椰林越南菜館 (已結業)

全條街都是食店的厚福街, 肯定租金超高, 食物價格自然跟隨上升. 至於品質是否一併上升, 則很難說了.工作完, 已十一時了, 無宵夜特價, 套餐大部份都是$50上下. 叫了咖哩雞飯, 賣相與味道都與一般茶餐廳無異, 只數件雞翼切碎, 骨多過肉, 薯仔一小粒, 硬實實. 咖哩汁完全唔辣, 沒有椰香, 憑甚麼叫做越南咖哩呀!? 反而白飯不錯, 粒粒分明, 不太淋, 軟硬適中, 但都有全行通病, 唔夠熱.三色冰, 材料一丁點, 加上太甜, 最後都飲唔晒.

真係忍唔住！未埋單都要拿拿林上黎留言！以前食過幾次都覺得OK，年幾冇黎之後真係唔會再黎⋯我叫左香茅豬肉撈檬，檬粉超級多，肉超級少，少都唔緊要，仲要超咸！粉淨係得蔥同一兩條蘿蔔絲同菜絲，同出面果D真係差好遠！粉仲要勁硬，冇支酸汁真係整唔散！支酸汁又冇咩味，好淡！男朋友叫左香茅牛肉飯，勁多油，洋蔥超大堆，又唔熟，仲差過廿蚊碟果D快餐。牛油雞翼雖然細隻，味道還可以，不過唔脆。中年女侍應態度差，成個落單牌跌落人地到都冇一句唔好意思！不過後生男侍應就好有禮貌，good！唯一可讚係特飲唔洗加$，又有小食，仲有⋯唔洗等位！今次真係失望到極點！

全無計劃地被帶到來, 首次光顧, 平凡而沒驚喜, 好特別好亦沒什麼出錯第一印象是粉超級多, 豬頸肉卻只幾片, 沒配菜, 只有蔥, 吃到最後粉在肉不在, 在枱上的碌冧汁不很出色, 味道不特出, 不很濃似乎只是略略將預先煮熟的肉串放入油爐過油, 再淋上沙嗲汁, 然後很快便端給客人, 所以肉較乾脆, 而沒有燒的味道, 沙嗲汁不差一大塊炸蝦餅被切成幾塊, 入口很彈牙, 泰式醬作伴, 基本上合格不過不失, 有改善空間, 職員態度友善, 讚

我一向都偏好食泰越食物，仲要係湯粉類，其實呢間椰林我都食唔少次。今次同D同事去食lunch，佢地個個都叫飯，飯後感係d飯好硬，d豬扒又好乾.......而我係叫雞扒撈檬，d檬粉成餅野咁，結果我用魚露沖番開......本來呢度lunch set的優點係叫檬粉類有小食送，咁知咁岩自己唔醒起，佢地又則則博，咁就呃左我個小食......我諗唯一既優點得返特飲唔駛加錢only................

越南菜給人的感覺是菜品色澤艷麗，擅用香料和入口微酸微辣微甜，整體很清爽。這晚我們一行二人走到厚福街這間越南菜館吃宵夜，店裡的裝橫很有越南風味，採用木桌和籐椅，牆壁上貼滿了不同種類的越菜相片，很有茶餐廳的感覺。我們分別點了一客海南雞飯和一個火車頭檬粉餐。這碟海南雞飯給人感覺很像碟頭飯，雞用的是雞胸肉，雞皮與雞肉嫩滑無比，雞皮稍為肥厚，但味道濃郁。飯是用了雞油煮，吃下不會太油膩卻有很香的雞油味，整體來說不錯。本來點了一碗火車頭湯河，可惜河粉賣完，只能配檬粉。套餐包了一客二件粉皮。吃起來口感很像腸粉，是大廚用自磨米漿自己蒸制的，中間夾著肉碎，紅蘿蔔和粉葛等，粉皮表面撒了炸蔥頭和蔥粒，吃時蘸上店裡提供的越南魚露汁，口感味道俱佳。越南火車頭是一道在越南家喻戶曉的名菜，相信每個越南人也會知道這個是什麼來。這店做的火車頭有點像吃雲南過橋米線，配料有生牛肉、牛肉丸、牛栢葉、牛筋和牛腩，另外再給一碟青檸檬和辣椒粒，讓自己加在湯裡來吃。生牛肉一勺在熱湯上剛剛變熟，吃下鮮嫩多汁，牛栢葉爽口軟腍，牛肉丸夠結實彈牙，透明的檬粉入口順滑有咬勁，而湯是濃郁的，喝得出有牛羶味和雞肉的鮮咁味。套餐包了一杯飲品，可以選擇

其實我真係幾鍾意食越南撈檬，凍凍地酸酸地正，可惜多數都係配扎肉豬扒雞翼豬頸肉牛肉之類嘅餸，對呢Ｄ配料我就麻麻喇，最多只會揀雞絲，但有時都怕Ｄ雞絲油得滯架，點解冇剩撈檬呢？今次又來到厚福街又想食撈檬，唔想再又去"福禧中越美食"喎，見街口都有間專食越南菜，成日都見到好似好多人排隊咁，不如就去試吓啦。店子裡面都幾細，枱與枱之間又迫，枱又細，反而櫈就好闊，其實坐得都幾唔舒服。朋友叫左個『晚市精選套餐(奉送小食及特飲 ($50起) 』：①香芧豬扒檬粉+②小食：越南蒸粉卷+③特飲：檸檬梳打Lemon Soda ($55)我就要咗④雞絲檬粉($32)，其實我呢個都有以要個餐嘅，不過我又唔想飲野，見到隔離枱果Ｄ小食又唔靚仔，無謂加多$18食Ｄ唔鍾意嘅野啦。①香芧豬扒檬粉睇落分量好少，但朋友食完都話原來都唔細幾飽喎；香芧豬扒香口唔韌帶骨幾好味，但就係冇香芧味囉。②越南蒸粉卷真係唔靚仔，面層係蔥油？油淋淋蔥就幾香但粉卷皮唔滑蒸得太軟略厚，裡面只有蔥同有Ｄ肉碎....麻麻地。③檸檬梳打唔酸反而甜甜地，似係７up來喎，對呢個都冇乜要求。④雞絲檬粉分量同樣好似好少野咁，原來食落都幾大碗，食哂都幾飽；檬粉好似韌咗

11:30am 左右, 跟餓鬼在毫無準備的情況下, 誤進此店!!我們都點了$39的午市套餐. 本來以此價格實不應有什麼要求, 但係.......套餐1:豬頸肉金邊粉--當我一落完單就聽到阿姐問廚房有冇豬頸肉已心知不妙, 有咩理由一間越南餐廳一開舖就無豬頸肉. 碗粉嚟咗, 啲豬頸肉白潺潺, 碎濕濕春卷2絛 -- ok咸檸梳打 -- 我以為阿姐落錯單, 所以同佢講我不是要咸檸水WO. 佢話"呢杯咪咸檸梳打law." 我話"杯嘢冇氣嫁WO!" 點知佢話"吓, 汽水機出嘅係咁嫁, 我都唔知嫁!" 我即刻知道同佢再講都side氣套餐2:越式炒金邊粉 -- 餓鬼話炒到好似濕河咁, 又細碟珍多冰 -- 餓鬼Comment: NO COMMENT, 因為杯嘢無味嫁雖然, 阿姐後來返轉頭話同我換第二種飲品, 但我已經火火地, 所以----唔洗啦!!! ( 反正我呢世都唔會再嚟)

星期日2個人去了尖咀閒逛,好耐未吃過越南野,所以就試下呢間.點幾鐘人唔係太多, 不過還是有幾枱食客的.我們挑了一個隱蔽d既枱坐, 裝修還是很一般中下價的食店裝潢, 不過算是企理了.還是午飯時間, 我地就揀左午市套餐吃:咖哩牛腩檬粉 勁多湯,一睇面頭紅當當以為一定好辣, 點知食落我都接受到, 又唔係好辣wor. 牛腩出奇的淋,肥瘦都調中, 仲有一兩小舊牛筋. 不過檬粉好碎,唔用匙食好難夾到的.越南蒸粉卷(套餐包)2件粉卷都幾大件,皮偏厚,不過還好配料不算少, 食落都ok不過稱不上好好食.另一半叫左香辣海鮮炒河粉吃了一口, 完全唔辣的,海鮮亦不見得有, 只得3-4粒手指公既指甲咁大既蝦仔. 還好炒得不是很油膩而且都幾大碟.2人埋單100蚊有找, 真係幾平. 不過當然呢類餐館都係試一次者. 下次試第二間.

喉嚨痛，想吃清淡一點，結果來了數年前經常光顧的椰林越南菜館。店內比以前整潔，人不多，所以坐得很舒服。點了兩個晚餐，包括一碗粉、一碟小食和一杯飲品。豬頸肉湯檬粉：豬頸肉太少，只有數片，但好味，檬粉不會太碎，味道好。生牛肉湯檬粉：這碗好像比較夠料，生牛肉數量尚可，還有一塊白蘿蔔。整體而言，兩碗檬粉味道不錯，美中不足是份量實在太少了。蒸粉卷：非常喜歡那粉皮的質感，味道亦佳，與餡料很相配。火箭蝦卷：真的太細小了，吃不到蝦的味道，外面很脆但有點油膩。左面是紅毛丹特飲，有三粒紅毛丹，特別的是每粒中間都有一粒菠蘿；右面是鹹檸檬梳打，有鹹味，不會太甜，兩杯飲品味道頗佳。吃了整個晚餐雖然感覺只有八成飽，但以四十多元來說食物質素算是合理。總結而言，我會再光顧的。

同朋友行尖沙咀，突然想食海南雞，於是隨便揀左間越南餐館試試。入去點左個二人餐，有海南雞、兩碗油飯、兩條春卷、腐乳抄通菜。無抱著太大期望進來，所以覺得味道還可以。海南雞幾滑，不過個油飯同食白飯的味道差不多，某些飯粒有點硬。。。條春卷看落去唔係好吸引，食落去唔脆，反而塊春卷皮食落去有點煙韌，朋友覺得口感還ok，不過我就覺得麻麻。我同朋友都幾鍾意個炒菜，見到點蝦米碎，幾濃味，不過都幾油。飯後仲有送甜品，二人食飯，埋單一百蚊到，尖沙咀甘既價錢，算係ok啦，不過不失﹗

行過尖沙咀,見到有間越南菜館,就入去試下啦~原來有二人餐,於是便點了一個,有豬頸肉湯檬粉, 豬肉凍檬粉,豬肉粉卷,越南春卷,還有兩杯飲品送~豬頸肉湯檬粉: 湯底比較淡,而且豬頸肉又少得可憐...只有4-5片.....粉又少....(60分)豬肉凍檬粉: 這個加上檯上的酸甜醋,比上面的湯檬粉真係好食得多~那些豬肉好似分蹄那樣,正!(70分)豬肉粉卷: 在第二間店的豬肉粉卷,是有少少豬肉係裡面的,這個反而只有齋,粉葛,蔥.....我覺得好難食(50分)越南春卷: 味道都不錯,但兩個人每人只有一件,不夠喉(70分)結果食完好似無咩食過咁....份量少不要緊,味道不是好好....而且價錢又不便宜.....

和弟弟及頌頌去揀衫前先來醫醫肚, 吃後發覺這裡不至於食評中那般差。弟弟要了咖喱牛腩湯金邊粉, 頌頌要了蕃茄牛腩湯金邊粉, 我就要了香茅豬頸肉湯金邊粉。跟餐小吃要了酸辣鳳爪、炸蝦卷和越式炸春卷。三樣小吃也可算不差, 兩款炸卷也熱辣辣, 香脆可口。試了一口頌頌的蕃茄牛腩, 蕃茄湯底香濃, 牛腩也炆得淋。説回我的豬頸肉, 香茅味比較薄弱, 但肉質爽口, 金邊粉很幼滑, 不錯。餐飲要了青檸茶, 奈何忘了叫少甜, 喝不到青檸的清香。謝謝頌頌請客啊~

咖哩牛肉粉絲煲咖哩味十分濃，汁也少許稠，牛肉很鬆化不是堅韌那種，牛肉很多件，或者我們都不是愛牛之人，總覺得吃之不盡香茅豬扒河粉豬扒是主角，可是豬扒無味，到底是醃料淡還是醃料少也不知，但若只想吃一碗淡味的豬扒可以，而河粉好笑呀，單吃一碗真不夠飽，湯底味佷淡香茅雞翼檬粉雞翼雞肉基乎無味，雞翼細件，檬粉也很少，湯底都是來自同一煲自是很淡蒸粉卷(跟餐)粉卷是跟餐，但味道不錯，可是皮厚了點，餡料相對少了檸檬茶(餐飲)茶味很濃

唔知食乜好, 行過呢到, 求奇入左去~開頭冇5位臺, 咁我地只好坐4人臺, 之後有張6人臺 (因為有人埋單~), 所以d侍應嬸嬸就叫我地調臺, 坐得舒服d~ 唔錯啦, at least會叫我地調位丫~5個人叫左5樣野:1. 冬陰公湯: (我自己冇飲, 但d friend有俾返d feedback.) 顏色幾靚, 不過唔夠 "杰". 飲落唔錯, 都有幾多料 (有4大隻蝦! 真係好大隻!!!). 不過一d都唔辣. 鐘意辣既朋友未免要失望囉~ but唔錯喎~ 2. 馬拉盞通菜: 都幾好味~ 不過我嫌佢油左dd~ 不過都ok大碟既, 都夠食~ 3. 炸蝦餅: 好醒目咁已經將d蝦餅一個開為4塊, 唔使大家切~ 幾好喔~ 好味~ 炸得幾好, 顏色夠靚, 望落去都好吸引~4. 扎肉腸粉: 呢個好冇乜特別! 切碎d扎肉放係d腸粉上面. 又冇乜味道. 5. 印尼炒飯: 好大塊炸蝦片同埋一串牛肉. 勁香~ 不過又係好鬼多油. 唔食得多~general comment; 普通咁囉. 係一間食越南野既茶餐廳. 要求冇得高.

以前來過一次，當時的記憶太美好，所以決定再來！不知道是換了師傅還是怎樣，雖然還是order那些東西，味道卻差了好多~黃金軟殼蟹---每次來必點！這次的蛋和蟹各成一體，還有少許蟹的腥味，與上次的完美呈現真是天壤之別！ 炒粉皮---粉皮一向是個人的偏愛！幾乎無論怎麽做都會覺得好吃 粉皮不會太溼，有韌性，口感不錯 XX拼盤---只是嘗試了其中一部分，感覺SOSO~ 蒜蓉時菜---Not Bad~ 鮮蝦卷---蝦肉還算鮮甜，但是外皮太過溼軟，口感欠佳今次的重游，老闆依舊笑容可掬，很熱情；只是食物不免讓人失望，想必再次光顧的機會很微~