樓下冰室 (已結業)

好耐好耐無試過食香港傳統風味，於是今日同朋友去荃灣路德圍試下呢間冰室試下😋一入到去已經見到好懷舊嘅裝修，一下子就返去六七十年代嘅感覺呀！聽講呢間冰室最出名就係滑蛋通粉同瑞士雞卑，我地仲叫咗好多款小食🤪🤪好似開懷舊party咁🥳真係推介爆呢個滑蛋蕃茄通粉呀，蛋超級creamy,蛋咪好濃！蕃茄通粉都好正，湯底好濃郁，配埋個魚柳，炸到好鬆脆，炸粉唔厚，完全做到外脆內嫩嘅感覺！👍🏻☺️瑞士雞卑好入味，個汁好香，但個雞卑入味得嚟又唔會煮得太耐，柴咗嘅肉，仲係嫩嘅😌仲嗌咗三個小食，分別係炸雞粒、芝士焗薯角同西蘭花。當中最出色就係炸雞粒，雖然有少少辣，但好脆，食落好惹味！野飲方面，要咗杯紅豆冰同奶茶，嚟到冰室必點嘅兩種飲品，奶茶好滑，下次一定要再嚟！

A colleague and I visited this restaurant for lunch on a Monday. It’s located close to Exit A of Quarry Bay MTR station. There was no queue and we were seated immediately (though I have seen queues outside in the past). The décor is basic, modern and has a canteen feel. There is plenty of indoor seating available but no outdoor seating. Takeaway is available too.The restaurant has an extensive menu that includes Chinese and western food. I chose the beef brisket as this is one of my favourites.

Lunch 有我最鍾意的蕃茄湯底！正！⭐️鮮茄濃湯牛肉米線 配 牛乳炒蛋、牛油厚多士⭐湯底雖然唔係預期中的杰身口感，但酸甜適中，亦有不少茄肉，挺開胃。牛肉鬆軟，米線食起來好有咬口，完全無煮到過腍！炒蛋好濕潤，入口嫰滑！不過稍微落多左鹽，食落有少少咸，最鍾意將炒蛋放上多士一齊食😋 簡簡單單又一餐～

今日約左朋友黎荃灣食飯，我地2個都無idea食咩，行到路德圍比樓下冰室既門面吸引左入去。餐廳裝修幾唔錯，好有茶餐廳特色，餐牌方面有中式亦有西式。一場黎到，梗係要試下佢既招牌瑞士汁雞翼! 咬落好濃味，瑞士汁落得好夠，而且雞翼都好大隻!正餐，我地2個各自點了咸菜胡椒滑雞湯飯同招牌滑蛋叉燒飯。睇相到睇到咸菜胡椒雞既用料十分足，，湯底好醒胃，而且好大碗，一個人要慢慢食先食得晒!滑蛋叉燒飯同樣份量都好多，滑蛋炒到好有蛋香，又唔會太老，叉燒肥瘦適中，推介!另外，小食點左口水雞同芝士焗西蘭花。口水雞夠辣夠惹味，雞肉好嫩，撈汁食飯一流。西蘭花大大棵，芝士份量剛好。

最近大家都好著重香港人嘅個身份，確實香港係好有特色嘅呢間餐廳係以懷舊冰室嚟做主題，係牆上面有好多懷舊嘅相，舊香港嘅物件之類。而餐廳嘅食物款式都有好多， 而全部都充滿港式情懷真心覺得好正呀！點了一份小食，炸海鮮芝士豆腐。呢款小食並唔難整，但要整得好食就好難嘞，一啖一口真心幾過癮嘅。另一款必食嘅當然係招牌菜式，瑞士雞髀配沙律、多士啦！雞髀超大隻，真係大隻過部電話呀！而且肉質鮮嫩，唔算好難咀嚼，而個汁嘅味道係甜甜地嘅，正呀！至於多士都好正，燶燶地又有牛油味主菜點了份燴牛肉意粉呢款絕對係冰室嘅熱門推介，作為香港冰室一定要識整冰室必飲之選一定係菠蘿冰，入面真係有好多嚿菠蘿㗎，而且仲好甜添。而餐廳仲有呢款相當有特色嘅華田脆脆，真心係重拾童年回憶呀！

今日又係荃灣附近食野😁夏天特別熱行到成身汗，今日都係一樣好熱咁入咗嚟呢一間舖頭佢係冷氣非常之大，所以就揀咗呢一間樓下冰室。呢間之前係黎過佢嘅蕃茄湯底通粉，咁今次呢就試吓佢嘅豬骨濃湯底，咁我哋就叫咗一個米線一個螺絲粉。佢係配上左炒滑蛋。個湯底都唔錯呀真係幾濃味。咁佢今餐呢就係有一碗粉面你可以自己揀要蕃茄湯底定還是係豬骨湯底。咁佢係會再配一款小食嘅咁我哋今次就揀咗「炸韭菜餃子」同埋「炸吉列豬扒」，咁佢兩款都係即叫即炸㗎嚟到都係熱辣辣👍👍👍個人認為係韭菜餃子係幾好食嘅🤤因為裏面啲餡夠多！炸吉列豬扒就一般般，沒有太大驚喜😅飲品方面我哋就揀咗凍檸樂同埋菠蘿冰，其實好少飲菠蘿冰不過見佢舖頭有個牌寫住菠蘿冰「正」咁就嗌左杯菠蘿冰飲啦🤩真係幾好飲喎啲菠蘿都係新鮮菠蘿嚟㗎唔係罐頭菠蘿👍👍👍

是日黎到荃灣路德圍覓食，我同友人揀左呢間樓下冰室，荃灣地鐵站A1出口行5分鐘左右就搵到疫情期間，餐廳依然做好用膠板做好社交進食距離復古風掛畫+紅色皮質沙發，傳統港式冰室感覺即刻出哂黎，而且坐得好舒服套餐1）蕃茄濃湯通粉配牛乳炒蛋份量夠哂大碗，蕃茄湯係鮮蕃茄蓉絕無欺場，炒蛋放系熱湯入面依然keep 到滑溜，奶味好出呢個咁開胃既巨碗通粉好味到我5分鐘就食完正正正！套餐1）配招牌瑞士雞髀聞名不如見面，呢隻街知巷聞既瑞士雞髀一上枱已經傳出香濃既瑞士汁味，皮與肉均勻索滿汁液，每一啖都品嚐到雞肉同瑞士汁既融合，雞肉keep到嫩滑唔老，抵讚套餐1）飲品：紅綠椰冰紅豆冰大家一定飲過，樓下冰室呢杯紅綠椰冰夠哂特別，紅豆綠豆都有齊哂，仲有我至愛既椰奶系入面，一齊過滿足哂我3個願望套餐2）招牌瑞士雞翼配牛油多士及粟米沙律朋友仔就鍾意食雞翼，同雞髀餐一樣出色，啖啖瑞士汁精華跟餐牛油多士烘到金黃色，夠哂香口，配埋清新粟米沙律，岩哂追求健康既人士套餐2）飲品：阿華田脆脆誘人既阿華田香味加上脆脆滿足咬感之餘仲有啖啖幸福既感覺，華田fans唔好錯過呀小食 炸海鮮豆腐外面煎到金黃色，入面有軟滑既芝士同，口感好得意小食

同朋友黎到荃灣,搵到呢間路德圍既樓下冰室,就同朋友試下坐無虛席,就知無揀錯呢間餐廳!餐牌好多野都好想試,但係可惜得2個人,唔可以樣樣都試D,就唯叫下午茶朋友點既綠椰冰同我點紅豆冰走甜,走左甜就好有紅豆味,貨真價實!朋友都話佢杯綠椰冰正呀!吉列豬扒配薯角,兩樣都炸到超脆,又無炸油果陣臭味,就知D油係新鮮,份量都叫大份,同朋友SHARE夠哂飽!炸餃子,皮薄多料又多汁,每一啖咬落去,D肉汁同料都爆哂出黎,好足料!但真係要吹凍D先好食!炸餃子真係超多料!好出名既雞脾!呢個真係要試,瑞士汁煮到入哂味,雞脾又夠大隻多肉,甜甜既瑞士汁同隻雞脾好夾!雞脾好味又多肉!

天氣好熱，夜晚唔想食飯，行過見到呢間樓下冰室，門口見到啲餐牌幾吸引入去試吓餐牌都算幾多元化，我叫左兩個餐，一個飛女餐，一個蕃茄通粉餐，我見佢招牌係瑞士汁嘅雞翼雞髀， 各叫一份，又有炒滑蛋同丹麥多士我幾鍾意佢啲裝修，啲餐牌有懷舊味道好喇，食物冇幾耐就送到，先講呢個蕃茄湯通粉先，熱辣辣，蕃茄味好香濃，好好味，上邊個炒滑蛋好香滑另一份嘅炒滑蛋拼丹麥多士，我好鍾意塊丹麥多士，唔係幾多冰室有，好香牛油味，有啲茶餐廳嘅多士牛油少得可憐，查半塊，呢個好正招牌出場啦，瑞士汁雞髀同瑞士汁雞翼撈麵，想講呢個瑞士汁實在出色，問得夠晒入味得來，亦夠晒嫩滑，個撈麵配蔥油汁，好開胃最後講兩杯飲品啦，係紅豆冰同埋華田爆脆，兩杯都好正，就算飲到一半，啲冰溶溶地，都唔會好淡

是一間位於荃灣路德圍的一間番茄湯瑞士雞髀專門店，地點方便；而且強調不含味精主打原味主義，是一間適合大社會健康趨勢的冰室。我這個蕃茄控今晚專程來到當一試《特色蕃茄濃湯通粉》，還有套餐可配牛乳炒蛋配瑞士汁雞髀（$50）。 蕃茄濃湯通粉可以免費轉螺絲粉，再配搭了瑞士雞翼；另外可以半價點選其飲品。這裡亦出名在瑞士汁雞髀，但我怕太飽所以點了瑞士汁雞翼，真的很入味，而且雞翼大隻又又嫩滑，一吃愛上！下次一次要試試瑞士汁雞髀！先嚐蕃茄濃湯，簡直驚喜！蕃茄味香濃又鮮味，沒有渴感，而且湯中還有不少蕃茄蓉，能嚐得出真材實料，不加味精。加上螺絲粉掛湯，每口都很美味。《焗芝士意粉$54》即焗熱烘烘！肉醬中有不少鮮茄肉，肉平亦多，完全感拌勻整個意粉有餘，入口有蕃茄酸香很開胃，不會只是一般茄汁的味道，很讚！《焗芝士西蘭花$38》芝士多而且用上牛油多了一份牛油香。《紅豆咖啡半價$13》咖啡味好濃，沒有被溶冰沖淡，加上紅豆幾特別，但好像有點不夾。《梅子柑桔檸蜜 半價$11》有柑桔檸中放了粒梅子，最後把梅子放入口慢嚐很解膩。服務：每格都貼上隔板，亦會替食客先量體溫。食物選擇多，職員都很親切，上菜亦快，怪不得晚飯時段堂食和

留咗係屋企咁耐，都要出下街抖下氣嘅，所以就約埋朋友一齊去附近食飯。一入到黎見到呢度做好晒所有防疫措施，有唔同嘅間隔，咁就食得放心啦。😗我哋嗌左特色蕃茄濃湯通粉配吉列魚柳扒，招牌瑞士雞髀，芝士焗西蘭花，我就嗌咗一杯忌廉紅豆冰。🤓🤓我最鍾意呢個特色蕃茄濃湯通粉，因為佢個蕃茄濃湯真係好濃，佢啲通粉又夠入味，最不得了嘅係啲蛋夠晒滑，我相信係加咗牛奶落去一齊炒嘅。食到滑嘅炒蛋真係個人都開心啲，唔怪得喺呢度招牌啦。😍😍至於另一個招牌瑞士雞髀，又係好入味，就算切開入面，全部嘅雞肉都有好香嘅瑞士汁，鍾意食瑞士雞髀嘅人真係唔可以唔嗌。😏😏芝士西蘭花呢，我最鍾意就係啲西蘭花煮得夠爽口，咬落去唔會太稔，正。😀不過我覺得最加分嘅位就係個杯忌廉紅豆冰，好少喺出邊其他茶餐廳會見到。我一見到就俾面頭嘅忌廉嚇親，真係夠晒足料啊，啲忌廉夠香，配埋紅豆蓉真係夏天消暑嘅最佳飲品😋😋😋

有時候食得多西餐都會想食返茶記 今晚就去咗呢間新派冰室叉燒炒蛋飯稱得上係我嘅最愛 去好多唔同餐廳都會叫 今次呢度我都會比幾高分 首先叉燒同埋蛋份量夠多 鋪滿成個飯面 炒蛋夠滑 叉燒切薄片 半肥瘦有口感又香口 辣味炸雞粒 雞胸啖啖肉 不過有少少「鞋」如果係雞髀就會更加好 炸粉本身溝咗辣椒粉 所以個辣味好出 唔食得辣就唔好叫喇蕃茄湯炒蛋螺絲粉 同蕃滿門嗰個有得揮 炒蛋睇個樣都知道炸得啱啱好 仲有蛋汁 蕃茄湯好濃 仲有好多蕃茄蓉 個人推介一定要叫螺絲粉 因為佢好掛湯 配瑞士汁雞髀 個瑞士汁覺得偏甜咗少少 但係隻雞髀真係好入味 唔單止個雞皮 連裏面嘅肉都夠晒味 而且仲保持到肉汁鮮嫩嚟到冰室一定要飲番杯傳統特飲 就係紅豆冰啦 椰汁再加紅豆呢個配搭真係冇得輸 跟餐叫嘢飲半價就有啦

樓下冰年已經開業多年，之前成日去，成名作係蕃茄通，不過都唔係特別鐘情茄汁，至在搵間餐廳落腳。其實都有好幾年無去，感覺有點日久失修，係時候要返新一下。梳化，地板，牆身都係時間翻新吧。叫左個＜豬潤蕃茄通加滑蛋＞，呢個一向好食👍，食完都幾飽，由於唔係下午茶時段，價錢會貴少少，唔食Set唔包飲品。50蚊要飲品或者加小食加錢，所以我都無叫飲品。加8蚊有小食，幾款任選，我揀左炸餃子，炸到脆卜卜，都幾不錯，加8蚊算抵。如果50蚊碗＜豬潤蛋茄通＞唔包飲品，我覺得都幾貴囉，其實包多杯野做個set餐多人食咪好囉，成本又唔係貴，入面又唔係多人。

樓下冰室這個名夠貼地岩晒我，懷舊裝修，港式茶餐廳食物，價錢親民，貫徹”樓下”的感覺。特色蕃茄濃湯通粉 $50蕃茄濃湯真材實料，大量蕃茄肉，加上冇落味精，味道吸引。揀了配牛乳炒蛋，口感幼滑，與蕃茄湯頗夾。配招牌瑞士雞髀秘製瑞士汁甜中帶鹹，平衡得好，瑞士汁充分滲透在雞髀內。瑞士汁大大隻，啖啖肉，而且肉質嫩滑。秘製口水雞米線 $58雖然不是主打川味，但口水雞一樣有水準。辣味吸引，還加上脆脆作平衡，帶來新鮮感。焗芝士肉醬薯角 $38薯角金黃香脆，配芝士肉醬冇得輸，落足料絕對能夠衝擊味蕾。炸韮菜餃子 $35八隻炸餃子一點也不貴，炸得香脆，中間大量韮菜。紅豆冰 $11冰室叫紅豆冰是指定動作，粒粒紅豆又甜又飽滿。華田脆脆 $11濃郁華田香配以脆脆豐富口感。平野也有好野，”樓下”就有。

今日好想食啲醒胃 酸酸嘅野 所以黎樓下 因為好多蕃茄做主調嘅食物都係佢嘅招牌菜 首先食左個蕃茄湯通粉 個湯都確實係我飲過最濃嘅 令到通粉都好入味 加上上面滑嘟嘟嘅炒蛋 無論一日嘅咩時段食都係好選擇另外因為有2個人嘅關係 叫多個焗芝士肉醬意粉share 好驚嚇！😍連個肉醬都落重蕃茄 好惹味開胃 肉碎分量亦唔少 熱辣辣 新鮮製造拎出黎 係正嘅然後又想食下菜喎 就叫番個芝士焗西蘭花 上枱個芝士靚到 成塊厚厚咁撻左喺上面 揭起出晒煙 除左西蘭花之外仲有啲粟米粒 幾甜 西蘭花焗得比較稔 唔洗點咬就食左🤣🤣 我都幾like 但呀媽就中意脆啲嘅 所以就見人見智啦😉💖另一個佢嘅招牌係瑞士汁雞 今次要左2隻雞全翼 顏色好深 食落香甜 雞翼都餚煮得好稔 關節位果啲一咬就甩 輕鬆有儀態地食完2隻😝😝