森巴餐廳 (已結業)

原本唸住去Munch, 點知因無訂位(失策)而要坐貼住門口的座位, 決定放棄~ 男友話不如去諾士佛臺睇睇, 穿過美麗華商場時見到呢度, 即管試試~呢度環境陰陰暗暗的, 每檯都有一小個蠟燭仔, 氣氛尚何. 一坐低, 侍應都好快兼有禮送上兩杯水及餐牌, 唔錯. 原來我想揀"翡翠"餐(因有5個頭盤+湯+1主菜), 就在此時, 有個女侍應提議可試佢地一個精選餐(包5個頭盤+2湯+2主菜+2甜品+2餐茶), 其中一個主菜係龍蝦扒併乜乜薄餅之類, 咁我地見同散叫好似差唔多, 咪就呢個餐囉... 點知就出事...先來兩個"餐包", 係山X出品的芝士麻糬波波, 熱辣辣, 好好味, 但亦好細個.一人一個湯, 龍蝦湯& 露荀蟹肉湯, 後者較好.頭盤上場, 分別係釀蟹蓋, 白玉魚冷麵, 鵝肝燉蛋, 煎珍寶蠔同埋輕煎吞拿魚蕃茄他他. 每個的份量只係一人份量, 雖然味道OK, 但話晒都係二人餐丫, 點可能每樣只係一件架... 到主菜, 都係唔駛講, 份量好細, 龍蝦肉有味但有少少"un", 反而個薄餅(捲住一D蔬菜加沙律汁)幾好味. 另一個主菜我地揀"鶉春", 點知來到隻"鶉春"只有我兩隻手指公併埋咁細

上星期同女友去到諾士佛台,行左一陣覺得呢間野唔貴又好似好多野食,於是入左去我叫左個Csytal,2appetizers+2main course因為驚食唔晒,女友只叫多1appetizer,1main course先講份量,細到無論基本上食完都好似冇食過野咁,我一個人食兩個set dinner都未必飽呀!appetizer我叫左美國珍寶蠔,軟穀蟹沙律珍寶蠔一隻,煎得幾香,唔錯軟穀蟹半邊,仲要係細隻既半邊,同迴轉壽司食到既冇分別,分鐘迴轉壽司仲好main course,我點了炸大蝦飯(本人喜愛吃飯並大食,所以dinner一定要有飯),烤羊架;女友點了龍蝦天使麵龍蝦天使麵,有兩隻兩隻手旨咁大既龍蝦仔,d麵ok,但龍蝦仔切極都切唔開,我都搞左一大輪先整開到俾女友食希望廚師下次係客人角度諗下啦烤羊架,都係好細件,但好食,羊肉唔會太熟,嫩口,而且個汁好好味炸大蝦飯,炸野好好難唔好食既,飯只係得我平時食既廿十份之一咁多,但d飯就真係我食左廿年黎最難食既飯,我諗世界上都好難搵到比佢更難食既飯喇;根本就唔係飯,糊狀的dessert,火焰雪山一叫要other兩份,所以冇叫,叫左個tirumisu,難食到

三個人去食生日飯...叫左一個crystal set + 一個diamond set..總共有5 個頭盤同5 個main courses...再加一客巴士芝士軟飽....整體味道唔錯....個人覺得主菜好味過頭盤...因為D 頭盤全部都係整定哂...而D主菜上檯時仲熱....所以覺得5個main 都好味...雖然每碟份量都細..但係咁多款....三個人都飽到不得了....原來個set 包一個芝士軟飽...早知唔另外要多一客啦...雖然個飽好好味...但係好漏....開頭我地諗住慢慢食..所以只係叫左一個set 先...有個侍應走埋黎話...你地訂左個蛋糕架呵??但係要食夠$300 先有得送架喎...哎呀....大佬呀...你咁講...咩驚喜都冇哂啦....好彩我個friend撞聾...聽唔清楚...由於生日者有火焰雪山蛋糕送...所以檯檯都係黎慶祝生日架....成晚係咁播生日歌....好彩我訂檯時請佢地幫我係個蛋糕上整埋我個friend個名...朋友仔見到都好開心....埋單$360...

今晚去左呢間野食....第一次去囉~食後感就係....每人150蚊....食左d唔係好知自己食左咩既野....唉~~可能係唔啱口味啦~頭盤同甜品都還可以....不過主菜就.....我地叫左2個2+2....頭盤:煎珍寶蠔...應該係最好味....鴨胸...味濃得滯....焗田螺....算ok....鮑片凱撒沙律....鮑片甜不過不是鮮...主菜:鵝肝....非常不好吃....除左個source....茄子牛柳....唔好食囉.....大蝦意大利飯....d飯好像霉了的...焗多寶魚配雜菌....淡而無味唔夠熱...魚係腥嫁~~甜品:cheese cake n tirumisu.....算係幾好....不過會唔會cheap左d?嗌甜品就無餐飲...竟然....唉....仲要一晚聽5次生日歌....好噪呀~~~唔會再黎呢間野囉~~~

我覺得間野幾好我去個日係星期日,奇怪地唔係好多人D野食真係好細,但唔差最後送左個"火焰雪山蛋糕"都幾好~

已經是第三次光臨，每一次的主要目的都是為慶祝好友生日。無意中發現如在餐廳惠顧滿$300，餐廳便會奉送火焰雪山蛋糕以便慶祝生日。如果想給好友生日送上驚喜，我提議預先訂位，並於訂位時要求在蛋糕上寫上好友名字。我的三位朋友都分別於看見蛋糕上的名字時驚喜萬分。餐廳並於送上蛋糕時奏上生日樂曲，森巴的心思值得一讚。主菜及頭盤選擇多，頭盤size雖細了點，以一人份量計算，我覺得合理啦!我比較喜歡吃頭盤，所以每次都選擇五個頭盤及一個主菜的翡翠套餐。因頭盤size細，才可以嘗試多款不同味道，少食多滋味嘛。

我尋晚去食,一行3人,每人叫左$168 set, 有湯,3個頭盤,3個主菜,有甜品或飲品.份量都唔係想像中細,我地食完第2個主菜已經覺得飽.<br />食品推介都係珍寶蠔,芝士包,而我個人認蟹蓋就麻麻地.<br />

今晚朋友同我黎慶祝生日. 一行五個人, 我地叫左四個JADE SET, 總共有20個頭盤同四個主菜.由於之前睇個食評話珍寶蠔好食, 20個頭盤中我地叫左一人一隻蠔, 隻蠔真係好正呀! 我O個隻係煎O既,外皮脆, 裡面又好juicy, very good! 另外我地都要左3個蟹蓋(亦係見大家推介), 個蟹蓋都唔錯! 之不過其他頭盤又細份又唔係好特別.龍蝦湯我無飲到, 朋友們無乜comments, 我諗okay啦.主菜要左天使麵, 意大利飯, 肉眼扒同埋黑鱈魚. 每碟o既size都同坊間餐廳o既頭盤差唔多大, 朋友們食完都好似無野落肚咁!甜品要左兩個芝士批, 兩個tiramisu. 個芝士批有檸檬味, 好好味!但係個tiramisu同個乒乓球差唔多大, 我覺得似酒味朱古力mousse多過tiramisu, 麻麻!事先無同餐廳講話生日, 但係食緊主菜先講佢都話可以送個火焰雪山俾我, 仲o係上面寫埋我個名. 個火焰雪山真係幾好味! 裡面有雪糕同蛋糕!我覺得呢度值得推介o既係蠔,蟹蓋, 芝士批同火焰雪山, 其他o既就真係麻麻!

雖然小弟住響佢哋嘅總店附近，但一直都只係聽到佢哋嘅口碑。不過今日率之都有機會試咗佢哋個$138set dinner(2個前菜、餐湯、2個主菜、甜品)。雖然份量真係唔多夠，不過水準絕對可以彌補。其中焗蠔同巴西麵包都非常出色，另外焗蟹蓋亦都值得推介。而主菜方面，鴨胸同鵝肝都好唔錯。可惜今次試唔到火焰雪糕，下次我一定志在必得！

我剛看過其他人俾的評語, 覺得有d唔公平事實上,森巴現時的食物份量的確比以往的為少, 但份量跟那些類近的餐廰差不多, 價錢也便宜差不多一半. 所以若說portion少, 我同意, 但也要考慮價錢.況且, 過去的星期日,我也有幫襯, 珍寶蠔真的不錯, 唯甜品不太特別. 服務也很好. 整體水準不錯. 值得一試.

昨天一行四人去食飯(有個fd 生日),諗住0的餐唔抵, 就散叫啦, 叫0左三個頭盤($25 per dish)田螺薯皮-- 好細件, 唔知食0左乜蟹殼-- 其實幾好食, 不過又係好細美國珍寶蠔-- 係熟0既蠔,不過呢個幾好味, 最抵呢個四個主菜($49 per dish)--全部份量都係細0既煙三文魚天使麵-- 一般, 冇乜特別大蝦荷葉飯-- 隻蝦幾好食, 個飯冇乜特別西冷扒-- 正!!羊扒-- 好味!!另外叫0左個巴西芝士包仔,$18 有4 粒,幾特別,質感好, 都好好味其實0野食水準不錯, 係細碟, 可能真係叫餐抵少少仲有, 因為食食0下, 佢要求我地讓坐俾其實客我地搬0左位, 佢就話送返甜品俾我地諗住佢送一件啦, 點知一人一件bor,雖然都係細細份但係都$25 per dish(慳0左$100...hahaha)我地要0左兩件cheese cake(好味), 兩件tiramisu( 一般)

近來見到幾篇講起森巴既食評, 多數係彈無乜讚, 飲食男女都係比3out of5分佢. 亦有D report話佢份量超細, 食神向來勇於嘗試, 決定比次機會佢.食物: 主sell法國菜, 食神覺得法國菜最注重既係調味既汁同濃度. 基本上森巴係呢方面做得唔錯, 但用料方面就一般D, 牛扒唔好expect係安格斯. 環境: 只可以講係一般. 諾士佛階E家有D似旺角雅蘭.推介: 有D食物幾好, 但有D都幾差, 所以要懂得order. 佢D套餐,兩個人加埋隨時有6-8個頭盤, 2個湯, 3-4主菜. 食神建議兩個人起碼叫三五件焗蠔(青芥末焗/燒汁)先. 蠔好肥美好入味. 焗蟹蓋都唔錯. 沙律, 焗薯皮果D就比較細. 主菜方面, 鵝肝麻麻, 唔食無損失. 西冷牛扒/黑松露牛扒OK. 甜品普通. 結論: 食物味道幾濃, 蠔係必食. 唔係講度咁差, 值得一試.

在美麗華戲院舊址開多幾間唔同菜式既食肆確是好事, 趁有朋友生日就藉機試試!朋友話蘇豪區呢間森巴是幾好的, 諗住可以放心去試啦, 奈何佢並不是依普通menu 叫咁簡單, 一定要食set, 基本上四人去食既係自己叫自己o個份, 佢預到一人分量俾你, 點菜時真係有點亂...我點了5個appetizers + 1個main course, 報紙介紹薑汁鵝肝不俗, 我係鵝肝愛好者當然會試下啦, 不過是失望的, 做得唔夠鮮甜, 質素麻麻!! 5個appetizers 真係唔記得食o左d咩, 印象中焗蠔都ok, 仲有點了鵝肝醬卷.... 不過不失咁啦!!問題所在係當七點過後開始人多的時候, order 開始亂晒籠, 催過好多次都黎唔齊甚至唔幫你追order, 搞到order 遲遲未出, 排隊入坐的人愈來愈多, 造成一遍大混亂!無疑, 價錢真係好大眾化, $300 以上還送火焰雪山做甜品真係幾大贈送, 但老土在每次出火焰雪山時都好大聲播生日歌既音樂, 呢下真係唔係個個受落, 感覺有點cheap添......總括而言, 如果係expect 成班人pizza hut 咁既gathering 呢間係可以的

諾士佛台階有幾間新開食肆，我同個朋友見到呢間食法國菜，所以大家都不約而同決定入去。入面成長方形，地方唔算寬，感覺一般，唔會覺得一坐落好舒服。佢分三種唔同價錢的set，頭盤同主菜都係menu都任揀，如果唔食set，都可以單叫頭盤同主菜的。揀了168蚊個set，有三個頭盤、一個湯、三份主菜，同一個甜品。我o地諗住頭盤主菜都各三款，兩個女仔好細食驚食唔晒，所以只叫了一個share食，原來碟碟都好細，頭盤有甜椒鵝肝卷-好細件，真係食唔出有咩味、法式田螺焗薯皮-好細集田螺底下得一件薯皮，切開兩份後一啖已經食晒，薯皮都幾脆；鴨胸沙律-一般啦!之後有個龍蝦湯好鬼咸；等左好耐先送個芝士包(似英王麵包的麻薯)。主菜有煎鵝肝-都算唔錯，香草羊扒-味道同肉質唔似羊。煙三文魚天使麵-有香芝士同忌廉味但唔會好漏。而甜品係cheesecake，我估係homemake，雖然唔會好濃芝士味，不過口感幾滑，可惜又係好細件，佢d set似為數量好多，原來好細份真係夠一個人食，後來再散叫焗火焰雪山，每位25蚊，一定要叫兩位以上份量，入面層雪榚好正有nuts，而外層蛋白係淡而冇味的。大致上我應為麻麻地，偶一為之。

今日因為同個朋友慶祝生日去左呢度食飯, 148蚊食左5個頭盤,1個主菜,1個湯同1杯飲品,算係幾扺!頭盤我叫左個青芥末焗美國生蠔,帶子沙津,冰火魚,焗蟹蓋,泡菜牛肉卷同埋我試左個friend既鵝肝卷,六款之中個生蠔,鵝肝卷,蟹蓋同埋帶子沙津都好正,我同d friend都食得好開心,感覺上扺過食自助餐添!!同埋我幾欣賞佢既細心,因為每個頭盤之間等左一陣,有一次因為等得耐d,佢專登會上多一次個芝士波波,仲係熱辣辣既添,好好味架!!d waiter都幾好禮貌,不過呢,就有兩樣野要改善一下喇!第一,佢個主菜(西冷牛扒)真係麻麻,反而頭盤個個都唔錯,同埋可能人多,真係等左好耐先上到! 第二,就係我地叫飲品時,個waiter都冇話俾我地知原來叫左餐飲係冇甜品架!令到我有少少失望!!希望可以改善一下就更加perfect喇!!