樓下冰室 (已結業)

樓下冰室 (荃灣)荃灣路德圍14-18號B舖蕃茄炒蛋通心粉配炸韭菜餃$50炒蛋超嫩口超滑蕃茄湯底香濃韭菜餃超多餡料 好好味冰室炒意粉$55意粉炒得超有鑊氣餸料有蕃茄粒 火腿 腸仔口感豐富瑞士汁雞髀$28招牌雞髀抬抬都必叫嘅食物成隻雞髀都好入味肉質唔會太老 好嫩滑阿華田脆脆超濃華田味 加上脆脆 超好味紅豆冰紅豆大大粒 好有咬感評分：9/10

住荃灣既我好中意去呢間樓下冰室因為呢度既2樣皇牌都係我最愛😋就係特濃蕃茄湯通粉同瑞士汁雞翼！好多人都慕名而來呢～.今次叫左個蕃茄通 瑞士汁全翼 焗芝士西蘭花 德國什腸再加咸檸七同華田脆脆成份dinner都好有港式既感覺～.蕃茄濃湯通粉既湯底真係好濃好正 又唔會好重口味/好咸 通粉彈牙唔會煮得太腍加左滑蛋 肥牛同豬潤 無一樣配料係唔好食🤤肥牛薄切得黎好香牛味 份量都唔少 落足料.瑞士汁雞翼既汁真係不得了！好濃好入味！入口甘甜雞肉嫩滑 唔嚡 朋友笑我連雞翼既軟骨部分都食埋😂👍🏻.芝士西蘭花煮得比較腍身 加左芝士好香熱辣辣上枱最正 德國什腸當小食都唔錯 可一試！.整返杯華田脆脆 甜而不膩 美好係一餐😋

位於荃灣既路德圍，呢度就出名勁多野食嫁喇，今日行行下，竟然比我揾到呢間出名食蕃茄同瑞士汁雞脾既冰室餐廳，性價比都算唔錯。環境方面，衛生做得都幾足下，枱與枱之間都有曬格板擋住，所以食得都幾放心，入門口果陣仲會探一探熱，所以唔錯。雖然枱仔細細，但都坐得幾舒服，唔錯！食物方面，我就擇左佢個西多士，炸得非常之咁岩岩好，好金黃色，火喉控制好好，同埋上碟好熱辣辣，睇得出唔係重炸既。瑞士雞脾，就非常之正喇，皮嫩肉厚，又夠juicy，入口甜甜地，浸得夠耐，所以都好入味，食落d汁都出曬黎。炸餃子，都係炸得唔錯，而夠曬皮薄，點埋d辣椒油黎食就好一流，味道拍得住深水埗果個圓x餃子，而且料都幾多下。性價比幾高，值得再黎。

係路德圍呢個舊區，好多地方都已經唔係以前咁 （聽爸爸講）。但係係呢度，原來都留有舊時既味道。係舖頭入面有啲懷舊既裝飾。原來唔係純粹用懷舊用招徠，聽返爸爸講，原來係佢年代大家都真係會飲綠椰冰！所以今次佢都叫咗杯綠椰冰試咗一啖，濃濃既椰香配上綠豆蓉，真係唔錯！但我呢就試咗阿華田脆脆，啲脆脆好香，就算浸落啲阿華田入面，都保持爆脆，好得意除咗懷舊野之外，都有好多新式創意菜式可以嗌。爸爸就要咗個金牌咖喱牛腩飯。牛腩係瘦腩，唔係肥腩，但炆到勁冧。好少地方可以炆到咁既程度。另外值得一讚既係薯仔，啲薯仔勁粉我就試咗個蕃茄湯意粉＋牛乳炒蛋＋招牌瑞士汁雞脾原先個餐係通粉，不過我就轉咗做意粉。啲意粉既偏硬，不過我就非常中意偏硬既意粉，特別係湯意粉有呢個硬度，非常好。而番茄湯亦非常足料，好多粒粒番茄跟餐有招牌瑞士汁雞脾個瑞士汁好濃郁，但又唔會太稠身個雞脾都幾大隻，同埋浸得好冧身，好入味

荃灣呢區又多嘢行又多嘢食，小店或者連鎖大型餐廳都有齊。今次食呢間樓下冰室，主打滷水雞脾雞翼同蕃茄湯通粉，當然兩樣都要試下。滷水雞脾，超級大隻，差唔多好似手掌咁大隻。滷得幾入味，但個滷汁就略為甜左少少。滑蛋蕃茄通粉，加左豬潤。蕃茄湯味道好濃郁，飲得出好足料有好多蕃茄，但都係略為甜左D，落得太多糖。酸菜胡椒豬肚雞湯飯，呢個湯飯出奇地幾好食，胡椒既辛辣味好出，豬肚都處理得幾乾淨，仲有唔少既菜同腐竹。餐廳仲有唔少特色飲品，例如有綠豆冰同華田脆脆，味道都唔錯可以一試。

With yummmy tomato 🍅 noodles 🍝 and Swiss chicken wings, I give this restaurant full marks ☺️👍🏻The 招牌 is decorated by a tomato 🍅 Good hygiene 👍🏻 and try their best to prevent the spread of covid-19Well-known dish, must orderThe chicken wings are juicy and delicious, I am share that you will order it again after trying this ~火腿奄列配蒜蓉多士，good choice for afternoon teaMushrooms 🍄 with 娃娃菜， healthy dish, the taste is sweet too We ordered two special drinks too~ The price is acceptable 😊

荃灣呢區出名多野食，今次黎到食openrice好評如潮既冰室！係限聚令底下，星期三間餐廳晚市都滿滿地，可想而知平時係幾咁多人食。餐牌都好用心。瑞士雞翼。（$38）3隻全翼黎講都幾抵食。佢既瑞士汁好好味，係有少少甜既果一種。雞翼都好入味，而啲肉質都保持到。口水雞飯 （$58）口水雞既醬汁好掂，同埋都真係幾辣下。雞同飯既份量都幾多，女仔要記得叫少飯啦。公司三文治（$58）賣相好吸引，仲超級超級豐富！ 餡料有 火腿、蛋、生菜、雞肉等等，沙律醬都夠多，仲配埋唔少薯角，十分抵食！

樓下冰室值得推介係疫情底下少左出街食飯多左叫外賣!但衰在外賣唔係間間都係好食，今日上openrice到搵有幸見到呢間冰室既食評唔錯!特別係瑞士雞脾飯。於是就決定用戶戶送挑戰一下呢間冰室，個飯一黎到首先已經有好大既驚喜!!雞脾個賣相好靚望落去隻色好光滑，我諗係d鼓油汁應該入晒落隻雞脾到!第1啖一咬落去個口感果然係好嫩滑再配埋唔係得個咸字而係甜甜地既鼓油汁好夾，記得撈埋側邊既蔥花一齊食!成件事就好完滿好滿足，呢個餐係有野飲既杯奶茶冇乜特別我就唔寫啦!用戶戶送叫成個餐加埋66蚊，唔夠100蚊加多20蚊送餐服務費再加2蚊服務費總數88蚊!低食指數4粒星啦!至於成個餐10分有8分到啦。

今日黎到路德圍食晏，去左呢間以瑞士汁雞髀雞髀出名既樓下冰室。作為焗豬控既我梗係試試呢度既焗豬扒飯啦！瑞士雞髀出名又叫左一隻，同埋叫左杯咸檸七。焗豬扒飯寫到明製作需時，所以先上枱既係瑞士雞髀，一上枱已經聞到好香，大大隻既雞髀浸係瑞士汁上面，雞髀皮薄肉嫰，一切落去睇到啲汁流出黎，好juicy。一啖咬落去，已經食到瑞士汁果然係樓下冰室既得意之作，汁咸得黎有啲甜，係真係既瑞士汁比到既感覺。雞髀淡淡肉好好味，完全唔會好似其他餐廳既鹵水咁會整到overcook，呢隻雞髀真係色、香、味俱全。最後上枱既就係等左差唔多10分鐘既焗豬扒飯，果然美好既野都係需要等待既，豬扒、茄醬、炒飯底夾得好完美，豬扒已經預先切好，一拮落去就食得唔洗切，另外呢個焗豬扒飯我加分既地方係佢冇落到菠蘿，我唔係咁鍾意係焗飯入面有生果，所以我又加左分。食飽飽飲埋杯咸檸七就令個午餐畫上完美句號。

荃灣路德圍餐廳不嬲都多選擇，今日想食蕃茄湯底既野，即刻諗起樓下冰室。今次已經係第二次幫襯，叫左招牌特色蕃茄濃湯通粉配牛乳炒蛋😋$50仲可以揀其中一款小食，識揀梗係揀招牌瑞士雞髀🤤個瑞士汁真係好正，雞髀好大隻又煮到好入味，啲肉一啲都唔老，食落啖啖肉。😋個蕃茄湯超濃郁，食到最後我連啲蕃茄湯都飲晒👍🏻加埋牛乳滑蛋真係一流，啲蛋果然好嫩滑，蛋同蕃茄係絕配😂朋友叫左自家製蔥花叉燒滑蛋飯$52，賣相幾好，真係超大碟勁多飯😂呢個價錢真係好抵食，男士一定會夠飽。女仔如果細食可以叫少飯，我真係食唔晒🙈🙈叉燒好多，個豉油汁甜甜地。另外叫咗小食，口水雞，估唔到小食嘅份量都好多，仲要有隻雞髀仔。口水雞辣辣地，見到有花椒辣椒既材料，有麻辣嘅感覺，雞肉都算嫩滑，唔錯。小食仲叫左炸海鮮芝士豆腐， $35有六件又唔貴，入面真係有芝士，呢個幾好食。粉面飯都可以半價跟嘢飲，梗係揀啲特別啲嘅飲品啦，有華田脆脆😍只係加$10 ，好抵飲，出面買杯嘢飲都廿幾蚊。好好飲，味道勁濃郁，面頭嘅脆脆好好食，同出面嗰啲有啲唔同！朋友飲綠椰冰，杯野入面嗰啲係椰絲，第一次見，好特別，唔會太甜。呢個好特別係一樽鹽😂😂😂個瑞士汁雞髀實在太令人回味

都市傳說，話呢一間餐廳啲嘢食好好食，所以立心嚟試一試 ，點知就係超失望，therefore 而家嚟講下。招牌蕃茄午餐肉湯麵 配牛乳炒蛋、牛油厚多士，跟餐飲檸檬茶。招牌蕃茄午餐肉湯麵，蕃茄湯底的確係夠濃，酸甜唔係好平均，感覺係好酸，但係有缺少咗啲香甜味 ; 午餐肉都有煎香，但係就乾咗啲。牛油厚多士，烘得唔夠透徹，又唔夠牛油香，又唔係好夠熱。牛乳炒蛋，炒得夠嫩滑，但係調味不足又冇乜蛋香。檸檬茶，茶仔底香濃，但係檸檬苦澀，味道唔平衡，又要扣分。今次嘅用餐經驗話我知，傳聞嘅嘢，信三成就好，冇期望就唔會有失望。

最近因為疫情，都少咗人出街食飯，變咗再加上政府嘅規則，啲食客距離都比較遠，邊相出去食飯都多咗一份安心。嚟咗呢間位於路德圍嘅樓下冰室，原來佢喺荃灣都有其他分店喎，嚟緊鰂魚涌都有分店？越開越多餐牌選擇都多，價錢適中啦，又唔係特別平又唔係特別貴。我就揀咗個牛乳炒蛋蕃茄通粉，加咗豬潤，啲豬膶都爽口，真心個炒蛋係好食，佢話甜甜地有啲牛奶味，蕃茄湯底酸味同甜味道恰到好處，食到有蕃茄肉，好食又健康。另外配搭左款小食就係脆炸雞粒，幾香口，表面啲粉辣辣地令個味道幾香，估唔到有咁多粒，好豐富。朋友就叫啲特色野，蠔仔泡飯，我哋叫咗小凡但係飯嘅份量其實都唔少，裏面有啲芫荽香蔥，完全提升晒個味，蠔仔唔算好大粒，但係份量都多，整體都唔錯下次可以翻Check！嘢飲我哋都揀咗華田脆脆，好大杯，上面一粒粒嗰啲估計係嗰啲早餐穀物整碎咗，變咗好有口感又好味，鍾意食嘅不妨叫呢個試試。

<荃灣好味冰室>荃灣最多好味米線同冰室 而其中一間我鍾意既係樓下冰室 雞脾 焗飯意粉 小食等都出色製作用心 值得番兜👍🏻🍴麻辣脆雞粒38 蚊🔥🐤雞粒切得比較粗同厚身 佢個色偏紅 應該係用左辣椒粉黎炸 但唔算好辣🌶️ 出面帶 d黑胡椒 都幾惹味 雞皮香脆 雞肉比較彈牙 味道唔錯🍴招牌瑞士雞脾 28 蚊🐤雞脾既瑞士汁整得好好 甜咸適中 色水都靚 雞皮幾爽彈 雞脾啖啖肉夠嫩滑 正！🍴金牌咖喱牛腩飯 50 蚊🐮🍚牛腩同飯分開放 飯夠熱辣辣加分🍚 牛腩既醬汁夠黏稠同香濃 辣味夠 而帶 d沙沙既口感👍🏻 牛腩份量多 口感煙靭入味 🐂最正係熱辣辣既薯仔🥔 佢既薯仔熱辣辣 帶 d粉身口感 好味🍴蕃茄濃湯米線配牛乳炒蛋 3 餸 58 蚊🍅三個餸分別係 鮮牛肉 鮮豬潤 特級墨魚丸🐮🐷🦑鮮牛切得幾碎 口感幾軟滑 豬潤就比較薄身 熟程度剛好 另外估唔到墨魚丸會有4 粒 大粒得黎夠甜同彈牙 😍 蕃薯湯底 中辣都唔算辣 因為佢既蕃薯味香濃 而佢米線夠爽口吸汁 加上香滑既炒蛋撈埋一齊食🥚味道十分唔錯#咖喱牛腩 #蕃茄 #炒蛋 #墨魚丸 #豬潤 #米線 #牛肉 #麻辣 #雞粒 #雞脾 Score 平均分

見到好多人推介依間餐廳嘅瑞士汁雞髀或者瑞士汁雞翼，今日去開荃灣，所以過嚟依度試一試。我哋到嘅時候大約六點，好驚訝仲見到會有下午茶餐！下午茶餐去到6:30。我哋叫咗兩份茶餐，加通粉及小食，作為今日嘅晚餐😊呢個阿華田爆脆係喺凍阿華田上邊加阿華田粉，飲落去嘅時候阿華田粉趣卜卜的。都幾得意，香濃好飲。熱飲奶茶個茶杯好靚😊餡料豐富！個包塗上牛油好香，仲脆脆地，豬扒都幾大塊，配合蛋、生菜絲及沙律醬一齊食好好味！湯底好濃郁！喜歡佢地仲有蕃茄粒粒！每當食茄湯粉我喜歡配通粉，通粉更吸湯汁，食落去更好味。啲瑞士汁好濃郁香甜！同其他茶餐廳嘅好唔同！甜得來有蜜汁味，小朋友及女孩子應該特別喜愛！雞髀比我想像中嘅大隻，一口咬落去雞皮連雞肉配合瑞士汁好好味！唔怪得知咁多人讚。下次嚟食要試埋佢嘅瑞士雞翼！香腸外皮煎得好香，腸有唔同口味，係一個好好味嘅小食！我鍾意配合埋番茄通粉食😊滿足的一餐😊

喺中環返工，收工都諗住要食樓下冰室嘅雞翼，佢嘅瑞士雞翼同瑞士雞髀真係好好食，超入味，所以今日接埋女朋友收工之後，特登返去荃灣回味下呢個瑞士雞髀同埋蕃茄湯通粉。佢哋嘅嘢食真係好多款式，有時真係唔知揀邊樣好，有選擇困難症嘅朋友要小心啦。疫症期間都仲有好多人下午茶黎食，亦有好多人叫外賣，佢哋嘅位分隔得好清晰，食客都食得好放心。叫咗個雞扒拼蓮藕肉餅飯，女朋友逢親肉餅就好鍾意，雞扒煎到外皮有少少趣，入邊又唔油，蓮藕餅煎到好香脆，送飯真係一流。另外叫咗個番茄湯通粉加豬膶，佢嘅蕃茄湯底酸酸甜甜好開胃，加埋炒滑蛋一齊食，成個湯底好滑。飲品就冇乜特別，都係檸檬茶同檸檬水，不過我之前飲過紅豆冰，黎親呢度食雞髀一定要配紅豆冰，佢嘅紅豆冰甜味啱啱好，紅豆一粒粒入口好有咬口，推介。