梁慶記

营业中

休息中

今日要同大家分享一個超正嘅餐廳啊！就係澳門嘅「梁慶記」啦！佢哋嘅食物真係冇得輸，好正又好食，絕對係一個值得推介嘅餐廳啊！首先，我要講下佢哋嘅溫泉蛋安格斯牛小扒同葡燒雞扒。個肉煎得剛剛好，外面香脆有焦糖色，入面嘅肉質鮮嫩多汁，真係一啖咬落去，肉汁就噴出嚟，好滿足呀！而且佢哋特製嘅醬汁真係好入味，令味蕾都嘆為觀止！然後就係葡式香辣喇沙豬扒湯米粉啦！一碗湯底濃郁嘅喇沙湯，加埋豬扒同米粉，真係味道好豐富啊！湯底有啲辣辣嘅味道，再加埋豬扒嘅鮮甜，真係一試難忘！食完之後仲可以試吓佢哋嘅葡式奶茶，濃郁香滑，絕對係一個完美嘅配搭！最後，我要特別提一下佢哋嘅米芝蓮竹昇麵。咁大碗嘅麵，湯底濃郁鮮甜，麵條又有彈牙嘅口感，真係令人回味無窮！加埋啲竹昇片同豬肉扒，真係一碗滿足嘅美食！總括嚟講，「梁慶記」絕對係一個米芝蓮竹昇麵同澳門美食嘅代表！無論係溫泉蛋安格斯牛小扒+葡燒雞扒，葡式香辣喇沙豬扒湯米粉定係葡式奶茶，全部都係令人嘆為觀止嘅美食！如果你鍾意澳門美食嘅話，一定要嚟呢度試吓啦！相信你一定會愛上呢度嘅好味！快啲約埋你嘅食友一齊去啦，話畀你知，贏到最多讚好就係咁簡單啊！

喺炮台山，想簡單快脆食一餐，飯又得麵又得粥都得，行兩行見到呢間，即刻火速上網睇一睇，原來嚟自澳門🇲🇴，咁就決定坐低試吓🤣叫咗 $69「牛筋坑腩撈麵 Beef Brisket & Tendo with Lo Mein」，有幾樣嘢可以揀，咁揀咗：撈幼麵|爽麵|多蔥|多韭王|加腩汁🤣「牛筋坑腩撈麵」：牛腩軟熟牛筋有少少煙韌，兩樣都好牛味😋；揀咗「爽麵」夠晒硬身啱我胃口👍；另外，麵嘅份量勁多，食得我超級飽🤣跟餐 +$24「腩汁菜心」配飲品「葡式奶茶(熱）」；「菜心」軟腍腍，「葡式奶茶☕️」少少甜夠香滑👍下次有機會嚟要試吓佢好出名嘅「蝦籽撈麵」🤩

行過北角嗰轉角，聞到一陣撲鼻香味，原來係澳門梁慶記嘅竹昇麵飄出嚟，真係令人口水直流！🤤 席位唔算多，但氣氛溫馨得嚟又唔吵雜。我叫咗個澳門風味豬扒包，一咬落去嘅豬扒烤得外脆內嫩，啖啖肉填滿嗮口腔，包面金黃酥香，一啖包，一啖幸福呢！😋 我隔籬嘅朋友就挑戰咗澳葡風味串燒喇沙湯米，熱辣辣嘅湯底辣得佢讚讚聲唔停口，簡直係辣得招架唔住。串燒嘅牛柳腍滑口口解，雞中翼焦香又多汁，真係食完再三皮笑。淨係睇住食物被擺上桌已經幸福滿滿，食落真係再正不過！加上店家嘅服務生態度親切，喺呢度食個飯仲可以感受到啲家傳嘅人情味。下次有機會，我一定要叫埋佢地出名嘅手打竹昇麵，當然唔少得再嚟個豬扒包啦！呢一餐食得我興奮過頭，想同大家分享下澳門喺香港都咁正嘅美食！🍽️

今日落街周圍行下搵野食，突然發掘到一間係澳門過江龍，仲有米芝連加持既小店梁慶記，一開始因為舖位細細所以唔太起眼，但抱住一試無妨既心態就走入去試試佢係唔係咁把炮原本呢間應該係竹升麵比較出名，但聽老闆娘介紹就試吓炸豬排飯再加樽仔奶茶，唔講咁多即係去片！個炸豬排係多到要攞另一個碗裝住先可以食到下面既飯，超級誇張而且下個既煎蛋半生熟，用蛋汁撈飯真係一流！講返個豬扒，除左大份之外，炸粉夠薄，豬扒唔會太乾，絕對係水準以上既評分！

今試吓梁慶記的葡式蓋仔豬扒飯。豬扒飯分成三層金黃色的炸豬扒，中層半生熟的荷包蛋，底層為白飯。將豬扒移到預先準備的碗蓋上然後輕輕攪拌讓蛋黃包住粒粒分明的飯上，乾身的飯口感像印度米，豬扒外脆帶點微量的肉汁。題外話：食完後才知道該店是澳門過江龍而主店並有米之蓮推介。該店有冇主店的水準請自行判斷。

炮台山電氣道的梁慶記蝦子麵是一家米芝蓮推薦的餐廳，吸引了許多食客前來品嚐。我在星期日下午到該店用餐，點了一個溫泉蛋牛肉蝦子麵，價格相對來說較為昂貴，需要花費80多元。不過，麵條的質地非常彈牙，醬汁也非常美味，讓人感到物有所值。此外，我還點了一杯焦糖咖啡，沒想到味道非常好，非常值得推薦。這家餐廳的份量也非常足夠，讓人吃得很滿足。不過，這家餐廳的性價比並不是很高，價格有點貴，而且店面比較少，座位也比較擠迫，等候時間較長，需要排隊等候。如果不介意等候時間和價格比較高的話，這家餐廳是值得一試的。總的來說，炮台山電氣道的梁慶記蝦子麵是一家非常好吃的小店，是一個可以品嚐到美味蝦子麵的好去處。下次再來會一試店員大力推薦的豬扒包

其實同澳門福隆新街係咪同一間？點解d味道咁唔同？北角呢間d味道真係好普通，甚至比一般茶記更普通，凍奶茶又唔夠茶味，好失望。澳門果間蝦子面真係好香，蝦子多到食完成碗都仲淨返好多蝦子係碗底，但北角呢間好少蝦子，完全食唔到有蝦子味，叫左豬大腸，只係白烚，又係無味。係得個豬扒包叫做似模似樣。

今日同朋友見到呢間標榜自己係米芝蓮嘅食店，所以決定試下。呢度人唔多，唔駛等都即刻有得食。首先，呢度menu同openrice見到嘅比巳經少左好多選擇，不過就多左個卡邦尼蛋包飯。可能店員預計到之後會好多人，我地坐低無幾耐就係咁過黎催我地點餸，態度唔太友善。我地點左牛腩撈麵同虎蝦卡邦尼蛋包飯。呢度個定價有啲古怪，如果要由牛腩飯轉撈麵要加$9，仲要無蝦子，但個卡邦尼蛋包飯可以加$6轉蝦子撈麵，唔係好明個logic。食物份量尚算適中，但個牛腩真係少得孤寒，仲要係勁細塊，呢個價錢絕對係唔值。蛋包飯個賣相都唔算吸引，隻蛋根本都包唔住個飯，個名真係有啲誤導，隻虎蝦亦都唔算大隻。食物味道還可以，個招牌撈麵都真係勁彈牙好入味。不過overall黎講，無論環境、服務態度、食物價錢等，我都會覺得好一般，個米芝蓮名都係名過於實。

澳門老字號「梁慶記」有百年歷史又獲米芝蓮推薦，今次一試位於北角既梁慶記招牌黑金沙鮑片安格斯牛蝦子撈$69餐牌甘寫： 用西式烘焙金沙興中式香蒜炒作點題，將招牌黑金沙秘醬溶入傳統撈麵！ 使金沙醬在麵上形成色澤豐富的沙丘，配合撈麵醬汁的層次感，令整碗麵在色香味產生多元難忘回憶。上碟賣相一般唔係好豐富勁多料既感覺。一咬麵，勁香蛋味夠煙靱，配埋蝦子，齋食麵都冇問題。睇返介紹原來係手打竹昇麵，採用澳門傳統做法，堅持人手打製，全用鴨蛋，沒有半點鹼水味！至不過金沙醬唔係好覺，亦食唔出有特別層次。安格斯牛薄薄有4片，剛熟牛味濃，好味。鮑片&炸三角形魚旦正正常常。整體賣相低調，實而不華。葡式樽仔焦糖咖啡 跟餐+$12用普通膠樽，唔似相片甘印有店名，感覺麻麻。焦糖好香，不過偏甜。

今日又試位於炮台山/北角交界既一間小店 “梁慶記”主打各式蝦子撈麵. 逢星期一至四每一日都會有一款特價套餐.適逢星期一到訪, 便點了A2 豬排蝦子撈 +$6 加配自家製萄式樽仔焦糖咖啡.另外再加多$2 可以要一個萄撻點餐後要等一陣先上菜. 因為全間鋪只係得兩個人手.多功能女店員要身兼多職. 落單,收錢,上菜,執枱, 甚至要間中入埋廚房幫手煮野.因為座得比較入近廚房, 油煙味好重.  建議座出迎門口會好好多!!A2 豬排蝦子撈賣相唔錯! 蝦子麵全部都沾上蝦子但比較油,豬排炸得鬆脆入味, 隨碟伴有兩粒魚蛋.意外地魚蛋超好味. 俾十分!!樽仔焦糖咖啡完全唔掂似即沖3合1咖啡, 亦飲唔到焦糖味,死甜.萄撻夠熱但都係唔好味. $2 呢個價錢算係咁.總括來講, 下次再幫襯的話會食魚蛋撈.

梁慶記(20/5) 星期五 中午12點左右特式：呢間麵店最出名既竟然唔係麵，反而係豬扒包，但因為係lunch，驚食豬扒包唔飽，所以都係食麵。食物：溫泉蛋安格斯牛蝦子撈麵 - 先講講size，我叫左M size但都好夠一個成年人食，牛肉就唔覺得係安格斯，只係比普通肥牛好食d，蝦子麵底係用粗麵嚟做撈麵，好食，又入味，溫泉蛋就正正常常，無特別。配料 - 加錢加左墨魚餅，唔覺好食，本身自己好鐘意食墨魚餅，但佢就做到無乜特別。飲品 - 今次無叫野飲。環境：餐廳環境正常，但就唔算好坐，有點窄同熱。服務：服務態度正常，無話特別好或者特別差。價錢：大約50蚊左右一碗麵。總結：每次經過佢門口都聞到好香嘅牛肉味，其實佢就反而有啲似車仔麵feel，只係轉左做蝦子撈麵底，d餸就唔係出色，亦都唔吸引，但佢個撈麵就做得唔錯，下次期望試吓佢個豬扒包。

今日去整頭髮前見到呢間澳門梁慶記好fusion 咁喎安格斯牛肉 仲有溫泉蛋撈粗嘅竹昇麵 入到舖頭 有個好靚仔嘅夥計笑容好親切叫我隨便坐掃完安心出行 幫我掃針卡點知打開個好靚嘅Menu原來就介紹緊呢位Fanson係意大利Florence返嚟嘅靚仔OK咁我就食Number One人氣安格斯牛肉鮑片溫泉蛋撈粗燒汁牛肉好嫩滑 夠晒入味係上盛食材配優質烹調好好食然後有炸香左嘅魚片頭酥脆彈牙 炮製得好香口不過粗麵一向唔係賣飛弗我覺得有啲硬下次可以煮淋啲其實麵質係好煙韌但又爽口配上超香嘅蝦子掛滿醬汁口感好豐富 而且份量好多我食唔晒呀靚仔教我下次可以扣底唔好浪費啊靚仔介紹我飲花茶不過我決定試支裝冰凍奶茶茶味不濃不淡兼非常香滑下次會試焦糖咖啡同埋豬仔包

黎到foodcourt食咩野好，諗左好耐決定咗呢一間！原來都幾多選擇而且外賣買滿$100仲有八折優惠!!👍🏾叫左兩個餐都係C4, Total $1061/ 溫泉蛋雙拼蝦子撈拼(雞翼，五花腩)$64+$2外賣盒材料超級多, 佢先知原來係全蛋麵！我的最愛！一政建雞翼尖配上多件五花腩，不過肥肉就多左的2/ 溫泉蛋雙拼蝦子撈拼(豬扒，五花腩)$64+$2外賣盒唔知點解温泉蛋係冇蛋黃😖紫鹽味好重，不過食後冇話好味精所以都okay

梁慶記。澳門必食竹升麵餐廳，香港都有一間，冇得去澳門食，喺香港懷念下先，呢間位於北角嘅梁慶記佢主打係全蛋竹升麵同埋蝦子麵，嗌咗個溫泉蛋安格斯牛肩肉蝦子撈麵，聽個名就知係中西合璧，佢個牛肉薄薄地咬落去唔會好韌，都幾重牛味同埋都幾大塊，底層再有蝦子喺個麵上邊，佢啲蝦子係好大粒同埋都幾多，你撈埋啲麵一齊食口感一流，同埋啲蝦子係好香好乾身睇落去係粒粒分明，正👍🏻👍🏻之後嗌咗個過江雲吞豬骨湯麵，首先佢個湯底都幾濃郁，清得嚟唔會冇味，個麵底係竹升麵嚟，食落去好彈好有咬口，軟硬度啱啱好😋其次有雲吞同埋豬手，雲吞裏面嘅蝦都好新鮮，起碼有兩隻大大粒，咬落去好爽，之後個豬手份量都幾多，唔韌，個味唔錯醃得幾好😍最尾叫咗澳門最出名嘅豬扒包，雖然佢冇澳門咁原汁原味咁好食，但係佢個豬扒都幾厚，個包唔係好脆同埋唔夠軟熟，但係有豬扒嘅搭救都算唔錯😌😌

在炮台山見到有人派宣傳單張. 單張的圖片(包括自己的招牌) 影象模糊, 每種粉面都是差不多樣子. 心想它的管理都是能力有限. 但走前一點, 原來就見到這一家店. 在翻查 openrice 的食評, 又上店的門口特別 highlight 有米芝連的推介. 所以, 好壞都是一餐. 反正餐廳裏面只有3台, 那麽便試一下. 入店后, 有一位肥的女服務員 , 把我們2人要的面/飲/素菜用心記下來. 便走了. 漸漸, 客人也慢慢進入坐滿全店. 大概有16 位客人. 突然, 有一位侍應跑去每一台, 確認下過的單- 奇怪的舉動. 因爲大家都下了單 5 - 10 分鐘, 爲何要來確認. 輪到我們, 便過來問我們下了單沒有? 原來她看不見我們先前的下單. 那麽, 再下一次. 很快2 杯檸檬茶來到. 茶完全是沒有茶味, 是一杯茶色的水加3片檸檬. 又等了15分鐘. (一共頭尾等了30分鐘) , 終於, 按捺不住, 問一下爲何大部分的客人, 比我們晚一些到, 但都已經有食物? 那一位爲我們原先下單的女服務員, 在20尺距離外, 聲浪當然要大一點, 說到麵條是要煮的. 多等5分鐘.