梁記餃子麵坊 (已結業)

朋友推介 過嚟試一試叫左4樣嘢1. 韭菜餃子2. 香菜餃子(芹菜&芫荽) 味道正常 肉同菜嘅比例差唔多不過個人覺得餃子個皮有啲厚同埋兩碗個數量都唔一樣但因為出面有人排隊 同埋啲staff 好忙都無問佢地個數量 menu 都無寫有幾粒我係叫淨湯餃但每粒餃子係好大粒嘅3. 炸鯪魚球 佢配左個泰式辣醬 係唔錯嘅 但本人都係鍾意豉油 唔會蓋過咗個味 不過個人覺得個皮好靭 有啲難咬開4.豆漿 得凍 正正常常 無特別兩個人食，有啲吃力😂總結：可能朋友講得太好食 因為比期望既有d 出入所以都只可以話係正正常常

最近樓市跌，今個假日無野做，一於入朗屏睇樓！連睇十多個單位，睇睇下都吾知時日，一望就已經係夜晚九點，唔屬元朗既我係教育路兜左一圈搵食，但都無岩心水，印象中係元朗西巴士站有一檔許xx車仔麵，本想一試，可惜行到去已落閘！行過背面，望到有喱間餃子店仲未收，就直接入去！一入到去，環境簡約，6，7張枱配上功夫凳，什有江湖味！睇睇餐牌，款式都幾多，有自家製餃子，又有豬手，牛腩，雞翼，而且有套餐，價錢相宜！好快手，一位姐姐就叫我地落單，因為廚房就收。我原本叫左碗$38香甜南瓜餃(豬肉)配上海麵，可惜上海麵賣哂，無奈轉米線。男友人叫了碗$38清甜蘿蔔餃(豬肉)配粗麵，另加6蚊罐裝可樂。遠處見到一大盆辣菜甫，就問姐姐是否自助？姐姐回答：要收錢架，3蚊一碟！要唔要？既然問咗，又唔好意思唔要，咁就要一礏喇！3蚊一碟，份量吾多，勝在過下癮！味道正正常常，唔會太辣，無特別驚喜，下次可以吾洗加錢嗌👻過多5分鐘，2碗餃子一齊到！一望，大大粒，有5粒！喱到既餃皮似廣東云吞皮，滑滑的！👍👍我既南瓜餃，餡料豐富，食到南瓜甜味，豬肉跟南瓜比例剛剛好，有肉汁，好滿足！有9/10分！而男友人既蘿蔔餃就有點失色，唔係好食到蘿蔔，

前晚在YouTube偶然見到衛詩雅Michelle的<衛食攻略，衛食自己友> 的7日前短片有介紹元朗這餃子店，適逢今天也去元朗，於是安排午餐時間嚟試食這店的手工餃子及豬扒是次選取食雙拼的韭菜豬肉餃子及原味豬扒上海麵(由於熱氣原因今次冇食推介的炸豬扒，原味豬扒也相當不錯)，果然這裏的手工餃子都唔錯，幾好食😋 加杯凍豆漿（唔太甜好啱）都正是次午餐48蚊（當中包括加4蚊有杯豆漿），另有大約42蚊的抵食午餐，有些是酸辣，今日食唔到咁辣

《不負責任食評 — 梁記餃子粉麵》評分：🌕🌕🌕🌕總評：呢間其實都食咗10幾年最近衛詩雅介紹完又多左人 男友又話想試就去食啦佢最出名就係餃子同埋炸豬扒米線但係其實我自己呢就覺得佢只係一間街坊來講大件夾抵食嘅選擇區外人就唔使特登入黎食既佢呢度啲湯底係好求其嘅但係佢啲酸辣就好好食以前都係見佢哋會自己加啲辣椒油去炒啲酸菜所以出嚟會好香😋必食！豬扒就其實普通唔算好特別只不過係佢炸得比較乾身🤔餃子方面每一粒都好飽滿亦有啲特別嘅口味個人就好鍾意食沙葛、南瓜、蘿蔔、蕃茄餃🥟反而你話啲大佬口味好似韭菜餃咁呢坊間仲有唔少好過佢嘅選擇跟住仲嗌咗個炸鯪魚球同埋炸雞中翼炸雞翼乾爭爭又細隻食落好冇癮炸鯪魚球就本身啲魚肉唔算好有彈性好好食個炸皮仲會有少少un🤔

元朗美食多，都係比較鍾意小店嘅味道。雖然無華麗環境，但保持整潔，服務又親切。餃子係即叫即煮需要啲時間，黎幫襯嘅客人好乖好有禮貌咁等，等嘅過程見到好多人都食炸豬排同炸雲吞，眼見都炸得好靚，感覺好酥軟，可惜一個胃食唔到咁多，惟有下次一定要試吓。餃子好足料每隻脹卜卜，用料配搭都好特別，有傳統白菜餃，韮菜餃，特別啲有青瓜餃，南瓜餃，菜甫沙葛餃，蕃茄牛肉餃，湯頭有淡淡胡椒香味。要食好嘢就要排吓隊，平均等10至15分鐘。

依間餃子店係元朗都有一定歷史，最出名當然係餃子，全部都係新鮮人手包，大粒之餘好足料，一邊食都發現有好多街坊外賣生餃生雲吞~如果第一次食或者有選擇困難症，當然推介食佢既雜錦餃子($41) ，有八粒唔同味既餃，乜口味都可以試下🤣另外亦都推介豬扒同雲吞！豬扒好入味又大份，鍾意食脆豬扒可以叫店員另上，但係浸淋又係另一番風味🤤菜甫沙葛餃+白菜餃($39) 加豬扒($10) 套餐— 麻辣豬扒米線+菊蜜($44) 加鮮蝦雲吞($3) / 叫套餐一定要加$3加食物~$3 有三大粒雲吞！😈

呢間係一間以人手包水餃雲吞的麵店，如果大家要黎食，就真係要早少少，因為佢地有時會因為包唔切而暫停供應某種水餃雲吞，當然佢地會補貨啦，唔會全日冇供應。講返D麵先，普通麵餐水餃雲吞都係$39，加豆漿都係$4，而水餃雲吞都有7-8款選擇，雲吞既蝦既份量好足料，粒粒都好大粒，一碗麵配5粒，份量好足夠，生麵麵底好有咬口好彈牙，正到爆。除左水餃雲吞，仲有炸豬扒肥牛等等，炸豬扒份量都大大件，你都可以選擇炸豬扒另上，就唔會浸住塊扒怕佢淋左。

今日返半日工，放工後要先到朗屏站附近，所以順道於梁記餃子麵坊買埋午餐返去。酸辣新鮮牛肉米線，加白菜餃子 (3件) ，加凍豆漿牛肉口感較自然，唔會好似有啲餐廳咁勁用鬆肉粉，白菜豬肉餃子大大粒，好足料！酸辣豬扒米線，加韭菜餃子 (3件)，加凍豆漿炸豬扒好好味，重點推介，另外韭菜餃同樣大大粒，就CP值！凍豆漿可能係店舖自己磨的，而且亦好香濃。總結：住咗元朗咁耐，都係第一次幫襯梁記，原來真係好食，但因為只有堂食或自己親身到餐廳外賣，下次如果再到朗屏嗰頭，一定會再試下其他的食品。

呢間隱世小店應該主要係得元朗街坊先識，呢啲既餃子好高質，但我會話佢既炸豬排先係世界第一，非常高質！食咗咁多年，我依然覺得呢到既炸豬排係香港第一，無論係其他地方食過幾多間，我都覺得比唔上梁記既炸豬排每次黎食我都係嗌佢既A餐—酸辣豬扒米線佢既米線其實平平無奇，不過豬扒調味得宜，而且炸到恰到好處，香口得黎又唔會太乾，依然保持到豬扒既軟腍口感，絕對令人食唔停口！而且呢個餐加$3就可以跟3隻餃子/雲吞，真係非常之抵食！

元朗站📍梁記餃子麵坊-呢一間元朗老店女朋友細細個就開始食，見證子承父業，都食左10幾年，餃子足料、酸菜開胃😋皇牌套餐A:酸辣原味豬扒米線加配韮菜餃（$47）碗麵睇落唔算多，但食落好飽！豬扒香酥鬆化，套餐加$3就有三粒餃子，必加！呢度叫得做餃子麵坊，餃子當然好足料又好味😋我就最中意韮菜餃，皮薄餡靚，大大粒🥟最惹味就係酸菜，次次一定叫多酸菜，酸辣過癮。皇牌套餐B:酸辣新鮮牛肉米線加配白菜餃（$47）女朋友就中意食牛肉，貪佢夠嫩滑！本來個餐配麻辣，但酸辣實在太吸引，可以轉酸辣🌶另外加配白菜餃，好鮮甜😋以上套餐包一杯豆漿/香菊蜜。麵底可以轉上海麵/米粉/生麵。個人覺得上海麵一般般，太厚粉，多數食米線。好多街坊都會外賣生餃子，返屋企煮麵/打邊爐一流！好多時店員會係鋪頭即包餃子，好新鮮！環境方面，裝修就冇乜，不過小店就係咁，人流都流轉得好快。咁超值嘅價錢黎講真心抵食！

呢間係老店黎，好多年架啦，喺我屋企附近，偶爾宵夜會食下，宵夜時段都幾多人，睇得出係幾好食嘅，餃子足料，大粒，有汁，但係我意外咁最鍾意佢個炸豬扒，大家黎元朗不妨試下

尼間每次Sa妹經過都見到長期爆滿 究竟點解？原來佢係出左名嘅手工餃子店 不過佢唔止餃子出名 原來豬扒米線都好多人推 咁Sa妹當然狗衝入去試啦～👑皇牌套餐👑🍜酸辣原味豬扒米線 +蘿蔔豬肉餃子🥟 (+$3)加3蚊就可以拼多樣野食 當然要試下佢嘅手工餃。佢有大概10款左右手工餃可以選 選擇較多 而且有D配搭仲好新穎🤣 Sa妹就叫左蘿蔔豬肉餃～黎到見到佢嘅餃子真係好大舊 咬落D白蘿蔔爽脆香甜 豬肉又嫩 而且餃子皮薄肉厚 非常足料豬扒作為「皇牌」都名符其實 充滿油香 而且唔會好老咬唔郁 讚！Sa妹最關注嘅米線反而不太出色 米線係爽口的 但湯底本身十分清淡 食落無咩調味 主要靠面頭嘅辣酸菜脯 佢辣酸菜脯本身真係頗辣 所以攪勻後米線都會帶出到酸辣味 不過係尼方面 Sa妹始終還是偏好湯底本身有落功夫嘅米線～總括黎講 作為一間餃子專門店 佢嘅餃子的確十分出色 米線就不要要求太多了😂推介指數：⭐️⭐️💫（總分為5⭐️，💫為半粒⭐️）

📍「梁記餃子麵坊」- 元朗今次食食食之旅黎到元朗😌呢間都係👧🏻👦🏻最愛既餃子店之一😚因為佢地大份又好食🥰😋性價比高👍🏻💕🍴菜甫沙葛餃子（豬肉）配全蝦雲吞💰HK$46✨推薦指數：9/10菜甫沙葛餃一直係👧🏻嘅最愛💕佢地嘅餃子皮薄餡靚，好大粒好足料，沙葛好爽口，仲配有紅蘿蔔，呢個配搭超好食🤩而且一碗仲有7️⃣大粒，好抵食😝👍🏻！全蝦雲吞係出面都比較少見，每粒嘅鮮蝦都好足料，咬落爽口彈牙，無得頂🥰因為全蝦雲吞係加錢配，所以得3️⃣粒😛暫時黎講呢兩樣都係👧🏻必嗌嘅配搭😎🍴鮮蝦雲吞+鯪魚球米粉💰HK$42✨推薦指數：9/10鮮蝦雲吞有3️⃣大粒，鮮蝦雲吞同全蝦雲吞唔同嘅地方係佢加埋豬肉，👦🏻覺得加埋豬肉將雲吞嘅鮮味昇華，而且口感更多層次，更好食😋（不過👧🏻係投全蝦雲吞一票架🤣）鯪魚球有4️⃣大粒，粒粒都爽口彈牙，食到魚肉嘅香味，好食👍🏻😝不過👦🏻覺得酥炸鯪魚球更好食，香口酥脆又大粒，點埋甜酸醬一流，食完超滿足！😋唔怪之得梁記係元朗人最常食嘅餃子店之一😎😇梁記嘅炸豬扒都好好食架，可惜今次冇嗌到，大家有興趣都可以試吓🥰📷 餐廳係簡單舊式嘅餃子店面，可以見到佢地人手包餃子，不過鋪面比較細，座位有少少🤏🏻逼🙈

某日下午經過有間想試好耐嘅餃子老店。人流尚可，等咗一陣就入得！睇睇餐牌，幾低食喎～我地點咗豬肉白菜餃子麵同埋酸辣菜甫沙葛餃子麵。大大份，每碗5粒餃子脹卜卜，味道正常。餡料新鮮，粗粗的水海麵。。我個人認為食落太粉，食幾條已經好滯。。食到最後。。。Oh my GOD! 洗碗綱絲！！細菌嘅蘊藏。。好彩睇到。。如果唔係食咗落口就。。酥炸鯪魚球，確實係大大粒，而且新鮮熱辣辣炸起，但係外邊好韌，入邊好熱，完全冇口感可言，冇魚鮮味。總括黎講：可一不可再。個人認為整潔永遠都係最重要！鋼絲湯麵不能容忍。攞分位：新鮮大大份失分位：整潔度味道服務

皇牌套餐 $44 送豆漿或香菊蜜最後揀咗 酸辣新鮮牛肉米線 配豆漿加多$3 要雲吞豆漿 我覺得偏甜 老公覺得正常 味道一般跟餐係免費 不過就咁一杯$6 我覺得都ok酸辣鮮牛肉米線酸菜浸湯之後 只係酸唔辣酸菜還酸菜 辣還辣米線超級冧 如果要求佢地煮硬身d唔知會唔會硬身唔食米線 都可以改其他粉面加$3我覺得幾抵食雲吞都算大粒 蝦爽口見menu 有全蝦雲吞下次試吓先食嘅期間 唔夠半個鐘有4-5人入嚟單買餃子/雲吞拎走鮮牛約有5塊 都唔細塊仲要厚身 調味都幾重酒味