梨滿園韓國料理 (已結業)

今日突然之間好想食韓國嘢 身為食肉獸嘅我哋就即刻起行去食炸雞啦 經過旺角女人街 醒起有間做緊優惠嘅韓國嘢做緊芝士鐵板雞放題 梗係要去食下閒日嘅六點鐘嚟到冇乜人等位 好多卡位任君選擇 坐得夠曬舒服 食食下就爆場喇 主角芝士雞 外皮唔太脆 但都幾香口再加上甜辣醬味道一流 外面係滿滿嘅芝士 有超級拉芝效果 十分滿足 雞肉嫩滑多汁 襯埋芝士食到停唔到口呢個套餐已經包咗韓式飯卷 芝士蛋捲任食 韓式飯卷麻油味香濃 入面有爽脆嘅醃蘿蔔蛋絲等等 味道唔錯芝士蛋捲即叫即整熱辣辣 入面嘅芝士仲係流心 加上茄汁同芥辣 一碟絕對唔夠喉

⚠️calling各位芝士控⚠️120分鐘任食韓式拉絲芝士雞🤩🤩🤩芝士雞鐵板上~成個底都鋪滿芝士~🤤十分足料!!!輕易就可以做到拉絲效果😍😍😍😍😍雞肉有醃過~味道亦都唔錯~驚得芝士雞食會太漏~唔使怕~因為仲有▶️拉絲芝士紫菜卷蛋同埋紫菜包飯哩2樣都係可以任食架!!!蛋卷都幾大份~裡面有芝士同紫菜~味道不錯!!!紫菜包飯不過不失~不過有佢中和一下可以解下油膩感~晚市(18:00-21:00)$138另需加一韓國啤酒~汽水買一送一汽水$12罐~有買一送一~唔貴啦!!!

收工去咗旺角女人街搵嘢食，女人街有好多好嘢食，搵食之間，見到大大個banner被 “梨滿園”被深深吸引咗。因為係韓式炸雞，仲要放題，最緊要係 $1xx 百幾蚊咋!上到去地方闊落，坐得舒服。即刻坐底食個超抵食嘅炸雞放題。本身都有一刻諗住試韓燒，韓燒其實仲吸引!但都係炸雞啦，又平又好食!個放題套餐其實唔只係炸雞，仲有蛋卷同埋壽司，仲有一款嘅芝士雞，所以百幾蚊任食嚟講，冇得輸啦!炸雞口味仲有4款 (薑蔥味、甜辣味、芝士味、蜜糖味、秘製醬油味)炸雞非常香脆可口，味道好，汁醬仲正，本人推介薑蔥味，真心正!蛋卷又滑又香，紫菜係中間，配沙律醬，好味!芝士雞都可以食完又食，啲芝士又香又 “煙un”，食完要encore 再 encore。食到回晒本，百幾蚊食到非常滿足。總結嚟講，炸雞可以去 “梨滿園”試下。

下午茶時間來到旺角搵食，見到下午茶價錢十分吸引，就試一試！查一查先知餐廳原來很出名很多人會過來食韓燒。下午茶時間當然唔試韓燒，我點了牛肉石鍋飯和餃子辛辣麵（走辣），價錢唔貴，石鍋飯唔錯，好香辛辣麵一來，唔記得幫我走辣，侍應話幫我換，終於換左清湯，但辛辣麵煮得太諗，無咗辛辣麵的口感餃子一般，唔值得推介值得一提的是餐廳的前菜，估唔到以下午茶的價錢都可以享用到前菜，每人可以揀兩款前菜，我揀咗炒薯仔絲和菜，前菜有水準

今日早收工就諗住岀旺角行下行到餓就醒起朋友提過有間韓式餐廳推岀左炸雞放題 有睇過我之前食評都知 我有幾咁鍾意食炸雞 所以就走左上去試下 上到樓一望就望到夠哂方便 好彩今日早去唔駛等位就入得去入到去餐廳凳都未坐暖就即刻上左啲小菜都係啲開胃小菜有酸有辣 食過韓食嘅朋友一定對佢地唔陌生我地一行兩個人都叫左炸雞放題嘅set講下炸雞先先睇炸雞賣相就知不得了 一共有五個味分別係薑蔥、甜辣、芝士、蜜糖同醬油聽店員講芝士味係新岀嘅咁所以我第一舊就先食芝士芝士味相當唔錯味道溶入炸雞 而且炸粉唔厚好好食之後就番舊甜辣 甜甜辣辣 食落開胃 成隻雞都包住醬汁 啖啖都食到醬汁嘅味蜜糖炸雞我諗大家食得多我都唔詳述而醬油味又係另一種截然不同嘅酸甜滋味薑蔥炸雞我都係第一次試 個口味好獨特 同炸雞岀奇地夾 推薦比喜歡嘗試新口味嘅各位我地兩個食左兩三輪都想換下口味 於是叫左兩個小食 一個係芝士紫菜卷蛋 另一個係豬肉泡菜湯芝士紫菜卷蛋我就唔多講啦 喜歡食芝士同蛋叫呢個就一定無錯不過個泡菜湯真係不得不提 甜辣適中 更重要嘅係佢用嘅係五花肉~~~~~~~~~~~~~~~~~~~~~~~~~~~~~~平時岀面食幾舊韓式炸雞講緊都

韓國代表食物一定定有炸雞朋友想不停食炸雞，所以搵左這間有炸雞放題的~有兩款放題可以揀我地想樣樣都試就158，兩樣韓式小菜的量及種樣都不錯，南瓜芝士雞無錯~除左炸雞外，放題有拉絲芝士雞提供，鐵版上好夠熱！芝士量非常多，所以拉絲效果好真的啖啖都有芝士~雞肉嫩，全是雞柳~想吃齋肉的朋友岩~芝士紫菜卷蛋卷蛋的mustard 同茄汁， 加上芝士真的有熱狗的感覺~很有趣壽司卷量很多！味道不錯~正正常常的壽司卷，如果芝士同炸雞食得膩，可以中和一下。主角 炸雞有五個味，不過人數同肚容量所限，試左兩款。蜜糖味的蜜糖包了整件雞，雞有點微辣，出來效果配搭得好，加上脆漿的厚度剛好，就讓人很滿足~另一款就是薑蔥味，薑蔥味道不算很重~炸雞炸得不錯

難得今天早下班，於是便來吃個浪漫的韓式晚餐吧。久久在香港未能找到正宗的韓式水冷麵，在今天偶然的機會下，能夠吃到韓國的味道，甚是感恩。水冷麵個人認為正宗的水冷麵，能夠做到麵條有口感、帶微酸和有冰涼的感覺，及配有輕盈的配料如蘿蔔片和青瓜絲等，便是我心目中的No.1了！這家店一一做到了。韓式芝士炸雞這間店最出名的就是芝士炸雞了，我當然也要來一客，炸雞經過醃制後，配上濃郁的芝士醬，味道確為相配，難怪這家店一直都人頭湧湧！一人吃下這兩道豐富的菜式，確實不錯，而且也很滿足，下次再和老公一起來呢！

今晚特意約友人黎試呢個炸雞放題，因為真係好耐冇食過喇~平時人少每次只係食到1至2款味，今既呢間餐廳有5款炸雞，岩哂我地人少少又想試哂咁多款味道。睇睇餐牌，原來除左炸雞放題，仲有一個芝士雞放題，芝士雞放題除左芝士雞任食，仲有壽司同紫菜蛋卷，好難揀呀！ 係我糾結左一陣，店員話點左芝士雞放題可以+20食埋炸雞放題，正呀！食韓國料理又點少得前菜呢我地兩個人都比成6碟我地，仲可以refill架拉絲芝士雞真係好多芝士，可以卷住啲雞，溫提唔好掛住影相，鐵板好易令啲芝士變濃芝士紫菜卷蛋呢個卷蛋上面淋左茄汁同蜜糖芥末醬，重點係切開後仲有蛋汁，但又唔會令件卷蛋散開！雖然食完芝士雞已經有啲飽 但我又點會放過炸雞呢，想試哂咁多種味，發現一件好大件架，最後我地只係揀左姜蔥（右邊）同蜜糖味（左邊），炸得夠脆，雞肉有少少辣味，正！

韓國炸雞真係好吸引,見到有炸雞放題當然不能錯過啦!呢間樣好似韓屋咁,D店員好有鄰家媽媽FEEL,好好服務,比左一堆前菜我選,但我想留肚食炸雞就冇食啦!呢度有5種口味,有薑蔥,甜AND SPICY,醬油味,芝士味同埋蜜糖味,好有創意,薑蔥味出乎意料地好食,實在唔錯,其他味道都幾好,D雞好滑,炸到好脆,仲可以任食,抵食。我叫左個豆腐海鮮POT,豆腐好滑,呢個海鮮POT仲有牛肉添,有D SPICY,有D CLAM,送飯一流,不過時近9時,我就費事晚上食咁多野啦!但食炸雞實在唔少得可樂。呢度上菜都好快下,唔錯唔錯,同埋超近我上課既地方,以後下課都可以順便食下放題。呢度仲有好多其他食物,叫埋35知己SHARE會好D。

今天約了朋友放飛機嬲嬲地便去吃韓燒，一入梨滿園，裝修設計充滿韓國古代風格，位置舒適寬敞，完全不覺趕急。這裏的菜色算比較多，最後點了個精選牛肉拼盤（牛肉、牛肋骨和牛肋骨肉）$208和一碗韓式熱湯麵，還有叫了一些啤酒。前菜方面是做得非常足的。然後到主角出場啦，單看花紋便知道肉質肯定不錯👍🏻脂肪分布完美。放在烤架上，炸炸聲感覺到肉汁受熱的跳動，非常治癒。識食的我當然要半生熟，烤得剛剛好又微微帶紅，放進口是極香口的肉味，而且腌得剛好，又不會過重甜味，但又能帶出肉質的香味。不同的牛肉有不同的口感，認真過癮。而且燒肉配啤酒簡直是絕配。韓國面也做得絕不求其，其實韓國麵亦即是海鮮麵，有青蝦、青口、蜆和魷魚而且還伴着健康的青菜，最重要的是麵條做得非常al dente 。最後埋單食咗咁多嘢都只是三百，性價比認真高。

這天再次來到梨滿園之前有看到有120分鐘任食韓式拉絲芝士雞、拉絲芝士紫菜卷蛋、韓國壽司價錢也十分經濟身為芝士控怎可以找不到吃芝士的地方韓國壽司即是韓國的紫菜包飯卷飯卷做得不錯用筷子夾起也沒有散開但美中不足的是飯卷用上了新鮮蘿蔔令到口感有點不同但是裡面其他的材料做得不錯拉絲芝士紫菜卷蛋一夾開就可以看到拉絲芝士蛋卷上加上蕃茄醬和蜜糖芥末醬令到整個蛋卷不會變得那麼容易吃膩蛋卷也煎得不會太過老韓式拉絲芝士雞這裡的芝士雞是用上炸雞肉跟外面的炸雞有點不同雞肉的調味做得不錯是帶一點醬料的那種而且不會乾硬加上旁邊的芝士更加好吃拉絲也令到整個觀感大增最後想吃一下其他東西我們就點了韓式炸醬面黑色的炸醬麵應該就是韓國的標誌了主要裡面有豬肉、翠肉瓜和一些香口的蔬菜麵質煙韌而且炸醬的味道不會過咸十分耐食還有青瓜爽脆的口感不錯

今日同事係呢邊放工就約埋我一齊嚟食炸雞 佢話呢間餐廳之前佢韓燒都幾唔錯 近排知道佢出咗炸雞放題就搵我嚟陪佢試下佢炸雞有五種口味:甜辣味芝士味秘製醬汁味薑蔥味蜜糖味我地相信炸雞係即叫即製因為都要少少時間等候 但果然等待係值得又好回報 炸雞嘅皮脆卜卜 入面嘅肉係熱到辣口 肉質非常之嫩 呢度都幾好佢呢唔會固定每種味道一份份 唔會搞到太多令你食到太飽食唔到其他嘢 你可以同佢講要幾多件 我哋就同佢講每隻味都要兩三件 我最鐘意甜辣味 朋友就覺得蜜糖味好食 真係佩服韓式烤雞可以成日都做到咁嫩口食完炸雞我哋就單點咗一個牛骨湯飯 有啖湯解下膩 有飯配埋非常之飽牛骨都有幾件而且都幾有肉味 唔錯

今日同朋友喺附近行完街就上嚟食呢間韓國餐廳 我之前睇post見到做緊一個任食拉絲芝士雞套餐包括埋壽司蛋捲同埋紫菜飯卷 點知又見到有炸雞套餐一坐低店員就會攞幾款韓式小菜畀你揀 食住睇餐牌期間先叫咗一個海鮮煎餅之後就慢慢諗究竟要食芝士雞定係食炸雞 最後就決定食芝士雞好似冇咁邪惡煎餅都幾正宗喎 好味道 唔會好似出面嗰啲麵粉咁硬身實的的 佢呢個薄餅煎出嚟係比較鬆脆 我覺得煎餅材料間間都會差唔多但係佢呢度咁鬆脆就顯示出佢嘅粉漿調校比例好好之後芝士雞用個鐵板送上 熱辣辣啲芝士溶化曬 真係一絲絲咁樣拉出嚟 卷埋用調味炒咗嘅雞柳嚟食 好滿足 夠曬香濃惹味個芝士雞其實一碟兩個人食嘅話都好夠份量啦 但係我哋最後都食咗兩碟因為真係好好味之後我哋就食埋壽司飯卷就算啦 個飯卷正正常常好味啦 飯唔會太多 裏面材料都夠香

知道呢間韓國嘢有免費炸雞放題，不過今晚唔想食炸雞，想試下佢啲烤肉～見好多人都食 下次試下先揀左個二人烤肉套餐 $248有一盤烤肉（牛豬雞）+生菜🥬香蔥、粉絲/年糕+汽水🥤仲有其他韓菜烤肉拼盤個賣相 雖然有啲唔靚 好似就咁放啲醃肉咁，但係好好味道 仲有生菜，調味香蔥同麵豉醬仲有咁多小菜，有薯仔豆角南瓜泡菜同蘿蔔。泡菜蘿蔔真心好味！泡菜夠酸完全係我like個Type仲Fill左兩三次泡菜添！係用典型鐵盤烤。烤一陣好快熟 牛肉同雞肉都醃得入味👍🏼👍🏼牛肉甜甜地點埋烤肉汁送飯/生菜食yummy個豬五花真係好得個皮（自己）煎到好脆 油脂分布平均 不過最衰得三舊唔夠喉個年糕都唔錯喎！唔會太辣有甜甜地咁 煙煙Unun仲有個蔬菜湯 好大浸胡椒味

呢間韓式餐廳喺旺角location都幾就腳 上到去見到好多年青人 排隊相信都好受年青一輩歡迎坐低見到佢有任食炸雞就梗係要試下啦我哋食咗正常炸雞同埋辣味炸雞雖然話係辣味但係因為佢有好多芝士所以只係少少辣就算好唔食得辣嘅朋友都可以試下因為佢釣到味冇原味咁清淡就算只係原味都會有好足夠嘅芝士 好鍾意芝士拉絲嗰種邪惡嘅感覺!!我哋叫咗一個熱嘅柚子蜜 同埋韓國啤酒最後我哋想食多啲唔同嘅嘢都叫咗兩個小食一個係 韓國飯卷另一個係豬肉炒粉絲韓國飯捲入面好足料 有菜有肉仲有少少粉絲豬肉炒粉絲味道都好濃郁仲有肉汁 值得下次再嚟食