梁記餃子麵坊 (已結業)

2公婆星期六唔算好餓，想食碗粉麵，就食番梁記啦，一輪無食梁記真係保持到水準，無食一排都係咁正咁抵食，我就選左最喜歡白菜豬肉餃同炸豬排，白菜豬肉餃肥瘦度適中，皮同料比例都剛好，炸豬排非常扺食，好味又夠脆，另外炸綾魚球都出色，但一個人食就太多了，有5粒，2人就剛好，太太就點左沙角餃子，好爽口，大家交換食，飲品就選了凍豆漿，不過不失啦，應該都係交貨嗰啲，元朗其實好多野食，但梁記真係算一間㩒食又扺嘅選擇，下午成日睇住佢啲餃子自己包的，水準得以保持

超高質雲吞米線，性價比高，這個酸辣炸豬扒米線，米線彈牙得過份，豬扒又夠大份，不會滿口麵粉，加上酸菜，吃得十分上癮，辣度又不會很過份。加三元配上雲吞小食，每一口都是蝦肉和餡料，十分抵食，送豆漿或者菊花蜜，完美的下午茶。

🔺酸辣豬扒米線 set A😋指數：🌕🌕🌕🌕🌗◽️酸辣豬扒米線加$3有 三粒大餃子 餃子可自選口味 呢一個餐我由細食到大 豬扒就算唔分湯上 都好好味呀 餃子揀咗白菜餃 白菜餃喺呢度嘅必食 大大粒餡料絕對童叟無欺 配埋酸辣粒粒 咁樣嘅晚餐配搭 對於良美嘅打工仔來講真係好抵食吖。 跟餐 會有一杯嘢飲送 可以選擇豆漿或者菊花茶而家越來越出名所以越來越多人食基本上每次去都要排隊 但係好彩流動性都算高唔算等好耐 另外店員感覺很親切，所以間唔中都會keep住去食下㗎

幫襯梁記多年，經常買生餃子回家煮，冬天打邊爐更是必備。可惜剛剛買回家的餃子內，竟然有一條極長的頭髮！真的很嘔心！希望店家注意。味道再好吃，見到頭髮，都吃不下了！

之前曾在元朗工作，因為知道元朗有很多餐廳都吃豬扒：例如天奴、開心豬扒、成記豬扒等等。有時候和同事午膳，人們都非常喜歡這一間中式餃子麵店，細食的可以淨食餃子，大食則可以再加麵條。這天我們隔了很久之後再到元朗，在體育館坐着找找有什麼好吃，才想起其實梁記餃子麵店的豬扒也非常之傑出，於是就去回味一講起這間餃子店，有時候，女士就會想起它的雜餃🤔但其實雜餃包括一種粉葛、一種是南瓜、一種是青椒，三款都不是個個都喜歡的餃子。🤔因此我都是叫返一個豬扒米線，然後加其中一款餃子，就是青瓜餃。😀青瓜餃在坊間比較少聽見，現在已經沒有以往那麼出色，以往的餃子比較薄皮，現在的青瓜餃，皮已經有點兒太厚，但又粘貼力一般，外皮很容易便剝落。唯有大口大口咬下去，才能同時吃到外皮，而又吃到內裏青瓜以及肉料的清新。一向都說，所謂出名的開心豬扒飯，豬扒其實一點兒都不出色。反而梁記餃子的豬扒，炸了，再放到湯入邊。通常我會立即將最面頭那塊豬扒夾起，那就可以吃到脆炸的滋味。而浸在湯裏面的，即使繼續浸林了，也有不同程度的油香鯪魚球，沒蜆芥的，只有泰醬，但夠大夠鮮夠熱，惟我這種不嗜魚人一吃到一絲魚骨便不悅以往中午時分來到，人多擠迫，又要吃

手包餃子足料！梁記餃子每個禮拜都會食一次咁濟呢間餃子店喺元朗再落左10幾廿年㗎啦每一次都好多人排隊同埋好多人會買外賣我基本上呢就每次都食同一樣嘅嘢啦分別就係豬扒酸辣米線加雞翼同埋韭菜餃米線 都係酸辣嘅呢間當然就餃子最出名啦因為成日都見到佢哋係側邊人手包好足料㗎另外佢哋嘅菜去加上碗米線既酸辣都非常特別佢哋係用佢哋自家制嘅酸菜米線都真係好好味佢哋每次都會一大湯匙咁樣加入去如果係唔食得辣嘅人可以選擇叫佢哋將酸辣另上咁你想食幾多嘅時候就加幾多落個面度

可能E論成日掛住食新野，好耐都冇去過梁記食佢地嘅大粒雲吞加豬扒上海麵，元朗特色大大碗，佢哋嘅豬扒真係一D都唔差大大件軟綿綿，雲吞又係大大粒充滿蝦味再加埋上海麵真係一流配搭，湯底濃郁有時仲可以加埋酸辣分量十足價錢經濟實惠真係由朝排隊排到晚

以前一直都好鍾意食餃子依家良記餃子麵坊都開咗好多年但係都係最近先開始食鍾意食餃子嘅一定要試吓佢嘅餃子有好多唔同嘅味道同埋餡料絕對唔會只係換咗豬肉牛肉或者雞肉咁簡單佢連配菜都有換埋係有蘿蔔，韭菜，南瓜，青瓜，沙葛，番茄，青椒..........餃子皮厚薄適中粒粒大細平均真係好足料嘅仲有鯪魚球同埋豬扒真係非常之吸引通常都會配一杯豆漿今次我叫咗碗有八隻味嘅上湯雜錦餃子米粉一次過滿足自己好多願望我要留意就係依間餃子店每個月會有兩三日休息真係要睇吓大家運氣㗎

平時對酸辣無乜興趣，但黎到梁記，朋友推介一定要試下佢個酸辣湯底！湯底酸酸辣辣勁開胃！我唔食得辣都頂得住呀！加上勁足料既炸豬扒同小食既炸雲呑，仲有杯送既菊蜜飲品，十分抵食呀！

聽過呢間餃子鋪好耐一路都無試過，咁啱今日要去附近睇醫生就決定試下睇下係咪真係咁正入到鋪頭，環境係一般茶記咁員工一邊包餃子，一邊幫手落下單咁見到餃子都多款，仲要好多都係特別，喺其他鋪頭未見過既本身想試下青瓜餃，感覺上會好清新但朋友對青瓜無感，所以最後叫左 🎀南瓜餃子配麻辣河粉🎀招牌牛腩配麻辣上海麵🎀炸鯪魚球南瓜餃同我想像中有少少出入我以為會係南瓜蓉 mix 埋豬肉原來係南瓜絲/粒咬落唔係冧patpat，口感似食緊馬蹄而麻辣方面可以要求另上望落同食落都似帶辣味既沙嗲醬最令人驚喜既係炸鯪魚球叫左40蚊5粒食完有唔夠喉既感覺！由於佢係即炸，時間上等得比較耐，但絕對值得本身鯪魚球都夠味，最正既係咬落鬆軟絕對唔係實的的口感好特別！必試！必試！必試！重要事情講3次！另外見到隔離枱食炸雞翼，望落都好吸引下次就會去試下！

經常經過門口都見到入面有唔少客人，假期有時仲要等位，好似幾吸引，今日終於可以入去試下了。店鋪座位唔算多，而且坐得比較迫，座低阿姐就會即刻問你吃咩，所以最好入去前係外面餐牌睇定想吃咩。餃子味道唔錯，皮好薄，好多餡，唔似北方餃子咁厚皮，啱香港人口味。炸鲮鱼球都幾香，不過勁鹹，可能唔係配蜆介。上海麵都算合格，普通味精湯底，不過一定要堂食，試過外賣返去淋曬唔好吃。喜歡吃水餃嘅可以去試下，不過唔好有太大期望。

今天七月十五号睌上八時十五分到達餐廳門口已有四個人客在門外排隊！ 都明白食嘢梗係要排隊㗎喇，正所謂有規有矩，有文化，文盲同讀過書都明既道理！十分鐘過後，就到我了，當然，等了十分鐘不是一個好長既時間！眼見有人埋單走，即刻心都來一來，終於到了！唔洗系室外三十幾度既空氣大汗搭細汗！正呀！有冷氣就有空氣！個店員其實一早知門外有人等緊，同時間埋單既人客已出門，台又已清潔了。點知有两位客人打我尖先行入去！呢個世界就系有排隊就有人打尖！點解甘黑呢，我問了個阿姨一句，唔洗排隊？佢答我剛剛先清潔好張台，真系俾佢吹爆！語氣惡劣！真心俾個你！阿姨，下次來食系咪直入坐低order就得呢？

收工返到元朗，諗唔到食咩記近近地喺巴士總站隔離嘅呢間餃子店食下餃子，8點幾都係座無虛席而且要等位。佢店面得一個姐姐，又要落單又要出餐又要收銀，忙到踢晒腳，等左20分鐘終於到我地。因為要等嘅關係所以我地都喺門口揀好晒嘢食，所以一坐低就可以叫嘢，諗住加快進度，但姐姐忙到五分鐘後先得閒理我地。揀嚟揀去都係什錦餃子加麵最抵，所以男朋友就嗌左個什錦米，見到佢話個牛腩係招牌，所以加左十蚊試埋佢。牛腩好腍，但咸左小小。至於什錦係邊八隻餃我就唔知啦，因為男朋友食完冇同我講🤣但我淨係知一定有一隻係青椒，食到佢叫救命。而我自己就嗌左個白菜同韭菜雙拼淨餃。老實說，真係好咸，咸到我真係分唔到我係食緊白菜定韭菜，因為佢嘅咸已經掩蓋晒我所有味覺。但佢啲餃子真係好大隻，我食左六隻已經食唔落。另外我好鐘意食炸鯪魚波，見佢呢度有當然要叫嚟試下，一上嚟好大粒，20秒後就縮晒水。因為佢中間唔係實心，所以其實唔係好大份架咋。佢呢度唔係跟蚧蜆俾你點，而係泰式辣醬，但好彩佢唔係，因為佢本身都已經好咸。另外我仲嗌左豆漿，豆漿就得個甜字，冇豆味。所以如果你對食要求唔高，但要飽肚，呢度絕對滿足到你。

放飯時間，平時喜歡去吃公司附近的兩餸飯，當天想搞搞新意思，到這間梁記餃子麵坊吃餃子麵。店舖裝修簡單，坐位不算很多，遇上繁忙時間就會坐得非常迫狹，容易會撞碰到旁人。而且放飯這個繁忙時間還需要等位，幸好比較早去放飯，不用等很久就可以進去點餐。有各式各樣的水餃，每款餃子都是新鮮製作多蔬菜少肉為主，麵坊行走健康主義。看了餐牌後，我點了豬肉韮菜餃米線，湯汁香濃，入面有五隻餃子。餃子粒粒都大粒飽滿厚肉，用上雲吞皮吃起來又薄又滑，與別不同。

食開阿一 有幾次經過喱間見到佢個原味豬扒米線同阿一好似 而且門口好多人 今日就試下點知好伏 ————————————————————D豬扒普通 正常炸豬扒個湯底真係.....得少少味精同胡椒味 勁淡我話少辣 之後佢話少辣唔比咁多酸菜辣唔關酸菜事架喎 少到係得幾粒個豆漿飲落係街市味 好嘔心就算唔用阿一比 出面D湯麵都冇咁難食———————————————————— 真心唔明D人點解覺得好食😃 ————————————————————