榮式燒雞扒 (已搬遷) 新店位置

今天闖關孖寶到了銅鑼灣覓食~因為記得加路連山道有不少食店，所以便到了那裡看看有甚麼好吃。選榮式雞扒是因為以前經過這裡總看見店內人頭湧湧，所以應有保證吧! 今天大約晚上六時半到達，可能時間尚早，店內還有不少座位。因是第一次來，便選了最出名的榮式雞扒，另配稻庭鮮烏冬。女友因之後有飯局，所以我們只點了一款而已。先試雞扒，外層烤得脆脆的，還有一點炭烤的香味，雞肉鮮嫩多汁，配以相信是店家自製的醬汁(如不是請指正)，質素很高，相比起來，KFC/大家樂的實在上不了大枱! 難怪能以雞扒起家，分店還越開越多。碟子除了雞扒外還有些伴菜，半涼不熱的，如果可以弄熱一點會更好。然後試烏冬，始終不是專門店，在點之前其實有點擔心烏冬和湯的質素，經驗告訴我很難兩者兼得的。先喝一口湯，湯不是烏冬常配的鰹魚高湯，是帶點微辣的濃湯，湯底不錯，當然這樣會使烏冬的小麥味道被濃湯蓋過了，但這樣的組合感覺也頗特別，不妨一試。烏冬算是滑溜彈牙，比起很多茶餐廳已經好多了。這一餐整體還不錯，食物質素有驚喜，吃得出是有心的店子，有機會一定會再來! 因此次未能嚐試較多款式，客觀的評價還是留待下一回吧，這次先給予OK!

我公司成日都叫榮式雞扒外賣lunch, 好有信心既保証,, 難得一次食堂食, 發現仲差過外賣!!!夜晚行到去, 都幾多人, 侍應安排左坐門口位, 個位o係邊唔係問題, 個問題係張枱同張櫈都好細好細, 同隔離台係零距離我拎住個返工袋, 要攬住佢食足成程飯呀陰公夜晚餐牌好似冇晒d套餐連野飲, 雞扒併XXX, 外賣紙多好多選擇, 配搭, 點解堂食反而冇架!!!!好啦, 叫個雞偶天成 (雞扒+ 藕餅), 塊藕餅薄到好似薯片咁 我叫外賣好大塊, 好厚, 冇咁油ga wor 雞扒落差冇咁大...不過不失原來呢個世界有外賣仲好食過堂食既事情發生食完呢餐令我淨係想在公司叫外賣, 唔想再坐o係店內食堂食....

晚飯時間在銅鑼灣搵食,本來想食去開嗰間泰國嘢,但唔知係咪執左,搵唔到,行下行下竟然俾我見到呢間之前喺openrice見過但無緣一試的榮式雞扒,故特孖住老公一試!既然黎呢度,緊係食雞扒,我叫雞扒湯烏冬,老公叫咖喱雞扒反, 老實講,雞扒無大家樂早餐咁好食,烏冬反而出奇地好食, 老公直頭後悔,因咖喱同反都不及一般茶餐廳!失望而回.

大約2PM, 原本想去BURGERROOM, 點知都多人等位, 因趕時間, 唯有行過少少... 雞扒唔駛等位, 就食佢喇!講真, 依度既SERVICES 真係一般, 等佐成15MIN 先有得食, 連個茶都等佐成10MIN, 我朋友既飯又變佐另外一個唔知O羊飯, 不過都費是換喇, 唔知要等多幾耐....不過食物方面係OK ,兩大塊藕餅仲有一大塊雞扒, 藕餅都好好食呀! 飯轉麵要加兩蚊, 轉烏東加8蚊!

之前星期日想黎試，不過好早就收就檔難得今日放工時間尚早，於是決定同女朋友一齊黎試食!睇下一間標榜燒雞扒既食肆有幾巴閉!今晚黎左一客雞扒豆腐飯同雞扒撈檬粉先要讚~上檯雖然賣相普通，但BBQ 式既雞扒燒得頗香口，調味適中!茶餐廳黎講，塊雞扒可以整到咁既水準都算得上超班!但要彈既就係舊豆腐完全唔得，味道怪誕! 劣!撈檬既酸甜汁完全無味~ 以後都係去返泰式越色既地方先會再食撈檬加左碟菜 埋單$80左右

I had been longing to dine in Wing's Catering for long, and finally I had my chance tonight. Wing's Catering was just right next to Mackie Kitchen on Caroline Hill Road, which I was excited to find out upon my last visit to Mackie Kitchen. There wasn't much people dinning on a Monday evening, lots of tables were vacant. The waiters were having their dinner at the customer's table (isn't most staffs usually eat in the kitchen?) and the waiter gave me a weird look when I entered the restaurant. Th

因為唔太識路 所以都搵左一陣先搵到一場黎到當然要試佢出名既雞扒同藕餅我點左雞扒飯+藕餅個餐 男朋友要雞扒飯+魚柳+咖哩汁個餐野飲要凍檸茶同凍奶茶我果個飯黎先 個雞扒第一啖咬落去好咸 不過食食下就無咁咸 可能咁岩調味唔平均不過個飯好硬 同埋好油 藕餅都係普普通通 媽咪整果d仲好味 又係好油男朋友個咖哩無乜特別 係d魚柳整到淋哂 就算佢一黎到我夾黎食都係淋

有人說榮式鷄扒不再是炭燒，皮又不脆，而且一客鷄扒飯只剩一件鷄扒！哈哈！不知為甚麼？我每次去吃鷄扒都是皮脆肉多汁，鷄扒飯仍然是每客兩大件鷄扒，是否仍是炭燒？看看剛拍的照片自己判斷吧！其實我更喜歡鷄藕天成飯(名字有點鬼馬)，是鷄扒加上香煎藕餅，配上咖啡/茶才$38，好味抵食

走晒樣，以前邊有話咁多油至得架........ 啲油浸到皮都淋埋....... 以前有陣炭燒味，現在好似自己煎都不難有同樣效果..........而且家陣塊雞仲要細左 20% 左右飯仲有「蓮偶餅」都係油浸一樣的，咬入口，不是肉汁，而是油.....想起也怕怕........

食晏時間好多人叫外賣，員工話好快有位，但都等左四個字！等緊位個時已經幫我地落定單，塔台坐，野食等左三個字，叫左雞扒拉麵！賣相唔吸引，雞皮太厚同好油，食落好似凍肉店賣黎燒野食既貨色，拉麵湯底有d spicy但無人同我講！口感還可以，比日本店既幼食d!

榮式燒雞扒的特色是炭燒，雞扒燒得脆之餘還有一種像炭燒的味道（不只是脆的這麼簡單），食落口感特別又有肉汁今次我如常叫了一個榮式燒雞扒撈檬 雞扒大縮水，現在只剩下一塊 雞扒的皮竟然是不脆，只有外圍有少少脆，內圍全是淋的 皮只是硬硬的脆，感覺像普通的煎脆塊皮一樣，口感不再特別肉的質地和味道也可以，但是這樣的雞扒其他地方也會弄，用不著來你處吃榮式燒雞扒不再榮式，雞扒份量大縮水，質素下降，失望！！失望！！

當日tea time去到,唔洗等位就可以安排坐位。我們點了一份雞扒意粉同一客薯角雞亦...男朋友食完份雞扒意粉,但我份薯角雞亦都仲未到喎...(已經係半個鐘既事)咁我咪追問個後生女待應啦...佢ee ar ar咁話等多2分鐘...出緊黎...好...咁我咪等啦,點知隔左5分鐘先黎都算啦...點知雞亦食食下先發現原來係得塊皮係熟既...內裡完全生...咁咪同個中年女待應講...(已經好聲好氣...)咁佢都話換比我...又要等多5分鐘先有得食...最好上菜時...連啲薯角都已經凍晒...難食...我後悔當日無用電話去影底佢地既罪證....PS...後生女待應,服務完全唔掂囉...眼神寸寸咁...黑口黑面咁...

We went early so the place wasn't packed. Ordered the sliced bbq pork shoulder and ramen. A few pieces of the pork were a bit dry (think we got the side cuts) but overall it was nice and tasty. The portion has shrunk compared to before the restaurant went under renovation mid this year.For those who are looking for something more filling I think you may have more luck with the chicken steak rice. The waitress was rather friendly as well. No problems there. Overall, yummy.

今日公司要開OT, 一話叫外賣大家都話叫榮式,初初想要燒雞扒+雞翼, 點知賣晒,結果就要左燒雞扒+油豆腐,外賣好快就送到啦, 大約15分鐘, 而且外賣阿姐好好人啊, 佢見我咁瘦弱, 主動話幫我拎入去, 好好人呢~講返燒雞扒先, 真係幾好味, 唔咸, d汁甜甜地, 肉好鬆化, 但係就有d 油, 不過都可以接受, 油豆腐都好入味, 幾好最開心係, 榮式叫檸蜜係唔駛加$$ ga!! 好抵啊! 而且夜晚都有飯+飲品的餐, $38 幾抵不過我同事叫燒雞扒撈檬, 佢唔記得左俾汁我地, 搞到我同事要乾食@@....

因為要去游水經過呢度...所以記得個名, 今日6:30pm 來試食下, 太早關係還有很多座位剩...坐定定叫野食...話明榮式燒雞扒 照牌野梗係要試..就叫左一個榮式燒雞扒小食 + 蘿蔔豬軟骨烏冬 (稻庭烏冬) +杯凍檸茶 ...來到時有d失望....首先2塊雞扒好油...相信女士見到一定唔敢食... 個烏冬本身冇咩野..飲第一啖湯都ok...但怪就怪左..d烏冬...碎開晒...我驚我自己唔識野...可能稻庭烏冬係碎食.. 於是我就冇出聲..反正見個味幾好... 個豬軟骨就有少少搵笨..得3小塊...雖然係入味易咬..但加埋5小塊蘿蔔 同人地叫既雞扒烏冬比起來差好遠...如果抱住試食心態 可一試無妨.. 但如果要健康為大前提就應該諗諗 其實d野食味道係幾ok...-.- 唔計個碎烏冬....係有d油...至於服務就...個人認為唔得...首先員工對客人既態度..係愛理不理..入到店內員工樣子一點都不太熱...相反有點兒冷淡...而且落單好多錯漏...成日聽錯人地叫既野食同時..出錯食物...進食時聽見2台唔同既客人都說出錯了食物... 而且進食時 要求多隻碗 都聽了幾次才作反應...