梁記餃子麵坊 (已結業)

星期日的中午, 和老婆去了元朗廣場附近的梁記餃子坊一試, 之前曾看過幾位會員的評價, 好像唔差, 所以專程來吃. 午市時間, 店子客人都幾多, 雖然不用等位, 但都差不多坐滿, 舖面的size不太大, 枱與枱之間都幾迫. 既然叫餃子坊, 當然是要食餃子, 點了北京香菜豬肉餃子併味醬排骨米線, 和韭菜豬肉餃子併牛腩河粉. 另加了腩汁生菜一碟.點之前唔知香菜是甚麼來的, 但食落口之後才知道其實是芫茜, 老婆立即沒有興趣, 我自己都不喜歡食, 但這兒因做法是把芫茜切得很碎, 連同豬肉一起包在餃子內, 這樣令芫茜的強烈味道減少了不少, 令我這些不喜歡吃的人反而可以接受到, 實在意想不到呢! 不過我還是喜歡韭菜豬肉餃子多些, 餃子的韭菜味很濃, 份量十足, 好食! 但除了餃子外, 另外的味醬排骨及牛腩就一般得多, 兩者均切得很細粒, 口感不足, 而且入味程度亦只是中規中舉. 湯底則出色, 入味非常之餘喝得出不是味精湯. 不過啲河粉唔多得, 好鞋, 完全唔爽滑, 米線好得多.總括而言餃子方面真的不俗, 果然不愧叫餃子坊, 價錢亦唔貴, 但其他的就似乎麻麻哋, 所以下次再來時只會叫單併餃子上海麵(這

酸辣朱扒米線加芹菜餃..........好好味, 記得朱扒要另上呀,唔係就淋左唔好食架, 再加一杯豆漿, 超正囉我都成日去食呢個架....... 去開元朗不防去試吓好多餃都好好味, 雲吞又新鮮, 買生嘅返屋企打邊爐或作其它食法都好好, 如果煮粉加d酸菜更正囉

很久沒有去元朗了，見天氣不太熱，我和老公便入去走一轉‧經過梁記餃子麵坊，見到門外所貼的菜牌幾吸引，便決定入去點了以下:上湯爽豬手麵線: 白淥豬手肉爽，可惜份量只得二小件，唔夠喉，麵線ok。酸辣豬扒米線: 抵食，因為豬扒甚多，而且又淋又入味，而且麵線都ok。淨韮菜餃: 味道都幾好，唔錯 。涷豆漿: 味道ok。

上次食完新東記, 女朋友今晚又話想食麵, 禁我地就去左佢平時番個間教會附近的梁記食野~其實之前都陪女朋友黎食過好多次, 佢地都無令我失望~價錢唔貴, 但係質素比其他麵檔都好~~1. 豬扒加雲吞米線($21)首先讚下呢度ge豬扒, 佢地真係好有心煮, 我見過佢地係不停禁扑D豬扒, 炸出黎之後, 好諗, 好有口感, 加上佢係連埋個麵一齊上, 所以浸左係D湯度, 食個時唔係好熱氣~雲吞都好正, 佢地D蝦真係原隻上, 好大隻, 足料~~~2. ''9''菜餃加鯪魚球河粉~($21)其實小弟都係第一次係度食鯪魚球~都唔錯~~好有口感幾彈, 但係我相信炸再之後會禁入味~而個9菜餃就不過不失~~但係都好足料~~成隻餃都好漲卜卜, 好得意3. 牛腩蘿白 ($23)呢個算係失望的一環~因為太少牛腩而太多蘿蔔了~令我覺得唔係太抵食~而且D牛腩無新東記禁好, 太肥了~~整體黎講, 呢間店相當唔錯~~月尾無錢個錢黎就最好LO~^^又平又好又抵食~係我其中一間飛佛的元朗麵店~~

星期六入元朗掃街，就黎呢到買外賣水餃，款式真係好多，買左蘿蔔豬肉、蕃茄牛肉、香菇雞肉同青瓜豬肉，樣樣味道都唔錯，蘿蔔豬肉味唔濃，好清，蕃茄牛肉都食到蕃茄粒，香菇雞亦唔差，青瓜豬肉真係好重青瓜味，鐘意食青瓜既必試，整體比荃灣民豐好好多，最衰係遠，唔係黎買D餃返屋企打邊爐就正啦。

繼續分享一下健康食記. 是日黑雨, 採排取消, 回家前先吃點東西. 其實數天前才吃過這裡的餃子米粉, 只是$20 又包豆漿, 夠經濟, 難怪廣受街坊歡迎.~ 兩年前已開始光顧此店, 第一次吃其招牌的即炸雞翼又大又juicy, 另外又出售多款特色餃子, 包括香菜豬肉餃, 蕃茄牛肉餃, 魚肉餃, 青椒雞肉餃, 而雲吞亦有兩種, 分別是全蝦及鮮蝦雲吞 (後者餐牌上注明是少肉). 愛吃餃子如我, 單看已非常吸引. 先說回上次吃的"菜莆沙葛豬肉餃子米粉". 餃子大大隻, 因為不是北方的厚皮類, 而是比接近廣東雲吞皮, 故外表看來皺皺的. 滑是滑了, 不過入口有點黏咀, 個人認為絕對可以做得更好. (如: 美味餃子的餃皮) . 餡料沙葛與豬肉比例 約4 :6. 前者切得幼細, 但包得不太結實, 有點鬆散. 沙葛咬落仍是shok shok 聲, 碎豬肉不太肥, 兩者合起來味道清淡. 米粉份量頗多, 麵身爽口, 即使浸了一陣子都沒有發漲跡象. 由於湯底較清, 見枱上有辣油, 無意中添了一小匙在湯中,原來這個辣油香得來很惹味, 不是一味死辣, 令整碗米粉生色不少. 昨天目標是全蝦雲吞. 只售

今天突然想吃餃子..想到這裡的餃子種類很特別便來試試.....什錦餃子上海麵..餃子皮薄一次過吃8粒很正啊!有白菜,南瓜,韭菜,魚肉,青椒,紅蘿蔔,青瓜,香菜*個人認為魚肉,,紅蘿蔔,南瓜最正,魚肉很有蝦味很鮮甜!紅蘿蔔爽口!南瓜有南瓜原本的甜味!白菜沒什麼特別!韭菜餃子一向都是不錯的配搭啊!青椒未放進口已經嗅到青椒味了不錯!青瓜還好吧!香菜有小小苦味,可能是我原本是我不太愛吃香菜吧!遠有豆漿送.起抵吃的!

第二次黎”梁記”食啦.食既野都係同上次一樣.酸辣原味豬扒米線餐;酥炸鯪魚球;什錦餃子米線.酸辣原味豬扒米線比上次酸左好多,果然係酸吖.同埋油膩感重左好多.不過塊豬扒炸得好好.粉漿唔厚. 食落去唔會啖啖炸粉.酥炸鯪魚球煙韌又彈牙,真係可以當乒乓波打下. 即炸上黎熱辣辣再配埋個SAUCE,正.什錦餃子米線一次過跟8粒餃子,真係一次過比你試晒佢地既品種.啱晒我地LEE D 愛試新野既人啦. 餃子皮薄又滑身. 餃子無偷工減料之餘,又唔會塞到塊餃子皮爆晒.我自己就比較鍾意南瓜既香甜同白菜豬肉既清爽.香菊蜜夠甘香,足料,唔係用果菊花沖劑了事.夠涷.不太甜.再三回味.不過第一次去飲既時候,仲以為係佢個杯花左,哈哈.原來係佢個杯既獨特 STYLE.價錢看似很便宜,不過佢既麪底真係好細.齋食一豌麪二次都唔夠飽,係要再叫D小食先至夠飽.要值得讚既係佢地既既炸物無油”益”味.同埋係即叫即炸.一路食野既同時,你會見到佢地不停係到用心包餃子.家族式既生意果然對比商業D既係有HEART 既.店內既椅子係無挨”PAN”既,所以都係食完都唔會坐好耐家.不過佢地有電視供應…而佢地既位置係巴士站隔離,揸車既對比就無咁方便

同朋友去食lunch, 呢度都唔係第一次去，對上一次去食過雜錦水餃，叫佢走韭菜和白菜最終比得最多既竟然係呢兩款，個阿姐仲叫我咬開一隻換翻另一隻比我，你唔覺核突我都覺得噁心啦，搭招牌牛腩，係唔係招牌呢我唔敢講，但份量就極少，而且d米綫仲要係碎既，哎......都講左以後唔會再翻兜.......點知............今日又有朋友話去，算啦，比多次機會你........朋友話d豬扒好食，咁我就order左個豬扒鯪魚球酸辣米綫餐連杯菊蜜，等左都頗耐終於來到啦........豬扒：無肉，好薄身，同埋炸到唔清唔楚.......鯪魚球：都幾彈牙同大粒米綫都係碎上，個所謂酸辣湯底就只是放點辣鹹菜就當係.....有點那過......而且我地仲發生左個小插曲，我朋友唔覺意打瀉左我杯飲品，濕曬就不在話下啦，但鋪頭d人完全無意思換過杯比我，咁我都禮貌地開口問可不可以比過杯我啦，點知換來冷冷的一句“加錢啦”............好老實講，雖然我都明白呢度只係街坊小店，而且比你係人情，唔比你係道理，不過你也未免太現實了，一杯半杯飲品你蝕得幾多比個客啊？算吧，反正單從味道出發都已經再無下次.......以後

去梁記多次, 第一次點排骨麵餐(包豆漿/菊蜜), 比雞翼, 豬扒, 餃字等都遜色, 肉是煮得很腍, 一咬即散, 很像肉骨茶那種排骨, 但個人喜歡較有咬口的, 今次只能給 OK吃飽竟下很大的雨, 老闆等人都著我多坐一會呢, 不過坐到何時呢, 還是快走好了

8/6(一) 12:30pm善用量地期間的光景,到濕地探索一番.事前先到"梁記",來了一碗上湯什錦餃加蠔仔$23及炸什錦餃$23.青瓜豬肉,香菜豬肉,南瓜豬肉,白菜豬肉,鮮菇青椒雞肉,沙葛菜甫,蘿蔔及韭菜豬肉組成的什錦湯餃皮薄且滑,用料新鮮,配搭簡單,以飽滿蠔仔作伴,吃得稱意! 炸什錦餃亦然,炸得香脆,惹人討好!豆漿乃唯一的污點,味帶渠味,喝不得!味道清和的正餃!

起初以為在元朗廣場附近,誰不知原來在轉角位再行前2間店才發現到那間經過也會視若無睹的店舖,白色為主的裝置,豪不顯眼,裝潢得甚一般...站在門外看看有甚麼好吃,但其實心中已想著吃甚麼了..正在吃飯的阿姐很熱情地出來問我:阿妹,食嘜野呀？入黎坐喇！食雜錦餃子喇..其實我今次來的目的真的吃雜錦餃子喇~~找了個近角位的位置坐下店內的枱子以長型擺放,枱與枱之間的空間也很少...若果坐滿客人的話可想言之會出現背對背的情況出現...幸好現場沒有這種情況發生,可能是3時多的關係吧...上湯雜錦餃子一碗有8隻,但不包括牛肉,可能牛肉比較貴的關係吧~~搭了幾條生菜,熱騰騰的正冒出縷縷白煙,很吸引食慾呢~~五顏六色的餃子,腦紋的外表加上長長的魚尾..我覺得薄薄的雲吞皮更勝厚厚的餃子皮,可能我個人口味吧！先喝一口熱湯..湯面浮有點點油光,可以接受先選了黃色的南瓜吃,因為最易認..哈哈..有點燙口呢~~真的沒介紹錯呀...吃得出香甜的南瓜味,不會被豬肉所掩蓋沙葛也很特別呢~可以咬到索索聲..而青椒做餡比較少見..好彩我並不討厭吃青椒因為有很多人都不太喜歡青椒的味呢...而其他的都好味只是有2粒分不出甚麼來的,因

今日終於試在啦！大失所望！所以要寫食評講講！首先,環境污槽,周圍黑蚊蚊,好多雜物！湯底無味,只係滚水！猪扒乾爭爭,炸到燶哂,乾到硬哂！招牌水餃無味又太淋,竟然無浙醋只有紅醋,失望！菊花蜜太甜了,好似飲糖水！整體太差,黑名單,永不再去！

都好幾個月無幫襯過梁記了, 尋晚來到, 吓, 乜仲係舊價 套餐 $20, 油菜 $5叫了例牌的炸豬扒酸辣米線餐 (轉了米粉)因為今次唔記得講 少少酸辣菜, 所以成碗野相對辣左少少但炸豬扒水準仍在, 豬扒係即炸的, 熱辣辣又有肉汁但湯底的味精明顯多左油菜的碟頭一樣甘大, 可以揀蠔油或腩汁隨餐仲有豆漿或凍菊蜜埋單 $25, 超抵食不過, 成人叫人 "靚仔, 靚女"的那個阿姐, 好似已經無做了

原來不在橫街..在直街上..差點找不到呢~門口毫不起眼~又是那種沒有光的招牌~餃子雲吞的種類真的多得很呢~~~如果點雜錦餃子的話~可自選8隻..魚肉除外就要了湯的雜錦餃~沒有選白菜(因為無其他咁特別咁少有)餐廳內是企理的粉麵檔格局~來了來了~隻隻都唔同顏色~好不吸引呢~~~~~~但係大比選的香菜是小比生平最怕的芹菜芫荽呢!!所以一定要小小小心老實說...打從送上來的這一刻....就知道......點睇都係雲吞了吧雲吞外皮...雲吞的''腦紋''...雲吞的金魚尾....何解會稱之為餃子???避免不必要的賴野~當然不吃綠色先~就挑了南瓜先吃瓜肉比是7:3...已經也夠香甜~~~好得意呢每款餃(雲吞~!?)都很特別~沙葛菜甫和青椒菇菇尤是特別青椒帶點點本身的苦澀味但又好有咬口~原來作為餡料很配合沙葛多數在湯裡見到~但加上粒粒菜甫好有趣啊~~~小比支持番茄牛肉向來都郎才女貌~~澎湃的番茄牛肉是最期待的一只但原來反而是不太行的一隻....這種牛肉片是不適合做餡料的番茄加上雞湯的味道又不配合~~跌晒眼鏡$18可以吃到新奇又有趣的8個驚喜~好過買Kinder出奇蛋~但小比還是執著於餃子和雲吞的分別