楓子珈琲

营业中

休息中

4大安排不妥1)餐廳安排差，仼由客人係門口等待長時間亦置之不理2)店員唔主動，回應客人態度冷淡，就算見到你等得耐，一句”唔好意思”都唔會講3)店員唔係忙到冇時間同客人解釋下有訂枱嘅system ，點解出出入入咁多次都可以唔理，又唔主動講聲(店員唔應該expect黎到嘅客人一定會知ig有得訂枱，更何況我見到ig只有4千幾個followers)4)網站有寫明90分鐘用膳時間，但店員冇主動提醒客人離坐係門口等左成兩個鐘都冇得入座 最後去左附近另一間cafe事源係之前同其他朋友食過 覺得食物質素好 所以對餐廳嘅印象唔錯(個日咁岩少人，所以直接walk-in都有位坐)本身諗住encore多次。行到入店冇人會主動問你有幾多人用餐，我眼見有一枱只係得上一手食淨嘅碗碟(以為咁好彩一去到就有枱)打算叫店員幫手清理左佢，果陣先聽到佢話walk-in要等，然後佢俾左39號飛我(個陣係3點，walk-in飛叫到34號）咁我拎好飛就開始係外面等，過左唔夠15分鐘，個店員出黎叫35，36，37號都冇人應。叫到第38號嘅時候，有客就俾左飛跟左店員入去本身以為好快可以到39號，點知就開始等到4點30分都冇人離座，有唔

深水埗一帶最打卡able既cafe😍😍靚cafe果然搶手啲 就算係平日去都要等半個鐘先有位🤣🤣不過都值既～ 今次又好好彩等到個靚位😍😍開心☺️ 最仲意食明太子既我 一見到有明太子意粉就心心眼😍味道唔錯 啲汁唔會太多太少 口感都幾好👍🏻 然後又嗌左一個雞肉多士 佢個醬料好特別 好仲意🥰🥰 野飲叫左蜜桃烏龍茶 好正 超級推 一尼到就勁香！！甜品就叫左個草莓蛋糕 味道還好 好甜同好重奶粉味 不過都唔差 賣相就一百分！ 整體而言都係一間值得去既cafe!

可能真係太耐都無得飛見到呢間cafe太開心了之前見到宣傳，話係日本京都風cafe咁岩係生日月份就book左店舖位於深水埗同太子之間，都唔難搵深水埗行過去既話，沿住荔枝角道直行，過左界限街，轉入楓樹街就見到喇😛Cafe都好full,可能因為周未既關係當然亦有walkin位置，不過就要等好耐成間cafe唔算好大，大約16-18個位但完全無好迫既感覺裝修日式復古風，影相真係好靚既今日點左甜品-可麗露（天使之鈴）-練乳士多啤梨蛋糕-焙茶戚風蛋糕book位果陣remark左生日，可麗露上枱果陣，分別插左生日牌同蠟燭，見到好開心可麗露好好食，外脆內軟🤤🤤如果唔係點左其他甜品，好想再食多幾舊🤣士多啤梨蛋糕，雖然加左練乳，但都唔太甜士多啤梨唔酸，蛋糕中間都有夾住士多啤梨架🥰🥰焙茶蛋糕Cream都好香焙茶味，仲帶點回甘😋蛋糕本身都好鬆軟，味道唔錯飲品分別係抹茶latte 同焙茶latte食完甜品飲，覺得很適合也很順喉之前試過其他cafe既抹茶latte,食完蛋糕飲會覺得有d甜味kick住係喉嚨，但佢無下次黎再試主食☺️

嘩，終於約到朋友泥到呢間cafe食野，我地2路癡係楓樹街盪失路，揾左成十分鐘先揾到間cafe😹😹😹本身想試下個烤雞生吐司，可惜我地3點半去到就已經賣哂😫😫😫不過好彩之後叫既野食都不錯吃😍迷迭香柚子檸檬梳打，好清新，唔會吝嗇d柚子，略嫌太細杯，唔夠喉😜西柚檸檬草蜜桃烏龍茶，呢個朋友飲既，茶果因為味夠濃，同埋估唔到同西柚咁夾🥸櫻花蝦豆乳擔擔讚歧湯烏冬，我地另上櫻花蝦，呢個湯底好出色，我地飲到一啖都冇淨😂😂😂煉乳草莓蛋糕，呢個對佢既期望最大，但食落就覺得比較普通，同埋都比較甜斑斕咖央椰子戚風蛋糕，呢個我本身以為會伏既，點會估到做出泥既效果會好味到停唔到口😂雖然呢區真係好多cafe選擇，但係下次再嚟都會想試呢個店既其他野食😙

近年深水埗太子區多左好多咖啡店進駐，令整個社區更年輕活力，今天來拜訪的是楓子咖啡，從門口的Open area到餐廳內部，都用左好多木系傢俬佈置，令整體感覺很復古個露天茶座位勁chic，好似番左去舊日本時代餐廳每個位置都被楓樹圍繞住餐廳裝潢好別緻，木系傢俬配上湖水綠的牆身，給人感覺很清新又帶有一點復古的味道今次試左幾樣野都好出色，絕對會回頭同回味的咖啡店明太子蟹肉意粉$128個明太子醬汁非常濃郁，配埋白汁撈埋一齊好好食，奶香味好味，蟹肉都好多，絕對對得起個價錢，推介！！！櫻花蝦擔擔讚岐湯烏冬$88喱個好驚喜WO，無諗過櫻花蝦辣辣地配埋個豆腐湯汁，烏冬好滑好淋身，辣得來帶小小甜香，好正，好小可咖啡店的食物會咁高水準，通常咖啡店都係專注做咖啡，喱個真係推介！！火龍果沙冰火龍果味好出，非常解喝，係夏天必選的飲品，原本以為火龍果會好伏，估唔到佢做得幾有驚喜，好新鮮唔會好甜

❤️好靚既藍溝綠色牆身，充滿秋冬氣氛及日系feel👍🏻最可惜今日天使之鈴售罄，一心諗住黎試呢個，對其他蛋糕冇興趣，所以今次唯有齋飲📍Rose latte👍🏻香濃咖啡味，啱我口味📍Yuzu coffee mojito soda👍🏻以為普通梳打，點知都係好濃咖啡香👍🏻飲品：8.5/10抵飲：8/10環境：8/10。。。#深水埗美食 #食在深水埗 #shumshuipofood #美食日記 #美食推薦 #hkcafe #hkcoffee #coffeeshop #coffeetime #coffeeart #coffeelover #coffeeaddict #coffeegram #coffeelife #coffeeporn #hkig #hkigfood #hkfoodie #hkfood #hkfoodstagram #hkfoodblog #hkfoodlover #hkfoodieblogger #foodie #foodiehk #foodporn #foodphotography #foodblogger #foodstagram #相機食先

終於嚟到大名鼎鼎嘅大南街朝聖🤟🏻今次試嘅呢一間Cafe外型走復古路線，餐廳雖然唔大，但絕對麻雀雖小 五臟俱全！從選用嘅餐檯、環境佈置都充滿格調，處處都係打卡位。💫菠菜汁蘑菇意粉新鮮菠菜製成既醬汁濃罩住整個意粉，好入味，醬汁唔會太稠但夠Creamy！素食者都可以食！💫黑糖焙茶戚風蛋糕去得cafe當然要食Cake啦👐🏻今次點了呢客黑糖焙茶戚風蛋糕，最鍾意食抹茶/焙茶味既蛋糕，夠清新，茶香又唔會有負擔，中間打左層輕薄的焙茶cream，夾雜住軟綿綿戚風蛋糕，焙茶迷必點💯💫Fonji Maple Cafe Latte🍂☕️飲品方面點了招牌🍁楓糖鮮奶咖啡，特別喜歡加上楓糖漿係底部，但又唔會有種死甜的感覺！

今次嚟到太子一間人氣cafe 楓子咖啡🍁位於楓樹街既呢間餐廳 鋪名既靈感應該完全嚟自街名🥰餐廳門口放左兩張用嚟打卡既木製搖椅🪑加埋古典風既掛燈💡design充滿心思! 一入到鋪頭 完全比現場既colour tone吸引左 藍啡主調比人一種寧靜優雅既感覺💙🤎藍色牆壁配合啡色木系枱凳同埋擺設 再加上插花同埋門口放置一盤秋天signature既楓葉 盡顯格調🍁🍂一入到嚟同朋友都大讚呢度既設計風格! 坐位方面 我地揀左個靠窗既位置 坐係寬敞既淡棕色沙發上面 感覺好cosy好舒服 真係坐足一日都得啊😚櫻花蝦豆乳擔擔讚崎烏冬($88) 烏冬上面鋪滿珍貴食材番紅花 湯底唔濃 充滿淡淡豆香 加上肉碎同蝦 同埋微辣醬汁 個味有少少似麻婆豆腐😂😂烏冬吸收左湯底精華 嫩滑有咬口 食落好唔錯😎👍🏻👍🏻蟹肉餅配沙律($138) 呢道菜設計精美 食物擺設有心思 成幅畫咁🖼 蟹肉餅外面煎到脆一脆 咬落去啖啖juicy蟹肉🦀🦀口感非常有層次 令人回味無窮🤤🤤🤤配埋新鮮沙律菜好滿足 不過呢個價錢就少少貴咁啦 大食少少都唔夠飽🤣烤雞生吐司($78)驟眼睇呢個toast冇咩特別 但係其實佢係用生吐司製造 同普通吐司比🍞生吐

今次嚟到人氣coffee shop，竟然唔使等位😆仲有梳化位坐😍環境比一百分！斑斕咖央椰子戚風蛋糕（$58）非繁忙時間不設最低消費～當然要fit啲兩個人share一件蛋糕😍😍蛋糕尚算鬆軟，但略嫌斑斕味唔出，椰子味反而有啲喧賓奪主😖不過會想試埋其他蛋糕🍰Hot Latte （$45）Latte 正常發揮～特別一提佢個拉花好靚而且keep到好耐😍😍真係拉得幾好😝😝💡淨係試咗一款食物不能夠作準😆但淨係環境都會令我想再返嚟😍好適合知己好友傾心事🥰連個廁所都裝修得好靚😂

一間高質的cafe🍁☕️一直人氣高企的楓子咖啡，沒有預訂枱的情況下，平日來也等了一個鐘。高質係因為所有點的都好好食！店內環境行復古日系風格，店內枱的數目不多，有一個梳化打卡位，想來影相打卡嘅朋友要預早點到，或者預訂reserve想要位置😉食物方面：咖啡👍🏻 好啱我口味 nutty得嚟唔苦青提子忌廉蛋糕👍🏻 濕潤鬆軟夠creamy明太子蟹肉意粉👍🏻 意粉韌度啱啱好 個汁真係好好食不過我覺得多得滯 好似湯意粉咁 烤雞生吐司 👍🏻超正！厚厚的雞肉，外脆內軟，一啲都唔乾唔硬☺️呢間我一定會再回頭👍🏻💕💕

店外裝修已經有日系文青風的氣息。用餐當天未有預約，結果等了一些時間，第二次預約了再去就快很多了。一進入餐廳就彌漫着一股英倫復古風的氣氛，在播放着懷舊英文歌時，四處都是影相打卡的好位置，周星馳的海報和黑膠唱碟機的擺設放在有懷舊氣息的木櫃上，特別吸睛。那次先享用了菠菜汁蘑菇意粉，還有櫻花蝦擔擔湯烏冬，甜甜的豆和豆苗湯中又帶點辣味的烏冬，留下特別深刻的印象。最後以黑糖焙茶戚風蛋糕和咖啡作結。值得再去和期待的cafe。

喺網上睇到呢間cafe裝修復古，食物吸引！週末特登到訪❤️一到門口，不少人排隊，眼見入面位置不多，而且氣溫都成30度，都打算耐心等侯。每次一有人走，諗住有得入去食嘅時候，就會有book咗位嘅人嚟到，店員就會安排佢哋即刻入座，喺出面等嘅人，就一直等候。所以條人龍喺幾個鐘入面係一直冇郁過。過程期間，店員冇同我哋講過有幾多人book位，冇講過我哋大約等幾耐，態度極冷漠！唯一同我哋講嘅就係，喺我哋等咗幾個鐘之後，同我哋講lunch hour已完，要等到4點幾先有嘢食，即係再要我哋等多幾個鐘！從未見過有cafe的安排如此差！

最欣賞櫻花蝦豆乳擔擔讚岐湯烏冬🌸🦐!!!!烏冬彈牙配少許香辣的擔擔湯底 口味很配！豆乳使湯底更幼滑creamy🙌推薦👍另外也想推介蟹肉餅伴沙津！蟹肉餅炸得很鬆脆而且蟹肉也算足料👏🏻飲品方面 迷迭香柚子檸檬梳打 賣相出色😳略厭甜了點 下次可叫少甜啊😙櫻花豆腐芝士蛋糕也不錯🤗但櫻花味道可再重一點🤭但豆腐芝士也是足味的☺️If you like eating udon and kind of a fusion food lover, you must try their🌸🦐Sakura Shrimp Soy Dan Dan Udon!!! Soy makes the soup so smooth and Dan Dan is a little bit spicy which make the whole thing so delicious ✨This dish is kind of Japanese mixing Chinese style food🙌The other Must-Try is the 🦀Crab cake Salad👍full of crab meat🤤 Don't wai

又係深水埗發現咁正既cafe.呢間楓子珈琲, 的或小店, 最好網上book位黎, 唔洗等咁耐。入到去, 更懷舊feel, 感覺真係幾時光倒流。 每個位都好有心思, 影相打咭勁靚。 而佢既古物擺設, 應該唔只老一輩人有共鳴, 年青一代都會有同感, 因為近幾年失去太多, 係呢度都會有不多不少既痕跡可以見到。以為佢舖頭細細, 原來咖啡, 蛋糕, 主食麵一應俱全。 而且擺盤, 設計, 餐具, 質素都好講究。 佢地既心思, 情感, 同品質, 都真係值得佢地咁爆場。 有機會下次要黎食正餐都好。

網上見到好多人打卡分享呢間有特色嘅咖啡店，覺得裝修好特別，所以就專登去太子搵佢出嚟。可能我去嘅時間比較晏，都差唔多5:00 ，基本上唔需要等位就可以直接入去，入到去好有懷舊嘅感覺，而且裝飾都有用心，幾乎每一個角落都可以影相📸️，而咖啡都有好多選擇，特別係唔同味道嘅特色咖啡，同埋有好多蛋糕選擇，基本上好適合女仔享受一個打卡嘅下午時光😆不過以一個追求咖啡味道嘅人，我覺得黎一次就足夠啦😛食物：⭐️⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐⭐️番叮：⭐️⭐️⭐️⭐#aus_cafe