森記牛雜粉麵

营业中

休息中

森記的墨魚丸河是我必吃之選。先喝一口湯，感覺湯底很清甜；之後再嘗一口河粉，煮得剛好，不會太軟；最後吃墨魚丸，第一口覺得墨魚丸沒甚麼特別，再吃幾口才發現好新鮮，而且藏在丸中的墨魚粒又彈牙，不會黏牙又不是粉粉的，非常好吃。所以我常會光顧森記，值得推薦。

呢間係我同老公平時既宵夜食堂。最鐘意食呢間既牛腩河。呢度既崩沙腩河真係好正。不過今日河粉賣哂，轉咗食粗面，都唔錯。佢個套餐好抵食。牛腩+面+菜+凍飲 只係56蚊。性價比真係超高。今日唔係好餓，無食佢既脆炸蜜糖雞翼，但平時有食開，有蒜味，炸到又香又脆，宵夜食真係好邪惡，但係都唔忍唔住叫嚟食。今日見到佢咁夜都有羊腩煲同雞煲賣，價錢唔貴，係一個人食既套餐，下次會嚟試下。仲有見到好多的士哥哥嚟呢度食宵夜添。

話羊腩煲好出名，竟然話全晚每一個客都食，吹水吹到離曬譜最過份係我哋嗌個雲吞麵（$34）同牛腩麵再加一杯熱奶茶（$6），她就同我講話送豬紅，結果冇嚟到嘢飲，到找數時竟然向我收豬紅的錢（$15）坦白港我係完全唔想食佢碟豬紅，不過見佢送咁就多謝佢同埋食埋，跟住我問佢乜嘢意思叫做「送」原來係雲吞麵再加16蚊是一個套餐（$50），裏面有麵有嘢飲（$6）同有豬紅（$15）加埋碗面（$34），黎齊咪叫做平$5囉。咁即係唔係送啦，而係要加十蚊黎換豬紅啦，佢仲要態度勁差咁同我講話即刻沖返杯嘢飲畀我我話我都趕住走啦唔飲喇，而家係你間餐廳唔記得畀嘢我飲，又話送豬紅結果又收我15蚊，一定唔會有下次囉，絕對係欺騙！

作為長沙灣的街坊，已經幫襯過很多次這裏的沙嗲牛腩飯，水準平穩，而每次這個餐都會附送一碗紫菜湯。今日再去幫襯，有個紮馬尾嘅中年女人，應該係員工，態度非常惡劣😡。我問佢：個餐係咪跟湯？佢答我：冇，改咗餐牌幾個月啦，仲指埋俾我睇。我同佢講：我上星期先幫襯完，一向都有湯跟喎😦。佢仲話：我都係跟老闆指示做嘢。我話：冇理由喎，一向幫襯開都有😯。跟住佢悔悔氣氣叫廚房俾一碗湯我，仲話俾多兩啖佢啦。嘩，串過碼頭咕喱！🤬🤬🤬好老實講，我都係欣賞你碗紫菜湯啫，唔俾咪唔俾囉，唔使咁串嘅，想趕客都唔使咁呀嘛。咁嘅態度，真係搞到我唔係好想再幫襯。🙂‍↕️🙂‍↕️

話說我同我細佬悶悶地唔知食咩好😄，諗住求其食碗牛腩麵算，點知佢有沙嗲牛腩再配搭菠蘿包，呢個配搭10分創新，所以諗住試吓，好奇想知咩味道。點知！天啊！😳😳😳😳我都大個女都未試過咁好食嘅菠蘿包，原來沙嗲牛牛腩配落個菠蘿包到係咁好食㗎。👍👍👍因為個菠蘿包裏面仲夾住咗啲青瓜絲洋蔥絲同生菜，食落嘅口感出奇新鮮清甜，同啲沙嗲牛牛腩真係好夾，我即刻買多兩個外賣帶返去俾阿妹同阿媽食。🤤🤤🤤🤤🤤

原本去茶記食午餐，過嚟馬路時，嗅到好香的牛雜麵味道，見到有家牛肉麵，馬上入去試吓見到有個午餐$50，仲有一個菜同埋餐飲，如果選擇牛雜類就+$4，價錢一啲都唔貴，所以叫咗牛筋牛腩麵結果真係幾好味，牛腩牛筋炆得好夠火候，冇因為$54午餐而份量減少，仲有2條菜，配上豬紅蘿白（小小辣），這個價錢簡直超值，正呀，我食咗一個豬紅發現有少少辣，我八卦問吓有冇唔辣，店員話可以換其他嘢俾我，真係好性價比高，$54 真係抵

事緣 今次係我第三次系呢間堂食 起初頭兩次幫襯感覺良好 老闆娘又有傾有講 但勢估唔到今日太不愉快經歷 由於頭兩次感覺唔錯 就算距離家中遠啲 都願意搭的士去幫襯 話說我今晚點左menu 書上 列明42蚊的東沙島街牛筋飯 再加8蚊凍飲 理應50蚊 另外我老婆叫左佢招牌貨沙爹牛腩 跟飯和湯 理應係56蚊 合共應該係106蚊 不過我對上一次去老闆娘有講明 要湯要另加1蚊 我已經覺得奇怪 menu 無提及要加錢 所以上次無叫 點知今次幫襯即管叫一碗試吓 反正1蚊唔係咩錢 咁我老婆個餐就變左57蚊啦 試問何來116蚊 我老婆去埋單 我隨即問老婆埋單幾錢 我哋明明圍過條數 應該107蚊架姐。咁我返入去問位老闆娘 何來116蚊 佢竟然話我叫嘅係崩沙腩飯係51蚊 仲大條道理三番四次堅持話計漏咗我杯凍飲話個menu主要比客人睇圖片參考 價錢唔係真 但係我明明落單時 指着個飯張相黎叫 就算收我碟飯51蚊 試問條數何來116蚊 劃計掂計 都唔會有可能無收我凍飲錢囉，好明顯51+8+57極其量都係116，仲既然夠膽死 堅持話無收我凍飲錢 想再收咁款 真係勁無賴 我索性比佢 費事同佢爭論 以後black list

呢間嘢每次食都落錯單 叫熱飲變凍飲 叫粗麵變幼麵 叫走青唔走青 叫瘦腩佢又俾肥我 最離譜係有次逼人叫餐話冇得單嗌 永遠叫人落單都要等幾分鐘 服務態度又差 出錯餐又唔肯幫人換返 衛生情況都有待改善 仲要收錯錢

夜晚唔係太肚餓就同老公去呢度食粉麵,  餐廳有戶外位好岩我地呢D渣車人士, 見到唔少司機都會泊低入黎食。我地兩個都係叫皇牌崩沙腩, 份量都幾多, 佢唔似平時啲牛腩咁大大舊, 而係一片片肉連住橫膈膜, 炆得勁腍, 牛味又濃！  另外再叫韭菜豬紅（大）本身已經好入味, 加埋蒜粒令到醬汁更香濃!

森記牛雜粉麵 沙嗲雞球 本身跟飯但可以轉跟麵 麵幾特別 沙嗲醬都夠味 但啲雞肉可以再嫩啲仲叫左崩沙腩粗麵同牛筋撈麵 個蘿蔔好甜！啲牛腩牛筋都好夠味 同埋麵底都好多 好足！食到好飽😋而野飲叫左華田同檸檬茶 華田夠哂濃入味 但檸茶茶底有少少澀左啲 🎑環境：6/10👩🏻‍🍳服務態度：7/10 🔁回頭度：5/10 🚗方便度：7/10🗺地點：長沙灣青山道150號地下C號舖----傳送門------地區：#tintineating長沙灣價錢：#tintineating平價食物菜式：#tintineating港式#tintineating長沙灣 #tintineating平價食物 #tintineating港式 #長沙灣美食 #港式食物#長沙灣港式

【#牛雜專家🐮 】#森記牛雜粉麵 一年前派消費劵，因為用支付寶，除咗連鎖店外，都要花點時間去搵吓🤣 依間係少數接受支付寶既小店，當然要支持吓。果時食過都覺得唔錯，事隔一年之後再來，同樣用支付寶，同樣洗消費劵🤣去到果時已經差唔多點半，入面有位，不過有點熱同焗，唔知冷氣係咪壞咗🤔#牛雜粗麵 ，單點$32，加飲品➕$8，我就冇叫。之前食過都幾大碗，今次都係一樣👍牛雜件數幾多，而且幾大件，質地偏淋身，如果鍾意有咬口既朋友可能唔太喜歡。湯底唔會過咸，飲到最後仲有少少甜味🤣 飲多幾啖之後都唔覺口乾。粗麵都煮得啱啱好，軟硬適中，點醋食一流👍現場環境係有少少焗，好彩今日唔算熱，可能因為落雨天，都有昆蟲飛飛吓。因為新一期消費劵有優惠，平$5，所以$27搞掂🤣店鋪應該係家庭式經營，之前試過係繁忙時間會比較混亂，整體係算抵食，不過如果同深水埗兩大「名店」相比，仍然有一段距離。推介指數：6.5/10森記牛雜粉麵長沙灣青山道150號地下C號舖@foodiehck2022 #港飲港食平靚正 #牛雜 #長沙灣美食 #粗麵 #消費券優惠 #午餐 #抵食

之前都有食過，剛才深夜去吃，看到多了很多小菜及其他菜式，以為會愈做愈好。但是，原來做生意很不老實！！！我叫了膀肚麵加菜心加飲品的$55套餐。下單時伙記甚麼也沒說明。然後結帳卻收我$73！她說因為我叫了雙拼，所以要加$15，但就算55+15也不是73呀，然後她說凍華田要加多一點點之類，我叫她再計一下再回來。她稍後再來時感覺想叫我給回以前的價，我未等她說完就罵她們做生意不老實，最後她還是收了我$68。首先，我從未試過叫膀肚麵會當雙拼，如果這餐廳是這樣，可以一早問清楚或說明。我亦不覺這麵的牛雜份量比平常多！然後是無故用外賣餐具裝，然後說12時後全用外賣盒，再收客人每件$1。我覺得非常不合理，她們沒寫明、沒說明，然後偷偷收！我明你們要避開法律，但也不應該將成本轉給客人的！最後另一職員安撫我說下次送我一碟菜，這分明又是謊話。你怎認得我呀？下單時沒說不用套餐計，最後堅持收多客人錢，這是甚麼生意手法？我以後不會再去！長沙灣四十多元已食到這些食物，比這餐廳好吃很多。

本身幫襯左好耐，由佢冇生意食到日日爆場本身好鐘意佢既沙嗲牛腩飯，每次都會食。見到旺，加價好應該，但唔好加價但係比垃圾人食啦，比左N次機會喇，次次都係咁樣，飯就爛既，一舊舊既，牛腩就柴既，咬唔開既。定還是知道個客係外賣就求其？ 堂食好正常喎！比左5次機會，以後唔幫襯，叫哂所有友唔幫襯。完！

今日同 buddies上網搵吓公司附近有咩食，就搵到呢間位於青山道嘅森記，雖然都大概有10分鐘嘅路程，但因為我哋鍾意試新嘢，所以都唔介意行吓。原來呢度有室外同室內嘅位置，而且就喺馬路旁邊，好適合夜晚揸車過嚟食宵夜。餐廳仲用上上海懷舊風情的佈置，估唔到呢間小店都幾有特色。呢度除咗有粉麵之外，仲有小菜客飯供應。先嚟一碗雲吞墨丸麵，雲吞同墨丸各有三粒，自家製嘅雲吞特別好味，而麵質亦都非常爽口彈牙。另外仲叫咗脆炸蜜糖雞翼，小菜會包埋白飯同紫菜湯，咁都只係$48，真係好抵食！脆炸蜜糖雞翼總共有五隻雞翼，仲要係好大size嘅雞翼，外面炸得非常脆口，亦都食到甜甜嘅蜜糖味，而雞翼炸得啱啱好唔會過熟，所以仍然保持住鮮嫩嘅肉汁。我哋仲揀咗秘製沙嗲牛腩，同樣係配埋白飯同紫菜湯。呢個秘製沙嗲牛腩真係冇得輸，首先佢係採用崩沙半肥瘦嘅牛腩，所以肉質零捨滑，入口即溶，然後佢嘅靈魂就喺個沙嗲醬入面，原來佢嘅沙嗲醬係佢哋自家製，微辣中帶點甜，啖啖充滿花生香，非常香口。無論叫粉麵抑或小菜客飯，都可以加$15配油菜，呢度真係幾抵，連油菜都大大碟。佢嘅沙嗲醬實在太好食，所以我仲買咗一樽返屋企，今晚可以整串燒啦！

去左長沙灣行街突然間好想食下港式粉麵條街太熱是但見有間牛雜麵就衝入去—————————————————————入面貼滿曬餐牌選擇困難症又出現😅最後決定食個牛雜撈真係好耐無食過撈麵啦大大碗似有個半嘅麵量入面有牛腸牛肚同牛膶全部都滷得好入味但又唔會過咸連中島好怕食嘅牛膶都整得唔錯之後加多個淨雲吞一碗有6粒粒粒都好飽滿食得好滿足至於👨🏽叫左牛腩河套餐套餐包一碗麵 油菜同飲品牛腩河無因為係套餐而縮水一樣大大碗👍🏻牛腩好有牛油香味食完齒頰留香煙韌得尼一啲都唔癡牙河粉彈牙爽口吸收左腩汁好惹味令人欲罷不能—————————————————————⚛︎ 五香牛什撈麵 $40⚛︎ 淨雲吞 $30⚛︎ 牛腩河套餐 $53⚛︎ 韭菜豬紅 $25