桃子Cafe (已結業)

第一次光臨這店, 因為被門外的大字吸引.....≪日式蛋包飯專門店≫ 甘厲害, 甫坐下便 order 2款鎮店之寶先； 即叫即做，所以在等候期間，好客的老闆和員工和我倾下計了。。。原來老闆從前在五星級酒店做廚師的, 為了可以自主, 不想再埋頭苦幹為别人而活， 故此把心一横，憑著自己超過三十多年豐富的廚藝經驗, 出來創一番事業, 盡情發揮！ 幸好老闆有這決定, 甘我地就有口褔了 。。。日式咖喱吉列豬扒蛋包飯 ~ 用上名貴食材：穀飼豬， 天然健康飼養, 肉質是超嫩的, 配上香香脆脆的麵包糠外皮， 嘩，天下無敵！ 嘗一下"日式咖哩"先， Wowwww... 用多種蔬菜淆製和調味, 所以特別香甜, 成碟咖喱汁都給我舔乾乾呢 和風鰻魚蛋包飯 ~ 成隻碟甘長, 真係好誇張喎, 難怪枱枱都有叫啦! 日本進口的鰻魚, 十分矜貴, 坦白說, 在超级市場買, 都要這價錢 呢度仲有埋珍珠米和厚切 “湖北蛋＂, 老闆挑這貨, 是因為蛋黃夠大, 重要是有蛋香, 你看, 顏色很鮮豔呢 難怪吸引了很多年青人光顧, 絡繹不絕, 我顿時都變得年青了!

周日與好友到百老匯看電影，開場前先吃午餐醫肚，本來打算到附近掃街便算，但好友胸有成竹帶著我到cafe內開餐。 mono cafe位於女人街內，相比一般cafe它的裝修算是簡約，只是於牆身畫有大大個的香桃公仔。 這裏的lunch set選擇非常多，價錢由HK$42 - HK$98不等， 當中已包括了餐湯或飲品。 和風鰻魚芝士蛋包飯這個鰻魚芝士蛋包飯的賣相一流，鰻魚非常大條，口感結實肥美，而下層就是蛋包芝士， 店員還特色向我們介紹餐廳用上湖北雞蛋，所以味道更鮮，色澤亦較深，覺先最重要是它比日本蛋大隻，味道更香濃。 和風鰻魚汁雞粒炒意粉個人認為這個炒意粉的味道不錯，雖然味道到偏向重口味，不過，意粉加了鰻魚汁後，出奇地鮮味及入味，加上意粉口感煙韌彈牙，掛上鰻魚汁後非常惹味，推介。 雜果賓治店員向我們表示這裏的雜果賓治用上酒吧製法，內裏加入了石榴汁、橙汁及雜果肉等，所以味道較一般cafe喝到的，果味更香濃。

第一次去食，叫左碟海鮮意粉，材料只得蟹柳幾粒魷魚完，野菜肉醬飯，肉醬同啲飯一樣難到，無口感也沒有味道可言。只是沙津較為好少少，全單咁就160幾，完全唔抵食。屋企煮仲好食過佢，不會回頭再食完。

前日同朋友S係旺角行街買野佢心血來潮想食蛋包飯 我就在Google Search下旺角邊度有蛋包飯食第一間就show桃子cafe 睇落d評語都好正面而且好就腳就去左間餐廳都接近滿入到去老闆娘就執左張卡位我地坐講下D野食先。。我地兩個叫左和風海鮮卡邦尼意粉（$68）同和風鰻魚芝士蛋包飯（$98）加左$18有個沙律同餐湯兩個Share😼沙律菜好新鮮爽口 讚忌廉蘑菇湯好creamy 🤤意粉同蛋包飯賣相超好 而且估唔到咁大碟隔離枱見到都覺得好吸引 又叫返同一樣野😂呢度個老闆娘好有熱誠 見到佢成日推介d客邊樣好食和風鰻魚芝士蛋包飯賣相好好 鰻魚好大條 老闆娘特別介紹佢地係用日本鰻魚同珍珠米蛋就係用湖北蛋 因為蛋黃多 蛋白少 煮出黎既蛋色澤會靚好多 大家睇相就明味道也是很好鰻魚蒲燒到皮微脆 魚肉豐腴富油香 最重要係我食唔到有骨😻蛋煮得滑溜 蛋味也濃和風海鮮卡邦尼意粉上枱嘩左聲 超大碟食落去好重奶同蛋味 沾滿哂d意粉仲有好足料 每一啖都食到餸 𡯁其係八爪魚好爽口彈牙 但我地兩個食唔曬總括D野食好大碟 價錢抵 食物品質佳 性價比好高服務態度好好有段小插曲：食食下飯落好大雨老闆娘不單只提客人要拎遮仲叫客

路過見到女人街見到呢間以咖哩蛋包飯為主的餐廳，鐘意食蛋包飯既我梗係唔會錯過！咖哩漢堡蛋包飯賣相很好，而且漢堡大大舊，好足料，調味岩岩好。而咖哩汁味道都尚算濃郁，但比較濕同稀身，價錢都比較貴。香草蜜糖雞翼香噴噴，如果蜜糖味再濃啲就更好。整體食物質素還可，服務就一般，味道唔算話好有驚喜，但值得一試。

叫了一個饅魚芝士蛋包飯及一個帶子炒飯。所謂蛋包飯，蛋和飯是分開的，飯亦只是普通的白飯，何來蛋包飯？味道普通，應該叫饅魚芝士蛋飯，無疑是十分貼地的住家飯。帶子蛋炒飯，炒飯送到的時候已經冰冷，從點餐到送到只是30分鐘，但已結成一塊塊，炒飯並非乾身，但又不是濕炒。賣相和味道讓我想起大學的頹飯，味道非常清淡，帶子分量也十分少，是十分健康的一碟碟頭飯。吃過這餐才明白媽媽的住家飯非常出色，這間餐廳的食物讓我想起有家的幸福感覺。

In such a hot weather right now, I just feel like walking into any cafe to have my lunch immediately. After buying some stuffs at Tung Choi Street, I walked into Momo cafe as i was attracted by their lunch set. It was located at Tung Choi street, around 4 minutes walk from Mongkok MTR.Their lunch set was very comprehensive, offering up to 16 choices. It came with either a drink, soup or salad. Besides that, they served snacks and salad as well. Lychee soda - It was very refreshing cool and gassy

雖然地方細細。但係環境都ok 。見到有用心去裝潢過。食物方面都唔差。個日食左個日式茄喱漢堡蛋包飯~老闆話呢個係用安格斯西冷手打出黎既。的確值得一試。唔會太乾。仲有好多肉汁tim 。仲要呢間cafe十分抵食。佢既份量都好大份架。唯一美中不足係。以cafe黎講。佢地既飲品杯係唔勁靚

今日行完街街同朋友食埋晚飯, 行入女人街見到呢間專食蛋包飯既餐廳, 入到去有禮既老闆娘帶到我們到坐位上, 她也介紹了今日是日餐湯係忌廉粟米湯, 我們也望望餐牌, 原來不單只蛋包飯, 原來仲有意粉選擇. 我地加左$10要左餐湯, 味道好似日本個隻粟米湯, 哈哈…..好香好甜, 但原來老闆兼大廚自己用粟米打成湯的. 除左味道, 這個碗都很有特色, 正面望係一個桃, 反轉來望係一個心型, 哈哈很有心思呢.蛋包飯點左和風鰻魚芝士蛋包飯$98, 蛋味濃而且香滑, 鰻魚也很大條的哦, 切開蛋裹面仲有好邪惡既芝士, 鰻魚,蛋,芝士,飯一齊放入口感覺好豐富呢.和風海鮮卡邦呢意粉$68, 材料豐富, 有八爪魚粒粒, 蜆肉, 蟹柳, 煙肉, 磨菇等等……..意粉軟硬度適中, 最愛呢個卡邦尼汁, 還加上了芝士, 令到味道更香濃. 我還加了糖心蛋.小食叫左蜜糖香草炸雞翼$34, 有4隻, 香滑多汁.而飲品方面叫左柚子蜜青檸檬梳打 & 水蜜桃梳打, 唔會太甜, 而且唔會有藥水既味道, 正!!

女人街有好多食店，這是其中一間，出名日式蛋包飯。聽說大廚在酒店做過，所以滿期待的。小店內只有廿多張座位，但感覺舒服。原本我們想叫兩款蛋包飯。但店員很貼心的建議我們叫一款就可，因為女孩子吃可能會覺得份量很多。是日餐湯，加$10：粟米忌廉湯。很香，很滑，濃濃的粟米味。但粟米粒可再多一些。日式咖哩漢堡蛋包飯， $98。賣相吸引，份量真的很多。漢堡外型像薯仔，好得意，味道更一流。漢堡原來是每天限量供應，人手打造。材枓用上安格士和西冷，全牛肉，不像坊間會用豬肉。口感外面結實，裏面軟嫩，因為厚身，感覺像吃牛肉版的鮮嫩獅子頭。啖啖牛味。至於蛋包飯，蛋很滑，用的是湖北蛋，薄薄的包著飯。飯是珍珠米，拌著滑蛋和咖喱吃很好味。咖喱不像坊間的日式咖喱那麼甜，聽說用蔬菜慢煮的。咖喱帶點稀，味道微辣。相對這麼多份量的蛋包飯，咖喱份量就顯得有點少，如果再多一點就更好。或者好像飯可以添加一樣咖喱也可以添加。和風海鮮卡邦尼意粉 ，$68。份量同樣很多。好彩不是兩款都是蛋包飯，要不然會吃到有點膩。海鮮款色不多但份量很多，很新鮮，不是死死實實的。意粉不乾身，調味剛剛好。芝士焗野菜，$30。芝士味不會過濃， 吃完不會覺得膩。

買完嘢有啲晏，開始肚餓，係女人街諗著多食肆可以試下小店，但今次之後唔會再去呢間Momo Cafe 食嘢。晚餐單點冇飲品，唔想飲凍飲就叫是日餐湯試下。好差嘅湯，飲一淡就認到係金寶湯，但係一碗未煮好嘅金寶湯因為見到相中啲粒粒。要另+$10一碗的, 我買個罐頭返去煮好過。蛋包飯面頭個炒蛋好普通，好似早餐炒蛋放上面而已，飯冇炒底，白飯一碗，咖哩汁唔香，好似開淡咗。只有個薄薄炸魚柳還好，冇炸到乾哂，同埋雞肉有連雞皮，肉質可以。成餐食完好口渴，佢啲食材單係個疑似金寶湯已經好重添加劑……

朋友介紹一間主打蛋包飯的《桃子cafe》，位於鬧市的旺角地鐵站E 出口向通菜街方向。餐廳以日式蛋包飯系列為主,小店的肉類全稱絕無添加味精,感覺這店充滿著滿滿的人情味。老闆娘還介紹其漢堡飽內的安格斯牛是師父每天手攪打成而且限量約20份。食物質素整體不錯價格大眾化, 免費添飯的一項更為貼心，蜜糖雞翼 HKD 34 (4隻）表層炸得金黃，邊位置沒有燶，還沾了少量蜜糖。 仍然很脆很甜。 咬下去，肉質又白又滑。 日式咖哩吉列豬扒蛋包飯 HKD 72 不是外面所用的梅頭肉而是用天然穀飼豬食材，炸後口感嫩滑結實，又有穀物的香甜味。 荔枝梳打 跟餐加HKD 14 今晚要甜一下所以點了荔枝。 飲品夠凍有淡淡的荔枝味

呢度嘅蛋包飯真係無得輸！首先，賣相一嚟就非常吸引，而且食落佢哋嘅蛋超滑，再配埋佢哋特製嘅日式咖喱汁非常好食，食完呢個蛋包飯會好滿足！我建議可以試吓佢哋嘅魚柳日式咖喱蛋包飯，因為魚柳真係炸到好香脆，吾會好油, 仲係熱辣辣送到上枱面，非常好食。我會再次黎試吓呢度其他嘅蛋包飯！

跟女朋友黎食，見隔離沙嗲王冇位就過黎頂住肚先。叫左個咖喱牛腩蛋包飯，仲要有大大個手指公係隔離好似好推介嘅樣。點知個飯黎左，色水就唔對路，咖哩又稀，又冇味，食左幾啖就宜經有反胃反到喉嚨嘅感覺。飯就珍珠飯樣但就一啲咬口都冇。主菜牛腩仲精彩，冇肉，又韌，牛筋腩？？？？最後食完見到淨番嘅咖喱湯。。。然後食左女朋友嘅吉列豬扒，個啲炸嘅位會食到有仲又肥又滯嘅感覺，豬扒更加係一啲味都冇，冇肉汁冇口感我都係為左呢間嘢特登開個AC，其實洗唔洗咁難食

今日難得放假便到旺角逛街，晚上經過旺角地鐵站E出口再步行約5分鐘到《桃子cafe》。 餐廳有26個座位，有酒吧位所以單人至多人同樣合適欣賞講究認真態度，食材豬扒用了穀飼豬更為健康，而蛋熟透情度而至如何做到拉絲效果也是考量之一。增添米飯以盡照顧各職業階層，挺細心和風鰻魚芝士蛋包飯 98 很吸引的一道菜！無論是色、香、味都不錯。黃金色又嫩又半熟的雞蛋還加入芝士，做到拉絲效果。另外，日式鰻魚既是原條上，魚身很長又有魚油香味，鰻魚汁份量適中，不會完覆蓋了本身味道，而飯用上珍珠米。加沙津 - 胡麻汁大蝦沙津，跟餐加 HKD 10 情有獨鍾的胡麻汁當然要試試啦，內裡有大蝦4隻、青瓜等。蝦夠大、爽，外層殻己脫特飲跟餐加 HKD 14 薄荷青檸檸梳打個人重口味，加多點薄荷更為可口。