梁記餃子麵坊 (已結業)

這間麵館好近教會，是細佬的食堂，自己卻從來沒來試過。見了jj的食評後，上週練詩前終於一試：酸辣甘香韮菜餃子米線($20)-總共有五大隻餃子，份量充足，不過似是浸湯過久，皮極稔已經破開，滲湯之下餡料也變得淡味，水準麻麻。米線也有過稔情況，幸而湯底恰如其份做到酸辣效果，才不致造成太大浪費。腩汁菜心(+$5)-加錢加油菜很多地方都有，不過有腩汁菜心揀才是第一次。腩汁附有腩絲，十分釣味，不過菜心再次遇上煮得過稔的問題。豆漿(跟餐)-雖然講到食物質素一般般，但其實份量不細又奉送豆漿，都幾抵食。豆漿大大杯，甜味適中，味道新鮮帶一點豆渣，OK的。炸雞翼($18五隻)-jj的推介實在沒錯，雞翼隻隻飽滿豐滿，炸得皮脆肉嫩且多汁，一吃就覺比餃子、及米線都出色太多，別說五隻，叫八隻(好似$23?)都能輕易清碟呢! 　地方都算整潔，為了雞翼，有機會還會重來的!

sep 07, 08嚟食咗 : 1) 北京香菜餃子(豬肉)-走湯,1碗7隻-但個皮似雲吞皮多過餃子皮,所以喺薄滑,有幾隻,皮叠皮嘅集滙位,就緊緊熟-味道喺可以的,有香芹香,但唔算好濃嗰隻-總之唔喺北方餃子嗰種風味 2) 美極雞中翼 (5隻)-初時以為用美極醬油做調味,原來喺炸雞翼-個呢個估唔到做得好出色因個皮真喺好脆,但又無乾到-肉完全熟透,離晒骨,但仲好嫩滑,調味亦適中

梁記已經成為我既晚市飯堂之一, 無他既, 價格夠實惠一個套餐連飲品都不過係 $20我最喜歡的就係酸辣豬扒米粉, 少少酸辣已經夠晒惹味, 豬扒係即炸碎上的, 夠香口熱辣另加$5就有一碟油菜, 超大碟的, 可以加腩汁 / 蠔油(相片係食食下先記得影的,散叫既粉麵都係 $15-17, 加$2一樣有飲品雖然佢叫做餃子店, 但我對佢既餃子唔特別有興趣, 可能佢唔同我食開的北方水餃啦牛腩試過, 一般貨仔, 唔多值得特別推薦店面OK啦, 都干淨光猛的招呼唔錯, 老闆及店員都好有禮貌同好笑容

因為住附近, 經常幫襯, 又平又好味, 態度也好餃子都由老闆娘包, 南瓜, 茄牛, 青椒雞肉, 竹笙等等的餃子, 一碗都有 5 粒餃子架, 只不過$14-$16一碗, 視乎你配咩麵食啦, 雲吞o既蝦也很足美極雞翼 (今天才吃過) , 炸鯪魚球, 熱辣辣, 都好好味店內的酸辣很醒胃, 麻辣很刺激, 怕太辣可叫分開上加$5 的油菜可不是只給你三片菜葉, 份量似乎比其他加$5的油菜多一倍到此店吃東西要有點耐性, 因為都是即叫即煮, 而且冷氣有點不足, 不過這個價錢吃到如此質素的東西已經非常抵了

梁記開業超過兩年, 但佢既套餐, 只加了一蚊, 雖然佢既夠叫餃子店, 餃子既款式又多, 但我反而好少食因為我不喜歡他們包餃子的方式我最欣賞的, 係佢地既酸辣豬扒同上湯豬手一個酸辣豬扒米粉 + 飲品 只係$19蚊, 再加一碟油菜都不過$5, 甘就係一餐豐富既晚餐豬扒係碎上的, 但份量好多, 加埋酸菜, 好醒胃另外, 上湯豬手好爽口, 跟一般店舖既南乳豬手相比, 又係另一番風味而且店員親切有禮, 每次都到去都會聽到 靚仔 / 靚仔 食乜野聽到真係心都甜埋呀希望佢既出品同招呼都保持水準