橋底辣蟹

营业中

休息中

最近瘋狂食蟹！橋底辣蟹呢個名細細個已經聽過，今次終於成功帶左屋企人去食啦！餐廳係要上一層，有種中式酒樓味道！好有氣紛！又有電視睇，真係勁岩成班人聚餐狂食呀☺️ 黎到呢到，點都要點返招牌辣蟹，初時以為蟹一隻都$480，好貴，點知原來時不時都有最近優惠，有個套餐包埋佛跳牆，甜品，菜都係$600左右。至於我就揀左蟹加魚既孖寶套餐，都只係$488，勁抵🤣講左招牌蟹先，隻蟹比我想像中大隻，我諗落左千斤蒜，一出黎香到反艇，係我一路影相一路覺得格住個mon 都知道香！隻蟹鉗勁大隻勁多肉，呢一餐我講左好多次好好味😋 一定會返轉頭食！至於條魚，係原條清蒸沙巴魚，好似就咁叫都要$200一條，但我套餐叫即刻勁抵，好似送左比我咁😹 條魚食落又好清甜，勁正😆 之後我地叫多左一個菜，係有粉絲蒜蓉辣椒炒嘅節瓜，呢個餸簡直係喜出望外，完全冇諗過咁多同咁好食，睇落成碟帶子咁😂 食落健康又美味😎最後呢間餐廳人人都會送碗紅豆沙糖水，勁大方😜 人人都食得勁開心，笑住走咁😆

經過銅鑼灣橋底附近，想食小菜，就記得喺橋底下面有好出名嘅橋底辣蟹。就同屋企人上咗去食晚餐，個餐牌有好多唔同種類嘅選擇，我哋都揀咗好耐先揀好食咩。黎得橋底辣蟹一定要叫辣蟹。辣蟹鋪滿晒炸蒜，炸蒜香脆濃郁，香味十足，聞到應該都好惹味，好想即刻食，撥開d Garlic 就係一隻大大嘅肉蟹係下面。隻肉蟹鮮味十足，啖啖肉，唔會淨係得個殼，幾好。辣味都好足夠，蒜香加埋辣味好夾。之後叫咗辣酒煮花螺，花螺冇沙，鮮味十足，係新鮮花螺。辣味都同頭先一樣好夠。之後叫咗蒜蓉蒸扇貝，扇貝好大粒而且新鮮，食扇貝最緊要就係食下面啲粉絲吸收晒新鮮嘅扇貝味道。正之後再幾多隻即炸乳鴿，乳鴿鮮嫩唔會太老，皮仲好脆最咪食埋個紅豆沙，一家人都食得好飽，下次嚟銅鑼灣會再試其他未嗌嘅嘢。

橋底辣蟹喺香港已經好多年，最近喺銅鑼灣區食晚餐，就醒起呢一間中菜館。唔好睇佢個名就以為佢淨係可以食蟹或者海鮮，其實仲有好多其他食物好值得推介。豬潤啫啫雞煲$78裏面啲豬膶真係要趁熱食，佢個熱度啱啱好，好爽口。而且裏面嘅啫啫雞煲都好入味，加上洋蔥，冬菇等等，夠晒豐富。豉椒炒蜆$88最欣賞佢係所有蜆除咗都係開口之外，豉椒香味夠入味夠新鮮之外，佢裏面啲蜆肉都係黐住個殼，真係香氣十足！鮮味砂薑雞$100半隻砂礓雞方面入味，但係唔會太咸，因為有時出面嗰啲會好鹹，濃得滯，但呢個真係算啱啱好，而且都好滑，質素有保證。生滾田雞粥$98窩生滾田雞粥原來都真係好大兜，如果有四個人分享就最好，裏面嘅田雞份量都多，最主要就係佢啱啱好熟，質感仲好滑，加埋一啲薑絲辟走D腥味，幾清新。花膠杞子燉雞湯$58如果鍾意飲燉湯，可以考慮吓呢間，個味道都好鮮甜，足料雞、兩大片花膠同埋仲有啲瘦肉，好濃郁嘅材料香味！p.s. 茶位$10一位小食$8性價比高，質素又有水準，仲有綠豆沙糖水送，值得推介！

非常正宗的味道 極力推介香港很多地方都有橋底辣蟹這道菜式 但是水準可以非常參差 有提供的我幾乎都已經全部試過 這一間就算不是最好 肯定已經是數一數二 價錢合理大眾化 交通方便 綜合所有條件 絕對值得一試

一家三口慶祝生日，叫左隻大避風塘炒蟹，可選（大/中/小）辣，我地揀左小辣都相當夠味，鑊氣十足，蟹肉夠厚身，鮮味多汁，一隻都食到好飽。另外仲叫左燉湯同幾款小菜，盤龍鱔，瀨尿蝦好食到停唔到口值得一讚係嗰晚生日一去到職員即刻問我洗唔洗雪住個蛋糕，超細心。隻蟹要時間整，職員仲送左碟餐前小食-沙薑雞腳，勁惹味！整體黎講性價比都好高，一隻大避風塘炒蟹，盤龍鱔，椒鹽瀨尿蝦，燉湯一盅埋單2000有找。成日聽人介紹呢間鋪頭，今次試完一試難忘，以後大時大節都會去食！

在灣仔屹立不倒多年的橋底辣蟹，最近好像轉了分店，跟以前比較光猛乾淨了點傳統老店的侍應比較有經驗，感覺不慌不忙點了個套餐橋底辣蟹轉 黃金炒蟹+ 蒸蟶子$438新鮮黏殻的蟹肉，加上鹹蛋黃同炒，就是黃金炒蟹！件頭頗大的蟹連蟹爪都特別大，沒什麼蟹膏但肉夠多，非常豐富！正常來說，外間$438就只能點到一隻蟹，但這邊還有蟶子！$438 還另包一份蟶子，抵！蒜蓉粉絲蒸蟶子蟶子煙韌彈牙，加上蒜蓉甜得沒話說！粉絲跟豉油跟贊上去的油香非常正點，兩大隻份量頗足，不夠吃的我們又點了另外一隻分享！燒汁官子牛仔粒$85也就是炸茄子+牛柳粒，超稔的牛柳加上外脆內軟的炸茄子，這配搭真的沒話說薑蔥魚雲煲$80肥美跟入口即溶的魚雲，而且份量很多，抵吃

今晚和兩個好朋友一起吃晚飯，我們到了位於銅鑼灣的橋底辣蟹大快朵頤。原來平時食開嗰間橋底辣蟹已搬到這個地址, 其他分舖已暫時休業.我們叫了咕嚕肉，咕嚕汁酸甜酸甜，十分吸引，咕嚕肉沒有骨，十分貼心。 .第二個叫了黃金豆腐，豆腐炸得金黃香脆，內裏十分嫩滑，灑在表皮上的椒鹽，令整體更為惹味。.第三個叫了海鮮炒烏冬，海鮮配料多，有大蝦，蟹肉和魚，烏冬味道不會過於入味，讚。 .第四個叫了鐵板黑椒茄子牛柳粒，茄子新鮮，切成小塊，方便食用，十分貼心，牛柳粒不會有筋，牛味香濃。 .我們還叫了一大枝清島，邊飲邊食，十分盡興。

放工後，和兩位密友一起到銅鑼灣逛街，順便吃一頓晚飯。我們選了中式餐館，環境十分有中國傳統特色，裝潢得十分雅致，甚有文人雅仕之風。我們叫了一個招牌炒飯，果然沒有令我們失望，炒飯炒得金黃乾身，配料十足，飯粒粒分明。第二個是椒鹽九肚魚，九肚魚炸得金黃，表皮香脆，入面剛十分鮮嫩，滑溜，令人一吃難忘。第三個是炒蜆，蜆十分新鮮，上面淋了黑椒汁，十分惹味，而且份量不少，十分抵食。第四個是西蘭花炒鮮魷，西蘭花配以蒜蓉炒，十分美味，鮮魷不過過硬，容易入口，十分夾。我們飲了普洱茶，很有到茶樓飲夜茶的感覺，甚為特別。

尋晚同家人一齊諗梗食咩既時侯，見到呢度既晚市孖寶我似幾抵食咁啵！！！孖寶套餐有好幾款不同既配搭仲有不同人數菜式既優惠套餐啵～我地最後決定要個孖寶A，另加兩碟小菜share ;)孖寶A係招牌辣蟹拼清蒸沙巴 😀😀😀一大碟辣蟹，點左微辣都已經辣勁十足！！！蟹件份量都不少呀 ～呢條魚蒸得岩岩好！！！魚肉有彈性之餘又滑溜~呢度既小菜都幾好～用上肥瘦適中既肉粒，味道酸酸甜甜咁，好開胃！！如果想食重味既蔬菜，呢碟干扁四季豆都幾正～加左欖菜肉碎既四季豆特别惹味：）最後我地仲食埋糖水添x))))

前幾晚同以前讀書既朋友食飯，有人提議過黎呢度～話呢度坐得舒服，食物夠鑊氣又唔貴，岩晒同朋友“飯聚”一番xpp開左茶之後就食住花生睇下有咩食先～辣蟹當然要叫上一份啦，另外仲點左幾個小炒菜式一齊分享 ：）辣蟹既辣度可以自行點選，由微辣至勁辣都可得揀～我地要左一份小辣既橋底辣蟹，辣蟹由辣香四散既乾蔥炸蒜掩蓋住，好不吸引呢！！！！蟹拑大大隻，蟹肉魚味又會浸出香辣味道，的確係刺激舌尖既招牌菜xpp不意外招牌菜色有水準，猜不到小炒也很有質素嘛！！！橋底小炒皇同欖菜干扁四季豆都夠晒鑊氣～兩款都炒得乾身唔油膩鼓椒炒鵝腸足料又惹味！菠蘿咕嚕肉味道酸甜，餸飯一流xpp而呢度大部分既小菜都不過百，宵夜時段更低至58蚊，真係好抵食！！！

同一班朋友聚餐梗係搵啲可以坐耐啲又唔怕嘈嘅地方啦😂朋友訂左呢間餐廳，之前我都有食過，不過唔係呢個位，原來係搬左入到去侍應好快地安排我地坐入面啲嘅位置，座位都好闊落👍🏻，侍應嘅服務都好好，時不時都會幫我地換碟惹味辣酒煮花螺個醬汁好惹味，一粒接一粒越嚟越辣，正😆豉汁炒蜆個汁好香蒜味，辣辣地好好味，啲蜆都好新鮮冇沙椒鹽九肚魚炸粉好薄，每件都好大舊啖啖肉潮式蠔餅煎得幾香，唔會濕，麵粉量較多，蠔分佈得好平均海味粉絲雜菜煲份量相當多，煲底全部都係菜，啲湯都算幾鮮味，啲粉絲索晒啲湯汁好入味黃金脆皮南瓜呢個炸粉偏厚，南瓜無咩調味蒜蓉粉絲蒸扇貝落咗超多蒜蓉同埋粉絲，個醬汁好鮮味，啲扇貝每隻都好大隻，咬落去啖啖肉👍🏻蒜蓉粉絲蒸海中蝦好好味呀呢個，啲蝦超級鮮味，隻隻都好新鮮，啲蝦肉都好爽口

呢間餐廳其實出名係食🦀嘅，但之前食過佢啲小菜都幾好食。我哋一行四人去食，大家都唔係好想食蟹，所以最後決定嗌小菜加海鮮。我哋嗌左八個餸，貪好意頭😂基本上嘢食份量都幾多同埋價錢好抵，味道又唔錯，我哋當晚最鍾意幾款海鮮！豉汁炒蜆 $88豉汁炒蜆食落辣辣地幾惹味，啲蜆又幾大粒，由於好味嘅關係加上啲蟶子賣晒，所以我哋之後再嗌多左一碟炒蜆😂蒜蓉粉絲蒸扇貝 $48/隻粉絲蒸扇貝有勁多蒜蓉！正！個扇貝好厚肉好大粒，蒸得啱啱好。加埋蒜蓉粉絲同個汁一齊食好滿足🤤蒜蓉粉絲蒸開邊蝦 $168一人一粒粉絲蒸扇貝又點夠我哋食啊😂於是我哋嗌多個蒜蓉粉絲蒸開邊蝦 ！個汁一樣好好味，啲蝦大大隻，幫你開埋邊唔使自己剝殼，啱晒我呢啲懶人😂辣酒煮花螺 $128椒鹽九肚魚 $88潮式煎蠔餅 $78黃金脆皮南瓜 $65海味粉絲什菜煲 $58成餐飯食到勁飽，侍應仲話請我地食糖水，但我哋真係食唔落啦🤣話時話啲侍應service真係幾好，成餐飯佢地幫我地換左五六次碟，勁殷勤👍🏻

今晚嚟到銅鑼灣達順晚飯，其實就係橋底辣蟹。餐廳裝修係典型中菜feel。食物款式夠多，下次嚟會試下佢哋岀名嘅蟹同海鮮。酸菜魚（$98）- 魚肉份量幾多，底下仲有粉。但係味道較淡，同平時食嘅酸菜魚有啲唔同。椒鹽鮮魷球（$98）- 呢個普通啲，魷魚唔太新鮮，亦都好厚同細舊，同炸得好乾唔refresh。魚香茄子煲（$58）- 撈飯食一流，份量多，茄子腍而入面，絕無失手。食小菜，餸嘉士伯（$29）簡直一流。最後仲有紅豆沙送～