榕易燒泰式串燒專門店 (已結業)

串燒ok，但唔算驚為天人其他泰菜真心麻麻地環境絕對唔係睇相咁chill！！！室內基本上係冇位戶外位又唔分吸煙同非吸煙區同埋⋯老闆最好注意下防疫限制啦尤其係露天嗰個位，俾人影到相就gg了

望穿秋水，終於等到晚市重光😂，值得紀念嘅第一餐，梗係要食最鍾意嘅嘢，我就揀咗食串燒。呢間店全部都係露天座位，感覺好 chill，有啲似去咗 BBQ 場燒嘢食。眾多燒烤食物當中，我最鍾意燒原條蒜蓉茄子，茄子算肥美，調味都幾重手，蒜蓉味勁濃，好好食😍，不過食完個口好臭，戴返口罩時就自己受哂🤣。另外燒豆卜都好正，又香又脆；日式一口牛都唔錯，肉質有肥有瘦有咬口，亦有牛味；其餘蜜糖雞中翼，雞皮串，兩款台灣腸等等就正常水準，至於燒羊架唔係我食，無可奉告😁。最弱係燒粟米，唔單止唔甜，仲好硬，唔好食😖。由於係泰式串燒，店員會奉上點豬頸肉嘅醬汁，酸酸辣辣，好惹味😋。除咗燒烤食物，呢度仲有好多泰式食品提供，我哋叫咗椒鹽魷魚鬚同泰式炒椰菜苗，魷魚鬚外層香脆惹味，入面肉質軟腍，有魷魚鮮味，餸酒一流（事實上，成個場大部份食客都係啤酒接啤酒咁隊，得我哋咁正氣飲烏龍茶桔仔冰😆），椰菜苗比較少機會食，一個個圓碌碌好得意，炒得亦好香，不過質感偏硬，唔係我鍾意嘅口味。本來仲叫咗蠔餅，不過漏咗單，唔緊要，因為食到呢度都已經飽哂，埋單時，發現原來唔使加一，所以算幾抵食，會再嚟幫襯。

同老公行完街，喺觀塘附近搵到一間 食串燒泰國嘢，反正咁耐冇食燒烤， 一於就試呢間 一上到去門口雖然簡陋，但係內裡別有洞天😍 入到鋪頭裏面行出 露天地方直情係一個後花園 仲要有個搖搖椅相當吸引 打卡 一定唔少得 坐低冇耐店員就嚟招呼 我哋揀咗 雞腎，牛脷，雞軟骨， 司華力腸， 雞皮， 都算係唔錯唔會燒得太乾 另外仲叫咗燒蟶子， 埋到黎真係有驚喜好大隻呀😍😍， 仲有淡淡嘅海洋味道 我哋仲叫咗兩杯手工麥啤， 買一送一 有幾抵飲喎， 泡唔算太多但係飲落好滑

過埋聽晚之後夜晚又冇得出街食😤諗起都有啲嬲想食港式串燒好耐，好多串燒嘅地方都係好迫夾呢間就啱晒有戶外啲枱分得幾開夠晒闊落，應該安全！除咗串燒仲有泰式嘢食不過朕就無叫。燒青口好抵食$38有六隻，隻隻都咁大隻好好食，大嚿有肉多汁冇晒沙。OMG 日式燒豆卜係食過最好食嘅燒豆卜，好香脆甜甜地唔會過咗火，個感覺似炸但係一定唔係！燒完條蒜蓉茄子真係原條上#唔好諗錯唔係一大碌 切好咗好鬼入味加埋啲蒜蓉，口感軟綿綿。燒安格斯牛仔骨係好好食有4大塊同埋燒得熟咬得開，極級惹味 。#太耐冇人食過腸仔 一食台灣黑椒香腸返唔到轉頭，雖然好似芝士腸咁細條但係太思鄉覺得好好食。黑椒味勁濃，忍唔住嗱嗱聲食晒啦兩條再叫！唯一一樣覺得唔抵食嘅就係燒黑毛豬辣條 $48以為有好多點知得一細串。啲菜上得好快，坐戶外啲嘢食都凍得好快所以記住趁熱食。靜靜雞話你地知，啤酒買一送一冇寫係餐牌度要問先知同埋每日啲啤酒係唔同。#黃絲餐廳 #黃色經濟圈 #支持小店

出觀塘買完嘢，㩒吓開飯搵嘢食，見到呢間榕易燒，地點實在方便，由apm行落巧明街必經嘅呢座港貿中心，又見好耐冇BBQ，一於去試吓!原來係2樓平台外面全戶外自成一角，空氣流通，加埋秋涼天氣，正呀!坐落都幾熱鬧，好多人知窿路，哈哈!坐低先叫咗杯“金麥啤”，因為見到買一送一，啱哂我地兩個人；“蒜蓉粉絲燒蘇格蘭蟶子”份量十足，燒得剛剛好唔會韌，一啖食落去蒜味加上蟶子鮮味一齊，正!“芝士蘑菇釀雞翼”內裡好有層次，配合得好好，一碟兩隻唔使爭；“雞皮”“雞軟骨”簡直係我嘅至愛，要嚟送啤酒簡直係一流，“牛舌”整得夠入味、夠腍；“泰式炒椰菜苗”食咁多肉要食吓蔬菜先得，好爽口又唔太辣!希望疫情快D過，可以約埋一大班朋友再嚟食!

呢一個鋪位之前係榕記車仔麵，而家就變左做泰式串燒，仲要有露天座位坐，都幾chill咁，但食物質素就真係麻麻，啲味道奇奇怪怪咁，同你認知中嘅味道唔太同😂🙂黃咖哩炒蜆 $88雖然啲蜆都幾大粒同比得好多，但咖哩冇咖哩味，反而有陣冬陰公味，好奇怪，雖然夾埋一齊又唔可以話佢難食，但唔係咖哩囉🤷🏻‍♀️🙂香葉辣肉碎炒飯 $68炒飯冇乜味，肉碎唔多，最後我竟然係攞左啲「冬陰公咖哩」黎撈飯😋泰式炸蝦餅 $48呢個可以話係全餐飯最好味，炸衣厚度適中，唔會太乾。不過如果一間泰式餐廳連蝦餅都難食就真係好大獲🤣🙁炭燒豬頸肉 $48又乾又鞋又冇味，唔點汁係完全唔想放入口🙁鹽燒厚切牛舌 $28又係又乾又鞋，口感超差🙂日式燒豆卜 $16正常炸豆卜，點埋汁都算唔錯嘅🙁蝦醬炒通菜 $58 蝦醬冇蝦醬味，反而又有一陣酸味，又係奇奇怪怪，食左幾啖就冇再食結論係，唔會再去，好伏🥲

跟朋友食泰國燒烤，去了觀塘巧明街117號港貿中心2樓201號舖榕易燒泰式串燒專門店。室內座位不多，主場盡在室外，地方寬敞，座位之間距離頗遠，可以bbq，也是個好場地。地上最強地瓜丸 $28外皮炸至金黃色，內餡蕃薯濃郁甜夾滑，味道剛好不會太甜膩。蜜糖雞中翼兩隻$14王牌菠蘿條 $24雞軟骨串 $14燒安格斯牛仔骨$42蜜糖雞翼皮脆，肉嫩多汁又入味。菠蘿條鮮味多汁，燒過之後更覺清甜，餐前小食很醒胃。雞軟骨脆口嫩滑，味道濃郁，非常惹味。安格斯牛仔骨，香燒味濃，肉質滑嫩，件頭十足，非常抵食。 泰式生蠔杯 $32生蠔新鮮肥美，肉質嫩滑多汁又彈牙，放在杯內很有特式，配上秘制青檸醬汁更覺美味。香辣肥牛炒烏冬 $78惹味香辣肥牛，肉質鮮嫩，配上炒至乾身的烏冬，熱騰騰的放在枱上，未入口已聞到濃濃的香味。泰式咸檸7 $18, 泰式青檸梳打 $18吃過濃味泰式食物，必須飲杯泰式飲品，才覺舒暢，以上兩杯飲品抵飲又好味。

🔎 觀塘巧明街117號港貿中心2樓201號舖*📍 榕易燒泰式串燒專門店.泰式雜錦拼盤($118)雜錦拼盤份量超多,春卷同咖喱角尤為出色.而且食落又唔覺套熱氣,餡料亦好多,一大盤都幾抵食,3-4人食都幾夠食.鹽燒秋刀魚($22)油香不俗.價錢又唔貴,勝價平超高啊.秋刀魚魚皮更是精髓.而且肉質都十分鮮甜.日式燒鮮白鱔($108)燒白鱔甘香肥美,而且肉質爽滑彈牙,平日唔食魚嘅,相信你食後會有驚喜.台式蜜糖腸($14)其實自己一向都鍾意食台式腸,估唔到係泰式餐廳都可以食到.味道不俗絕對有驚喜.#entrykwuntong

依間串燒店超抵食‼️叫左生蠔、豬牛雞十幾樣野人均都唔洗$200已經食到勁多野重點係餐廳全部位都係Outdoor 佈置左好多燈飾 幾chill😌😌串燒最推介係雞腎串($14)、炭燒豬頸肉($48)、燒原條蒜蓉茄子(34)、蒜蓉燒美國生蠔($32)雞腎好爽口 豬頸肉夠肥夠juicy 蒜蓉茄子調味夠 非常之惹味蒜蓉生蠔超級香口 但蠔味就爭少少泰式鹹檸七($18)好有驚喜鹹檸檬上枱前已經用攪拌器攪爛左加埋七喜 有啲似飲緊mock tail

估唔到觀塘有間咁chill嘅串燒店，露台大到擺到成十幾張枱，户外座位旁邊掛晒一串串小燈泡好有氣氛，角落仲有張搖搖椅可以影相打卡串燒選擇好豐富，另外仲有其他泰國菜食蒜蓉粉絲燒北海道扇貝($58)肉質彈牙，唔會燒到乾爭爭，入口依然都係咁鮮嫩，搭配蒜蓉同粉絲簡直係最佳組合香茅雞全翼($16)皮脆肉嫩，泰國香料醃製得好入味，每啖雞翼都食到香茅清香日式一口牛($48)口感嫩滑，牛味濃郁炭燒豬頸肉($48)香脆爽口，搭配酸酸甜甜醬汁，好有泰式風味燒原條蒜蓉茄子($34)口感軟綿，滿滿嘅蒜蓉滲晒落茄肉到，非常惹味王牌燒菠蘿條($24)、燒韭菜($16)同燒娃娃菜($16)都燒得啱啱好，爽甜又多汁

朋友介紹觀塘港貿中心，有間新開的餐廳榕易燒，味道不錯，價錢平民，戶外平台座位環境清爽舒適。今日來到觀塘，就專程過來榕易燒試下。海鮮古法燒鰂魚$128 見到這個名，都已經想試，須時三十分鐘，所以坐下就先點了這個海鮮古法燒鰂魚。海鮮古法燒鰂魚上枱，見到面上鹽燒的痕跡，非常吸引，廚師經已非常貼心地將魚皮介開，用筷子輕輕就可以 揭開，揭開時還有一陣的熱氣跟著飄出，熱辣辣的剛剛燒好，見到裏面魚肉鮮嫩，魚肚裏有非常多的香料，有香茅、檸檬葉，還有非常多的胡椒碎，令魚肉更入味，入口嫩滑，酸酸甜甜的秘製醬汁，令鰂魚更鮮味！！酸辣去骨鳳爪沙律$68 鳳爪沙律醃得也較入味，很爽口，酸中帶甜，很惹味。香葉辣肉碎炒飯$68碟邊有很脆口的蝦片。香葉肉碎炒飯份量都夠多，一粒粒的炒飯煙韌軟心，再配上肉碎，食得有口感又滋味。蜜糖雞中翼$14入口香甜的蜜糖雞中翼有兩隻，肉質嫩滑。餐廳大部份是戶外座位，現在天氣清涼舒適，坐戶外通風又清爽，一邊食一邊傾計暢飲，坐得舒服， 食得開心。

如果大家鍾意食泰國菜，鍾意食串燒，鍾意一個 Chill 既環境，想喺觀塘搵個好地方食餐飯，呢間真係推介俾大家，確實真係有驚喜，我本人嘅回頭率會極高好彩今晚訂咗枱，如果唔係一定唔使食，因為全場爆滿，就算Walk in都未必有位，大家可以睇到嘅環境真係好舒服，感覺都好似泰國添，其實佢係港貿中心既兩樓位置，因為有露台位置，而成個室外地方都做咗餐廳嘅用餐位置，加上咁嘅天氣，真係非常舒適係咪影得好有feel呢，因為餐廳嘅環境確實真係咁有feel，無論兩個人黎食，或者成班朋友，都非常適合，而且呢度仲有酒飲㗎，就例如佢呢隻日本啤酒，做緊買一送一添！不過好可惜，我今晚無飲。。。我同朋友都叫咗青檸梳打，味道都唔錯，唔會太甜，亦冇刻意叫少甜，所以確實係做得唔錯，絕對有泰國嘅味道馬上立即介紹今晚嘅食物，第一樣食物有呢個 香葉辣肉碎炒飯！睇個賣相你覺得平平無奇，但係佢嘅份量非常多，四大塊嘅泰國蝦片做點綴，食起嚟，飯帶有張力，而所有嘅辣肉碎都融入喺呢個炒飯當中，食起嚟除咗有口感，味道都非常香濃，係唔錯嘅一個炒飯跟住同樣非常出色嘅，有佢！泰式煎蠔蛋餅 配泰式辣汁！呢個真係非常出色，如果鍾意食蠔餅，又食蠔嘅朋友，真

朋友推介了觀塘一家泰菜，就在apm附近，有室外大平台，天氣漸涼坐戶外食飯挺舒服。餐廳有泰式主菜、粉麵及串燒，很久沒有食串燒，就來個串燒之夜！蒜蓉粉絲燒蟶子 -蟶子非常大隻，新鮮彈牙，簡單的以蒜蓉蒸已能帶出其鮮味，粉絲吸收了海鮮及蒜蓉香氣，很入味。蒜蓉粉絲燒扇貝及燒生蠔 - 生蠔飽滿，燒過後更香且仍然保持多汁。燒青口 -$38有六隻燒青口，每隻都十分鮮味，抵食。雞軟骨入口爽脆。紫薯一口一粒，香甜。燒蔬菜 - 雞脾菇、娃娃菜及韮菜。章魚小丸子 - 日式小食都有，剛燒好的小丸子熱騰騰，每顆入面都有章魚粒，上面鋪上紫菜粉及木魚，惹味可口。戶外座位夠 chill，而且價格相宜，下次來食其他泰菜。

收工搵左呢間觀塘工廈食串燒晚餐。呢度主要係露天位，有串燒又有泰菜，無加一，幾抵食。我地今日揀左以下：豬牛雞各2串（$88），幾抵食嘅拼盤。蜜糖雞中翼（$14），脆皮又甜甜地。燒芝心丸（$12），最鍾意爆心芝士！日式燒秋刀魚（$22），呢個調味甜甜地，燒得好脆身，成條連骨食曬都得！泰式炸魚餅（$38），加泰式酸辣醬所夠風味。泰式炒金邊粉（$68），感覺無平時食嘅咁甜，金邊粉軟糯。蒜蓉粉絲燒北海道扇貝（$58），本來以為有兩隻原來一個價錢一隻。蒜蓉配搭得好好，好有中式海鮮嘅感覺。

同同事郁估唔到港貿原來有餐廳，仲要有咁大個開放式地方，涼浸浸，好好坐。叫左蝦餅，幾好味。之後食串燒都覺得唔錯。燒鱔燒韮菜都好味！青口更加係有驚喜！但最後比果粒同一蚊銀大小，價值$58 一粒的扇貝攪到咩mood都無哂！店員放低果刻，我地兩個眼都突埋。呢粒野$18 粒都唔會叫😔仲要等左串雞心一個鐘先話無貨😑