樂園 (已搬遷) 新店位置

生日去食都幾好 但有點貴四百幾好少野食 都ok好食 值五值得睇就見仁見智 套餐又五可以轉其他食物 hea時間的好地方 有遊戲可以挽有貓睇 店主會主動幫我地影相 叫套餐影相一流 啲食物都好靚

今日與先生來到尖沙咀北京道的樂園食晚餐，上網見到介紹餐廳是慶祝生日，紀念日專用餐廳 ，餐廳有安格斯肉眼，香煎石斑柳，廚師發板，怪獸雪糕，特色甜品...等。見到樂園裝飾色彩繽紛，牆上一支支的玫瑰及一幅幅的畫，令餐廳充滿了浪漫情調與色彩帶有童話色彩的夢幻。適合三五知己，情人及一家大小到來慶祝。安格斯肉眼$218安格斯肉眼上枱見到令人驚喜，伴碟漂亮，充滿了西餐的色彩，廚師經過精心的擺設，一句 I love you令整個套餐看落充滿了西餐的情調與浪漫，令我與先生也增多了一種因日常繁忙與時間沖淡了的甜蜜的初戀感覺。安格斯肉眼厚切，面上擺放了少少香草，真是令人食指大動，肉眼扒大大件，上枱飄著縷縷熱氣，吹過來陣陣的香味，安格斯肉眼扒五成熟，汁液豐富，牛肉味濃，非常讚。再要多一個香煎石斑柳$218香煎石斑柳，奶油翡翠汁是使用蔬菜做的波菜汁，用沙律菜伴碟，賣相也是令人驚喜，不過石斑柳及奶油翡翠汁比較淡口，但感覺魚肉新鮮。因為食得太開心了，先生再要多了一個廚師發板2位(平日)$376。廚師發板是一個非常美麗的美味集錦套餐，上枱比安格斯肉眼扒更令人有意外驚喜，就像一幅美味的什錦套餐立體畫，精美絕倫，非常美麗

近年樓上cafe開到成行成市但係食物質素參差不齊聽聞呢間係少數食物質素好既一間仲要有幾隻貓貓坐鎮作為貓奴既我又點可以唔黎呢==============================menu最吸引就係呢個廚師發板咁豐富先$188梗係要叫佢啦廚師發板果然夠晒豐富!鹽水煮榮螺佢冇用太多調味,只用左鹽水而榮螺都幾新鮮,所以好食得出鮮味戀之花煙三文魚+蟹棒三文魚好厚身,好有口感而且煙燻味好香,但又唔會遮到本身三文魚既魚脂香,令人食一再食而蟹棒,就係蟹棒虎蝦最鍾意佢擺到心型有時食野唔係淨係食味道正所謂色香味要俱全擺得靚,令人視覺上一上台已經享受緊個菜色當然佢既虎蝦都唔係華而不實蝦肉真係好結實,好彈牙牛柳粒味道都唔錯,唔會軔,牛味都幾夠仲可以配以蒜片一齊食味道更香更濃黑魚子鵝肝多士鵝肝煎得好香,又岩岩好唔會過左火加埋本身都好香既黑魚子就香上加香夾埋下面香脆既多士一齊食就會有唔同既口感簡直一絕帶子佢個汁除左用牛油,仲落左少少檸檬汁好巧妙咁帶出左帶子本身既鮮味又唔會喧賓奪主真係好有心思安格斯肉眼扒先講塊扒可以見到都幾大塊下而且煎出黎色水好靚同埋唔會有血水出黎證明廚房應該有落過功夫叫左7成熟肉汁仲可以保

星期五晚又係同老公搵食嘅時間 ，而家好多時都搵唔到可以坐幾粒鐘食飯嘅地方，好多時兩個鐘就要交枱 ，但係今晚想輕輕鬆鬆慢慢食，有朋友就介紹咗嚟呢間Happyland，一於去試下。舖面唔大，唔係好多張枱，感覺好乾 淨、舒服，仲有兩隻好可愛嘅貓陪住我哋食。我哋叫咗一個廚師發板， 有帶子刺身 、 特大虎蝦、 鵝肝多士、 蠑螺 、牛柳粒、蟹棒、 沙律同煙三文魚。鵝肝多士超好味， 鵝肝 煎到好香脆，好食。食完個 廚師發板 都已經飽飽哋，所以 只係叫咗兩個前菜同一個main course， 前菜叫咗煎雞翼同埋芝士焗大啡菇，雞翼入曬未，煎到好香而仍然帶有肉汁，芝士焗大啡菇好juicy，yummy。主菜叫咗牛扒， 要五成熟，切開發現 差唔多熟曬，向侍應反應，餐廳同我換過一塊五成熟，啱啱好， 牛味好香 ，正！！！

與閨蜜相識紀念特意找個特別的地方來好好吃一餐選擇尖沙咀大家都比較就腳，樓上Cafe亦可以坐耐一點可以又吃又傾。看相片感覺很特別，於是叫了一個廚師發板，客人可寫相紀念句子在紙上給廚師加在碟上。廚師亦很有心意寫得很靚。出來結果比我想像中還美，影相打卡很好看💕碟上有帶子和蝦，有牛柳粒有煙三文魚鵝肝多士和一個小甜品，店員很用心解釋醬料和食法，整碟菜式感覺很有心思。點了一份鵝乾黑松露意大利飯一起分享，賣相不錯鵝肝也很厚滑沒有”蘇”味飲品也很有特色點了彩虹特飲的藍色，是黑加侖子梳打，味道不甜幾清新，仲有水果在內面！另外一款飲品是金沙沙冰，超級大杯沙冰好似沙塔一樣高高的，型爆！菜式選擇都算多，用餐途中店員關了燈，拿出巨型雪糕和對枱客人慶祝生日，大家都一起唱生日歌非常有氣氛我們坐的位子仲有貓貓陪食飯佢一路訓你一路食，很可愛

我地幾個姊妹，畢業後各有各忙，難得今次有人吹雞，大家都有時間出到來，一定要搵間可以坐成晚的餐廳好好咁傾計。有人提議呢間餐廳，我記得之前同其他 friends 來過玩 board games，食物都 okay，所以和議。煙三文魚忌廉意粉。煙三文魚份量頗多，麵條掛着香濃的忌廉汁，入面有洋蔥、青椒、黃椒、紅椒，味道幾好。煙三文魚份量頗多。另外，我哋叫咗個黑椒牛柳粒飯，嘩，伴碟好靚，即刻相機先食。牛柳粒新鮮，配合微辣的黑椒汁，風味頗佳。旁邊沙律菜配上芝麻醬，一定要食埋佢。兩個主菜就夠喇，點解呢？因為仲有怪獸雪糕等緊我地挑戰 😮登登登凳！怪獸雪糕 真係好大份！我地有人生日，book 位的時候員工建議我地可以 book 怪獸雪糕慶生，我地即管試下！餐廳熄燈出蛋糕，插埋 candle 同生日牌，仲送即影即有相，服務好好。我地四個女仔，總共只食左兩個主菜，呢個甜品我地剛剛食得晒，因為怪獸雪糕好夠份量，食完已經好夠飽。雪糕有多款口味，包括受歡迎讀的 mocha 同 cookie and cream 口味，like it 壽星女好驚喜，我地仲一齊影左好多靚相。一排無見，太多野傾，我地坐左成四個幾差唔多

想搵個地方同朋友hea下，就揀左樂園啦！貪佢唔限時任坐任玩！呢到有好多boardgame比人玩，枱上面仲有糖可以比人邊傾邊玩邊食店入面仲有治癒既貓貓花之戀煙三文魚意粉呢個意粉係本店推薦之一，意粉一黎，已經有好濃嘅芝士醬，而且賣相好吸引，令我引唔住相機食先。意粉醬好濃，煙三文魚熟嘅程度啱啱好，唔會太生或者太熟，至於個份量都好適中，適合和朋友分享。厚燒美國安格斯肉眼扒呢個都係必叫主食！叫左6成熟，食落肉質好爽，唔會好林，肉汁都好足夠，而且賣相好精緻，配上醬汁，十分完美，而且份量好大，好抵食，推薦推薦！西班牙黑毛豬肋骨配薯角裝飾依舊好有心思，肉質鮮嫩，配埋香草味道更升一個層次黑松露香煎鵝肝意大利飯鵝肝煎得好香口，成個飯既汁同拌料都好夾怪獸雪糕怪獸雪糕必叫 ！待應拎黎真係好似怪獸般巨大，4、5個人都食唔唒啊！一大班朋友黎就最適合啦，如果有朋友仔生日，雪糕仲可以寫happy birthday，幫朋友仔慶祝！怪獸雪糕除左巨大，外觀都要比個讚佢，七彩繽紛，童話般精美，絕對係打卡好甜品。怪獸雪糕入面既雪糕都好多好好食 ，有芋頭、芒果、朱古力同芝麻等，一定有一種口味啱你！總之幾好食啦！影到一張靚相咩都值

見今日大家都得閒，就想搵個地方hea一晚，傾下計，玩下咁，我地就揀左黎樂園一入去就見到兩隻貓店長！多多同寶寶好可愛，而且肯比人摸！坐低左之後，店員好快就比左餐牌我地，都幾多選擇下落完單之後，等野食黎都要一段時間，呢個時候緊係玩下board game!佢有成個board game櫃，有啤牌、狼人、飛行棋等等，玩得唔好嘥嘛玩左陣，野飲就上左黎先，我就叫左杯紅綠茶系列既熱情果，唔係好識形容，同平時飲既熱情果汁唔係好同，但好有茶味，都唔錯之後我地既野食都黎左！我地叫左個芝士豬肉釀雞翼，見佢個名咁特別就忍唔住叫左，果然同以往食既雞翼唔同，佢出面灑滿芝士粉，係雞翼入面竟然真係釀左豬肉！好新奇呀！仲要味道真係唔錯，尤其岩哂鐘意芝士粉既我之後就到我地既主食！個意粉好正，不得不提既係，我完全唔食生既三文魚，但呢個煙三文魚雖然睇落生生地，但咬落去完全係另一回事，好正，連我都感受到三文魚既滋味啦呢個肉眼排完全係今既主菜既主角，我地叫左六成熟，肉質口感味道各樣野都好好，個汁令個牛排再升一級，個汁真係好正黑毛豬都唔錯，好有味道，唔似之前食過果d完全食唔出豬味，伴碟裝飾都好有心思！最後就係鵝肝意大利飯，鵝肝煎到外

放工想玩board game， 去樓上cafe~睇Open Rice~呢間comment都好好喎~多款boardgame🎲任君選擇所有主菜盆都有裝飾， 連一塊牛扒都可以裝飾到咁少女心♥️ 真係見到都食慾大增😎厚燒都可以做到五成熟嘅效果👍👍yummy😋呢個飯openrice好多人推介，真係冇令人失望~好期待嘅廚師發板😍整到成幅畫嘅甜品就見得多~鹹食嘅一樣整得咁靚嘅就少見啦😍 側邊用嚟裝飾嘅一點點係醬汁嚟㗎真係好有心思~飲品我自己就叫咗個熱嘅薰衣草玫瑰花茶， 淡淡嘅清香，又唔太濃😚朋友就叫咗個橙~不過唔記得咗佢入面有啲乜嘢😅佢啲飲品係彩虹嘅七種色呢度係超適合小朋友搞生日party🎂嗰晚已經有兩個小朋友慶祝~因為佢個怪獸雪糕係大人小朋友見到都好開心🎉我地本身已經好飽，但見到都忍唔住要叫個雪糕嚟食~ 心太軟都裝飾得咁靚，sailormoon fans唔得掂呀🤣呢度真係好啱gathering~唔限時~仲要有兩隻貓店長~貓fans🐹🐹真係一定要嚟呀

今日同兩個女出去大空館做功課，難得放假，緊係食埋嘢啦，之前聽同事講過有間cafe 有貓貓又有美少女戰士，帶呀女去一定開心到爆！地點易揾就係i square對面，門口好鮮豔入面有好多益智遊戲任玩我地點左份厚燒美國安格斯肉眼扒，七成熟剛剛好，好多肉汁，重牛味，再配薯角，都幾大份。另外仲點左個小食拼盤，醬爆雞亦，香草牛油焗特大帆立貝同日式雞軟骨豬肉捧餃子。雞亦好香口，配泰式辣醬好野味。帆立貝真係好大隻，好香香草牛油味，焗到啱啱好，帆立貝仲好多汁！日式餃子好大隻，同係日本食既無分別，點黑醋食好開胃。最後點左份好睇又好食既怪獸雪糕，四個球已經夠四個人食，份量足，雪糕都幾滑，又有一大塊糖！有人生日職員會唱埋生日歌，好窩心！有得玩又有得食，人均消費百多元係尖沙咀黃金地段好難得了！

之前週年紀念日都無同男朋友好好慶祝，今次男朋友生日決定同他食得特別d！位於尖沙咀呢間happyland都開左好耐，睇Openrice 都幾多好評，仲有得平試廚師發板，可叫餐廳寫字。未食得就周圍搵野玩下，除左一大堆board game 外，仲有隻貓貓🐱！任摸唔嬲😍，另外仲有隻白色無上鏡。玩左陣就有得食啦！ 係相機先食！成個拼盤好靚，除咗啲假花全部都食得，侍應非常細心介紹每一款食物、醬料同配菜。我地先食左個冷盤:榮螺，蟹棒同煙三文魚，三文魚沾上旁邊的芥末醬好夾。熱食的帶子煎得剛好熟，牛柳粒配上蒜片好香口。不過最令我回味莫過於呢個黑魚子鵝肝多士，juicy的鵝肝配上脆卜卜的面包，如果有得單點呢個鵝肝多士就好啦！加$38跟餐湯同飲品。今日餐湯係海鮮湯，熱辣辣好暖胃。入面係超多海鮮，一d都唔馬虎carbonara ($158)，扁意粉配上蛋黃醬同芝士粉，雖然簡單但係好味，每條意粉都沾滿左醬汁香煎龍膽石斑柳配奶油翡翠汁($218)，魚排好大塊，皮煎得香脆，點上青汁解膩，配埋芝麻醬沙津非常滿足。另外餐廳每一道菜的擺碟都好精美我愛金莎，跟餐+$45，非常大杯的朱古力沙冰，兩個人share 都足夠，亦溶

跟住貓奴去朝聖, 於尖沙咀樓上餐廳, 有兩隻肥貓咪做睇場, 餐廳除了有兩隻超可愛貓咪外 其實食物也是相當有特式。主菜ㄧ~ 黑松露帶子意大利飯, 帶子大大粒非常豐厚, 把帯子煎香配以松 露醬, 香味獨特, 加上意大利飯簡直係perfect match, 味道香濃, 感覺清新。主菜二~ 燒春雞, 即叫即燒, 需時二十分鐘左右，但當食物来到時, 全部人眼光都集中在燒雞上, 完整成個上枱, 剛剛燒起, 香氣撲鼻, 仲非常肥美, 配以新鮮炸薯條及沙律伴碟。 一啖咬落皮脆肉滑, 非常juicy, 熱辣辣, 好滋味。超級甜品~ 超級卡士雪糕~ 用"巨"来形容ㄧ定冇錯, 仲惹來艷羨目光 。有芒果, 芝麻, 朱古力, 曲奇, 香芋, 士多啤梨, 咖啡, 雲呢拿味等雪糕, 仲有棉花糖, 威化餅, 曲奇, 香蕉, 波板糖及碎糖等等...做襯托, 材料滿瀉, 可以供給多人享用, 心思設計令顧客愛不釋手, 係呃like最佳之選!金莎朱古力沙冰亦係非常濃郁既飲品，推介

特地選擇這裡同好朋友慶祝生日。真的很有驚喜！這裡很温馨的感覺，𥚃面的得裝修和椅子很colourful. 我特別揀了個廚師發版。好朋友見到的時候很開心很驚喜。這個廚師發版真的美到好像一幅畫，有點捨不得吃呢。還有味道都很好，店員很好教我們要怎樣吃，要有順序地吃。在這個菜我們已經花了不少時間拍照了。這個醬汁骨Yummy,肉質很軟滑。這個意粉色香味具備，從這裡菜式真的看得出師傅的用心製作。這店叫樂園，還有菜式都讓人覺得很開心，老闆是很有心思的。值得推薦！👍🏻

早早已經係IG見過有人去「樂園」慶生，早已收藏左，今次等到身邊朋友生日，即刻提出加卜枱🤣位於尖沙咀港鐵H出口對面，超方便😆又容易揾，出life就見到彩虹壁畫，好繽紛既感覺。鋪頭入面中間櫃放有遊戲任人拎黎玩🤣而位與位之間好闊落，每一枱都有自己空間👍🏼 愛貓人士必黎，有兩隻🐱貓店長，任摸唔嬲，好懶洋洋🐱🐱好可愛，又唔會騷擾人。豬仔骨$228每支豬仔骨都沾有香濃醬汁，肉質嫩，分量大。伴碟既薯菜炸得好脆口。鮮茄大蝦意大利粉有兩隻大虎蝦，啖啖肉。意粉沾有茄醬，帶有洋蔥、甜椒香味，好開胃。黑松露鵝肝意大利飯$188勁厚身既鵝肝，煎到外脆內軟，上面更有黑松露，極香😎👍🏼飯有濃濃香菇味，好味道。所有主食都可以+38蚊 有餐湯同野飲，某啲野飲要再加小小錢。全場熄燈播生日歌，侍應就會送上😱嘩！嘩！嘩！巨大既雪糕杯😱😱再加上蠟燭同生日牌，影相打卡一流，勁有氣氛🎉鋪頭仲好貼心送張即影即有添👍🏼鋪頭無限時，我地當日食完甜品😆足足食左三個鐘，大家都覺得好誇張🤣唔覺唔覺坐左甘耐。最後朋友都好開心～滿意..

尖沙咀的樓上Café不多，樂園是一個平時想找個地方休息下，玩玩小遊戲的餐廳。大人小朋友都滿足到😏😏😏跟一般Café一樣，店內一角擺放著不同的小遊戲上邊仲放咗不小店主護膚品減肥產品推介，右下角有一隻貓咪在睡覺，很乖巧的一動也不動。餐廳唔係好大，所以記得要預約☎☎☎每張枱面都有糖糖食🍬🍬🍬好吸引小朋友，見到就開心呢個下午茶 set要早一日預訂㗎。黎慶祝生日唔錯嘅選擇🎂🎂🎂超驚喜價$398💫🌟✨凡惠顧以上下午茶餐包兩杯$48飲品🍹+🍤蝦蝦笑廚師沙律🥗（選$48以上飲品只需補回差價）蝦蝦笑廚師沙律🥗新鮮沙律菜配大蝦同胡麻醬， 我地最愛🤤🤤🤤主角嚟喇， 囡囡不停嘩嘩嘩，好靚😋超級喜歡😘冇選錯👍🏻👍🏻👍🏻要讚讚自己，滿足到老婆同囡囡下午茶以美少女為主題， 10款有鹹有甜，款款都好吸引。靚到都唔捨得食呀， 相機手機食先📸📲全部都係美少女👨‍👩‍👧有精緻好味嘅鹹甜小食幫你醫肚之餘，仲有好多影靚相嘅打卡位添！開心 • 少女風 • 下午茶💫🥒蟹子吞拿魚青瓜卷 🥒食落好清新🌮黑松露雞肉三文治 🌮雞肉再配松露，加上軟熟的包身，這款來得比較清爽，更適合女士享用🤩戀之花煙三文魚 🌸帶有鹹味和煙燻香味，成朵玫瑰花好