栢檔極品海南雞飯 (已結業)

柏檔極品海南雞設計新頓幾trendy, 有個花草既特色牆，更添時尚感！主打食海南雞當然一定要食海南雞，叫左2人套餐！要左海南雞半隻， 鹵水元蹄！還有個皇牌冇味精靚湯，湯料有南瓜，粟米，紅蘿蔔，豬骨！睇見個湯頭都知夠足料！味道夠哂綿密而且夠哂熱，好滋潤既感覺！南瓜半溶既感覺甜絲絲來得自然。海南雞份量非常足夠而且係冇骨所以啖啖肉，口感非常正！再配上醬油，香蔥，秘製辣汁更添層次！食唔停口。肉質唔會乾，仲係非常嫩滑！再配上黃飯，感覺更優香，齒頰留香！鹵水元蹄骨膠原非常豐富，食起黎有黏口感！而且個醬汁非常濃郁夠入味！這個雙拼好夾，好好食。

最近疫情不能出國，出街食飯，總愛找外國菜試試。早排同媽媽去探親戚，就順便到這間餐廳食午飯～舖頭門面及裝修樸素，但食物出乎意料的高質、抵食，引來不少街坊幫襯/外賣！——————————🔹二人套餐 $188食物選擇不算多，不過選擇困難症的我，還是點了二人套餐，有齊肉、菜、飯及湯，飽得來又試到招牌的海南雞🐔-極品海南雞（半隻）+雞油香飯海南雞份量剛好，雞皮油滑，肉質滑溜不乾身，搭配傳統的黑醬油、薑蓉及酸辣醬，風味十足！油飯加入雞油去煮，香而不油，飯粒煙韌，粒粒分明，同樣不錯！-豬頸肉豬頸肉外層乾身，入口爽口彈牙，食得出焦香味，惹味。-皇牌無味精靚湯必點！湯用南瓜、粟米、紅蘿蔔及豬骨熬製，不加味精，質感比濃湯稀少少，但入口就知用料十足，湯頭濃香，充滿蔬菜的鮮甜！

今日帶家姐去西環食海南雞，呢間專門店食過一次，好食又難忘，有好嘢一定要介紹。午市套餐好抵食，包餐湯或飲品，主食，油菜，一百元不用。海南雞必食，皮薄肉嫩，皮下脂肪不多，肉質細嫩，啖啖肉。三種醬汁蘸食，各有特色。我喜歡薑蓉那款。雞油飯有著濃厚的脂香，又不肥膩，正！老火湯真心推介，絕無味精。材料十足，濃稠。家姐就點了海南雞喇沙，湯底辣度適中，可接受程度。配料的豆卜，芽菜，雞蛋好足夠。尤其豆卜，麵條吸盡湯底精華，特別滋味！

雖然有返晚市堂食，但食多咗外賣都覺得有佢嘅好處。就好似星期日晚咁，買外賣我哋先趕得切睇英超開波⚽️。朋友嗌慣嗌熟，撥個輪去「栢檔極品海南雞飯」落定單，15分鐘去到準時有得拎。我之前食過其他分店，堅尼地城店就只係喺門口經過。未睇舖名，仲以為係Cafe嚟，因為裝修幾靚，用上花花作點綴🌸，而且燈光明亮，環境舒服，乾淨衛生。如果有時間，我一定坐低堂食。食物選擇其實都幾多，唔係淨係得海南雞。餐廳有提供一人或二人套餐，係抵嘅。但我哋又完全無興趣食油菜🥦🙈，加上想食多幾款嘢食，所以散叫更啱我哋胃口。好彩我哋早著先機，因為接連聽到唔同餐目賣哂，遲多步可能就無得食。店內員工有禮，服務態度優秀，同時外賣包裝得好好🥡，完全無跌漏嘅風險。我想對下食物喺咪齊哂，廢事半場要落過嚟，佢見狀立即主動協助，好人到一個點，搞到我有啲唔好意思😛。佢哋包外賣果然有一手，既快捷又穩陣。極品海南雞喇沙($60)，海南雞就食得多，但配喇沙就無咁常見，而且更加可以一次過食到兩款滋味✌🏻。餐廳會主動將喇沙湯同麵餸分開上，咁就唔使驚外賣食湯麵會淋。海南雞不愧為呢度嘅招牌菜🐔，去骨後依然厚肉，唔係得返層皮，再者份量本身都多。即使係啖啖肉嘅雞

今日放學都差唔多七點，放學之後同朋友喺西環呢邊食個晚飯先返去。朋友話想食海南雞飯，於是我哋即刻上網search西環邊度有海南雞飯食，見到呢間栢檔極品海南雞飯好似裝修幾乾淨企理咁，就入咗嚟食啦。乜都想食下咁，重點係又想食菜又想飲湯，見到個二人餐有半隻海南雞、一份主菜、兩碗皇牌冇味精靚湯、一份時菜同埋兩碗雞油香飯，成個餐都只係$188 ，就果斷揀咗呢個餐啦。半隻海南雞入面有雞髀位，又有雞胸位。我一開始食雞髀位覺得好滑，啲雞皮都好香，以為純粹係因為雞髀位啦，點知原來連雞胸位啲雞肉都咁好食，點埋醬汁仲正。主菜方面揀咗滷水元蹄，元蹄煮得入味，啲皮好彈牙，就算知道會增肥都忍唔住食晒。飯其實可以揀要油飯定白飯嘅，白飯就健康啲，但貪食嘅我就揀咗油飯。飯粒軟硬適中，充滿油香，但識落又唔會覺得太油，幾好。湯嘅材料豐富，味道清甜得來又濃郁，飲到一絲絲嘅南瓜，值得一試。時菜相當重要，食咁多肉一定要食返啲菜先覺得健康。時菜爽口清脆，菜嘅蠔油可以揀另上，想清淡啲可以唔要蠔油。如果仲想飲其他飲品嘅話，可以加$8要其他飲品，朋友揀咗凍檸茶。服務態度都好好，店員好有禮貌，值得一讚。

今日去堅尼地城嗰邊做嘢，做完嘢之後就專登去試哩間都幾出名嘅海南雞飯專門店，店舖距離地鐵站唔係太遠，一條大直路行兩個街口就到。店舖裏面嘅環境相當寬敞，有卡位同埋高凳可以揀，咁我當然係揀卡位啦😆咁啱仲對正佢嘅綠色牆，方便打卡📷佢個餐牌上面除左可以單點嘢食，仲有一人套餐同二人套餐，我哋就揀咗個二人套餐，佢個套餐真係勁抵食。🎈二人套餐-皇牌無味精靚湯-極品海南雞（半隻）-豬頸肉-健康翠綠時菜-雞油香飯🥣皇牌無味精靚湯今日嘅靚湯係南瓜紅蘿蔔煲粟米湯。呢個湯好足料，裏面有兩舊粟米、三舊紅蘿蔔同埋一舊豬骨，飲得出熬咗好耐，味道好濃，聞落去仲好香南瓜味，同埋真係完全冇味精。🐔海南雞（半隻）半隻海南雞嘅份量都好多，佢包埋三項配料，包括甜鼓油，辣醬同蔥油。食得出係用左新鮮雞，而且雞肉非常嫩滑，難得嘅係，即使係雞胸肉都唔會「鞋」，而且佢呢度嘅雞好少骨，基本上一放落口咬完就吞得，加上味道真係非常唔錯，推介👍🏻🐷豬頸肉呢度嘅豬頸肉燒得唔錯，每一塊豬頸肉嘅邊緣都非常脆身，而且肥瘦適中，有合適嘅油脂，唔會乾，同埋每塊都好大塊，食落啖啖肉。🥬生菜生菜唔會煮得太過熟，仍然保持脆口。🍚雞油香飯呢度嘅油飯亦都唔錯，煮得乾身

My partner and I came across this eatery whilst looking for places to eat in Kennedy Town. When we walked along the street, we were attracted by its relaxing & comfy ambiance.Decorated with yellow & green with a beautiful feature green wall, the place is bright and inviting, clean and fresh. Their staff were friendly and most welcoming too.If you’re craving for the Hainanese chicken rice in the area, Pakdon is a good place to stop by!Set Meal for 2 (HK$188)Hainanese Chicken (Half)👍👍👍👍👍The bone

有日放工經過西環，見到間幾多人等外賣的新開海南雞店，見到餐牌選擇都多而且價錢非常合理，就入去買回家食！店內環境都好靚，充滿大自然風，而且店員服務態度都好好，在點餐後會招呼你到旁邊的座位坐坐等外賣。因為太喜歡吃海南雞的關係，點了2款都是海南雞的，海南雞飯+喇沙，有一款還加了$12 要脾栢檔極品海南雞飯和極品海南雞喇沙的雞肉肉質都好新鮮同有嚼勁，出乎預料地好味，同每塊都大大舊肉，估唔到$60的海南雞飯可以如此高質。套餐還有無味精靚湯/飲品和菜附送，好健康。喇沙亦好香椰香味，而且味道不會太辣，將雞連湯一起吃，更滋味。另外還點了個肉骨茶暖暖身，肉骨茶用上豬尾煲，非常有心思，而且湯好濃，還有好多豆腐，性價比頗高。好開心又找到間cp值高的餐廳！

就快唔需要晚上買外賣啦, 但係喺解之前, 買外賣仍然係日常的今日就係食海南雞嘅套餐, 二人套餐嚟講, 呢個餐只不過係188蚊, 最重要係佢嘅海南雞非常之正, 個雞皮散發出雲尼拿嘅香味, 愈食愈入味 另外仲有冇味精嘅靚湯, 非常之足料, 而且非常的香濃, 粟米再加埋紅蘿蔔一齊煲, 非常之入味另外再要咗個香煎手剁魚香肉餅, 外脆內軟, 返到屋企食之下嗰個質感仍然保持另外再加埋大大條嘅菜，雞油香飯, 真係非常之香濃, 每一口都感受到濃濃嘅雞香味雞油嘅香味 , 最正就係海南雞非常之滑, 真係十分之贊招牌菜

今日行過屋企樓下見到呢一間新開左唔係好耐嘅拍檔海南雞飯專門店。見到屋企之前收到佢嘅傳單有優惠就試下。因為夜晚仲係冇得堂食嘅關係所以叫咗外賣，但係都唔錯👍首先舖頭因為夜晚冇堂食以冇咩人，但係都見到有唔少人過嚟買外賣食。舖頭裝修仍然好新淨，有種乾淨企理嘅感覺。今晚就叫咗個海南雞飯二人餐分別係有海南雞飯半隻，仲有油飯，而且仲有一個小菜、一個油菜同送埋兩碗湯。外賣佢用咗一個個唔同嘅盒裝住，真係好衛生，而家疫情咁嚴重啱晒啦。食海南雞啲雞係最緊要隻雞，而餐廳都處理得好好，因為啲雞好嫩滑而且好有雞味。而且啲醬汁佢每款都俾咗三樽我哋，唔使怕唔夠。至於個飯方面就好有油飯香，而且份量都幾足。至於今日另外叫咗個炸魚餅，同樣地都係好香口好好送飯。下次去堂食即食嘅話應該會更加好味。至於個湯方面都係我另一個加分位，個湯唔單止唔係行貨，而且仲好出色。今日個湯係南瓜粟米紅蘿蔔煲豬骨。個湯超級有南瓜香而且勁濃。所以都幾期待下次可以堂食再試呢一個可能雞飯同其他小菜。

臨近年尾真係好忙，唔想煮飯唔想洗碗😂買外賣就最快捷方便！呢間海南雞裝修唔錯，環境新淨企理，坐得舒服，不過由於過咗六點，我只可以揀外賣🙈外賣盒實淨，包裝穩委。🌪拍檔極品去骨海南雞飯 $60雞皮薄身，冇多餘肥膏，口感爽彈唔油膩，雞肉嫩滑多汁，冇骨啖啖肉，食得過癮！油飯油香十足，但又唔會油淋淋，唔錯！🌪滷水元碲飯 $60好入味嘅滷水元碲！豬皮入味，軟腍得嚟依然充滿彈性，重重骨膠原🤤元碲肉質鬆化，同時好滑溜！滷水汁帶甜唔鹹，啱哂我口味。🌪香煎手剁魚香肉餅飯 $60肉餅肥瘦適中，煎過後仍然保留肉汁，唔會乾身，魚香惹味！🌪健康翠綠時菜(跟蠔油) $20生菜爽甜，而且份量仲唔少！

講開海南雞 一定要提“栢檔”呢間舖頭 海南雞品質高 好多街坊都會去買半隻雞當加餸 味道夠晒地道 外賣自取🥡有九折-🐔#海南雞飯 $60切件黃油雞起晒骨 雞皮色澤鮮黄 雞肉嫩滑 秘製甜豉油色澤深邃 味道鮮甜 薑蔥茸油香豐腴 點雞食或者撈飯🍚都咁滋味 -🍖#滷水元蹄飯 $60滷水炆得入味 元蹄皮軟滑而富彈性 口感肥而不膩 肉質鬆軟唔黐牙😬 耐不耐食吓 補充骨膠原都幾好 -🐽#滷豬頸肉飯 $60唔鍾意食皮或肥肉 又或者order俾小朋友 可以揀豬頸肉🥓 佢擁有軟滑爽彈嘅口感 用滷水調味更健康-🥣#靚湯 加$8健康🌽🥕冇味精靚湯每日鮮煲 跟飯追加$10都唔使 好飲抵飲過汽水凍飲-📍#拍檔極品海南雞飯西環堅尼地城卑路乍街68號 Imperial Kennedy 地下2號舖

出街搵野食但今日想搵D健康D既餐廳，朋友話呢間拎過好多獎又標榜冇落味精，於是我同佢就去左食呢間栢檔極品海南雞飯!店舖裝修時尚，有卡位、BAR台位同位選擇，仲有個少少既花草牆，岩晒店舖健康既感覺，忙完收工入到黎都被refresh左下。一人套餐 ($74)，有極品海南雞+雞油香飯之餘，仲有碟生菜，飲品，價錢算係非常貼地。海南雞我仲加12蚊轉左雞脾，雞肉非常鮮味嫩滑。附有3款醬汁，包括濃濃略帶甜味的黑醬油、薑蓉，以酸辣醬汁。黑醬油帶有微微醋味，最鍾意點呢款!滷水元蹄一人餐，滷水入味但唔會過咸，元蹄燜得軟綿綿，腍身嫩滑又滿滿骨膠原，一定要連皮食埋~每人加左8蚊飲埋個無味精靚湯，個湯真係非常足料，南瓜溶晒入湯，好濃郁，我地連D湯渣 (紅蘿蔔粟米豬骨)都食晒。生菜都幾大碟，新鮮翠綠。飲品方面我地叫左檸賓同柚子蜜，茶餐廳要飲呢D通常再要加錢，呢度就唔洗~好耐都冇飲過呢兩款飲品，好味!店員非常親切有禮，上餐會叫你慢慢享用，而且份量幾大下，難怪都有幾多街坊客幫襯。宜家外賣有9折，食緊個陣不斷有人叫外賣海南雞 ，$139.5 (9折後)一隻海南雞 ，認真，都幾抵!買盤菜送雞同酒，新年都諗得過wor!

西環美食多，有屹立多年的老字號，也有新進潮興的，集結各國，各式各樣。今日選中了呢間海南雞飯專門店，得奬無數，無味精，係健康之選。位於地鐵站附近，非常方便。栢檔極品去骨海南雞飯雞皮金黃色凙沒有多餘脂肪，肉質軟滑，肉味香濃，啖啖肉好有口感。雞油飯好香，粒粒充滿油香，又不油膩。皇牌無味精靚湯呢個靚湯真的要讚，原汁原味絕無味精。材料十足，有起沙的質感，夠滋潤。食物水準好之外，價錢又合理，服務態度亦周到，非常滿意。

又係禁堂食既日子，今日一路返工一路就好想食海南雞飯～結果返到屋企附近我就去咗呢一間我哋成日都會幫襯嘅街坊店，栢檔！佢地啲雞係真係幾好味，媽咪成日會斬半隻雞返屋企送飯～～～去到姐姐好nice, 即刻會問你想食咩 又會推薦佢地有咩拿手菜（但我已經係老街坊😎 已經一早知啦hahaha）等左十分鐘左右，哥哥就叫號碼啦～～好，返到屋企即刻開動！ 推薦零MSG 老火湯～～～～除咗海南雞飯，我仲叫左海南雞喇沙同魚香肉餅飯～每樣都係$60，媽咪再叮囑我要幫佢加個湯+$8 ，因為佢啲湯係無加MSG ga! 佢個雞皮薄肉滑，而且雞份量好多！！ 佢仲會比三款醬你 甜鼓油酸辣醬同蔥油～～我就最鐘意個酸辣醬 勁開胃！跟住老爸既海南雞喇沙，個湯唔太辣，我偷試左啖，椰香重再加微辣好開胃！ 再加埋豆卜勁吸湯～～最後我既魚香肉餅都好正，份量都好多！！炸到好香脆，魚肉餅唔會好肥正正正佢地由上年起，外賣都一律九折，計埋一個飯五十幾蚊有找，所以都好多人等！因為真係好高汁吖啲雞～～