樓下冰室 (已結業)

經朋友介紹下幫襯左呢間黃店舊冰室，外賣一個瑞士汁雞髀配蕃茄湯通心粉連凍啡。十幾分鐘車程返到去打開，雞髀另送唔算好熱但都仲暖，味道都算入味肉身唔會好散👍🏻值得一讚係個蕃茄通心粉喺我食完雞髀後先食但反而仲熱到有少少辣口喎！而湯底睇得出唔係hea野，通粉亦唔會浸到林哂爛哂👍🏻凍啡比我想像中好飲，都幾滑身，味精應該係有花心思嘅唔會好似一般茶餐廳冰室咁求奇。同行朋友點左個肉醬意粉賣相都幾有水準，下我都有興趣試下佢果個👏🏻

呢間係我皇牌茶記，我食過嘅係茄通，焗豬飯，冰室炒意粉，鼓油皇雞脾，焗芝士西蘭花，焗肉醬意，台式肉燥飯，滑旦叉燒飯，從來冇失望過，係咖喱飯一般，不過有點悶，冰室點解冇干牛河，粗炒，楊洲咸魚雞粒炒飯之類。。焗飯種精太小，得焗豬同焗肉醬兩款，冇焗白汁雞。。海鮮飯。。期望會有。。。。。。。。。。。。。。。。。。。。。。。。。。。。。。

來荃灣這邊工作，想快速食個茶記dinner,就來到呢間＜樓下冰室＞。呢間冰室乾淨企理，仲有唔少卡位，都算坐得幾舒服。＜特色番茄濃湯螺絲粉＞見餐廳Menu上推介番茄濃湯系列，便和朋友order番茄濃湯螺絲粉同米線試下。＜特色番茄濃湯米線＞無論番茄濃湯螺絲粉定係米線，都非常驚喜!!~佢地個番茄濃湯有好多新鮮番茄肉，所以味道特別濃郁，亦吾會覺得太酸，d米線吸收曬d番茄湯，仲配埋即炒滑蛋，真係好好食吖!~＜招牌瑞士雞髀＞雞髀正常大細，不過都好多肉，最重要係佢個瑞士汁做得非常之好，味道可以用特濃來形容，d瑞士汁滲曬入去隻雞髀度，非常入味，而且雞肉都幾嫩滑，係必食之選!!難怪眼見好多客人都會叫瑞士雞髀同瑞士雞翼。連雞皮都好嫰滑，我地食完隻雞髀，連碟上面既汁都食埋!!~＜黑椒牛扒＞跟套餐可以配黑椒牛扒。牛扒吾算厚，係薄切牛扒，但份量吾算少，都有兩隻女仔手掌甘大。牛扒都算淋，煎得幾香口，吾會過老，有少少黑椒味，味道不錯。＜公司三文治＞呢個公司三文治一上枱超驚喜，因為真係好大份，而且用料好足，係高水準之作。特別係佢有好厚好厚既炒蛋，同用左吾少雞扒肉做餡料，仲有吾少番茄同菜，亦配埋炸薯角，非常好味道。由於

🎐而家肺炎蔓延的緊張時勢，行街的話周圍都係人真係可免則免。唔行街的話，不如改行山丫⛰！熊妹同𡃁妹商討左好耐行邊度好，終於定案了行新手易入手的《元荃古道》。📌行山前當然要食飽飽先有體力💪🏻！熊妹同𡃁妹都唔多出黎荃灣，聽說荃灣係美食之城，難得出到黎緊係揀間荃灣人氣高企🔝的餐廳《樓下冰室》喇。📌果然好受歡迎👏🏻，午餐時段全場爆🈵，好彩熊妹𡃁妹仲有一張角落二人卡位座。📌餐牌七彩繽紛，非常吸引，絕對令人垂涎三尺🤤。午餐主要係意粉🍝、飯類同常餐，包一杯飲品，價錢大概$45-$49，供應時間由上午11:00-下午6:00，今時今日鋪租昂貴的世代真係幾抵食。📌仲有下午茶餐牌、特色小食同主食，全部都大大份幾吸引。樓下冰室推介餐，$50鎮店之餐就係呢個五粒🌟《樓下冰室推介餐》，先有一碗番茄濃湯通粉配牛乳炒蛋，再配一款小食，可揀招牌瑞士雞髀，價錢為$50，可加$8加餸牛肉/豬膶，不過就唔包飲品，可以優惠半價配飲品一杯。🍹📌一場黎到，熊妹緊係點呢個必吃必試的推介餐喇。招牌瑞士雞髀先講下呢隻必試招牌瑞士雞髀🍗。都好大隻下，絕不欺場。瑞士汁味好濃，煮得好入味，相信係秘製配方。肉質超嫩滑，又唔會煮過老變得鞋口，果然

返工返到好攰，冇乜心情煮飯，不如出去食啦！近近地，食樓下冰室，可以飲紅豆冰添。好，坐低睇吓有咩好食先。特色蕃茄濃湯通粉配牛乳炒蛋，炒蛋滑滑嘅，番茄湯好有蕃茄味，碗粉熱辣辣夠新鮮。招牌瑞士雞髀，瑞士汁好入味，唔會太咸，雞髀大大隻啖啖肉，正！咖喱牛腩飯，朋友仔話要有飯落肚先得，好夠飯份量，咖喱味濃，辣度適中。小食叫咗德國什腸，德國腸都幾好食，有唔同款式，港式腸就得個咸字。忌廉紅豆冰，忌廉打得好滑，充滿椰味嘅紅豆冰，平時飲開快餐店嘅，就知道個分別，呢度紅豆冰好飲好多！

一個人最鍾意就係去餐廳同啲冰室食，一來方便搵位，二來上菜好快。每次諗親食咩，都會即時諗到黎樓下冰室，一來本身好鍾意食蕃茄，二來真係好抵食。次次黎親都好多人排隊入座，都要喺門口等一陣，就算唔係排隊入座，都好多人叫外賣，皆因佢嘅嘢食平、靚、正。每次黎親都叫呢個$50嘅蕃茄湯螺絲粉配瑞士汁雞翼，番茄湯底超濃，再加埋湯底入邊有蕃茄肉，食落好有口感，瑞士汁雞翼勁入味，因為瑞士汁嘅關係，鹹中大有少少甜，真係好好味。一個人嘅關係唔食得太多，如果同埋朋友一齊嚟嘅話可以share瑞士汁雞翼同瑞士汁雞脾。

細細個已經好鍾意去荃灣搵嘢食，因為荃灣真係好多平嘢同埋高質素嘅嘢食，所以今晚約咗朋友過嚟食飯，因為呢度有我最鍾意食嘅蕃茄湯底面。雖然係疫症時期，但係都好多人，平日夜晚都要排隊入座，我最鍾意食佢個蕃茄濃湯通粉。佢嘅款式真係好多，每次黎親我都叫蕃茄濃湯螺絲粉，之後再加多個瑞士汁雞髀，今次再飲埋杯紅豆冰，真係好滿足。蕃茄湯底好濃郁，同埋入邊有啲蕃茄肉，再加埋隻滑蛋，真係好好味。另外我哋最鍾意食佢嘅雞髀，啖啖肉，啲瑞士汁好入味，出邊啲雞髀通常整到好硬，好難入口，不過佢呢度就用刀好易切開，好好味。到最後我叫咗杯紅豆冰，入邊粒粒紅豆，紅豆嘅份量有成半，真係好滿足。

呢排受到武漢肺炎嘅疫情影響，少咗出街食飯。呢一日放工約咗一位荃灣區嘅朋友，佢推介路德圍呢間嘅冰室，於是我哋就入咗去食晚飯啦。我睇鋪頭嘅裝修同埋格局，呢間冰室店主打係食雞髀同埋蕃茄通，我就嗌咗一份蕃茄通配瑞士雞髀試一試。果然係名不虛傳，瑞士汁非常入味，雞髀好大份，肉質夠晒嫩滑。朋友叫咗個咖哩牛腩飯，睇落去已經知唔錯，色、香都有，至於味道，朋友點評話係水準以上，呢個價位絕對收貨。每人一份主食唔夠喉，於是就額外叫多咗個芝士肉醬焗薯角，望落去已經非常吸引，呢個配搭好難做得難食，呢間舖keep到一貫水準。今次嗌咗兩杯野飲，朋友叫咗杯菠蘿冰，香港冰室嘅經典懷舊飲品之一。佢話相當足料，對得住個價錢咁話喎。我就叫咗呢杯阿華田脆脆，見佢個名幾特別，一於叫嚟試一試，估唔到加啲脆脆落阿華田到又幾夾喎，市面其他餐廳比較少見到呢種配搭。另外想講講呢到服務真係唔錯，兩位哥哥仔態度都好好，一舉手就好快有人幫手落單!

新年就到，今日一早就去荃灣辦年貨🥳 買完野拎住一袋二袋黎到海壩街，見到依間茶餐廳主打蕃茄面，一於試下🧚🏻‍♂️💁🏼‍♀️蕃茄湯通粉、滑蛋、吉列魚柳蕃茄湯底好香濃，酸酸甜甜好開胃，配埋滑蛋同通粉，好住家feel，即時諗起家人整既蕃茄炒蛋🍅吉列魚柳炸得啱啱好，我覺得鹹左d，不過都ok～💁🏼‍♀️瑞士汁雞翼、沙律、包依度另一出名，應該就係瑞士汁雞翼/雞髀！🤪🤪真係幾正，大大件，雞肉幾滑，好易切開！👍🏻沙律同麵包，作為下午茶小吃，唔錯！😀差啲唔記得，跟餐仲有兩杯飲品😹睇返餐牌，呢度食物嘅款式都幾多，有好多冰室食物！價錢又唔貴，唔怪得吸引到唔少街坊黎食🧚🏻‍♂️🧚🏻‍♂️

今日同朋友係荃灣行街，行到咁試下覺得肚餓，就入左黎呢間樓下冰室。門面唔錯，清清楚楚睇到有咩食，見下午茶幾抵食，就一於左去試下。即使係三點三時段，都仲有好多人係到，不過好就好在呢到啲座位唔會放到好逼，而且啲卡位都好舒服，下午時段玩到攰攰地入黎休息下一流！下午茶都好多選擇，全部都係傳統冰室有既野食，唔錯！我地首先食左個吉列豬扒配薯角，豬扒外脆內軟，鎖得住入面啲肉汁，豬扒軟淋淋，易切又易入口，係我expect既味道，good!其次叫左個炸韭菜餃，外皮炸得同樣鬆脆，入面韭菜餡足料，好好食，不過得5隻有啲少。瑞士雞脾無得輸，見到隻色已經好想大大啖咬，雞肉軟身，唔會過熟，瑞士汁甜度適中，我地兩個人要一人一隻先夠喉！最難忘係左手邊白色呢杯綠椰冰，本身黎到冰室最想飲既係紅豆冰，但見到呢到個招牌綠椰冰好似好吸引，就試左佢，點知一試就有驚喜。綠椰冰椰杯味好濃郁，中意椰汁既朋友唔試就走寶，入面仲有啲綠豆蓉，好好食。果然係樓下冰室必試，正呀！

一向都知路德圍多好野食😆今日放假同母親大人黎荃灣辦年貨，就帶埋媽媽去食好西啦😗下午茶時段都人流不斷，但未致於要等位等好耐既。我就嗌左個蕃茄濃湯通粉配牛乳炒蛋加招牌瑞士雞脾、媽媽就揀左招牌蕃茄焗豬扒飯😋1)蕃茄濃湯通粉配牛乳炒蛋加招牌瑞士雞脾- 哩個茶餐有成13款小食可以配搭，而我今之就揀左最出名既瑞士汁大雞脾🍗。果然係名不虛傳，瑞士汁甜而不膩，雞脾又滷得夠入味又大大隻。茄通同雞脾會分開上，而雞脾就要等多一陣子啦。2)招牌蕃茄焗豬扒飯- 焗豬扒飯要得10-15分鐘左右，因為炒飯底係即叫即炒然後再焗。豬扒飯夠足料，有成兩大塊煎豬扒，炒飯底夠香又炒得好乾身👍🏻3)麻辣脆雞粒- 見到哩個小食就忍唔住啦😆同連鎖快餐店有得揮喎，份量都有成10幾粒，香脆可口又唔會太辣，過足口癮😋4) 綠椰冰+華田脆脆- 紅豆冰就飲得多啦，綠豆冰就第一次啦，唔會過甜可以一試。凍華田加朱古力脆脆就不過不失。

荃灣路德圍有好多食店 如果話想搵間性價比高的餐廳 我就會選擇黎樓下冰室 至少食到好飽人均都唔駛過百蚊 今日同屋企人兩個人 平日夜晚八點黎到 入面都好滿座 餐廳環境幾光猛 寫曬佢地的招牌菜式坐低睇餐牌 例牌一定要試瑞士雞翼同雞髀 另外叫左個蔥花叉燒滑蛋飯 想俾自己試下新野 上菜速度都好快 等左大約5分鐘就開始有野食 餐飲最快上 今日口痕想試杯華田脆脆 屋企人叫左杯熱檸水 隻杯都好有懷舊特色 華田脆脆係幾好味 個脆脆又有咬口 瑞士雞翼同雞髀個汁好正 開胃又唔會太咸 雞肉嫩口 係有返水準的 配返個什果沙律 沙律蘋果爽口新鮮 唔錯😚 最後個蔥花滑蛋叉燒飯 滑蛋同叉燒都剛剛好 唔會老 可以一試總括而言 每人人均八十蚊 係高CP

去到荃灣2點幾又未食lunch常餐癮又興起就拉左住荃灣地膽既同事落樓睇下有咩茶記啱食,佢就帶左我去呢間冰室到食話呢到個蕃茄湯常餐幾唔錯.招牌瑞士雞脾蕃茄湯螺絲粉,先講蕃茄味都幾濃,而且好多蕃茄蓉係湯入面帶少少甜味但唔會過份加工既甜.螺絲粉面上仲加份炒滑將入口香滑加上蕃茄湯果道更香.螺絲粉煮得彈牙唔會糊晒.瑞士雞脾滷得夠入味得黎又唔會滷到雞脾肉鞋晒,瑞士汁唔會過甜同過濃.紅綠椰冰,紅豆冰就飲得多,但加左綠豆又真係第一次！可以一次過滿足晒2個願望😋本身以為會係紅色同綠色豆合拼,上到枱雖然綠豆係剝左衣但一樣唔影響味道.加上椰汁香得黎又唔會過份甜.個人覺得綠豆比紅豆香但整體都好不錯.蓮藕餅雞扒飯,蓮藕餅食落外層煎香又脆而內裏蓮藕口感爽口又唔會感覺好肥膩,入口啖啖肉而且加上薑蓉同甜鼓油入口更加惹味.紅豆冰,紅頭煮得夠淋,一半沙一半蓉唔會飲落無晒口感.焗芝士肉醬薯角即叫即焗,入口熱辣辣.估唔到肉醬咁豐富厚厚一層,可以足夠比咁多薯角都沾到肉醬.

如上一篇王牌冰室食評所言,噚日(1-1-2020 Wed) 食完後好快覺得唔夠,同老公邊行邊搵嘢食,想食脆口嘢如斑戟,但應該要去到咖啡灣咁遠,咁雞蛋仔,格仔餅呢?又太大件,老公幫唔得多.咁西多士啦,就要去茶餐廳,我哋嚟到啱啱好都有位,坐低後,我都係決定要$22.00嘅紅豆冰,老公要$26.00嘅菠蘿油茶餐,飲熱奶茶.熱奶茶到嚟,大大杯,飲吓先,口感滑但有少少澀.味道:2.8分我杯紅豆冰到嚟, 紅豆係腍晒,成杯嘢唔太甜,亦感覺唔heavy,冇細個飲時嘅飽肚感覺.味道:2.8分菠蘿油,係烘返熱嘅,牛油好夠,外面脆又甜甜地,OK嘅. 味道:5分服務:有禮貌唔錯.上次嚟呢間已經係3年前嘅事(嗰個食評: https://www.openrice.com/zh/hongkong/review/%E5%A5%BD%E8%80%90%E5%86%87o%E9%BB%8E-e2723941)

蕃茄湯底超入味！呢個係我飲第一啖個陣衝口而出講既🤤（我是蕃茄愛好者）唔太酸又唔太甜 仲要有好重蕃茄味🥰然後雞脾睇落好黑好咸咁，一開始我係冇好感既點知食落口完全唔咸，味道剛剛好有少少鼓油味又有雞脾比！成隻仲要好足料好肥美對得起個價錢💖💖💖中午去個陣都見到唔小 中學生 幫襯🤤佢地都係叫我呢個餐😚果然識食！環境都乾淨，氣氛和諧整體感覺不錯❤️後來我都食左幾次 味道都係有水準冇變過推薦大家入荃灣嘅話可以一試呢間野😍😍