但又未去到太老,口感爽 特別既係本身醃既香料味唔多食得到真正既豬頸肉香味😬😬肉骨茶原裝正宗既肉骨茶味道獨特,未必人人鍾意 特別要讚鋪頭,保留足料既湯料之餘將口味調過,碗湯入口甘甜又唔會有藥材味 好有心思🥰🥰

荃灣呢間海南雞飯都幾好食！店舖光線充足，環境新淨，而且食物價錢唔貴～有一人套餐有菜有湯，都係唔洗一百蚊！第一次黎食見到環境咁靚價錢又唔貴就入左去食~ 呢度食既都係新加坡菜，除咗海南雞，仲有肉骨茶、喇沙等知名新加坡菜式～我同女朋友黎食就叫左個二人套戲，同一人餐相比之下，二人餐係有半雞海南雞同會有個特色小食～鐘意食海南雞既朋友可以叫呢個套餐～佢地既海南雞係無骨的，雞肉好滑，雞皮都好簿～唔會好油膩🥰 餐廳仲要標榜係無激素、無抗生素添！夠晒健康！ 食飯其間都有街坊黎專程買半隻雞外賣～特色小食方面，我叫左麻辣鳳爪，都係無骨～個辣度好岩我，好味！二人套餐既另一份餐我叫左燒豬頸肉飯🤤份量好多，佢地既豬頸肉係有滷左再燒的，食落都好爽口好juice🥰餐飲方面大家都會選擇飲老火湯～ 南瓜粟米蘿蔔豬骨湯，料足味濃～感覺好健康！二人套餐都唔貴，好抵食～🥰最後仲有個雪米糍甜品～

咁啱嗰日係Citywalk行完街經過間餐廳就入咗去試吓，餐廳都算大，每張枱都隔左啲距離坐得舒服，最緊要係好多梳化位！嚟到海南雞嘅專門店就一定要食返個海南雞飯啦，隻雞好滑同埋好厚肉，加埋個汁食真係好正。我朋友就嗌咗滷水元蹄麵，真係估唔到係一間食雞嘅專門店度元蹄都做得咁出色，超級惹味同埋炆得好琳！本身小食想嗌腎片，不過職員話嗰日冇貨，所以就叫咗麻辣豬耳仔，都係非常出色，同埋唔係太辣如果鍾意坐得舒服嘅朋友仔，不妨試吓呢間餐廳！

去到荃新天地睇戲順便食飯 地下最多食肆揀 今日就試下呢間海南雞鋪頭唔大 但坐得都好舒服 仲有自修位 就算自己一個人食飯都唔驚✨皇牌無味精靚湯係粟米紅蘿蔔南瓜湯 真係無味精 飲落超甜 勁足料 仲食到一絲絲既南瓜蓉 而且飲完唔會覺得口渴 ✨極品海南雞（半隻）海南雞好滑 起晒骨 食落啖啖肉 有雞味 必點👍🏻仲有三個醬比你配 酸辣醬 甜豉油 蔥油 我最鍾意酸辣醬🤭✨香煎手剁魚香肉餅呢個都好推介👍🏻 煎得好香脆 但食落一啲都唔油唔乾而且鹹魚同豬肉比例好好 唔會過份鹹 超送飯✨油菜及小食油菜份量都好大碟 食得多肉有菜清一清 感覺都舒服啲小食揀左雞腳 小小酸辣 咬落爽口彈牙✨雞油香飯 / 絲苗白飯雞油飯勁推介 配海南雞一絕 食落有雞油既香味仲食到蒜香味 但又唔會覺得好油膩 加埋海南雞更加好味😋✨迷你雪米糍細細粒 完美Ending 唔駛驚超級飽食唔落🤭叫左個二人餐 $220 前菜主菜餐湯甜品都包晒 而且價錢唔貴 性價比勁高仲要讚一讚啲職員 服務態度非常好 而且聽到佢地講既野 可以感覺到佢地工作氣氛好好 好有人情味可惜既係 餐廳其實位置同裝修唔算亮眼 唔係咁容易留意到 所以大家想試一定要細心留意啊🙌🏻

放工想食個快飯，去左荃新天地搵食。我地叫咗兩個set，再加左兩份小食。呢間餐廳最出名應該係海南雞飯(睇個名😂)我地兩個都點左，一份配返傳統油飯一份配叻沙。雞件多，嫩同多汁，同我配嘅油飯好夾，我果碟仲有少少髀位🫶🫶而配叻沙啱晒鍾意濃味嘅，麵底係摻摻（米粉+油麵），加埋冇咁索湯，辣度同椰奶味道啱啱好。食果陣發現隔離幾張枱都配湯，我地點左一碗試下，飲落清甜，湯料多而且冇加味精。兩款小食都係麻辣味，少少辣，個人鍾意無骨鳳爪😋😋😋皮爽彈牙😋😋總括而言，店員友善服務好，家庭式氣氛，食物抵食有質素下次晏晝黎食。

商場低調抵食餐廳，荃灣之天橋之都，行到去荃新天地一期地下電梯一落就是，橙黃青主色系logo tone既裝修，非常光猛乾淨。職員好有禮貌，介紹佢地出名既海南雞，本身諗住嗌一隻，但佢見地兩個女仔未必食得晒，建議我地分開嗌兩個餐仲好，又平d又可以試多d，超級好！最後更平既價錢可以嗌到一台都係，滿足~栢檔海南雞飯 $64海南雞係雞胸同雞翼部位，雞胸都好嫩滑，啖啖肉有雞味，點埋佢嗰三個醬一齊食仲滋味，配埋油飯，油香四溢，一個字: 正肉骨茶配白飯$64估唔到呢度幾十蚊就有肉骨茶食，都幾多排骨，分俾朋友試都得，啲肉煲得好淋好嫩滑，一咬成舊骨就出咗嚟，個湯充滿藥材味，有龍眼肉，淮山等，好足料，豆腐卜索晒湯汁，送飯一流香麻辣鳳爪$28無骨鳳爪，睇個樣都見到好入味，食落有陣陣麻香，但又唔會好辣，唔食得辣嘅都可以一試時菜$18加多個菜，蠔油另上，$18好大碟好抵食加$14仲可以有特飲。荃灣低調扺食舒服之選！一定要黎試下。

荃灣多野食，有平有貴，有中有西！一直係我最鐘意去的地區！天氣涼涼地，今日就想去搵D南亞風味暖下身！食野最緊要無味精，感覺健康D！今日係IG 碌到一家主打「無味精」的馬拉菜館，下午茶價錢平平地，選擇又多，就同朋友直接入去坐了。係荃新天地一期地下，Foodcourt 旁邊，栢檔極品海南雞飯就係大家樂對面。第一眼就被佢嘅海南雞吸引住，無骨、無味精、係廚房外邊已經睇到滑溜。我同朋友就order 左一份海南雞飯、魚餅米粉以及肉骨茶。上菜好快，員工服務態度都好好。擺盤時，員工提醒全部菜式都係無味精。🍗極品海南雞飯 🍜 ($46)首先要讚海南雞去骨走肥，啖啖都係鮮味！+$12仲可以揀雞脾肉。油飯香而不膩，乾爽，無論係單獨食定係夾餸食，都非常好味。🍯香煎手剁魚香肉餅飯🍗 ($46)魚香肉餅飯有驚喜，因為混合左豬肉，所以會更挺身。朋友因為唔想食飯，就選擇了配湯米粉。魚餅加湯一齊食，口感柔嫩。單獨食就脆口味濃，兩樣都推薦。🍗肉骨茶🍜($46)馬拉菜當然唔少得肉骨茶啦！藥材配合香料，肉排以及豆卜一齊煮，肉排都係用筷子一撕就開。湯底亦都十分足料，但可能因為無味精的關係，口味相對淡口一點，重口味的朋友就要注意了

成日經過呢間餐廳但未有機會試，呢日想食海南雞飯即刻諗起佢，叫咗兩個一人套餐，$83唔使加一，除咗主食仲有一碟菜、雪米糍、湯或飲品，都算幾抵食，店員親切同客人有講有笑，加分～🔘極品海南雞跟白飯係雞髀同雞胸位置，熟度剛好，保持到雞肉嫩滑，店員推介將三色醬汁撈埋一齊先再點醬會更加好食，又真係喎，口感更加豐富，蠔油生菜同雪米糍就發揮正常，凍檸茶少甜都好飲~🔘極品海南雞喇沙喇沙係油麵加米粉，有豆腐卜同埋半隻蛋，大量蔥同花生碎好香口，湯底唔辣有椰香，呢度靚湯寫到明無味精，飲落味道好濃郁，飲到有陳皮味，感覺食喇沙好似會飽肚過食飯，非常豐富又幾好味，好有住家飯嘅feel，有湯有菜~ 👍👍

荃灣出名多小店美食，最火熱莫過於「楚撚記」，可惜今次吃唔到呀！ 經過荃新天地，原來開了不少食肆！當中更有至愛的海南雞呀！這家名為「栢檔極品海南雞飯」的專門店是香港老字號，以精選靚雞為主打，招牌菜為去骨海南雞飯，使用健康的雞隻，做出美味又健康的海南雞飯。去骨的海南雞採用無激素、無抗生素的「三黃雞」，雞肉嫩滑，味道濃郁，且皮下脂肪極少。此外，店家還提供三款專用醬汁，包括海南雞豉油、薑蓉和酸辣醬，搭配最重要的雞油香飯，無法抗拒。

我最鍾意食海南雞飯 所以最鍾意搜羅唔同海南雞飯專門店最近比我搵到呢間好出名嘅栢檔極品海南雞飯😋今次去咗荃灣分店 我就同朋友叫咗個二人套餐有半隻海南雞、兩碗湯、一款主菜、一款特色小菜以及兩碗雞油香飯 最後仲附送兩粒雪米糍😋-▫️栢檔極品海南雞飯 半隻無骨嘅海南雞飯真係啖啖肉😋雞肉又嫩又滑 仲入晒味 有三款汁可以點 真係好食到停唔到口😋-▫️皇牌無味精靚湯 粟米、南瓜、紅蘿蔔、豬骨湯員工話多年嚟都係依款湯 熱愛煮家老火湯嘅我真係覺得好好飲 好足料 好濃郁 超好飲😋-▫️肉骨茶 (+$10)肉骨茶超足料 仲有兩舊豆腐卜 味道係超香濃 飲完成個人暖笠笠🥰-▫️香煎手剁魚香肉餅(主菜)蒸肉餅就食得多 香煎肉餅真係好特別好香脆 而且味道好惹味 經過手剁後嘅肉質特別好食-▫️麻辣豬耳仔 (特色小菜)超大一碟麻辣豬耳仔👂🏻辣度輕微 唔太食得辣嘅朋友都唔使驚🥰好惹味好爽口 好正😋-▫️雞油香飯 (可選白飯)好香嘅雞油飯 食過其他餐廳嘅油飯好硬但佢哋嘅油飯軟硬適中 入晒味 配海南雞飯一流👍🏻

📍 栢檔極品海南雞飯 荃灣荃新天地一期G27號舖

放工係荃灣行下街 ，見到依間新開既栢檔極品海南雞飯CP值非常高 ！！ 係有小驚喜嘅餐廳喔
最重要係冇味精、冇激素、冇抗生素、夠曬健康我哋叫左兩款一人餐 ：
包括主食+油菜+餐湯/飲品及 雪糕糯米糍


極品海南雞飯 + 油飯 ：

香噴噴嘅海南雞飯👍 雞很嫩滑，份量亦多
而個油飯有滿滿的雞油香味 十分滋味❗️仲有是日時蔬菜 清清地配上蠔油 好味道得黎又好健康

肉骨茶 ：
藥材味道濃郁， 陣陣胡椒香氣 非常之出色！ 
材料除了有排骨外，還有豆卜等配料 ～ 
養生又補身既感覺👍 私心推介！！

極品海南雞喇沙 
一上枱已經聞到椰香味， 喇沙食落好濃味好香
用左米粉米線滲滲，麵條爽口彈牙 吸曬湯嘅精華！