榕哥陳皮燒鵝

营业中

休息中

某日同朋友嚟到灣仔上堂，急急腳去咗附近呢間榕記陳皮燒鵝醫肚, 揀呢間餐廳係因為俾佢啲燒鵝吸引咗,我本身都幾鍾意食燒鵝🤣🤣榕記陳皮燒鵝真係第一次試！入到餐廳見到佢嘅招牌係乳豬燒鵝，想來個雙拼試吓龍與鳳😋😋😋點知乳豬次次都好快賣晒,我就叫咗油雞燒鵝雙拼,配賴粉🥰 朋友叫咗個叉燒燒鵝😋😋佢嘅燒鵝皮脆肉嫩，甜度適中, 燒得剛剛好，叉燒油雞亦都肥瘦適中,而且份量都唔少, 賴粉夠爽口！由於之後成為咗上堂之前嘅固定飯堂，賴粉賣晒，試過佢嘅米粉都相當唔錯😍😍😍後來每次嚟到乳豬都已經賣晒,真係太受歡迎,希望下次可以試到佢嘅乳豬啦❤️

去寵物展之前食個快飯，揀咗呢間食佢嘅燒味，因為係星期六日，唔需要等位，但係都坐到滿晒決定試佢嘅雙拼，叫咗肥叉加燒肉，上到嚟嘅時候見到啲燒味外型都幾靚仔佢啲鼓油係淋喺飯同餸中間，所以啲燒肉皮仲keep到脆身，唔會淋晒，而且亦都唔會過肥，最緊要唔會超級鹹，味道唔錯至於叉燒，最驚嘅係完全唔肥，啲肉好鞋，不過嚟到之後雖然唔算超級肥，但係算半肥瘦，而且啲肉都幾林，同埋夠汁，唔會食到最尾變食白飯所以呢間燒味舖個人幾推薦，佢主打燒鵝，見到人哋食都好靚，經過想試嘅不妨試吓佢嘅燒鵝

同姐姐講「麻煩左右髀瀨， 一隻唔好斬原隻上」😍 結果真係好正燒鵝皮脆肉嫩又多汁, 真係食到陳皮味，新鮮又夠熱,呢個假期真係大滿足 yummy yummy 😋 😋

去完美食節～肚餓搵嘢食先！行行下～好香啊！又坐無虛席，一於試下靚仔樣！A餐$88仲包飲品～熱辣辣的咕嚕肉，可以做到掛汁，菠蘿同洋蔥夠份量～正😋$55鵝飯～估唔到喎～皮脆有淡淡的陳皮味！肉質不俗😋是日電腦系統失靈～阿哥阿姐做到踢曬腳不過都好好招呼～讚👍

前後舖都係做冰室/茶餐廳要突圍其實都要d 招數不過我覺得d 姐姐待客幾好已經幾抵讚事源係weekend 下午茶出奇地勁多人寒寒地嘅天氣著啲衫都幾大舊再搭枱就真係好辛苦姐姐好好人咁見到有張枱埋單就叫我哋去坐茶餐廳做到咁真心好👍🏻原本好想試燒味但下午茶只係燒鴨飯先可以轉配瀨粉唔想食飯，唯有叫最唔洗諗嘅常餐炒蛋有驚喜呀滑得嚟仲係水汪汪texture最中意係牛油多士唔講笑，送到上枱係融左嘅牛油流入個無邊多士正丫喂蕃茄薯仔牛肉通心粉就失色左牛肉較少，同埋好粗糙個湯。。簡單來講係羅宋湯咁啫反而個叉燒意粉就幾好果然係做燒味咖啡就認真麻麻太苦了

要數最快靚正嘅菜式之中，燒味飯都真係數一數二👍🏻 想快快手醫肚，黎到灣仔「榕哥」🍗 燒鵝都有好多種製法，哩度就主打用陳皮燒，再加上十多種香料秘制，即管試吓有幾強🥴燒味主要試左叉燒、燒鵝同燒腩仔，質素都有啲參差，例如瘦同肥叉燒肉質已經好唔同🤨 肥嘅肉質較鬆散，有點霉，醃料偏重，所以食落都較有負擔😖；瘦嘅反而肉質實淨番，亦唔會乾身，食落更有外層焦脆😋而餐廳主打嘅燒鵝的確係有股獨特嘅陳皮味，皮薄香脆，可惜今晚食到嘅位置較多骨，肉都只有薄薄一層，唔太食到佢嘅味道😂最後燒腩仔肥膏較多，唯皮脆肉軟👍🏻整體質素平平，最抵讚係上菜超快，落單到上齊菜只係十分鐘內，價錢都頗實惠👍🏻———————————————🏠環境舒適度：💛💛💛💛👅舔脷回頭度：💛💛💛📸打卡able度：💛💛💛———————————————

<餐廳介紹:榕哥陳皮燒鵝>餐廳位置灣仔地鐵駱克道出口正對面，非常方便，除左堂食，外賣既人流都頗多。今日平日晚上收工時間，#中產窮L去到榕哥醫肚，叫了一個燒飯飯，59蚊，包一杯熱飲，可能因為駱客道餐廳林立，所以，價錢都具競爭性。至於一碟燒鵝飯，飯既份量係足夠，至於燒鵝味道都正常，唔知係咪收工時間接近關門，#中產窮L 叫燒鵝飯無加錢，都有燒鵝脾，不過，唔識分係咪上裝，不過，無所謂啦，唔加錢都有燒鵝脾食，都抵讚。

第一次來，所以選了一個招牌試一試，買了叉燒飯，賣相味道都很一般，肉有點柴，味道也十分普通，這樣的質素貌似並不值$46。。。可能看到「金牌」兩個字，所以對它的期待過高吧！

疫情下食店執粒潮，執下一間又一間。剛剝咗隻牙，幾日冇啖好食，突然想食燒鵝，因為之前試過金牌，今日就試榕哥。叫咗個鵝脾飯，味道吾錯，燒得幾香，皮脆肉嫩，而且夠哂肥，不過價錢係貴，一餐半餐，算啦！睇過其他食評，話店員服務態度差，我又吾覺，點知閒話間原來個店員係新來的，剛上班第二日，態度差嘅店員吾知係咪炒咗呢？！原來燒味飯加$8有例湯跟，凍茶就加$4，見其他食客寧願飲例湯，吾通佢啲湯好味啲，下次會再試！好啦！夠字數啦！下次再評！

比人掟去灣仔新盤跟野(開地圖睇下附近有乜好食, （甘牌之前試過合格性價比唔高),就簡左呢間榕哥試：鵝:嚟到隻脾望落去似營養不良(皮脆肉質正常,但缺乏鵝香)無偷陰肉但食落完全無陳皮味囉！，燒肉(化皮夠脆)都腌得入味。如果時間夠一定過去鵝頸食海記🤩🤩🤩🤩第一日就屈就下🤣🤣,食飯時間由我入去坐底落左單「鵝脾燒肉飯多色！凍檸茶少冰」碟飯嚟到飯無乜色😡凍檸茶都係無少到冰😡我⚠️，叫樓面比杯水我直至到我食飽走人總共叫過4-5個樓面拎杯水都無人拎水嚟🤦‍♂🤷‍♂(今時今日咁既服務態度喺唔得㗎！一定無下次！)

第一次寫食評，因為從未試過有咁差既體驗！呢間食過幾次，本身覺得食物唔算差，但今日食午餐體驗極差！今日同丈夫去食，佢叫了午餐蒸肉餅，問例湯係咩，侍應話例湯係菜乾豬肺湯，但要加$8（其他餐廳例湯都係免費），心諗都好啦難得有豬肺食，就＋$8 將飲品轉例湯， 我叫了燒鵝叉燒雙併瀨粉，要求了半肥瘦。首先到左既係湯，一黎到已經係得半滿，裡面仲有網球咁大舊煲湯瘦肉，湯只有幾啖，飲到底，連一舊豬肺都無！之後我個燒鵝叉燒雙併瀨粉到左，一望，叉燒係全瘦好似乾柴咁，無肥肉，我搵黎一位姐姐話我要既係半肥瘦，要求更換，位姐姐竟然掹大眼講大話，指係半肥瘦呀，就走左去。我再搵另一位姐姐，佢都堅持話係咁架啦，我話呢個你地點可以話係半肥瘦！就搵第3個哥仔，佢應該係負責廚房，佢先終於肯換俾我，但整體感覺已經極差！食完埋單時先記起，呢間餐廳咩都唔收只收現金，唔好話wechat/ alipay，連八達通都唔收，咁岩身上既錢，連埋$2毫子先岩岩好夠$125，就好聲好氣同收銀阿嬸講，「唔好意思，唔知你只收現金，計埋$2毫子先岩岩好」，個阿嬸即刻瞪大對眼怒視破口大罵「你俾毫子我有咩用呀！！我又唔可以找俾啲客！！唔收呀！」，嗰刻我同

前排去完動漫節 行到閉館(☞ ͡° ͜ʖ ͡°)☞當係又餓又攰之際 真係見到有餐廳開 就衝入去食(•̀ᴗ•́)و當時隔離酸菜魚都有開 正當掙扎緊邊間嘅時候男朋友話佢同事介紹過佢食呢間 於是我哋就試吓佢估唔到都有驚喜ᕕ( ᐛ )ᕗ•ఌ燒鵝飯男朋友碟燒鵝返嚟先賣相都幾吸引 除咗燒鵝燒得幾靚仔之外下面啲飯一啲都唔會好乾 夠晒燒鵝汁撈飯 幾滋味ᕕ( ᐛ )ᕗఌ燒鵝米粉本身想叫燒鵝瀨粉 點知連瀨粉都賣晒（有點sad(つ .•́ _ʖ •̀.)つ）但估唔到原來呢間餐廳用嘅米粉可以咁好食有別於一般茶餐廳用嘅米粉米粉非常爽口 值得一試!!!!!!·再試一試燒鵝 暫時係我食過最好食嘅燒鵝!!!!除咗肥瘦均勻之外 燒鵝汁調校得非常惹味連酸梅醬都唔需要點(❍ᴥ❍ʋ)皮脆肉淋 好香鵝味(●’◡’●)ﾉ𝐓𝐨𝐭𝐚𝐥:$𝟏𝟐𝟔📍榕哥陳皮燒鵝 (灣仔)灣仔駱克道129-131號冠美樓地舖

呢間嘢食到一肚氣。絕對冇下次！員工態度奇差，非繁忙時段竟然落漏單。搞到下午茶都變咗正價。跟住竟然同我講話咩系統改唔到。咁而家係你出錯，我理得你茶餐廳用啲咩系統啫。你咪照扣返俾我囉，唔好同我講系統冇呢啲功能呀。啲燒鵝又難食，又乾又鞋。我正價洗鬼食你呢間嘢咩！請着呢啲員工真係幫手倒米。唉，呢個市道都夠膽噉樣做嘢法，聽執啦😡

嗰晚趕時間，諗住燒味外賣好快，就試吓幫襯佢。買完之後就係鋪頭外面等。點知等咗好耐都未有，就入去睇吓咩事，唔睇由至可，一睇即刻扯火。一大堆外賣，包括我嘅食物一早已經準備好，但係無人入膠袋，我同其他等外賣客人同個四眼樓面講，條友淨係識嬉皮笑臉講:「幫緊你，幫緊你」。但係佢雙手完全無任何行動。等到佢有心情幫你包外賣，先發現兩杯飲品隔咗咁耐未沖。佢仲淨係識企係到，「扮工」大嗌話要自己沖飲品，但企左幾分鐘都係無行動。最後啲食物飲品預備好晒，但係都等咗成廿分鐘。最激氣嘅係，唔知係咪因為我催佢令佢唔高興，所以就求其包外賣，袋食物一拎起，兩杯飲品即刻傾側，爭啲倒到成袋都係。姑勿論味道，淨係咁嘅服務都已經幫鋪頭趕客。

以燒味 (特別是燒鵝) 掛帥的茶記，近期愈來愈多。當中有一些以「乜哥乜哥」命名的，又標榜燒製的獨特方法，荔枝木呀甚麼的，賣得都不便宜。所以像鄙人如此孤寒成性的 (說是這樣說啦，吃個茶餐就介意一個幾毫，任食放題埋單千幾蚊就眼都唔眨)，今天與同伴同來造訪，就沒有點燒鵝了。說實話，是因為「匆忙」。要趕下場，僅夠時間吃個快食。於是選了個很久沒吃的沙爹牛肉麵特餐，同伴則點了中式快餐中她最愛吃的燒味雙拼飯。麵的沙爹汁給了我驚喜，裡面有咬得出的花生粒，連帶湯底也有濃郁的沙爹香。這種在FB有專門群組的港式「名物」，「頹做」的茶記真是大有人在，我也不由自主的敬而遠之。眼前這一碗，總算叫我得回一點信心。炒蛋的嫩滑也是goodish，至於丹麥酥，說實話，給我「大火厚多」會令我更開心！燒味雙拼飯到了，叉燒稍瘦，但部位不至於乾癟柴皮；至於燒肉則水準平穩。無論當天或是之後，同伴都一再堅持，這裡的燒味是「好得」的，更不只一次帶同事來吃云云。看來與她再次試真，是跑不掉的了！陳皮花生，好味。您也吃過吧！至於陳皮燒鵝 - 下次吧。有冇放題食？