楊氏肉骨茶 (已結業)

嘩.... 個多月冇去食肉骨茶，去到上環先知佐敦開咗分店, 早知唔洗山長水遠走去上環啦。肥姊姊冇做了，不過其他伙計都好招呼。同女朋友一齊叫了以往的一個中煲、兩個油飯及一個馬拉盞通菜。同以前d水準一樣冇走樣。食食下見旁邊的客叫了雞餐一份，好鬼死正。於是貪心地也叫了份。死得，唔食由是可，食完叫了一只外買。所以今晚破財了。真係好正。值得介紹比朋友去食。

叫左二人餐B + 鷄肉骨茶(中)-- 好味道同之前一樣~炒通菜-- 大大煲味道OK,有D 蝦乾~不過D 菜就好似條柴咁...NO GOOD咖哩魚頭--一黎到...好香.仲滖住咁出黎..真係好香...食食下發現有D吉唔到落去O既地方...甲出黎睇..原來成舊都未熟...十分失望!!!鷄 -- 都好味跟餐的米線是沒有湯的...加上是冇味的!!!由於果個時候係晚飯時間...所以都不斷有人黎..好可惜...我見樓面只得一個人...攪到成間野十分亂...我都係唔會再去食KA LA!!!因為真係唔多得!!!

我同下面一位人兄一樣差啲唔夠錢埋單...我係食尖沙咀果間的,因為要去突破上堂,但又未夠鐘,所以係果條街一直行落去睇下有咩食,是但入左間以為係茶餐廳,黠知睇下餐牌先知原來好少野食,唔係一般茶餐廳,叫左個碎肉飯食,上桌連託盤文上所有送一齊上,仲有碟油菜,都幾唔錯,碎肉有少少辣,呢餐都OK,嘩但當我埋單時,$39元,銀包有三十元,即刻搵有冇散銀,好彩有9元,真係標哂冷汗-_-"驚冇錢洗碗就死...

本來上次想去美輪街既勝香園，但係行吓行吓行到楊氏肉骨荼門口，比佢吸引入左去試吓。既然肉骨茶出名，就來個什料肉骨茶(腐皮、豆卜、冬菇)及雞油飯。肉骨茶先到，用煲仔上，重滾緊冒泡，熱辣辣，接著上雞油飯。首先試飯，無得頂，飯乾身，香而不膩，水準之作，肉骨茶好有肉味，但藥材味不重，腐皮索了肉骨茶香味，很好的配搭。下午三點半重有多人在店內進食，亦不斷有人入來。有個人入店內點肉骨茶，店員話賣哂，原來我的是最後一煲，店員便提意點招牌雞，我棯都會幾好食，下次試吓先!

之前我同同事都來過這吃飯，今次再來人手好像少了，或者是中秋吧，樓面一個人都沒有，之前跟我們談笑風生的肥姐姐竟然入了水吧做事，不過她見到我們都笑笑口打招呼，又記得我們吃過什麼，好勁！上之肥姐姐話d咖哩魚頭好正，試左，ok，但好像比之前我們看別人吃的少了些東西，之前好像有什麼茄子似的。可能生意太好，我們8時多走的時候聽到話只剩3煲肉骨茶，收銀那個女人說可以book定，真誇張！

同事們一直很想吃肉骨茶，於是我便帶了他們來這間標榜正宗風味的店子吃。此鋪的位置有點偏僻，因此不需等多久便有位。同事們試了原味，而我則決定試試那兒的豬什肉骨茶。他們的豬什有別於一般的配搭，是豬耳、豬腸加豬肚，味道及不上原味的排骨。凍飲方面，同事們點的青檸梅子冰竟然真的是將兩顆原粒華梅放進去，因此不太入味，反而我選的荔枝冰則倒不錯。除此之外，我們亦叫了馬拉箋炒通菜，煮法看來真的很當地風味，但我略嫌他們放得太多薑進去，以至令煲底的菜太辛辣。小點我還是較喜歡他們的碎肉豆腐，滑滑的口感不錯。臨走前同事們問老闆送不送外賣，他問過我們的地址後說沒有問題，或者下次就不需勞師動眾來幫襯了。服務方面這間鋪的職員都很殷勤，經常面帶笑容，食客中看來有不少都是常客。

今日行開去上環文娛中心睇劇。就去附近既楊氏食。可以咁講，４樣野，菜，無論係跟餐油菜定係通菜，都不好食。油菜淥得很生，夏天菜唔當灶，真係食唔落。飯，好多人叫肉骨茶煲跟白飯，其實佢既雞油飯，係超好食，飯粒粒粒分明，油香乾蔥香又濃，不過用既飯函唔上師傅手勢，飯味可再好一點。招牌雞，台上有甜豉油，點雞幾好食，ｄｉ雞本身已經好滑，生熟有度，保存唔少雞味。

阿「百有」煮嘢食有一手，阿K都經常掛在嘴邊，唯獨係本「肉骨茶」係佢嘅盲點。如是故阿K對肉骨茶有一種特別嘅抗拒感。不過凡事都冇絕對嘅，阿K留意到我地屋企附近有一間「肉骨茶」嘅專門店，阿K响我還在澳門工作時已經想同我一齊去，可惜我每次都冇時間去。是晚我地終於有機會一嘗呢間食肆嘅美食。店內有多幅海報介紹此店嘅精選菜色，除咗「肉骨茶」之外，仲包括切雞類。見隔離檯唔係食雞就係一煲肉骨茶，我地心有靈犀，同時叫呢兩款菜。我地叫咗個原味肉骨茶，但係切雞就賣晒，阿K於是乎以「上海粗炒」代替，再加一個雞油飯。「肉骨茶」嘅汁呈深啡色，入口有一點甘甜，我想係放咗幾舊半肥肋排嘅緣故，亦有少許藥材味。雖然我覺得味道不錯，但係與我食開嘅肉骨茶有一點距離(註：我心目中嘅肉骨茶應該係深啡近乎黑色嘅茶，好似普洱咁)。肉炆得好腍，十分容易嘴嚼消化；雞油飯好香，提振食慾功不可沒；至於粗炒麵係出乎意料之外嘅美味，麵條有口感之餘，亦十分香(阿K發現麵裡面有一粒粒類似豬油渣嘅物體，這可能就係炒麵味道濃香之源)。當我地享受緊我地嘅美食之餘，側聞遲來嘅顧客欲嗌某些堂食但向隅，負責人還建議下次再光臨嘅話可預先訂心目中想要嘅食物。嘩！係咪

2007-07-26肉骨茶從來都不是我的那杯茶﹐不過見這裡的食評說這裡的雞飯不錯﹐那就有點對我的胃口了。那天中午突然想起﹐就跑過去買了盒招牌雞飯會公司吃。現在新鋪比以前舊鋪好像要大一點﹐但當我差不多一點鐘進去的時候﹐裡面只有一檯客人﹐我可有點愕然﹗在上環這個時段﹐居然有個這麼清靜的地方﹖它的食物....... 不過既然來了又不用等﹐就試試他們的招牌雞飯吧﹐不試白不試﹐始終會覺得不試過不安心的。女侍應第一時間問是要油飯嗎﹖本來是應該試試的﹐不過今天腸胃好像不太舒服﹐還是吃得清淡一點比較好﹐所以要了白飯算了。白飯也算是粒粒分明﹐夠乾身﹐不過不夠飯香。雖然沒有問我要什麼部位﹐但都給了我雞下脾和兩件雞胸肉﹐雞肉不算很有雞味﹐但d 雞肉總算是幾嫩滑的﹐而且那個甜豉油汁又真的幾好味﹐在那股甜味裡帶著很香的八角味﹐幾特別。雖然價錢一點都不便宜﹐不過就因這個汁﹐我應該會再去的﹐反正又近公司﹐又不用等位。

明明家住兩個街口外，今天才知道這裡有楊氏肉骨茶。我們點了一客原味肉骨茶和一客招牌雞套餐，肉骨茶味道偏淡，可能是遷就了港人口味，而排骨感覺不太鬆化，整體一般。不過它的招牌雞明顯是水準之作，雞肉嫩滑至極，香甜的豉油味濃淡適中，雞腿的軟組織都浸到軟化了，但雞肉仍保持咬口及與鮮味，不點任何醬油便已夠味，可惜就是雞本身肥膩了點。另外油飯飯粒完整乾身，然而油香不足，我拌了蒜泥去吃才像樣。雞湯很清，但鮮味不突出。一個招牌雞客飯才$38，完美一定算不上，但如果喜歡吃雞又剛巧來到上環，這是經濟之選。

第3次去喇, 一次比一次差~~~肉骨茶越黎越細碗，又無肉骨味沙煲通菜同阿參魚頭又唔掂!!都唔再有第4次,我亦都唔recommend 朋友d到此店.

第2次去喇食左肉骨茶，海南雞飯同炒通菜佢d雞好好味，特別係d甜豉油，用黎點雞同埋加埋落d肉骨茶度係一流呀~~~

After chatted with the owner, I think he is sincere about his business, aside from this factor, I still need to try it before I can tell if it is good.The, I don't know how to say it, Herbal Rib Tea, tasted different in different aisian countries. Some of stronger in herbal taste some are less. The one served here has a lighter taste im Chinese herbs.A pot of Rib Tea, serve for 1 person, mine has about 4, 5 pieces of pork. The taste is alright but I won't say it tasted v. good; however, I need t

有關閣下對本店之食評. 本店已即時跟進.但本店侍應回覆於上星期並沒有對任何客人作出以上回應. 本店領導層於是作出深入調查. 發覺肉排經過出水後再長時間烹調根本不可能會有血水滲出. 為了要查明真相. 請閣下於營業時間致電本店2543 2181找馮先生告訴他當天是那一位店員(侍應只有兩位阿姐. 一肥一矮)作出以上的回應. 同時, 如閣下下次再次幫襯時再發現以上情況. 請馬上通知本店負責人馮生. 閣下即可在本店免費任食肉骨茶一年. 本店自開業以來, 一直嚴格控制食物及服務質素. 深受廣大顧客認同. 本店歡迎及接受任何善意或惡意批評. 各食客可参閱本網站其他食評.公告由於之前特許經營商於兩年經營期仍未能達到馬來西亞總店之要求. 楊氏肉骨茶創辦人楊祐圖先生已於2006年12月收回香港公司之特許經營權. 並在上環皇后大道中328號中源廣場地舖G61-62開設了親自主理的"楊氏肉骨茶"電話: 25432181 營業時間: 11:30-22:00

看了食評推薦,同時在新加坡工作了一段時間,對肉骨茶有一種難忘的回憶所以放了工8左右時到這裡想試D肉骨茶,ORDER 了一份肉骨茶及一份青菜,食了第一條排馬上停止細看排骨重有血.湯只是豉油水及加了一塊藥材,我問店員為何會這樣她回應因中午太忙可能晚餐時間不夠,我聽後也不想多說,只好結賬,大家看了想一想如果每間餐廳都因為生意好就忘記食物的水準,不如只開一餐,不要只為一時的收入忘記開餐廳應該有的水準.