極尚大喜屋 (鱷魚恤中心)

营业中

休息中

身為榴槤控的我今年我都不知道食了幾多榴槤啦😆昨晚同一班同事放工一起來到極尚大喜屋-觀塘店，環境舒服又夠大，空間感不錯。它推出其中有榴槤放題，任食＜燒金枕頭榴槤王＞，香噴噴又惹味！大概食了應都有十多隻呢！除了榴槤，我們品嚐了刺身壽司🍣、乳鴿、花膠、鮑魚和各款甜點🍮！另外我見仲有新出了一款芝士鰻魚玉子壽司，又有蟹腳等，都不知不覺了好多喔！飽到棒著肚子離開實在滿足！極尚大喜屋 📍觀塘開源道79號鱷魚恤中心3樓

鴿王。這道菜以新鮮的鴿子為主角，經過燒烤後，散發出濃郁的香氣。鴿肉鮮嫩多汁，搭配獨特的調味料，展現出豐富的層次感和口感。 如果你是榴槤的忠實粉絲，那麼榴槤王是你絕不能錯過的一道菜。這道菜將榴槤用烤箱烘烤至金黃色。一入口，榴槤的香甜與奶油的濃郁在口中交融，令人陶醉其中。西京燒比目魚。這道菜選用了新鮮的比目魚，經過西京燒的烹調方式，肉質鮮嫩，口感細膩。廣島蠔則以新鮮的蠔肉為主角，經過精心烹調後，散發出海鮮的鮮味餐廳環境寬敞舒適，任食榴槤，更是讓整個放題體驗加分不少。

雖然中秋節🌕已經過咗，但我依然好掛住d榴槤月餅。無得食月餅，唯有狂食榴槤止癮啦！平時喺香港只有某d酒店先食到嘅任食榴槤，而家喺大喜屋都食到啦，而且價錢仲要平一半有多！今期大喜屋嘅任食榴槤選擇都幾多，由甜品到鹹食都有。當中我就最鍾意食榴槤蓉，因為佢嘅榴槤味非常濃郁，仲唔使自己搣開嚟食，夠晒方便！另外，我從來未食過烤金枕頭，原來燒嚟食係咁正嘅，熱辣辣咁，好得意！除咗榴槤之外，當然大喜屋其它食物嘅質素都好唔錯，永遠都唔會令我失望！呢度嘅刺身夠晒鮮甜，放題食品選擇又多，仲有唔少貴價食物提供，例如：海膽、鮑魚、花膠、哈根大師雪糕。今次我仲見到之前冇嘅生啤😍生啤用嚟送烤雞泡魚乾真係啱晒！可以食到咁多嘢，仲有我嘅最愛榴槤，每位都只係$300左右，真係非常抵食！我每年都要去食幾次先夠喉㗎😂

好耐無食過，上網睇見到有榴連主題所以約埋媽咪一齊黎！今次大喜屋有個期間限定榴槤主題，當中有甜品仲有燒榴槤，真係好少係放題餐廳遇到。去到坐低手機點嘢食，一開始當然要點左刺身食先啦，媽咪最鍾意食甜蝦，點都會叫左先，甜蝦新鮮又大隻，仲有帶子刺身都好新鮮。今次發覺大喜屋放題多左新野，有呢個避風塘魷魚鬚，好惹味。金蒜炭燒廣島蠔，隻隻都好大又多肉，最緊要又新鮮又惹味。法式藍莓鵝肝鮑魚杯我食完又食，因為鵝肝好好味，佢入邊有沙律有一塊鵝肝，一粒鮑魚仔，整個配搭都好好食。放題當然唔少得壽司，壽司我都叫咗幾款，當中最突出當然係鵝肝塔，飯嘅外面包着芝麻，壽司一啖一件食落口好香鵝肝味。食到咁上下，嚟到今次嘅主角燒金枕頭榴槤王，榴槤經過燒完更加有香味，入口更香甜。出面自助甜品區仲有榴槤大福，榴槤布甸同榴槤芝士撻，榴槤大福入口煙煙韌韌，榴槤布甸入口香滑啖啖榴槤味，榴槤芝士撻，估唔到同芝士咁夾。

就係睇左一個youtuber 介紹，佢去旺角雅蘭，我就去觀塘！諗住會一樣，原來兩間野食物差咁遠！觀塘冇款式選擇又垃圾又唔好食！避風塘魷魚唔野味，似就咁放炸蒜落面度！雞翼咸，海膽手卷腥，松葉蟹冇肉食又唔新鮮，鵝肝鮑魚杯個塊鵝肝好難食有so味，蝦唔新鮮，燒蠔唔得！最正常係當日既豬手，雞軟骨！甜唔唔多款！後期仲要發現落左單都有幾次去左隔離枱！都唔知係你地員工發雞盲定你地出單有問題？話我冇落單，簡直係浪費食物！

🥢好耐無食過放題，見最近大喜屋推出左新主題「榴槤放題」，作為榴槤控既我，緊係拉埋朋友仔一齊去🤭榴槤放題方面除左有榴槤甜品，仲有燒金枕頭肉同榴槤肉，真係超正🤤🔸刺身刺身種類好多，超過十種，除左最常見既三文魚、呑拿魚、油甘魚、北寄貝、赤貝同帶子等，仲有松葉蟹腳🦀每樣刺身都好新鮮同厚切，擺盤都好用心🔸串燒特別推介牛舌👅同雞軟骨，牛舌厚切，爽口，雞軟骨燒到香脆🔸燒物特別推介西京燒比目魚同🧄金蒜炭燒廣島蠔，比目魚肉質嫩滑，表面燒汁甜甜地，🦪燒蠔唔算太隻，但都好新鮮，蒜蓉味超香濃🔸天婦羅 🍤蝦、南瓜、蟹棒、🍠甜薯，炸粉唔會好厚，脆卜卜好香口🔸 炸物特別少少既有北海道牛乳鮮奶卷🥛，仲有我最愛既芝麻雞翼同榴槤炸彈😋🔸一品料理特別推介醉鮑魚同燒乳鴿，鮑魚酒味唔會好濃，甜甜地，乳鴿同平時出面食到既差唔多味🔸自助區有凍海鮮、熟食，湯，糖水、前菜、生果可以揀，總有一樣岩你口味😍🔸飲品除左啤酒、汽水、自家製冷泡茶，仲有🍶清酒梅酒可以任飲🔸甜品多種雪糕雪條可以揀，仲有自家製甜品🍮🌟不得不讚既係，上菜速度快，同無漏單情況

屋企人好中意食榴槤，「 任食極品榴槤燒 」真係岩晒佢地，我唔食榴槤嘅又有其他好多食物選擇，大家都開心！原粒榴槤啖啖肉，真係不得了屋企人話燒過幾香原來唔係日日有得提供，因為限量供應，我地真好彩！觀塘店夠大，座位寬闊坐得舒適自助區有飲品、清酒🍶、海鮮、前菜、熟食、壽司、甜品、雪糕機、爆谷機、熱湯等等一應俱全。我地拎咗《麻辣小龍蝦》🦞，仲啖啖肉幾好味嘅鱔！湯有《蟲草花燉花膠雞湯》好香濃又足料～ 之後用手機落單order咗刺身、壽司、炸物、熟食etc~刺身高質，仲有埋《松葉蟹腳》同《磯煮凍鮑魚》，蟹肉鮮甜，鮑魚甜甜哋唔韌！可以encore~ 《羊鞍》厚肉大隻，仲烤得幾好唔會乾韌，咬落仲好有肉汁 ； 《天婦羅》炸皮有啲厚，喜歡香脆口感嘅可以試吓～《蒜蓉珍寶扇貝燒幾香口》邊位有嚼勁；仲有大大塊嘅《金湯鮑汁燴花膠》！最甜留肚食甜品同榴槤！《炸鮮奶》薄脆香滑～ 《椰汁紅棗燉燕窩》好滋補～雪糕嗰啲係基本，最後當然係食榴連啦！ 🌝 榴槤原粒上啖啖肉，兩老表現味道清甜唔會好膩，所以兩個人都食左7-8粒。 餐廳抽氣通風方面應該幾好，因為在場唔會有榴連味，所以唔食榴連嘅朋友都可以照去～～

由於屋企人太熱愛放題又熱愛榴槤，最近極尚大喜屋推出左榴槤限定！所以又帶左佢地去食了🙈 屋企人最愛極品金枕頭榴槤燒，好香又大粒。一次order最多叫4粒，我地叫左起碼6round?吧！其實真係極度懷疑佢地點樣賺錢，因為一粒金枕頭市價真的不便宜🙏🏻 但放題人均價先$300幾蚊🥹 其次屋企人熱愛食魚生，主打都係三文魚，油甘魚仲有帶子，睇返相佢地岩岩切好出黎真係好整齊同好新鮮。而熱愛海膽既我就叫左好多海膽手卷🤣 雖然海膽份量不多，但係可以接受的🙏🏻 另外仲有一樣嘢想推介的，就係燒乳鴿啦！其實就等於酒樓嘅乳鴿，我記得係酒樓叫半隻都可能要40幾蚊，而且係即叫即燒，上菜嘅時候熱辣辣，真係完全名副其實嘅新鮮滾熱辣。咁當然啦除咗以上嘅嘢食，仲有好多唔同嘅菜式，例如各式各樣嘅壽司，熱食同埋甜品🍮 但放題如果識食真係好抵食😂 以上就係我既攻略啦！記得榴鏈限定係食完即止，想食嘅人，快啲去食啦！放題大家就食得多，但咁抵食既放題大家又食過未？家人係榴鏈愛好者，有次同我講原來極尚大喜屋出左榴鏈限定，有極品燒金枕頭！無限食！佢話上次食唔夠侯，所以今次就再帶佢地食返夠本了🙏🏻 放題食物種類真的好多，雖然限時，但絕對夠飽

上個月尾與朋友食放題時才發現加錢可升級榴槤放題，可惜嗰日吃得不夠盡興，皆因朋友不是榴槤迷….今次就約位榴槤愛好者一齊勁食，他還要找到一間任食燒榴槤的放題店，有特色，吸引呀！餐店地方超大，多排二至四人卡座，亦有長枱，坐得舒適，而自助區就集中在中間，好方便。由5:00pm-7:00pm是晚巿放題最優惠時段，成人($258+10%/位)可任飲任食2小時，重點是不用加錢就有期限定榴槤放題，多款榴槤美食任食，好興奮！******************************先去自助區取食物和飲品。超級大型的飲品雪櫃有不同牌子的啤酒、茶、泡茶、汽水、果汁、紙包飲品等，另外有清酒和梅酒，再貼心一點，有熱飲包括熱茶、熱咖啡、熱朱古力等，超多選擇。朋友要了包茉莉綠茶來迎接大量美食，而我就要包檸檬薏米水，可美白兼清解。******************************再去自助區取食物，冷盤有西瓜、泡菜、麻辣雞腎、麻辣豬耳、枝豆、沙律菜、手拍青瓜、泰式鳳爪、藤椒魚皮、凍熟蜆、凍熟蝦、中華沙律、帶子群邊等；炸物有炸雲吞和章魚丸；熱食有蒜子浸時蔬、南乳花生炆豬手、明爐蒸魚、小龍蝦、龍眼蜜糖水、蟲草花

最近睇到極尚大喜屋有燒金枕頭榴槤王同好多關於榴槤嘅嘢食，超鍾意榴槤嘅我，當然要去大飽口福。一出電梯，榴槤香氣撲鼻，佈滿整個樓層。晚市：20:30 - 23:00    成人 $308/位 熱盤、冷盤仲有沙律小食、飲品仲有甜品食得放題，當然要點做刺身做頭盤。三文魚、油甘魚、北寄貝、北海道帶子、螺片、赤蝦、甜蝦、八爪魚魚類全部都厚切赤蝦夠晒大隻，彈牙鮮甜八爪魚口感爽脆；螺片爽口之後點左今次黎嘅目標，燒金枕頭榴槤王榴槤食落啖啖肉，而且核細，味道好香甜，好creamy。最後一個人食咗 7 粒，大滿足。榴槤咖啡未試過榴槤咖啡，拎咗杯試下。咖啡每啖都有榴槤香味，但略嫌咖啡味唔太濃，俾榴槤味蓋過。榴槤炸彈，紫心香芋丸未有榴槤主題之前，呢個係必點～ 因為放題只得呢樣係榴槤。感覺今次榴槤餡比平時多，更加好食。醉鲍魚、法式藍莓鵝肝鮑魚杯鮑魚爽口彈牙，入味有酒香。鵝肝配上藍莓醬，減少油膩感，不錯。香草牛油煮大蜆呢個牛油大蜆推介～ 我地2個人叫左3次。大蜆隻隻都好肥美，肉質鮮嫰，完全無沙。配上牛油湯底，好好食。王牌燒乳鴿王 (1/4件)乳鴿燒得唔錯，好香口。蒜香青蔥燒牛肉、醬燒帝皇蟹棒鵝肝塔、天婦羅蝦最後，當

聽講大喜屋做緊榴蓮主題嘅放題，即刻衝去食😍😍啱曬鍾意食榴蓮嘅人🥳🥳一出lift門，即刻聞到榴蓮香，成間鋪都充斥住榴蓮清香😋榴蓮系列有：烤榴蓮：香軟綿，第一次食烤榴蓮，熱辣辣更加軟糯同埋甜，皮烤到焦焦地，口感更加特別😻榴蓮泡芙：好大一粒泡芙，本身以為係原味，點知咬落去係榴蓮餡🤗榴蓮撻：最頂有好足料嘅榴蓮蓉，底層係芝士，細細粒好易入口仲有榴蓮雪糕同埋榴蓮布丁😽😽好推薦觀塘尼間嘅串燒，質素好高，雞軟骨唔會食到全部係肥膏，燒得幾乾下👏👏牛舌都好大一塊，唔會乾柴

之前連鎖快餐店推出榴槤雪糕我都未有機會食，有朋友介紹原來大喜屋放題都有得食榴槤就即刻訂咗枱。當然唔少得其他日式美食，一次過滿足晒想食唔同嘢既朋友🌟日式美食天婦羅有好多款，但我最鍾意食海鮮叫咗炸蝦，金黃色嘅外皮包住爽口蝦肉。牛肉壽喜燒好足料，大大塊軟滑牛肉浸喺石鍋湯裏面，溝埋生雞蛋一齊食好滿足🌟海鮮燒比目魚厚身大塊；蒲燒鰻魚肥美又冇骨烤到皮脆肉滑；蒜蓉生蠔好濃味蠔肉都好鮮甜🌟榴槤呢度榴槤放題除咗燒榴槤之外，仲有榴槤糯米糍、榴槤芝士撻、榴槤布丁、榴槤雪條等等，但係識食一定係食原舊榴槤，燒到個皮少少焦脆更突出榴槤香甜

最鐘意食日式放題既我知道觀塘「極尚大喜屋」除了食日式放題仲有榴槤任食，即刻帶埋爸媽食返夠本先。店內環境寛敞可以坐低慢慢食，場外仲有自助區放住大量美食，有熱盆、沙律、小食、熱湯、冷盤海鮮、甜品、雪糕、冷熱飲品和清酒🍶應有盡有👍刺身拼盤刺身大約有十幾二十款選擇，三文魚每一塊都厚切肥美，牡丹蝦和帶子夠鮮甜，螺肉同北寄貝好爽口，樣樣都好新鮮。燒金枕頭榴槤王燒榴槤都是第一次食的，上枱時熱辣辣香噴噴，入口軟綿綿超甜，榴槤味道充滿口腔，每人都食咗三四轉，超滿足！燒乳鴿乳鴿炸至金黃色，外皮香脆而且肉質鮮嫩可口，正！香草牛油煮大蜆蜆肉粒粒脹卜卜好新鮮，湯底鮮甜，每人食咗一大鍋。泰式虎蝦平時去泰國餐廳食一碟只得八隻，放題就可以任食，蝦肉夠爽口彈牙，加入泰式醬料，絕配👍燒羊架基本每一枱都必點的，羊架燒得啱啱好咬落多汁，羊肉味香濃。另外紫心香芋丸、芝麻雞翼、最鮑魚和燒雞泡魚干都好好食。

[✨觀塘·包羅萬有日式放題🎏]#極尚大喜屋 #觀塘 #日式放題 🎏周六日 午市放題 成人 $258+1%🔸刺身壽司刺身有成20幾種款式都算多😙三文魚係厚切好新鮮魚油重，赤蝦都好大隻好鮮甜，仲有少見嘅松葉蟹腳😯💞壽司就水準正常，不過都唔敢多叫貴事放題食飯都食飽左🫣🔸燒物/串燒雖然呢間野係主打日式放題，大家黎呢度都係主打刺身～但呢度嘅燒物真係一嗰都唔馬虎!😯由炸雞翅雞軟骨到牛舌應有盡有，燒香草羊鞍必叫之選，燒得好香，亦唔會好大陣騷味，而且唔會話太肥。牛舌串燒亦燒得岩岩，鹹鹹地真係好正!😋🫶🏻🔸料理推薦呢度嘅花雕酒鮑魚，原隻上嘅鮑魚真係睇見已經好吸引，肉質爽彈，配夾淡淡嘅花雕酒香，真係好好食😍💗極尚花膠雖然花膠就比較細，不過勝在佢個汁真係調配得好好食💕🔸自助區自助區主要係有一啲小食、海鮮、沙律同炸物，仲有任食嘅Häagen-Dazs🤩🤩飲品亦有海量嘅數量，由茶類可樂到清酒都有，真係唔驚搵唔到唔岩飲嘅野🥳💫————————♡♡♡♡♡♡————————✨總結放題食物水準頗高質，款式亦多👍🏻午市有3小時任飲任食真係好足夠，環境開揚兩邊落地大玻璃，坐位卡台為主，舒適岩哂同一班朋友聚會👏🏻不過要留意返

📍 @daikiya_tono in Kwun Tong Japanese (all-you-can-eat) Food: 💛💛💛💛🤍Décor: 💛💛💛💛🤍Service:💛💛💛💛💛Price Value: 💛💛💛💛💛Price per head :💰 $300------------------------------✅ Located in Crocodile Centre, linked with Kwun Tong MTR station. Very convenient.✅ The menu offers a wide variety of delicious and mouthwatering Japanese food grilled meats, sashimi, sushi, dessert and hand roll etc✅ Seating is spacious. Lots of drinks and Ice cream to take from fridge and unlimited. ✅ All the sashimi and sushi were su