樸一拉麵

营业中

休息中

—🍤 黑松露蝦餅🐔 樸一炸雞•🍜 海老拉麵 | 慢煮梅肉叉燒 +特上(味玉 | 叉燒 | 紫菜)🍜 醬油拉麵 | 厚燒五花腩叉燒 +特上(味玉 | 叉燒 | 紫菜)—每次經過都大排長龍 太夜又會售罄的樸一拉麵當天剛剛好是臨開夜市時間 店外只有幾名食客在排隊等 非常幸運🤩想試好耐了!!!🥹🥹🥹慢煮梅肉叉燒很軟嫩 湯夠哂熱 個人大愛海老湯底!❤️點了硬麵但沾上湯汁口感剛好 味玉都很濃味 很出色呢!👍一定會回訪 希望下次再訪吾洗排長龍🥹

突然想食豚骨拉麵，撲左去樸一整返碗先。食飯時間都要等下先有位，不過唔使好耐就有。坐低無耐拉麵就上去，真係時間啱啱好。食麵前先嘗啖湯，味道鮮甜唔算太膩，豚骨味還好。今次叫左東京黃麵配豚骨湯底食，揀左硬麵，口感夠哂，麵味唔算太重，配湯食剛好。替玉就揀左博多白麵，麥味反而較重，但反而同個湯無咁夾，真係奇怪。成磅麵重點都係叉燒，厚燒五花腩叉燒味香，肉味濃，口感佳，肥肉則入口溶，瘦肉又唔會太柴。一碗麵既主角竟然係塊叉燒，唔知係好定唔好。

第一次openrice的食評竟然比咗【樸一拉麵】！🤭👍🏻👍🏻👍🏻私心推薦：海老湯底，濃郁鮮甜而清澈！自從通關，我去了東京2次（上年復活節和聖誕節）。兩次都不停試食各式各樣的拉麵，不得不說疫情後的日本人氣拉麵店依然好食和高質！而今次專登寫拉麵食評，因為與朋友再次到訪女人街【樸一】，再次感覺佢嘅湯底真係水準高（絕對可媲美日本拉麵）！我由疫情時第一次食樸一（偶爾幫襯、不算常客），今次日本回來後再食，認為【樸一拉麵】可以是思鄉時的拉麵首選。撲一排隊的時間和日本的拉麵店也差不多。我是星期五晚光顧，三個人，大約等了20分鐘左右。兩年來我試過樸一的湯底有：海老、蟹膏、魚介、豬骨，（好似仲有一款湯底未試過），海老湯底始終是我的最愛，也是點擊率最高！今次我選的是海老拉麵、黃麵、慢煮叉燒。建議大家先飲一啖湯，海老湯底湯頭清澈而濃郁，有小量蝦油浮面，而且蝦湯掛麵，所以每口拉麵都沾滿蝦的味道；入口後，蝦味濃烈突出，每啖都飲到蝦油、蝦鮮味，十分有層次！麵上亦有櫻花蝦乾，攪拌後再飲啖湯、食啖麵，整個體驗直上另一層！海老湯底就是撲一拉麵代表作！黃麵（東京）和白麵（博多）之間，我個人比較喜歡揀黃麵來配海老湯底，麵身會

臨近過年今日路經旺角，再去呢間之前試過既小店，呢間店已經開左好幾年，今日2:30pm去到在門口排左一陣，(其實我好唔鐘意排隊等位既，但係去開好食既餐廳就無辦法啦😝）今次試佢地既期間限定醬油清湯梅頭叉燒拉麵，這店水準一路都保持到、好好食！食得出師父的「用心制作」，由湯底到麵、叉燒、溏心蛋都係我食過咁多間拉麵最好食既👍🏻👍🏻👍🏻 叉燒又淋又軟滑，唔同一般店既鞋到柴皮既叉燒、溏心蛋都令我好想追加再追加 😋😋 難怪每次路過都見門口有人排隊用心小店真係買少見少，水準、服務都好好啊，值得推介💜🫶🏻

今次係喺最凍嘅冬至當日去幫襯❄️排咗大約15-20分鐘（個人可以接受程度嘅排隊）幾鍾意佢哋除咗湯底之外仲有得揀肥瘦叉燒同埋博多麵或者東京麵~（真係老土都要講句，有得揀你至係老闆）。我自己就比較鍾意粗同滑身啲啲嘅東京麵（黃色）。海老湯底🦐湯底以豚骨湯為基礎，再加入蝦膏同埋巨量嘅櫻花蝦飲落勁鮮甜隨麵仲有又大隻又脆彈嘅琥珀蝦、以低溫長時間烹調嘅嫩滑慢煮叉燒。另外再加咗隻溏心蛋🥚好夠流心之餘比平時一般嘅更濃味，必加~飲埋啲湯都唔會覺得口渴，咁凍嘅天氣食真係好舒服！🥣下次要再嚟挑戰厚燒五花腩叉燒同埋其他湯底~！

小弟我食過咁多間拉麵店，我敢肯定旺角區最好食嘅拉麵店。撲一，為咗呢篇食評小弟親身分別嚟過五次（即係排過五次隊）食哂我最期待嘅拉麵（當中海老拉麵食過兩次），小弟呢邊食評係誠意之作係開始之前，我想讚一讚店員小姐，有一次我漏咗把遮喺入面，佢都幫我keep住，勁窩心，係招呼客人排隊入去之前，好有禮貌，會預先俾定菜單排隊嘅客人睇入面舖頭唔算好大，目測可以坐到大約20人，如果夏天會比較熱，因為冷氣唔算好夠麵底嚟講有兩隻：白麵（博多），比較幼身，硬少少，適合配濃湯黃麵（東京），粗少少，比較滑，口感好啲，適合配淡湯第一碗海老拉麵好好味呀，所以我食過兩次，個湯幾濃，非常重蝦膏香味，上面亦有啲櫻花蝦乾，將成個蝦湯嘅鮮甜升華到另一個層次，非常濃郁，因為濃郁所以我選擇咗黃麵，隨湯附送一隻蝦佢有得俾你揀厚叉燒/慢煮叉燒，今次我揀咗厚叉燒，簡直完勝慢煮叉燒。我覺得海老拉麵係撲一代表作。同場加映唐揚魷魚，油溫控制得啱啱好，外面卜卜脆，入面非常Juicy，用嚟佐酒一流！想講最特別係個綠色醬汁，雖然唔知咩嚟，食落去好好味，好特別特，有冇朋友仔知道係咩醬？第二碗蟹膏拉麵同海老拉麵不相伯仲叮噹馬頭，要我揀邊碗係冠軍？真係係

超厚身足料叉燒拉麵🍜cp值高！每次經過都排長龍令總會留意到~店舖不算大 小小的屹立在旺角女人街！地點超級方便👍🏻亦都算容易搵到～人均100💰💰💰食物嘅品質對得起價錢有六款湯底可以選擇！每一款都有獨特嘅地方～同朋友嗌咗一人一碗！分別係醬油湯底同海老湯底🍤🦐重口味嘅朋友可以選擇醬油！夠濃郁！海老就比較鮮甜～冇咁重口味👍🏻各有特色叉燒可以揀厚身（一塊）/薄（三塊）個人比較推介厚身👍🏻👍🏻經過旺角想吃拉麵可以試一試！

樸一拉麵 旺角在旺角人氣本地的日本拉麵店。湯底有八款，分別是原味豚骨、醬油、辛辣、魚介、海老、蟹膏、拌麵及期間限定，不過主要都是由豚骨湯做底加工，豚骨湯由豬骨、雞骨及蔬菜熬製而成。叉燒有兩款分別是慢煮梅肉及厚燒五花腩。麵質有兩款選擇博多白麵及東京黃麵。 蟹膏拉麵：糖心蛋是單點加的，個人覺得食拉麵點可以無蛋，不能夠接受，所以一定要加🥺。蛋有點甜有點醬油味。叉燒選了薄身慢煮肉味更濃口感柔軟。拉麵由於豚骨湯所以選了博多白身，麵質較幼細較軟身掛湯。湯汁加上蟹膏微甜非常易入口，蟹鉗ok有蟹味。

🐻絕對係超水準拉麵，🐻👨🏻很鐘意食拉麵，所以每隔一段時間都會去唔同拉麵店試，🐻👩🏽唔係特別鐘意，但呢間拉麵絕對令🐻👩🏽改觀，而家邊打食評都想番去再食🐻叫左海老和豚肉湯底，呢間係可以簡博多面和東京面 （蛋面），呢樣已經好加分，因為🐻👩🏽好喜歡食東京面，唔鐘意博多面🐻海老湯第一啖呷落去，真係叮一聲，好濃厚嘅蝦湯，唔會咸只有鮮，配上彈牙嘅蛋拉麵，真係幸福感滿滿🐻值得一提嘅係，呢間嘅厚叉燒係非常好食的，很軟糯同入味，肥膏位係黏口絕對唔肥，可以講係日本都沒食過咁好食嘅叉燒呢

平日夜晚8:00去到，都要排大概半小時，喺門口排隊環境麻麻地，不過真係好食，所以先願意排好失望嘅係，佢最出名嘅厚叉燒賣晒😭😭唯有叫另外一款肉叫咗一碗蟹肉湯底拉麵，湯底蟹味好濃，鍾意食濃湯嘅拉麵麵愛好者應該會好鍾意，亦都好重蟹味，一路食一路感受到鮮味😋😋其中要讚嘅一定係佢嘅炸雞，外脆內滑，佢提供一種好好食嘅沙律醬，而且份量都好足，可惜冇影到相🥲總結嚟講，雖然要排隊，又坐得唔算舒服，食完又要急急腳走，但排半個鐘絕對值得，希望下次食到厚叉燒😂

📍 樸一拉麵——————————————————🍜｜ 魚介拉麵💰86——————————————————覺得湯底偏腥偏鹹 但係頗有魚嘅鮮甜麵底係幼麵 但係唔夠彈牙肉正正常常 幾特別嘅湯底——————————————————🦐｜ 海老拉麵💰92——————————————————蝦幾彈牙新鮮 湯底好濃郁嘅蝦味叉燒好香碳燒 肉非常軟淋 而且肥瘦均勻——————————————————🐣性價比： 6.5/10🫨回頭率： 6/10👅味道： 6.5/10——————————————————地址：旺角通菜街1A-1L號威達商業大廈地下H號舖

到步時間9月21日晚上6:30分溫馨提示：店員通知話每台只能夠叫一份厚切叉燒 怕後面嘅客人食唔到 見到我地覺得可惜 佢特登話比塊大塊啲嘅我地 超好人 👍🏻豚骨拉麵 $78湯底幾香同埋幾厚實麵質正常厚切叉燒肥瘦相間 真係幾厚 有淡淡燒過嘅味道 食幾淡已經幾膩 蟹膏拉麵 $96蟹膏蟹肉都各有一羹嘅分量 唔算少 撈埋湯度可以拎湯味更提鮮 蟹腳裝飾用途 冇咩味薄切叉燒幾滑身 易咬開 共三塊 相對厚切就清爽啲整體而然都唔錯 服務態度又好 食完好飽

收工諗住食拉麵就去左試試旺角呢間樸一，估唔到去到已經要排隊，但服務員好好，見到我地黎到就比左點餐紙我地叫我地落住野食先，咁等左大概20分鐘左右就入得啦，個餐廳雖然地方細細但個佈置 同餐廳音樂搞到我以為我去左日本😂 咁我就揀左魚介湯底啦，應該係我第一次試魚介湯底，好味到岀乎意料之外😋，個湯底超級濃，仲有條魚干仔配料，因為佢嘅厚燒叉燒賣曬…所以就嗌左慢煮叉燒，但又估唔到超好食，每舊叉燒都超嫩滑！！！呢間拉麵算係我心目中Top 3好食嘅拉麵店，推薦各位小伙去試下👍🏻👍🏻

朋友推介旺角的拉麵店， 慕名而去， 特登避開午飯時間， 不用排隊直接入去。 環境真係有陣唔通風既味， 好快叫左一碗魚介、一碗海老魚介第一啖湯係都仲係接受到， 之後就愈食愈咸， 不斷要飲水，慢煮豚肉係好食既， 但係湯底真係偏咸食唔落去最尾。 海老湯都係一樣咸， 咸到食唔落去。

舖面雖然唔大，但食物選擇都幾多。淨係麵有博多白麵同東京黃麵揀。份量足夠，值得一試！☄️醬油慢煮梅肉叉燒拉麵（$82）醬油湯底濃味，黃麵食落爽滑。雖然當日因為厚燒叉燒售罄冇得食，但梅肉薄叉燒有3塊，食落滿足感依然十足！☄️海老慢煮梅肉叉燒拉麵（$92）海老湯底除咗滿滿嘅櫻花蝦外，仲跟咗一隻大1蝦，食落鮮味十足！配上滿滿嘅木耳，食落口感非常豐富！☄️唐揚魷魚（$38）魷魚食落炸粉同調味比例正常，冇咩特別。☄️樸一炸雞（$38）炸雞雖然得3件，但每件都幾大，兩個人分都好足夠。晚市時段開始就大排長龍，但都幾快有位。嚟開旺角嘅朋友不妨一試！